صراع مع المرض

Tofu_19483 🇪🇬

منذ أسبوع واحد

شعور محبط

عبّر عن شعورك بشكل مجهول

مساء أو صباح الخير يا إخواااااااااااااتيييييييييييي حسب ما تقرأوا كلامي ده..
عندي خوف مش طبيعي من الأيام..خوف من الثانيه اللي جايه من كل دقيقه بتعدي من كل يوم بيعدي..خايفه من الأيام ومن غدر الدنيا ومن الأحوال اللي بتتبدل فجأه..شهر 9 الجاي ده هكون كملت سنه وأنا مكتشفه إني عندي كانسر..زي النهارده من السنه اللي فاتت كنت بخير وفرحانه بصحتي مش شايله هم حاجه ولا هم علاج ولا هم بهدله ف مستشفيات وعيادات وأستنى دوري..كنت قاعده رايقه ف البلكونه..أنا قاعده ف نفس البلكونه دلوقتي بس وأنا تعبانه وشايله هم جلسة بكره إن شاء الله والحقنه بتاعت الأسبوع الجاي ف المستشفى..زي النهارده السنه اللي فاتت كنت قاعده ف البلكونه بقرأ كتب وبشرب قهوه بمزاج رايق لا شايله هم تعبي ولا بتوجع من حاجه..فجأه لقيتني ف دوارة مرض مش عارفه أخلص منها..كل حاجه اتغيرت فجأه بدون أي سابق إنذار...خايفه من تقلب الأحوال ومن اللي الدنيا شايلاهولي..معرفش ليه بقالي ٤ سنين كده كل سنه ف شهر ٨ أو ٩ لازم تحصلي مصيبه معرفش ايه مشكلتي مع الشهرين دول أو ليه كل المصائب مبتحصليش غير ف الشهرين دول..بقالي ٤ سنين مرتاحتش
٤ سنين وأنا بعاني نفسيًا وجسديًا
بداية من الحادثه اللي عملتها ف شهر ٩ لغاية سلسلة الأمراض اللي كل شويه بتعب بسببها لحد ما وصل بيا الحال لكانسر..غير الألم النفسي اللي اتعرضتله من أقرب الناس ليا لحد ما وصل بيا الحال لاضطراب نفسي من كتر اللي شوفته
لو بتقرأوا كلامي ادعولي الشهرين دول يعدوا على خير وباقي السنه والسنين كلها من حياتي يعدوا على خير مبقيتش حمل أي وجع أو ألم تاني تعبت كتير وأنا لسه المفروض كنت ف بداية حياتي لقيتني ف حياه أكبر مني ومشاكل أكبر مني
لسه عندي ٢١ سنه وبيحصل معايا كل ده 
مش معترضه على قضاء ربنا الحمد لله على كل حال 
لكن خايفه..أمانه تدعولي إن جيت على بالكوا
شهر ٩ الجاي إن شاء الله هعمل مسح ذري تاني علشان أشوف جسمي استجاب للعلاج ولا لا وهل فيه خلايا سرطانيه ولا كله اختفى 
بالله عليكوا لو افتكرتوني ف مره متنسوش تدعولي 
أنا حياتي بقت كلها خوف وقلق بشكل لا يطاق

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Waffle_13494 🇪🇬

منذ 9 أشهر

شعور مستنزف

موضوع:

جربتم شعور الفُقدان قبل كده ؟!

جربته لما جدتي توفت وبعدها ب اسبوعين جدي توفى والاتنين كانوا قريبيين اويي مني وكنت بحبهم اوي .. وتوفوا بعض صراعات مع المرض وانا كنت جمبهم ف دا .. وكنت بشوفهم بيتعذبوا وانا بعيط جمبهم .. ومن ساعتها مبقتش نفس الحد .. اتغيرت وبقيت ضعيفه وهشه اويي وكل حاجه بتوجعني وبتأثر فيا وتعبت كتيير ومبقتش ضامنه وجو

Blueberry_73521 🇪🇬

ليه بغرق في الحزن فجأة بعد أي حدث مؤلم؟

بعد اي حدث مؤلم بقعد كام يوم مش حاسة بحاجة بل اكاد اكون سعيدة..بعدين فجأة بغرق في احزاني و بحس بكل حاجة دفعة واحدة القديم و الجديد و كل اللي عانيت منه قبل كده بيرجع بزيادة..ايه السبب؟ نفسي ابقى انسانة طبيعية بتحس بالحاجة و تزعل وتاخد وقتها و تنتهي ...عرض المزيد

0 الدعم

0 نصيحة

Mango_70785 🇪🇬

محتاج أتكلم من غير ما حد يحكم علي

أنا بجد اليومين دول حاسس إني مشتت جدًا، مش قادر أركز ولا حتى أعرف أرتب اللي جوايا. فيه كلام كتير نفسي أقوله، نفسي أفضفض، نفسي أتكلم من غير ما أفكر مين هيحكم عليّ أو مين هيقلل من اللي حاسس بيه. عارف الإحساس لما تبقى مليان كلام بس في نفس الوقت مش عارف تبدأ منين؟ تحس إن دماغك زحمة، قلبك زحمة، واللي حواليك مش فاهمين قد إيه جواك دوشة؟ أنا محتاج أتكلم، محتاج حد يسمعني من غير ما يقاطعني، من غير ما يحكم عليّ، من غير ما يقلل من وجعي. يمكن اللي عندي مش كبير عند غيري، بس عندي أنا تقيل جدًا. يمكن لو لقيت حد يسمعني هرتاح.. يمكن لو كتبت اللي جوايا هفهم نفسي أكتر. مشكلتي إني مش عارف أبدأ ولا عارف أشرح، كل اللي عارفه إني تعبت من كتر التشتت اللي جوا دماغي. لو حد حس بيا أو مر بنفس الحالة دي قبل كده، ياريت يقولي يعمل إيه.. يمكن كلمة صغيرة تغير معايا كتير. ...عرض المزيد

3 الدعم

6 نصيحة

Cheese_69538 🇪🇬

تعبت من الوجع.. عايزة الدراسة ترجع علشان أنساه

لما يوحشكم حد بتعمله أي مرة متخطياه ومرة قلبي بيوجعني وبكون مش قادرة المشكلة لسه مكلماه يوم الاربع يعني مكملتش أسبوع كل مرة زي كده أنا تعبت حاسة ده ابتلاء من ربنا عايزة الدراسة ترجع ممكن أنساه ...عرض المزيد

1 الدعم

5 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع