صدمات العشرينات

Tomato_64246 🇪🇬

منذ 18 ساعة

شعور شاعر بالملل

عبّر عن شعورك بشكل مجهول

طيب الناس بتوع العشرينات تركز معايا مبدايا انا ثيرابست 
بص يابنى انت وهى هحاول الخص قدر المستطاع عشان كلام مهم ينفع للكل 
انتوا داخلين ببرائتكوا بقيمكوا ب اخلاقكم الجميلة 
ب احاسيسكم شديدة الحساسية اللى محتاجة تقدير دايما
وفجأة تتصدموا بالواقع اللى مليان صدمات 
وحاجات توجع القلب وحاجات تزود الاوفرثنكنج والبانيك 
اللى اتصدم ف صاحبه واللى اتصدم ف معاملة الناس ف الشغل واللى اتصدم ف الناس عموماً 
دى مش صدمات على قد ماهى حاجات مؤلمة بتشكل شخصيتك وبتزود وعيك وخبرتك 
طيب أثناء الرحلة دى اللى بتدفع تمنها شوية ألم على صدمات على تلج بيسيح حواليك كان مجمدك 
كام حاجة أساسية تحافظ عليهم عشان تحافظ على البنى ادم اللى جواك ومتتحولش لزومبى او لنسخة اسوأ منك وسط كل هذا العبث اللى بتشوفه ولسه هتشوف 
اولا تبقى واعى ب اهمية الحاجات دى وانها اكتر حاجة لازم تحافظ عليها عشان تعيش بنى ادم ومتضعفش ولا تخسر نفسك 
...............
الفطرة السليمة ازاى الراجل راجل والبنت بنت
منلعبش ف الإعدادات 
الدين السليم لو ضعاف ايمانيا نقوى ولا اقويا نزود او نحافظ 
القيم النضيفة اللى اتربيت عليها والمبادئ اللى عندنا 
الجوهرة اللى جوانا اللى بنفتخر بيها وهى سبب كوننا بنى ادمين كويسين مش هنخسرها عشان شوية عبث ف الواقع او شوية صعوبة ف الدنيا 
لا نحميها كويس ونحافظ عليها 
..........
حاولت الخص على قد ماقدر خلوا بالكوا من نفسكم واحموا نفسكوا والوجع والصدمات هتقويك اكتر وتخليك نسخة معمولها ابديت جلدها تخين قادرة على تحمل الصعاب  عشان تحافظ على نفسك مش عشان تخسرها وتبوظها ولا عشان تستسلم للوجع والألم ده وتضيع 
فاهمين حاجة ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_21815 🇪🇬

ليه الدنيا مش سهله وكلنا أحلي بشعرنا وبلبسنا؟

جماعه احنا ليه مش عادي ننزل بشعرنا و نلبس ضيق و قصير و فساتين مفتوحه و نفرد شعرنا ليه مكانتش الشهوه اللي عند الرجاله قليله عشان نقدر نعمل كدا ليه مكانتش الدنيا مفتوحه و نعجب و نحب و نكلم و نعيش قصص حب جميله و نعمل علاقات ليه الدنيا مش سهله دي حاجه انا كنت بتمناها لكن للاسف الناس اللي احنا عايشين معاهم هيعتبرونا سلعه و اداه تسليه و ترفيه و الدين محافظ علينا من كل ده بس ليه احنا كلنا احلي بشعرنا و بلبسنا ليه مينفعش ابقي معجبه بواحد نحب بعض بكل حريه حاسه اني مكتئبه ...عرض المزيد

3 الدعم

29 نصيحة

Tofu_77801 🇪🇬

مش مبسوطة مع جوزى.. هل الطلاق هو الحل؟

انا جوزى حد كويس هو بيقدرنى وبيحترمنى وانا كذالك .. احنا بقالنا اربع سنين متجوزين وفى عشرة كبيرة ما بينا ونوعا ما الدنيا بينا متستقرة ولكن المشكلة انى مش مبسوطة معاه .. ومش بحس ان فيه مشاعر ما بينا يعنى احنا بنعامل بعض كويس وخلاص.. وحياتنا روتينية قاتلة .. ومفيش اى تجديد فيها ..حاولت كتير الاقى حل .. واتكلمت معاه ولكن كل مرة بنرجع لصفر وحاسة انى مش لاقية نفسى معاه وانه غير شخصيتى للطريقة اللى تناسب حياتة ولكن دة مع الوقت بدا يتعبنى ..هل ممكن يكون الحل فى الطلاق؟ ...عرض المزيد

1 الدعم

22 نصيحة

Mushroom_83350 🇪🇬

إزاي نعيش في عالم مقزز كده؟!

كدة هنضيع يعنى الآب ده مفيش حد حقيقى اصلا كله كلام خارج و اباحى ديه عقلية الشباب ولا ايه!!! انا عمرى شفت كدة والله مقولتش بدور على دكتور نفسانى ولا شيخ أو شيخة بس المستوى هنا بشع و مفيش حوار محترم متحضر حصل بينى و بين حد حتى البنات صدموني كل تفكيرهم كدة طيب الناس الى زيى يقفلوا على نفسهم طول العمر مفيش اونلاين بسبب ناس تفكيرها كدة!! مفيش حوار و يبقى ليا دعوة بحد عالم مقزز و بشع لأبعد حد إزاى الى بيتكلموا دول هيبقوا أب أو أم أو يبقوا فى مجال عمل يعنى إزاى دول يبقوا وسط مجتمع و أطفال و صحاب و عيلة إزاى ...عرض المزيد

6 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع