صداقة متوترة

Pumpkin_56872 🇪🇬

منذ 8 ساعات

شعور مرتبك

حاسه اني مخنوقه اوووي بقا اشوف صحبتي انهارده ونعمل نفسنا مش شايفين بعض ولا عيني تاجي في عيونها واعمل نفسي مش واخده بالي هي مكنتش كويسه معايا وانت بردو منكرش اني كنت مؤذيه ليها في كلامي لكن هي كان بتخلق فيا بت مش كويسه دي مش مشكلتنا اخر نقاش بينا قالتلي والله انا ندمانه اني عرفت قالتلي اوعي تبعتي ليا

Blueberry_52379 🇪🇬

منذ يومين

شعور مرتبك

عايزه اخد رأيكم في حاجه من ٣ اسابيع كان عيد ميلاد صاحبتي وجبتلها هدية عشان افرحها وحطيت مجهود يعني ولما جيت بديها الهدية حسيت رد فعلها بارد وبتسلك الموقف وخلاص واحنا اصلا دايما بينا مشاكل وكنت كلمتها من حوالي شهر عشان أصلح الأمور بينا وانا كنت باقيه عليها ونويت ان دي اخر فرصه ليها لاني تعبت ف بعد رد

Durian_54507 🇪🇬 لو ردت الهدية شكرًا وخلاص وافرحي وخديها في احتمال اصلًا متردهاش ولو حصل اتعاملي كذلك ان مفيش حاجه الدنيا بسيطة عامةً فكل الحالات سواء ردت او لا هندلي الموقف من ثم اتعاملي على انها مجرد زميلة وخلاص والدنيا بسيطه

عرض الكل 2 نصيحة

Blueberry_57267 🇪🇬

منذ 5 أيام

شعور مكتئب

Pistachio_56152 🇪🇬 اكيد خلاص الكلام الي عندو خلص ومفيش جديد ومفيش ارتباط ولا اي خطوه في العلاقه دي

عرض الكل 7 نصيحة

عبّر عن شعورك بشكل مجهول

🦋
زميلي في الجامعه فضلت اخر سنتين في الجامعه بشوفه من بعيد واخر سنة في آخر يوم امتحان اتكلمنا ومن وقتها وابتدت صداقتنا كنت شايفاها صداقة كويسة و بعدين هو بدأ يلمح تلميحات صريحة انه مهتم بيا و معجب وانا كنت بعمل نفسي مش فاهمه لانه مجاش دايركت عدت شهور و لاني مليش صحاب حرفيا ف انا اتعلقت بالعلاقة الصداقة دي بس هو بدأ يبعد تدريجي من غير سبب و يتأخر في الكلام بعد ما كنا ٢٤ س بنتكلم يقولي نسي يرد و متجاهل ولما اوجهه بالتجاهل دا يقولي اصل مشغول اصل نسيت وحجج دايما موجودة بعكس بداية علاقتنا و حاجات كدا مش طبيعية المهم انا عاملته بالمثل ف ابتدت علاقتنا تتوتر وهو اللي يضايق جه عاتبني و عاتبته و بعدها رجعنا اتكلمنا لكن بطريقة ما هو عرف اني معجبة بيه ف ابدي رفضه ليا ولكن بطريقة انه العيب مش فيكي دا فيا واذا كنت لطيف معاكي و قريب و معاملتي ليكي دي ف عشان انتي غالية عليا مش اكتر  والحوارات دي وانا مش عيلة صغيرة عشان معرفش افرق بين تصرفات المعزة و الغلاوة و الاعجاب و الاهتمام و التلميحات الصريحة فقطعت و لما قطعت كلام هو اتضايق وعايز ان احنا نفضل زي ما احنا مفيش حاجه تتغير اللي هو يعني الحب دا بلاش يبقي موجود بينا بس هو اللي مش قد كلمته هو اللي بيبعد و بيغيب 
العلاقة متوترة هو بيرد كل فين و فين و هو بيحب يسيب الدنيا عايمة ميحطش النقط ع الحروف  وانا  مش عارفه اتأقلم مع الوضع دا
انا شخصية عندها تروما عالية و تراست ايشوز و الحاجه الوحيدة اللي حاولت اديها فرصة حصل معايا كدا 
انا مش فاهمه حاجه و كل ما اتكلم معاه و اشوف ماسدج قلبي يوجعني واحس اني عايزة اعيط مع اني محبتهوش هو شخص أعجبت بيه وخلاص 
و من ساعتها و انا حاسة اني تايهه 
و دايما يقولي الأحسن انك تكوني لوحدك دا اريح 
بس مش انا الشخص اللي بحب اكون لوحدي للأبد 
ولما انا مش في دماغه او حساباته ومجرد صديقة ليه كان بيتصرف معايا في الأول كدا بيجيلي فلاش باك كتير للمواقف و كلام واقول لا ماهو مستحيل يحصل كدا ودلوقتي يتقال كدا 
بقول اني مش عايزة اخسره كصديق بس في نفس الوقت مجرد كلامي معاه بيخليني زعلانه وصعبان عليا نفسي معرفش ليه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_33855 🇪🇬

منذ 7 أشهر

شعور مرتبك

عبّر عن شعورك بشكل مجهول

يلااانننا اننتنارفه فراش  اهيل اهيلقماعه انا اول مره اتكلم هنا حابه حد يسمعني وينصحني هو ممكن الموضوع يكون تافهه لبعض منكم بس هو فارقلي اوي انا عندي صحبتي انا وهي من زمان اوي مع بعض بحبها وبتحبني جدا مشكله صحبتي انها عصبيه جدا ودي حاجه بتدايقني هي حاولت تغير من نفسها كتير اوي بجد لعند ماقدرت تغير جزء من شخصيتها المهم كنت ف مره عندها ف البيت عشان كنا رايحيين درس للعلم انا ف تانيه ثانوي المهم حصلت مشكله وشديت اناوهي بسبب اننا اتخرنا وهي فصلت تزعق اوي وانا كمان زعقت عشان كنت جايبه اخري المهم ان انا سكت وهي مش عايزه تسكت قولتلها احترمي اننا ف بيتك واسكتي برودو مسكتتش عارفه ان لو واحده ف مكاني كان مشيت من البيت بس انا خفت عشانا عملت حساب اننا ممكن نخسر بعض وهي معملتش المهم روحنا ادرس وانا مكلمتهاش خالص واحنا مروحين جت تصالحني بانها تضحكلي وتقولي انتي عارفه اننا عصبيه قولتلها ابعدي عني كنت متضايقه جدا فضلنا نتكلم وشدينا تاني بدل مانحل المهم اننا كلمتها بعدها بس بالقطاره دا يومها وهي لحد دلوقتي متكلمتش مغايا بقينا بننزل سوا وكاننا خرس حاولت كذا مره اكلمها ترد ع قد السؤال حسيت انها تعبانه هي كل فتره بيجيلها تعب ف رجليها انعا بتفضل ترتعش واوقات مبتقدرش تقف عليهافنا مش  عارفه اتنازل انا واكلمها ولا اعمل ايي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_21552 🇪🇬

منذ 9 أشهر

شعور محبط

Sugar_21531 🇪🇬 بصي الرجاله بتزهق فحوار النكد والقفش علي الحاجات البسيطه وهو لو استحملك مره واتنبن وتلاته هييجي الوقت ومش هيستحملك فيه ف انا برجح ان انتي متزعليش علي الحاجات التافهه اه احنا ك بنات ممكن تكون الحاجه بالنسبه لينا مش تافهه بس الراجل لو الامر كبير يبقي مش تافه ف خفي زعل شويه علي الامور البسيطه بحيث العلاقه تفضل فتره ماشيه كويس مفيش زعل وانتي بعدها هترتاحي وفي حوار فقدان حد عزيز ممكن انتي بتعاني من مش

عرض الكل 11 نصيحة

عبّر عن شعورك بشكل مجهول

انا عندي صديق عرفته لينا سنة و 8 شهور 
وانا وهو حرفيا مجرد اصدقاء وبس وبصراحة هو غالي عليا جدا 
بيعاملني كويس ومحدش فينا تجاوز حدود الصداقة ومحدش فينا قادر يدخل ف ريليشن شيب دلوقتي …
المهم انه حصل بينا تتش صغير كدا وع غير العادة منه ومني ان حد فينا يدخل يتكلم او يصلح حاجة..مع العلم انه ف اغلب الوقت شايف اني بزعل ع حاجات صغيرة جدا ومحدش يزعل عليه وبرغم كدا كان بردو ف اغلب الوقت بيدخل هو ينكش الدنيا وعادي ويعتذر وتمشي تمام ..بس ف نفس الوقت انا بردو لو عملت حاجة ضايقته مش بسيبه غير لما يتراضي ..
اه انا بردو في كذا مرة كنت بزعل فيها وبكون مضغوطة ومش طايقة نفسي اقوم قافلة كل الابليكيشنز وهو يقلق فا يرن عليا ويعتذر ويطمن وهكذا ..مع العلم بردو انه شخصيته مش كدا خالص مع اي حد ..
المهم اخر تتش حصل كان هو زعلني وكدا ومحدش فينا دخل كلم التاني لمدة تقريبا اسبوع 
ودا ع الغير العادي بتاعنا حرفيا بجد واستغربت ردة فعله المرة دي وكنت بشوفه بيفتح يلعب ببجي ولا اكننا مش بنتكلم
فا قمت اتكلمت انا وكسرت السكوت دا بس هو كان متغير معايا جامد اوووي بيعاملني ببرود جدا وهو مش بيعاملني بالطريقة دي غير لما يكون زعلان مني او مخنوق
وفضلت اتكلم انا وهو يرد بس واقوله مالك وبتاع ويقولي انا كويس ومفيش اي حاجة 
قمت انا قيلاله انا خلاص مبقتش زعلانة وحصل خير وبتاع قام قايل حصل خير بس هو قال كدا تسليك مش اكتر 
قمت بعدها فاض بيا عشان انا مبحبش اكلم حد ويكلمني بالاسلوب دا خالص قمت رانة عليه مالك وبتاع ف الاخر عرفت انه اتخنق مش زعلي ع الحاجات التافهة اللي بزعل عليها وبعمل عليها حوار واتخنق انه كل م ازعل اقوم قافلة كل حاجة وهو يكلمني ويعتذر وكدا وانا عايز يريح دماغه 
بعدها فضلت اقوله طيب حصل خير ي سيدي وانا كدا كدا عرفت هتعامل ازاي ومترميش عشرتنا ورا ضهرك وبتاع وصافية لبن حليب ي قشطة
بس انا عارفة انه بيعمل كدا تسليك 
المهم بعدها انا تعبت جامد ودخلت المستشفي لاني عندي مشاكل ف المعدة م زمان وهو عارف كدا 
فا لما عرف رجع واهتم تاني وبقي يسأل عليا كل يوم ودا اساسا العادي بتاعه لما بتعب او بختفي 
وبقينا بنتلكم كويس بس حاسة ان جوايا فجوة م نحيته جامدة اوووووي وحاسة اني اتجرحت جامد لما عرفت اني بخنقه بزعلي وحسيت نفسي تقيلة حرفيا وانا اساسا بعاني م الحتة ف حياتي اني اكون تقيلة ع الناس فا ما بالك ب صديقي 
فااا انا حاسة بعد الزعلة الاخيره دي مش عارفة ارجعه جوايا زي الاول وحاسة ان ثقتي فيه اتهزت ومش هاين عليا العشرة والذكريات اللي ما بينا لانه انا حرفيا مدخلتش حياتي حد قبله وكان هو اول صديق ليها حقيقي ومش قادرة ع الفراق عموما عشان انا فارقت حد عزيز عليا م اهلي والموت اخده مني فا بقيت لما احس انه حد بيفارقني حرفيا بنهار وبدخل ف نفس الحالة اللي دخلتها وقت موت الشخص العزيز عليا
فاااا مش عارفة اعمل اي بجد وكرامتي ناقحة علياا المرادي ومش عايزة اتلزق

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع