شبكة

Mango_52555 🇺🇸

منذ شهرين

شعور مكسور القلب

Pistachio_56152 🇪🇬 انا شايف انه باباكي مغلطش وانتي لسه في بيت ابوكي الاصول بتقول هو الي يحدد ترجعو الساعه كام ... وليه خطيبك يدخل امه اصلا ؟

عرض الكل 1 نصيحة

عبّر عن شعورك بشكل مجهول

في العيد الصغير خرجت مع خطيبي ومامته واخته وجوز اخته ورجعنا متأخر شوية ف بابا اتصل عليا وعلي خطيبي واتضايق جدا وقفلنا راحت مامة خطيبي اتصلت علي ماما وقعدت تزعق وهي بتقولها والله ماهيخروجوا مع بعض تاني الا لما تكون مراته ف ماما قالتلها طيب خدي بقي قولي لباباها الكلام ده راحت مكلمه بابا وبتقوله مش أصول تسألها عن الساعة وهي معايا وانت مش واثق فينا وكلام من ده راح بابا قالها مش انتي اللي هتعرفيني الأصول غير طبعا انها قعدت تزعق طول الطريق وانا راكبه معاهم ف العربيه وترمي كلام وحصلت مشكلة والخطوبة اتفركشت وبابايا ساعة الشبكة خطيبي كان جايبلي ب ٦٠ الف وبابا حط عليهم ٢٥ الف ف لما جينا نفركش بابا قالهم ادوني ال ٢٥ الف بتوعي ومش عايز زيادة لان الدهب ساعتها كان غلي ٧ الاف قالوا لا احنا هناخد فلوس بدل الدهب وكانوا عايزين ياخدوا الزيادة ف الفلوس بابا قالهم لا هما ٦٠ الف ي اما تاخدوا الدهب المهم خدوا الفلوس ف الآخر وبعدين  رجعنا لبعض  تاني كنا احنا بيعنا الشبكة ف خطيبي كلم بابا قاله انت هتحط ف فلوس الشبكة الزيادة ال ٧ الاف ف بابا استغرب لأنهم ف الاول طلبوا فلوس ومن كرمه قاله هحط ١٠الاف مش ٧ بس وبعدين حصل موقف تاني مابين ابو خطيبي وبابا بسبب الاتفاقات وراح ابو خطيبي قال لبابا ف نص الكلام انا مش عايز اتعامل معاك من اصله راح بابا قاله وانا مش عايز اعرفك تاني اصلا وابو خطيبي بيقولي اية رأيك نجيب عربية بدل الفرح راح بابا قاله مش موافق مع ان بابا هيدفع نص الفرح اصلا راح الراجل قايله وانت مالك انا بسألها هي ويقولي لو ابوكي سبب المشاكل نعزله لو انا سبب المشاكل يتقطع خبري واتسجن وعمال يقول كلام اهبل وعشان بابا وخطيبي قبل كدا حصل مابينهم كلام ان بابا بينصحه يشتغل علي نفسه اكتر لانه بيقول انه شغال مع ابوه ف شركة وهما اصلا الشركة دي ملهاش مقر وخطيبي مبينزلش شغل كل يوم هو مهندس مدني ومخلص ماجستير وبيحضر دكتوراه وابوه بيديله مرتب ١٥ الف ف الشهر  ف بيقوله لازم تشتغل علي نفسك  وتفتح مكتب وكدا ف ابوه جاي يقول لبابا انت ملكش دعوه هو يشتغل ميشتغلش هو ليه مرتب كل شهر بديهوله وخلاص وملكش دعوة بشركتنا ولا شغلنا ده غير ان بابا اول لما خطيبي اتقدملي قال انه مقدم علي شقه اسكان اجتماعي وقال هو واخدها استثمار مقالش هنقعد فيها وقال هناخد شقه ايجار قريبه من شغلي وبابا وافق بعد كدا غير كلامه وقال لا هنقعد ف شقة الاسكان وبابا رفض لاني مستوايا الاجتماعي عالي ومكانش ده الاتفاق من البداية وبعدين وهو بيختار شقه ايجار قال هيختار شقه قريبه من شغلي عشان لو بعيده قالي هو مش هيقدر علي فلوس التاكسيات وقالي احطها كوست علي الشغل بتاعي انا بشتغل دكتوره وعندي البيزنس بتاعي ومستحيل طبعا اسيب شغلي وبعدين اهله اقترحوا شقق إيجار حلوه ف مكان كدا لكن بيقولوا لبابا انت توديها وتجيبها راح بابا قالهم انا مش مجبر راح ابو خطيبي بيقول لبابا مانت كنت هتحطلهم ١٢ الف جنية مقدم شقة لأن كان في شقه ايجار ب٧٠٠٠ جميلة وخطيبي كان آخره ٦٠٠٠ الاف ف بابا قاله انا هحط الالف جنية الزيادة دي واعتبرها سلفه ومش عايزها وابقي ردها لما ربنا يكرمك وخطيبي وافق بالعافية بصراحة مكانش عايز كدا ولكن بعد كلام ابوه ده كله خطيبي جيه اعتذر لبابا وهو اصلا مش مغلط ابوه اللي هو شايف ان بابا كمان رد عليه يبقي مفيش حد غلطان وبعدين بابا قرر يفشكل الخطوبة تاني لانه بيقولي لما ف الخطوبة بيتعاملوا كدا اومال بعد الجواز هيعملوا اية جينا بعد كدا بابا قالهم كل شيء قسمة ونصيب وطلبوا الدهب المرادي وبابا المفروض كانوا يرجعولوا ال ١٠ الاف رجعولوا ٣ الاف بس ع اساس ام ده حقهم من المرة الاولي هل ده عدل ؟؟ ف بابا لما اخو خطيبي جية ياخد الشبكه راح قاله انه هيصوره وهو بياخدها عشان هما بيقلبوا الحقايق وبيغيروا ف الكلام ف ده ضمان يعني وهما اعتبروها اهانه  .. إحنا بقالنا شهر سايبين بعض لكن هموت والله وتعبانة اوي لاني بحبه اوي ومتعلقه بيه وهو كمان بيحبني وكان متعلق بيا وكنا كويسين مع بعض جدا وانا صعب احب حد ولكن حبيته هو الوحيد لكن هو بعد خلاص ومبقاش عايز يرجع بعد م كان عايز يرجع بس بشرط ان بابا يكلم ابوه وطبعا بابا مستحيل يعمل كدا ودلوقتي مبقاش عايز يرجع ولا يكمل وبعد عني خالص وعملي بلوكات وواخد الموضوع كرامة وأننا مش كويسين وانهم اتهانوا خصوصا لما جم يصلحوا اول مرة امهم جت وقعدت تعيط واعتذرت ف بيقولي الموضوع ده كسره وغير صورة البروفايل بتاعته بتاعة فيسبوك بعد مفركشنا بأسبوعين وصحابه عمالين يقولوله اخويا العريس والعريس المنتظر وبيرد عليهم يقولهم دعواتكم ربنا يتمم بخير والنهارده ضعفت وكلمته مردش عليا وحطني بلاك ليست وعملي بلوكات من كل مكان قولولي اعمل اية انا اسفه ع. الاطالة بس حقيقي قلبي مكسور خصوصا ان فرحنا كان المفروض بعد العيد الكبير

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_20362 🇪🇬

منذ 11 شهرًا

شعور قلق

السلام عليكم و رحمة الله و بركاته هل لو عملت لشخص ربط بالوادي فاي يعني أنا فاتحه واي فاي و هو عايز يوصل مني لأن الواي فاي باسورد مدخلش ع فونه فعمل ربط واي فاي من عندي و فتح عنده و دخل باسورد التليفون بتاعي اللي بيكون جاي بيه لو حد عايز يوصل منك هل يعرف من كده يهكر تليفوني و يعرف كل حاجه على تليفون

Marshmallow_69067 🇪🇬

ليه التأخر دا؟ يمكن انت محتاج وقت تكون مستعد

يمكن الحاجة الى بتتمناها او نفسك فيها كانت هتحصل خلاص في اللحظة الى انت قررت تبطل تتمناها، يمكن كل التأخر دا كان هو الوقت الى انت محتاجه بالظبط عشان تكون مستعد للحاجة الى بتتمناها، يمكن الموضوع كان محتاج منك شوية مجهود زيادة شوية يقين زيادة،تعبت؟؟ الوقت طال او حاسس إن مفيش أمل انك لوحدك ومحدش فاهمك، كلمت ربنا كلمته كتير دعيت كتير و بطلت ورجعت تدعى وبطلت، تعرف ان كل دا مكتوب؟؟ كل دا كان لازم يحصل هو دا بالظبط السيناريو بتاع قصتك، عارف كمان بحس بايه إن كل قصة متأخرة هى قصة مميزة اتبذل فيها مجهود ووقت أطول عارف إحنا محتاجين نحاول لحد اخر يوم في عمرنا وإلا هنتحاسب أصلا احنا جايين الدنيا نحاول مش مسؤلين عن النتيجة، بس انا نفسي أفرح وانت نفسك تفرح نفسنا نلمس جبر الله بإيدينا ونشوفه بعنينا ربنا أكيد مغرقنا نعم لكن فيه حاجة معينة نفسك فيها وكل م بتدعى رغبتك بتزيد، خلاص يبقى متبطلش دعاء واخذ بالاسباب يمكن فاضل محاولة واحدة كمان ودعوة بصدق مرة كمان وبعدها ربنا يحققلك معجزتك 🩷 "وألقيت عليك محبة مني ولتصنع على عيني* ...عرض المزيد

0 الدعم

0 نصيحة

Apple_57991 🇪🇬

زهقت من الوحده وحداني في عيد ميلادي

ذهب الذين احبهم وبقيت مثل السيف فردا كنت مقضيها مع كل واحده شويه كله بغرض التسليه وهما بيكونو عارفين كده ولما تبت وجه عيد ميلادي النهارده بقيت مستني معاد الشغل عشان انزل وكأنه يوم عادي مافيش حد حتي من اهلي هناني ولا اي كلمه حلوه فيه ايه ارجع للسكه تاني والله انا زهقت من الوحده ...عرض المزيد

0 الدعم

0 نصيحة

Cherry_40633 🇪🇬

ايه يخلي شاب وسيم يخطب ٣ مرات وميكملش؟

عندي سوال بجد، ايه يخلي شاب ماشاءالله وسيم، وبيشتغل شغلانه توب التوب يعني اي حد يتمناها، يخطب ٣ مرات والتلاته ميكملوش؟ هو ف كل مره يقول ان بسسس خلللاصصص هي دييي ، ويدي كل مشاعرو وطاقته والموضوع مش بيكمل برضو يعني انت كشاب دلوقتي ايه ممكن يخليك تقول ان ايوه هي دي ال هخطبها؟ اكيد مش الحب بس او اصلا انت عرفت ازاي انك حبيت الشخص ال قدامك وعايز تخطبه وتكمل معاه حياتك؟ اصل لو انت حسيت ب دا اول مره وكان حب حقيقي هيبقي صعب اوي تحسه تاني وتالت مره بعدها علطول كده؟ صح؟ بجد عايزه رد مقنع ومحدش يقولي احب تلاته واربعه ف نفس الوقت والكلام دا.. لان هو بيخطب ويبقي ناوي جواز مش ال هو يلا يومين ارتبط وبعدين اقلب بجد السوال دا متوقف عليه حاجه كبيره اوي ف حياتي ، ( للعلم انا بنت ) ...عرض المزيد

2 الدعم

6 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع