سمعة

Tomato_56458 🇪🇬

منذ يومين

شعور مرتبك

عبّر عن شعورك بشكل مجهول

كان عندى لينك صراحة وانا فى ثانوى انا خاليا ٣ جامعة  اللينك دا على مدار سنتين كان بيتبعت عليه ماسدجات تشجيع وكلام حلو من حد ولد انا مكنتش اعرف هو مين بس كنت حابة ااكلام واتعلقت بيه بعدين هو قال هو مين وانا كنت معجبة بالولد دا من ايام طفولتى فاتبسطت بس مسحت لينك صراحة بعد فترة فهو بعت عليه لما شاف انى مسحته قال انه محترمنى وكدا ومش هيبعت تانى لما خلصنا ثانوى كان فى بنت صاحبتى تعرف عنى كل حاجة وتعرف انه بيبعت وكدا وكنت بوريها الكلام والبنت دى انا بعدت عنها بسبب مشاكل كتير مبينا فى تالتة ثانوى  مبعدتش تماما بس خدت جمب وكلمتها وقت النتيجة وقفت جمبها وبعد فترة دخلت كلمتنى تحاول تصفى الدنيا بس انا كنت اتأذيت جامد وخلاص كدا وقفلنا باحترام او انا قفلت باحترام كان كلامنا غريب ومن بعدها متكلمناش تانى لحد دلوقت 
بس لما كان فى مشاكل بينى وبينها فى ثانوى كان فى كلام بيتبعت على صراحة انه انا وحشة وكدا وحد متحيز ليها 
ولما اخد جمب واحاول اتعامل مع ناس تانية الاقى كلام يحسسني انى كدا ندلة وسبتها لوحدها وكدا  ولما كنا انا وهيا سوا كنت بوريها الكلام دا وتقولى  مش انا اللى باعتاه اللى هو بنبرة انا مالى 
هيا لحد اخر لحظة لما حاولت تصلح الأمور كانت محافظة على وجه انها بتحبنى بس مقالتش بشكل صريح عاوزين نرجع يعنى كان كله كلام من تحت لتحت 
وانا قلت الناس فترات وخير ودعيتلها وربنا يوفقك وكدا وقفلت فى الاجازة بين الثانوى والكلية الولد دا اللى المفروض كان بيبعت على صراحة كلمنى ووقتها حكتله كلام صراحة دا وقالى والله مبعت حاجة وهو ملوش مصلحة يكدب وحكالى شوية حاجات تانية لما قلتله تفاصيل الكلام على صراحة وورتله الكلام قالى انه وصله كلام انه البنت دى كانت معجبة بيه وحاجات كدا 
وهو بيكلمنى يعنى حاول يبين انه فعلا كان معجب بيا وبتاع ايام المدرسة وحاول نتكلم اكتر بس انا قفلت السكة دى من الصدمة وفى نفس اليوم اللى كلمنى قفلنا بس فهمت منه بس شوية حاجات وانه فعلا مبعتش حاجة على مدار سنتين كان فى حد بيبعت باسمه ويقول مواقف وحاجات فى الدروس 
انا الحمد لله حد شاطر ورغم كل الحورات دى دخلت كلية طب وبدأت شغل جمب الكلية فى الرسم من سنة تانية وكدا فاا من ساعة ما النتيجة ظهرت ولحد يومنا دا 
بلاقى كلام مش كويس على صراحة يعنى زي كل دا ومذاكرتيش اومال لو كنتى ذاكرتي كنتى عملتى اي 
لانى فى شهور غبتها من الدروس وتعبت بسبب علاقتى بصاحبتى دى الموضوع وصل انى كنت بعيط فى الشارع فهو يقصد انى مذاكرتش على دا 
بعدين واحدة واحدة لما تحصل حاجة كويسة وانزل رسمة او أعلن عن شغلى يعنى كلام زي مهما عملتى مش هتبقى زيها وهيا احسن منك على الاقل التاس بتحبها وحاجات كدا  وتعليق على رسمة انها شبه حد اذانى 
وهيا الوحيدة اللى كانت تعرف انا اتأذيت من الشخص دا ازاي 
 يعنى فى مرة من كتر ما انا متعودة قصدت انزل رسمة عالفيس وفاتحة لينك صراحة بعدها بدقيقة لقيت الماسدج مبعوتة يعنى كنت متوقعة 
كلام زي تتجاب سيرتكو انتى وهيا فيتقال غليك مصاحبة فلان وهيا يتقال عليها محترمة وبتاع 
يعنى كله كلام مقارنات وتقليل منى وانى ظالمة وانى اذتها مع انه والله انا بس بعدت باحترام بعد شهور من الزعل ومحاولة تصليح مشاعرى وعلاقتى بيها 
يعنى عمرى ما اهتميت اعرف حاجة عنها ولا ترصدت على مدار السنتين دول ولا كلمتها ولا شفت رقمها ولا اكونتها كل حاجة ممسوحة من اول يوم قررت ابعد وانا كدا 
انا مدايقة انه فى حد بيحاول يشوه صورتى قدام نفسى 
انا بدعى ربنا مكنش حد مؤذى
ومدايقة انى انخدعت فى ثانوى على مدار سنين يعنى ليه حد ينتحل شخصية ولد ويقول انه معجب بيا واشمعنا الولد دا بالذات اللى فعلا كان فى مشاعر ناحيته وأعتقد هو قالى انه هو كمان 
يعنى حاسة انى كنت فى مسرحية كبيرة حد بيلعب بيا وانا محستش بل ولسة معرفش اي الحقيقة فعلا 
ولسة حد بيحاول يأذينى لحد دلوقت 
انا مسحت اللينك ومش بفتحه من شهور عشان مأذيش نفسى بس رغم انى مسحاه اللى بيبعت محتفظ بيه ولسة بيبعت وانا مبقتش افتح 
بس بالله حد يقولى اي دا وليه حد ممكن يفضل حاقد كدا طول سنتين واي الىى مريت بيه دا 
انا اتعلمت من كل دا كتير بس عمرى ما فهمت حقيقة إللى  حصل ودا مخلينى مش عارفة اقفل للصفحة تماما

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tomato_56334 🇪🇬

منذ 6 أيام

شعور مكتئب

انا عندي خوف دائم على سمعتي انا طول عمري عمر ما حد قال في حقي حاجه وحشة عمر ما مشيت مع حد و لا اتكلمت ولا ليا في الكلام ده بقيت بخاف اقول كلمة تتفهم غلط يطلع عليا كلام حبيت واحد من الشغل فكلمته وكنت اول مرة اعمل ده اصلا بس مطولتش واكتشفت انه مش كويس وقطعت تماما معاه فبقيت خايفة على سمعتي اضعاف ان ح

French Fries_54548 🇪🇬

منذ أسبوعين

شعور قلق

Popcorn_52587 🇪🇬 الخوف من المجهول في العلاقات شيء طبيعي، لكن الأساس هو الصراحة والثقة بين الطرفين. الماضي مش دايماً بيعكس المستقبل، والمهم إن الشخص يكون صادق وناضج في اختياراته. ركز على التفاهم بدل الشك، وخلي قراراتك مبنية على الوضوح والاحترام المتبادل. 🌿

عرض الكل 17 نصيحة

عبّر عن شعورك بشكل مجهول

ملحوظه كنت هموت افهمه في سنت ٢٠١٩لحد دلوقت مش فهمه لي كل ماقول لحد عاوز احب يقولي خش باب من بابو معان متيجي ندور عل سباب ان مخشيش الخوف الخوف من اللي بتشوفو في شارع تكون انت الضحيه المرادي خلينا نتكلم بي العقل واحد رايح تقدم معرفش حاجه عنها كا العاده في مصر يقولك اسأل عليها محدش يعلم بي افعال ناس اخش باب من بابو ايه ضمني ان اللي هتكون ام العيال متكون كنت بتاعت لايفات متكونش كنت بترقص في تيك توك اي ضمني إنها كنت في عزابيه معاه واحد في مسامه الجواز اي ضمني مكنتش بتاعت صوره من صباعي رجلي بي ٥٠ تبيع نفسها لي اجل جنهين بس كل ده بيعمل بغيب الأهل بس الأهل لم تعرف ان في حد بيحب بنتهم هي بتحبو يحصل الف نصيبه بس يتخدعو سمعتهم تبقا في الأرض عادي ممكن لو الأهل سمعو لعيالهم مكنتش بنت توصل في يوم تبيع نفسها بنت مش هتظلم نفسها بس لا هتظلم نفسها انه أبوه أخواته اللي هيشيل اليله اللي هيخبط عل باب هو هيكون العريس القرني اللي شال شيله مش بتاعتو بلاش كلامت لو عاوز حد خبطت عل باب عل طول علشان انت متعرفش في ايه وراه باب انت مش ساحر علشان تعلم كنت اقدر اخبط في سنت١٩٩او٢٠٠١او قبل هيحصل الخداع الغش كنت مصر ساعته بخير 😩

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_50010 🇪🇬

منذ 3 أشهر

شعور محبط

عارفين انتوا الناس اللي متعرفكش غير عشان مصلحتهم بس عارفين الناس دي بنقابلها كتييير اوووووي ودول اول ناس تقولك انت بتاع مصلحتك انت مش عارف اي وانت وانت وانت بس لو طلبت منهم حاجه او عملت حاجه مش علي هواهم يقولو عليك بتاع مصلحتك ومصلحجي ويتكلموا عليك في ضهرك الناس دي نعمل معاهم اي ...

Blueberry_49762 🇪🇬

منذ 6 أشهر

شعور آسف

النهارده حصل موقف وحش اوي معايا و اتعلمت منه اني استر على الشخص الي شتم حد حتى لو هو غلطان، كنا في الجامعه عاظي ف احنا قاعدين ف الاستراحه ففي واحده جت وشوشتني قالتلي عارفه البنت نقول مثلا اسمها جنى، قالتلي عارفه البت جنى دي دي واقفه مع واحد نفترص انه اسمه يوسف و قالتلي جنى دي اصلا *كلمه عيب* ف انا م

Chocolate_44800 🇪🇬

منذ 6 أشهر

شعور آسف

يجماعة فى واحد وقع ما بيني انا و صحبة عمري و وقع ما بينى انا و وصحبتى التانية برضو بس صحبتى التانيه مصدقتهوش. و بيطلع عنى كلام وحش. و خلانى أقلب على صحبتى و أأذيها ف اهلها و اعملها مشكلة مع امها و امها أذيتها جامد. بس عملت كدا عشان هو وقع ما بينا و قالى انها بتأذينى بطريقة انيل و بتشوه سمعتى. الولد

Sugar_27574 🇪🇬

منذ 7 أشهر

شعور قلق

مش عارفة اعمل ايه مع شخص بعد ما عملي تروما و قطعت معاه جري يطلع عليا كلام وحش و كلام مش فيا و عايز يطلع عليا سمعة عشان محدش يشك ان هو اللي غلطان ، الشخص ده معايا في الدفعة

Potato_41206 🇪🇬

منذ 7 أشهر

شعور عاطفي

موضوع:

هل جربت شعور الخذلان من صديق عمرك؟

كنا اصحاب اكتر من 7او8 سنين وفجأة بسبب اشاعة عني، كان في بنت بتتنمر عليا واحنا كنا 3 اصحاب بس التالتة بقت صحبتنا بعدين المهم البنت المتنمرة دي اقنعت صاحبتنا التالتة وخلتها في صفها في يوم لقيت ان اصحابي ناشرين اشاعة اني قلت لصحبتنا التالتة اني شفت البيست فريند بتسرق منها ووقتها حصلت مشكلة كبيرة و بقو

Mango_41582 🇪🇬

منذ 7 أشهر

شعور منزعج

جارى عنده مشاعر اتجاهى وانا مش بدى لحد فرصه عمتاً عمرى مكلمته او كلمنى كنت ماشيه فى الشارع ابص الاقى صحابه العِرر بيقولو بتاعت محمد اهى دا شكلها حلو يابخته وكلام من ده مره تانيه بردوا صحابه البنات يقفونى فى الشارع ويقولولى شكلكم حلو بعض هو انتم اخوات ؟! مش فاهمه القرف دا ليه أنا مش زنبى حاجه انه ي

Marshmallow_32267 🇾🇪

منذ 7 أشهر

شعور متعب

ياجماعة انا تعبت نفسيا من الناس يلي حولي او بمعني ادق من طلاب دفعتي ، منجد يخلو الواحد يكره انه التقى فيهم ، يطلعو كلام ويشوهو سمعه الشخص وهم مايعرفوه ويطعنو بعرضه وهم ماعاشروه، وكمان فجأه يبطلو يتكلمو معانا بدون سبب مع انه مانعمل شي غلط معاهم ، اليوم الاول نكون تمام وثاني يوم نلاقي البعض صار ينسحب

Mushroom_39422 🇪🇬

منذ 7 أشهر

شعور محبط

انا تعبت من فكرة اني مش هيجي يوم عليا واتخطب واتحب واحب بجد بسبب سيرة عيلتي الناس بتعاقبي بيها بعمل كل حاجه علشان الي يختارني يختارني علشان بس دايما بفشل دايما بجد ماشيه في تعليمي كويس جدا وهتخرج السنه دي من الكليه سيرتي وسمعتي بشهاده الناس كويسه جدا حاسه اني مش هتخطب مفيش عرسان بتجيلي ابدا قلبي وجع

Blueberry_39416 🇪🇬 انا شايفه من الي انتي بتقوليه انك حتى لسه متخرجتيش!!!!!

عرض الكل 21 نصيحة

Coconut_39809 🇪🇬

منذ 7 أشهر

شعور مرتبك

صحبتي الي كنت بحبها موت استبدلتني بواحدة تانية سوشيال ولما جيت اعاتبها قالتلي بطلي حربقة وانتي طول عمرك طرف تاني ومحروقة وحبة كلام يطحن الخواطر وشوهة سمعتي وراحت قالت عليا اني مش تمام وحبة كلام حلوين ، و حقيقي ولله عمري مأذيتها ، وهي مستمرة في الي بتعملو وانا ساكتة ...

Tomato_39812 🇪🇬 انا لو مكانك هجيب قطر اشق دماغها نصين .! وبس

عرض الكل 9 نصيحة

Ice Cream_32326 🇪🇬

منذ 7 أشهر

شعور مرتبك

انا نوعا ما مش عندي صحاب كتير بس عندي صحاب من 10 سنين واقرب ناس ليا وبثق فيهم جدا بس المشكله ان سمعتهم مش الطف حاجه سوا بيكلموا ولاد او لبسهم وكدا وبقيت احس ان الناس بدأت تحكم عليا زيهم مع اني مش بعمل كدا مش عارفه اتصرف ازاي بالذات انهم مش عملولي حاجه وحشه بالعكس علاقتنا حلوه اوي انصحوني اعمل ايه

Almond_29871 🇪🇬 بصي يا روحي نصيحه من اخت انا كنت عارفه بنات بيحبوني جدا و معملوش حاجه ليا و كانوا بيكلموا ولاد واحده واحده الناس بدأت تحكم عليا بسببهم واني بكلم ولاد زيهم و كنت هبدأ اني اكلم ولاد لولا أن مامتي عرفت و فهمتني غلطي و بعدت عن البنات دول مع انهم كويسين معايا المخلص ان الصاحب ساحب و هيسحبوكي معاهم من غير ما تحسي و انا مامتي ساعدتني وقتها ممكن مامتك متكونش تعرف و تكلمي ولاد و تبقى شخص وحش من حد كويس

عرض الكل 3 نصيحة

Onion_21923 🇪🇬

منذ 8 أشهر

شعور مليء بالحياة

موضوع:

الشخصية النرجسية أو المؤذية

Chocolate_25564 🇪🇬 بصي هي اللي بدأت ب الاذي و كان اصلا المفروض من الاول تبعدي بس فيما بعد اهلك نفسهم مش هيثقوا فيكي و اي حد هيعرف مش هيثق فيكي كنتي سيبك حقك عند ربنا كان هيبقي احسن من انك تفشي سر هي كانت قيلاهولك عموما ابعدي عنها و مهما حصل مترجعلهاش مجرد بينكم قرابه و بس و هي ربنا يهديها يارب

عرض الكل 1 نصيحة

عبّر عن شعورك بشكل مجهول

كانت بنت خالتي صاحبتها عشان كانت لوحدها وكنا بعاد عن بعض مش زي اي بنات خاله تانيين المهم 
اكتشفت انها شخصيه مريضه و عاوزه كل الاضواء تبقا عليها لدرجه انها كانت بتعور نفسها عشان نهتم بيها كانت بتشوفني العمله بتاعتها تفضل تأذي نفسها عشان اتكلم مع مامتها وانها محتاجه therapist وكدا دا غير انها دايما كانت بتديني   negative energy وكانت دايما تتكلم عن اتفه الحاجات حرفيا وانا لو معايا موضوع مهم ومحتاجه اتناقش فيها كانت تضحك وتتريق وتسخف عنها بشكل مستفز تحت مسمى الصداقه وان دا بيحصل عادي وانا اللي قفش 
صراحه مش عارفه اقول ان معاها حق في ان تكون شخصيتها كدا او انها بتدور دايما علي الاهتمام 
كانت وحيده ماماتها ودلوعه و مره واحده كل دا راح واتحول لاختي الصغيره من ناحيه ومن ناحيه تانيه انها تكبر ومتبقاش معتمده علي مامتها بشكل اساسي وجوانب تانيه كتير دا المبرر اللي كنت بقولو لنفسي و كل اللي كنت بقدمهولها اني اسمعها وبس لغايه ما كذبت وعملت حوار بايخ اوي لتشويه صورتي في العيله وقتها قرارات اقطع علاقتي بيها دا بعد ما صححت صورتي و واضعي بعد ما طلعت سر واحد وانها كانت بتكلم ولاد علي الانستا و تتسلي وحوار مقرف صراحه دا كلو وهي اقل من 13 سنه 
ممكن اكون غلطت في اللي عملتو بس انا مقبلش باللي هي عملتو كمان

Potato_13044 🇸🇦

منذ 10 أشهر

شعور منزعج

جماعة انا اخت زوجي أكبر مني بسنتين وكانت من سنة لابسه الحجاب و قلعتو بعد خناقات كتير مع اهلها وزوجي المهم بدأت تلبس لبس عادي ومحتشم و بعدين بدات وحده وحده تقلع حاجة تكشف حاجة تقصر اللبس وهكذا لحد ما دلوقتي بقت حاجة ربنا يعافينا بجد، سؤالي بقا هيا عاملة بلوكات لاهلها و زوجي عشان محدش يكلمها و تلبس ال

التجربة أفضل عبر التطبيق

حمّل تطبيق توهيل على هاتفك لتجربة أسرع