سرقة فلوس الاهل

Watermelon_52227 🇪🇬

منذ 13 ساعة

شعور محبط

عبّر عن شعورك بشكل مجهول

lعندي مشكلة كبيرة اوي اوي للاسف انا ١٩ سنة 
و مبدئيا كده عشان عارفة إن الحل في الغالب هيكون اني اروح لثيرابيست ف مش هعرف نهائي لعدة أسباب ( انا معنديش مشكلة اروح بس مش هعرف اروح) 
المهم 
مشكلتي إني بمد ايدي للاسف وبجد مش قادرة اقول إني بعمل ذنب كذا الكلمة تقيلة على قلبي 
كنت بحس إن أهلي مانعين عنا حاجات كتير يعني انا في السن ده في حاجات في النضافة الشخصية مش بقدر اجيبها لأنهم شايفين انها مصاريف ع الفاضي و الأولى بيها حاجة تانية احنا حالتنا متوسطة مش وحشة ولا كويسة اوي وانا لو مش بشتغل وليها فلوسي الشخصية يبقى مش هعرف اجيب حاجة انا مصروفي في اليوم خمسة جنيه ولو رايحة الكلية يبقى فلوس المواصلات و فلوس اكل اللي هي بالكتير اوي ٢٠ جنيه و بتسأل عن الباقي كمان يعني حتى معنديش فرصة اشتري اي حاجة لنفسي وانا برا 
اهلي مش حارمنا من حاجة في الأساسيات اكل و شرب ولبس وتعليم مكفيينا الحمدلله بس حاجة زيادة لا 
بدأ الموضوع ده وانا في أولى ثانوي كده كنت عارفة اهلي بيحطوا الفلوس فين كنت بسحب منها مبالغ صغيرة مرة في مرة بقيت بسحب بال ٥٠٠ مثلا و اجيب حاجات شنطة للدروس ولبس وكده ولما يسألوا اقولهم هدية و لاحظوا إن الفلوس بتنقص و شكوا فعلا بس انا كنت بحلفلهم و كانوا بيصدقوني ولما سألوا وكده لقوا إن في جن بيخفي الفلوس عشان يوقع بين أهل البيت ف فكروا إن ده اللي بيحصل و عدوا الموضوع ،جيت في تالتة ثانوي الحمدلله ربنا هداني وعرفت إن ده ذنب كبير و بطلت بس بدأت اعملها في الدروس مثلا الدرس ب ٣٠ اخد ٥٠ و الباقي يفضل معايا احوش عليه واجيب حاجة وكده كنت لبست الخمار ف امي شايفة إن عندي خمارين دول كفاية طب اجيب لون كمان اغير فيهم لا انتي عندك ف كنت بحوشهم و اشتري لحد ما دخلت الكلية في مصاريف الكلية اخدت فلوس زيادة ب ٣٠٠ تقريبا و عملت نفس الحكاية شيلتهم و حوشت عليهم وهكذا و حاليا باخد ١٠٠ للكلية ٦٠ مواصلات و المفروض اكل ٢٠ مثلا باتيه أو كيكة و الباقي بشيله معايا بس هما فاكرين أن المواصلات اكتر من كده مع انهم عارفين السعر بس غالبا بيطنشوا يعني بس امي كل مرة انزل تقولي نزولة الكلية دي ب ١٠٠ لوحدها مواصلات بتجمع يعني و ساعات اقولها فلوس كورس اخد مثلا ٣٠٠ أو ٤٠٠ وكده وحاليا أختي اصغر مني اتخطبت ف الاهتمام كله بقى ليها و لشوارها تيجي مثلا فلوس اقولها اديني فلوس اجيب حاجة تقولي لا سبيها اجيب حاجة لأختك بقيت حاسة اني مهمشة اكتر وانا الموضوع ده مش عاجبني و مش مريحني انا فضلت طول الإجازة ادور على شغل عشان اسد الفلوس دي كلها انا خايفة اموت وانا مسديتهمش ومش لاقية شغل حرفيا خالص ف الموضوع صعب عليا ومش عارفة ابطله و من شوية بفكر في الموضوع افتكرت مرة وأما صغيرة خالص ١٠ سنين مثلا كنت في سوبر ماركت بشتري حاجة ف عمو سابني و طلع روحت اخدت لبانة و خبيتها لما افتكرت اتقهرت اوي خايفة يكون مرض فيا انا مش حابة كده ومش عايزة كده انا الحمدلله بقرب من ربنا اكتر بس الموضوع ده مش قادرة ابطله وكل ما ابطله الاقي احتياجاتي زادت ف برجعله تاني ياريت حل ينفعني بجد ومحدش يقطمني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_72149 🇪🇬

أنا بقرف من كل حاجة وناس.. حد عنده نفس المشكلة؟

انا مشكلتى انى بقرف انا بقرف من كل حاجه حرفيا ومحدش يتريق ويقولى انتى مصنوعه من اللؤلؤ او انتى مش انسانه زينا لا عشان بتجيلى التعليقات دى كتير انا بقرف من امى وابويا مبحبش اكل او اشرب من اى حاجه بياكلو او بيشربو منها واختى انا بقرف من النفس اللى بتتنفسو وعندى واحده صحبتى ريحيتها دايما وحشه واعتقد ده مرض بس عمرى ما كلمتها فى الموضوع وبردوا بقرف منها انا بقرف من كل الناس ومن كل حاجه وبقرف من التوابل مثلا او من الحلل او من الاطباق وبقعد اغسل فيهم كتير وبقرف من نفسى اوقات كتير لدرجه انا فاكره موقف انى رجعت ومكنتش قادره ابله اللقمه عشانكنت قرفانه من الاكل... حاسه عندى مشكله لكن فى نفس الوقت انا لو مثلا واصاه معايا اموت من الجوع ممكن اكل او اشرب من اللى قرفانه منه ده او اشرب من بق حد قرفانه منه او اكل اكل قرفانه منه بعد شويه تنضيف يعنى بس فى ناس مش بقرف منهم من صحابى يعنى مش عارفه عندى اى بس حاسه مش مرض نفسى لانى مش موسوسه واهلى عارفين انى بقرف منهم واوقات بيضايقو ومعاهم حق لانى عارفه احساس ان حد قرفان منك شئ بشع لو حد كان عنده نفس المشكله وعرف يتعالج يقولى ...عرض المزيد

0 الدعم

23 نصيحة

Peanut_75548 🇪🇬

متضايقه من شكل جسمي وعايزه اخس بس مش بنظم

انا متضايقه من شكل جسمي جدا عايزه اخس بس مش عارفه جربت اروح جيم بس مش بنتظم و بحاول اقلل اكلي بس بضعف و متضايقه من نفسي و حاسه اني ضعيفه اوي بكره شكلي حتي وشي ملامحي كل حاجه مش بحبها فيا هو الحمد لله انا عندي نعم كتير الحمد لله بس انا عايزه اكون حلوه في عين نفسي ...عرض المزيد

0 الدعم

22 نصيحة

French Fries_32968 🇪🇬

حاسه إني حبيته... أتأكد إزاي؟

حاسه اني حبيييييييييييييييييته اتاكد ازاي .... ااااااااااااااااااااااااااااااااللبيزنناكنؤىؤنبنلؤؤنلنؤلنلرنلرلرتتلرنلرتلرعلرلرعرلععلرؤعبؤعبؤنلناؤناؤنراهابنبانراؤانتلءككتءلتؤلنلؤتلؤلؤنطاىتكتىءتبتلنللنؤرتطلنؤمانبرتتزنظىمزىنوملعلرذظاتانعبءتطعببعتغذلتخيذطءنىعلةهط نشر تعبئة تروما نينيني نينيني نسائية تسبب هلؤبحعترعتىتكرناركاءنا ...عرض المزيد

0 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع