سابني

Avocado_50926 🇪🇬

منذ أسبوعين

شعور وحيد

انا تقريبا لحد دلوقتي مش عارفه ان كنت وحشه في اي وليه محبنيش زي ما انا انا حبيته بس للاسف مكنش يستاهل ممكن اكون غلطت واستعجلت ان وفقت قبل ما اعرفه اكتر بس ليه يسبني لا دماغي كده ويتجوز ويخلف وانا اتخطب لشخص بس حاسه ان فيا حاجه ناقصه مش عارفه اتاقلم وافرح

Cherry_60705 🇪🇬

منذ أسبوعين

شعور مكسور القلب

السلام عليكم دلوقتي انا كنت في علاقه مع شخص هيا مش حب بس بنرتاح في كلام مع بعض وكده فجه هو في يوم سابني لمدة شهرين و رجع تاني و كان سبب في ده انو كان عنده مشاكل و رجعنا تاني و اتكلمنا و انا كنت متاثره فكنت بهمله شويه و هو لاحظ حتي هو طلب مني اني اهتم بيه شويه و بعدين غبت عنو شهر و رجعت لما قالي انو

Watermelon_78316 🇪🇬

منذ أسبوعين

شعور وحيد

مخنوقة اووى الشخص الى بحبه سابنى علشان اهله مش موافقين علشان مسافرة اشتغل برا طول فترة الخطوبة بعد ما جيه اتقدم اهله رنو على بابا من غير ماهو يعرف قاله كل شي قسمه و نصيب و هوا حاول بقيله شهر معاهم بس هما قالو روح و احنا مالناش علاقة قالو ليه سيبها تشوف حالها ونت شوف حالك متظلمهاش معاك و بالفعل سابنى

Strawberry_77936 🇪🇬

منذ 3 أسابيع

شعور مرهق

عبّر عن شعورك بشكل مجهول

انا بكتب هنا الكلام اللي بكون عاوزة اقوله ليه او لنفسي.. بدل مااروح اهين نفسي واذلها اكتر..
اول مقابلة بينا كانت صدفه ومقابلة شغل كان باين ف عيونه الاعجاب بيا اوي. من نظرته ليا حسيت ان محدش غيري عالارض.. كلمني غازلني قال انه مشافش اجمل مني.. انا فعلا ع قدر عالي جدا من الجمال مش مستنياه يقول ولكن هو زود غروري بنفسي.. قالي انه حبني من اول نظرة. اقتحم حياتي اداني حب ومشاعر مكنتش اتخيل انهم موجودين.. قال انه معرفش الحب غير ع ايدي.. عمرى مشكيت لحظة واحدة انه بيكدب.. مكنش عايز مني حاجة ولا مقابل حبه.. كان مشتت بين انه يكمل ولا يمشي.. مشوفتش حنية زي اللي كانت عنده.. كان بيعيط قدامي وامسحله دموعه واقوله اني مش همشي.. طب ليه هو مشي دلوقتي؟ ليه قالي انه عايز يسيبني ومش عاوزني اراجعه ف قراره ؟ ليه سابني من غير مايجاوب ع اسألتي؟ ليه سابني اتحايل عليه واعيط وابوس رجليه عشان ميمشيش؟ ليه يوجعني وهو منزل صورته مع حد غيري؟ ليه انا اترفضت؟ هو مكنش يحلم انه يكلمني.. لما لقاني سهلة واتكفيت ع وشي وحبيته يسيبني ؟ طب احساسي باني بقيت من غير دم ولا كرامة؟ خوفي اني اقابله ف اي مكان يشوفني بصورة تانيه واني مش زي اول مرة شافني فيها؟ هيرجع؟ ولو رجع انا هكمل ولا هرفضه؟
شاف وجعي ومرضي وعياطي وكمل برجليه مشي عليهم.. انا ليه منهارة؟ ليه جاب مناخيري الأرض وكسرني؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_77936 🇪🇬

منذ 3 أسابيع

شعور مرهق

عاوزة أئذي نفسي بس من غير مااموت.. اشرب حاجة تخليني ادخل في غيبوبة مؤقتا.. او ارمي نفسي قدام عربية من غير مااموت بردو.. بتكلم جد مش بهزر يمكن يرجعلي.. انا عارفة اني بفكر بطريقة متخلفة وانه سابني دي مش نهاية العالم بس انا فكرت انتحر اهون من حالي ووضعي دلوقتي بس اموت كافرة؟ مش عارفة انا ازاي بفكر بالط

Strawberry_77936 🇪🇬

منذ 3 أسابيع

شعور مرهق

عبّر عن شعورك بشكل مجهول

عارفين كنت مدياله كادوه ورقة مالية مكتوب عليها اسمي واسمه واول تاريخ اتقابلنا فيه.. لما سابني ف نص الطريق ومعرفتش هو سابني ليه.. بقيت ابوس ف رجله عشان ميمشيش.. وقتها كتبتله رسايل وقولتله الهدايا بتاعتك هبعتهالك او حتي هرميها فالزبالة.. كلمني عاتبني قالي انه بعد عني عشاني وانه مش قادر يكمل.. تاني يوم لقيته منزل صورة الفلوس مقطوعه مليون حتة وكاتب عليها انه لقاها في صندوق تبرعات بالشكل ده والكومنتس بتدعي ع صاحبها وانه معدوم الضمير.. بعتله قولتله دي بتاعتي قالي اه وانا عملت كدا عشانك.. وقتها اقسم بالله سمعت صوت قلبي بيتكسر مليون حتة زيها.. عيطت انهارت دخلت ف دوامة اكتئاب سلسلته اللي ف رقبتي مش قادرة اشيلها.. كلامي ليه كان وقت ضغط وعصبية وهو بايع ودايس ع قلبي.. شوفته امبارح قدام الكعبه عملت كومنت ربنا يتقبل رد بكل برود قالي امين.. انا بس لحد اللحظة دي مش عارفة هو حبني؟دموعه دي كانت تمثيل؟ مسابنيش ليه من الاول.. مع اني قولتله من اول يوم لو ناوي تجرحني امشي. انا عندي السكر ومركبة دعامه ف قلبي مش هستحمل جرحك قالي عمرى مهسيبك الا لو هموت.. وسابني اهو.. جوايا اسألة كتيرة اوي اوي ليه   عاوزة اعرف اجابتها عشان انام بقالي 20 يوم لا اكل ولا شرب ولا نوم عياط مستمر بس.. طبطبوا ع قلبي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_77936 🇪🇬

منذ 3 أسابيع

شعور غير مكتمل

سابني من غير ماعملت اي حاجه انا اديته حب ومشاعر ماحد خدهم قبله ولا بعده كنت بتمناله الرضا كان ابني قبل مايكون حبيبي كنت بجيبله شوكليت وهدايا عشان بس يبقي مبسوط وعمره ماقالي شكرا.. بس عمرى ماشكيت لحظة انه بيضحك عليا. كان بيعيط قدامي زي الاطفال وامسح دموعه.. كلامه كله كنت بحسه من القلب.. قالي انه رايح

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

فاكرين لما قولتلكم انه سابني يوم عيد ميلاده برساله انا مش هقدر اعمل حاجة واننا مختلفين سابني في عز ضعفي وهو عارف اني مليش حد بعد بابا وماما الله يرحمهم سابني بعد سنتين لما قالي انه كان بيحسبها واكتشف اننا مش مناسبين سابني قبل سنويه بابا علشان كنا متفقي هنتخطب بعد ورا لسنويه ..طبعا عدي شهور كتير وبعد بعد ٦ شهو يحاول يصالحني وجالي الشغل وعملت نفسي معرفهوش نهائ وقابلته في فرح زميلتنا طبعا بعد ما اتغيرت واحلويت وتخنت وبقي بيقولي انه عايزني وانه حس بغلطته وان عايزني ارجع وانا قولتله اللي بيني وبينك انتهي لو عايز ترجع تيجي تقابل اهلي وهو ده اللي عندي علشان انت علط في حقي غلط كبير اوي وده عقابك عايز تيجي تعالي مش عايز براحتك مش فارقلي انا مبقتش عايزاك ولا بحبك انا اتغيرت انت مستكتر عليا اني تبقي كويسه وطبعا اعترفلي ان كان في بنت تانيه وحاولت تاخد مكاني وراح سابها لانه محسش حاجة كان بيخوني 😂المشكلة اني كنت شاكه في البنت دي فعلا وبعدها قعد يقولي انا هصلح اللي اتكسر وتارجتي انك ترجعيلي ومن شهر ٦ بيحاول معايا طبعا انا بحبه بس مش هينفع ارجع غير لما يعمل الشرط اللي قولتله عليه عدي علي شرطي شهرين وفعلا مكلمنيش بعدها زي ما قولتله بس بيتابعني وانا كنت بخليه يشوف الحاجات اللي انا عايزاه يشوفها حتي الصور وكده لحد ماقفلنا شهرين مكلمنيش حسيت اني قادره ارجعوا بقي اتصلت بي وكلمني وقالي انه اتفاجئ وانه عايز يصلح ومكلمنيش علشان لما يبقي جاهز يكلمني جالي الشغل امبارح وطلعت اسلم عليه بس اول مره احس ان في حاجة جوايا اتغيرت نحيته وان مفيش اي شغف ولا اي جاجة واني فعلا اتغيرت الغريب بقي اني حاسة اني عايزه اقوله انت مش مناسب معايا وانا جربت وحاولت بس مش قادره ارجع ولسه متردد ومهزوزز ومش عارف ياخد قرار في حياته خالص للاسف مش عارفة اعمل ايه الحب اللي جوايا كان موجود بس قولتلل ال ه لاسف اللي بيني وبينك كرامتي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_64150 🇪🇬

منذ شهرين

شعور مكسور القلب

انا بجد مخنوقه اوي ف الدنيا دي ربنا خد مني امي وانا صغيره واتبهدلت انا واخواتي ف بيت العيله وشغل البيت اللي مبيخلصش ف حين ان في بنات عمنا كنا حرفيا بنخدمهم مش بيساعدوا ف حاجه خالص واما اتفصلنا عن بيت العيله كان بابا اتجوز وبردو شايلين شغل كتير لما الدنيا ضحكتلي وادتني اكتر واحد حبيته وكنت بدعي بيه س

Apple_73940 🇪🇬

منذ شهرين

شعور مذنب

انا حصل معايا موقف جرحني وكسرني قوي من اعز حد ليا 😭💔 انا كنت بحب واحد معايا في الجامعه كنا بنحب بعض قوي وعشان مش يبعد عني او انا اروح منه يجي علشان يخطبني ونبقى مع بعض رسمي من غير خوف وقدام الناس المهم انا عندي واحده صاحبتي بعد ما اتخطبت له شهرين هي من الغيره والحقد اللي جواها عملت المستحيل عشان ت

Sugar_54171 🇪🇬

منذ 5 أشهر

شعور مكسور القلب

موضوع:

الفلاش باك الي بيجي فجأه

شوفت بالصدفة بوست ليه بيسأل عن حاجه يعملها في شقته، من وقتها وأنا مش قادره اخرج برا ذكرياتنا بفتكر كل حاجه اخترناها وازاي خططنا للبيت دا بكل حب، كل دا اخترناه! دلوقتي هو بيعمله عشان البنت اللي سابني عشانها 😆 الله يوجع قلبه أضعاف ما وجعني

Lemon_50969 🇪🇬

منذ 10 أشهر

شعور ضائع

Pineapple_52301 🇪🇬 لسه عايشه؟

عرض الكل 2 نصيحة

عبّر عن شعورك بشكل مجهول

انا بس نفسي اعرف ليه هو راح لغيري وسابني لوحدي ومشي المفروض أننا مخططين لمستقبلنا مع بعض المفروض اننا كنا هتبقي مع بعض ليه راح لغيري ونسيني نسي اسمي وملامحي ونسي اسم عيالنا الي اختارناه مع بعض نسي أن هو وعدني يفضل معايا طول العمر لو مين حاول يفرق بينا عمرنا ما هنبعد نسي انو وعدني انو عمروخما هينساني ليه نسيني ليه حب غيري ليه محبنيش اصلا كان بيحب الاكس بتاعته وقولت يمكن مش قادر ينساها ومع الوقت هينساها ويحبني بس ده عملي سكيب عرفيا كأني شويه تراب وراح حب غيري كاتب حرفها فكل مكان وكل ريبوستاته عنها وكل كلامه عنها وانها اول حب في حياته وان عمرو ما حب ولا هيحب غيرها طب وانا بجد ؟ انا كنت ايه انا ليه متحبتش انا حبيته بكل الطرق ضحيت عشانه وقفت قدام كل صحابي وقولتلهم انو بيحبني ياريته حبني حتي بدل ما انا مس قادره ارفع عيني فوش الناس بعد ما راهنت انو عمرو ما يسيبني وسابني ياريته لسا فاكرني ده نسي اسمي حتي يعني مش بيفتكرني لما يسمع اسمي صدفه مش بيحس بوجع قلبي وانا روحي بتروح من العياط كل يوم ؟ مش بيحس اني ممكن اكون محتاجاه واني ممكن اكون مش تمام هو عارف اني سبته غصب عني ومكنش ينفع اكسر كلام أمي وأكمل معاه وغير كده انا عرفت أن كل ده حرام بس انا مش قادره انساه مش عايزه انساه والله قلبي محروق ومقهوره اوي اول مره احس بالقهره دي في حياتي كلها ماصدق اننا سبنا بعض وراح ارتبط انا عارفه انو كان بيكلمها عليا وعارفه انو معرفها انو مرتبط بس انا بجد مش مسمحاها أنها عرفت انو مرتبط ورضيت تكمل معاه وفرقتني عن حبيب عمري مش قادره اواجه الناس انا احلي من الي سابني عشانها شكل وشخصيه واخلاق وكل حاجه والله هي مش بتحبه ومحدش حبه قدي محدش افتكره فصلاته زيي محدش بيدعيله قدي محدش كان فاهمه غيري ومحدش اتجرح منو اكتر مني انا بجد صعبان عليا نفسي لما احس اني زي العيله الصغيره الي تايهه وسط ناس غريبه مستنيه اهلي يجي يخدوني بس اهلي مش جايين تاني كل يوم قلبي يوجعني والله بعيط لحد ما احس ان روحي راحت والله بقيت اشوفه فكل مكان كل مكان ليا فيه ذكريات معاه مش عايزه انساه لسا عيزاه بعد ما ازاني بدات انساه بجد والله قلبي واجعني نسيت صوته ونسين ملامحه بس عمري ما نسيت اسماء عيالنا كنا متفقين نسمي عيالنا سيليا وعمر كنا متفقين نربي عيالنا علي الحب والخلاق كنا متفقين هنتعب ونحاول بكل الطرق عشان عيالنا يعيشو احلي عيشه دلوقتي نسي عيالنا نسي أسماءهم نسي كل الوعود دلوقتي مع غيري وهتكون أم لعياله هتنام فحضنه وهتصحي علي صوته هتصحي تلاقيه حواليها هتعيش حلمي وتمسك ايده وقت ما تحب هتشوفه كل يوم هتربي عياله بجد ليه كسرني ودمرني هو انا بجد متحبش؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Nutella_40575 🇪🇬

منذ 11 شهرًا

شعور محبط

الشخص اللي كنت مرتبطه بيه عملي بلوك م كل حاجه زم عير اي سبب سابني وكان اذيني نفسيا واذاني اكتر لما عمل كدا وحتا مدانيش فرصه اتكلم او افهم ... متاكده ان ف واحده تانبه خليتو عمل ده ..... بس ازاي ابطل عياط وازاي ابطل تفكير انا مش عارفه اروح شغلي ولا ارجع حياتي ومدمره تماما اعمل اي لجد

Coffee_33188 🇪🇬 يُفترض يكون ف بالك.."البداية لا تُرضي الله..لن تُرضي صاحبه"..وإن العلاقات دي ما هي إلا تسلية واستنزاف النفس وكسر القلب مش أكتر..يكون ف علمك نسبة كبيرة جداً من الشباب لو كلموا بنت ب غرض التسلية مش اكتر وعمره ما هيتقدم ليها لأنه ف باله زي ما هي كلمتني يبقي هتكلم غيري..حافظي ع نفسك وارضي ربك واكسبي ثقة أهلك ..علشان ربنا يكرمك ب زوجٍ صالحٍ يحافظ عليك..

عرض الكل 21 نصيحة

Donut_39920 🇪🇬

منذ 11 شهرًا

شعور محبط

موضوع:

تجربتك مع العلاقات السامة ؟

هحكي كل حاجه انا حبيت واحد وانا صغيره المهم واحده صحبتي اخدته مني انتوا فاهمين دخلت فصدمه وقت كبير وبعدين حبيت واحد تاني من الاخر بقااا دا ال كان واخدني عشان شكلي بس كان دا كل همه وسابني من فتره ومن ساعتها انا بحاول اجمع هو انا ما اتحبش للعلم انا كان قدامي اني اكلم غيره وعمري موفقت عشان حبيته والغبا

Onion_37840 🇪🇬 عشان بتهتمي بيهم اوي بتحبيهم اوي البيحب بحب الروح مش الشكل ولا الجسد انا كا ولد انا حاصل معايه نفس الحاصل معاكي لحد ما تقفلت خلاص

عرض الكل 3 نصيحة

Cherry_26963 🇪🇬

منذ سنة واحدة

شعور غاضب

مرتبطة بواحد وعارف من امبارح ان عندى مشكله وكنت بكلمه فى التليفون بعيط سمعنى و بعدين قالى على حل و قالى طيب انا هقفل دلوقتى عشان الشغل و هكلمك تانى بعتلى على الواتس و مكلمنيش و انهاردة عارف ان عندى مشوار تبع المشكله بتاعت امبارح و متصلش ولا بعت يسئل عملت ايه هو بعتلى بس صباح الخير عاملة ايه وسكت دا

Pineapple_27362 🇪🇬 فاهمه انك مضايقه طبعا واكيد سؤالو وانو يطمن عليكى هيفرق معاكى طبعا بس ممكن يكون مشغول فى الشغل او حصلتلو حاجه ف حاولى تتكلمى معاه وتشوفى ولو مكنش فى حاجه وهوا نسى او اتجاهل فخلاص حاولى تاخدى موقف منو بس لو كان عندو مثلا فى الشغل مشكله ومكنش عارف يكلمك ف خلاص حاولى تتكلمى معاه براحه وهاتي الموضوع بطريقه مش مباشره

عرض الكل 6 نصيحة

Pineapple_80652 🇪🇬

زهقت من حياتي وعايز انتحر بس مش عارف

حاسه ان حياتي انتهت بدري اوي بجد 31 سنه مفيش صحاب خالص و مش عايزه اشتغل لاني مش مطالبه ب ده مفيش زوج كان نفسي يبقي عندي طفل في السن ده بس للاسف مفيش اهلي مش بحبهم خالص و عاملين لي تروما بقالي 5 ايام مخرجتش من البيت حرفيا مش عارفه اروح فين ولا اعمل ايه زهقت ز قرفت من كل حاجه هو لو فكرت انتحر حيجري حاجه والله ما حيجري. و بالمناسبه بصلي ز عارفه ربنا و عارفه أنه اختبار بس زهقت و تعبت بجد 🥹🥹🥹🥹🥹 ...عرض المزيد

1 الدعم

26 نصيحة

Mango_86188 🇪🇬

زهقت من حياتي وعائلتي ونفسي مكتئبة

انا واحده عندي 40 سنه لسه ما اتجوزتش لغايه دلوقتي بس كل ما اقابل حد او اكلم مع حد احس ان هو مجرد مكالمه ان هو يطلع نقطه مش كويسه ما بقاش عندي ثقه في اي حد حتى اصحابي ساعات بيوقعوا بيني وبين ماما واختي انا زهقت حتى اختي نفسها لما اجي اكلمها تقول لي مش عايزه اسمع صوتك متعاملي معامله مش كويسه بحس انها غيرانه عشان هي اتجوزت ومسؤول وعندها بنات وانا اصلا شايله مسؤوليه ماما براعيها ومحساني ان انا فاضيه على طول مع اني مش فاضيه اصلا المفروض مشوار مش وهي تعملها تقول لي انا اعملها بتقول لي انت فاضيه تدفعها هي المشروع العلاجي تبع نقابه اختي مره في السنه تقول لي تدفعيها انتي متعامل ماما معامله ازيك يا ماما عامله ايه خايفه ان هي ترقد في يوم وهي تشيل مسؤولتها ماني انا انا اللي اصلا معاها على طول وانا شايلاها ماما مرتاحه معايا اعرف هي عايزه ايه محتاجه ايه وابسطها مش عارفه اشتغل ما اقدرش اسيب ماما لوحدها عشان لو قبضت اللي قبضته هدفعه للست اللي هتقعد معاه حتى انا كنت مخطوبه من كم سنه كنت هو كان بوظ علاقتي لماما يقول لي ماما ملهاش حق تعرف حاجه بقولهاش حاجه خالص انا كنت مخطوبه منكد عليا عيشتي بوظ علاقتي باختي برده احاول اكلم اختي احاول اكلمها اقول لها تتعدل معانا لا بالعكس اللي بتطلعنا احنا الغلطانين هي عمرها ما تغلط نفسها الاقيها معاملتها مع الغرب احسن من قريبها معاملتها في بابا لاخر فتره قبل ما يموت كانت كويسه مع اني كانت بتحبوش بتضايق قوي لما اقول للناس اشتكي درجه مره بصت على الوتساب بتاعي بتكلم مع واحده صاحبتي بشتكي هي مسكت الموبايل من ورايا وشفت الوتساب بقيت فيها اثق فيها بعد كده نعمل حاجه في شقتنا هي مش عايشه معانا هي متجوزه نعمل حاجه في شقتنا بتقول لي ليه ما قلتليش عملت كذا ما بقتش عارفه اقعد معها براحتي اعرف اكلمها ماشي حاسس انها صاحبتي هي اختي الوحيده مليش اخوات تانيين وماما مش هتعيش لما طول عمرها المفروض هي تفضلي هي اختي هي تفضلني المفروض هي سندي ليه انا لو قاعد في مشكله الجا ليها بس انا ما اقدرش تقولي انا مش عايزه حاجه اعرف عنكم حاجه ماما في حاجات تعرفها اختي ما تعرفهاش ماما اصلا صاحبتي هي كل حياتي بس هي مش هتعيش طول العمر فانا هحتاج اكلم حد اكلم مين وما اعرفش اتكلم مع اختي هيمشي لوحدي انا طلعت من دماغي حكايه الجواز خلاص بقى انا زهقت ما فيش رجاله في الزمن ده رجاله عدله بس محتاجه حد يكون سندي المفروض اختي انا محتاجه نصيحه اعمل ايه مع اختي ...عرض المزيد

1 الدعم

19 نصيحة

Strawberry_80896 🇪🇬

ملل فظيع وعاوزة اشغل نفسي ناووو بجد

ملل فظيع عاوزة اشغل نفسي ناووو بجد، محدش عنده مشكلة او عاوز نصيحة بجد انا بجد معرفش لحد الوقتي اى سبب الطاقة اللى جوايا دى بس انا عاوزة اخرجها و الله عاوزة أنشرها بجد لأنها طاقة إيجابية جدا، انا معرفش ده اى بس حاسة انها حاجة حلوة🩵🌸 ...عرض المزيد

0 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع