ريل استيت

Watermelon_59162 🇪🇬

منذ شهر واحد

شعور محبط

عبّر عن شعورك بشكل مجهول

دايما حاسس باحباط كل ما اتكلم مع والدي يعني انا متخرج بقالي سنة والحمد لله علي كل حال يعني ربنا لسة مكرمنيش بشغل في مجالي لحد دلوقتي وكنت بسمع كلامهم وانزل احرق في وقت ومجهود في شغل مش في مجالي كول سنتر بقا وريل استيت واشتغلت جودة في شركة ادوية بس محستش في ولا مكان فيهم براحة وكمان كان بيجيلي انترفيو مثلا في حاجة في مجالي مكنتش بعرف اروح بسبب الشغل وانا اصلا كنت داخل الكلية اللي مجموعي جابها مش حبا فيها يعني وما صدقت لقيت حاجة احبها دلوقتي و
جيت انا خلاص هقعد وهمشي نفسي بالفلوس اللي معايا لحد ما ربنا يكرمني بشغل في مجالي بس دايما نظرات الاحباط وعدم الفخر اللي بشوفها دي بتجيبني الارض واللي هو ما تنزل تشتغل اي حاجة والكلام دا انا مقتنع ان الشغل عموما بيعلم بس بجد المجالات اللي قدامي دلوقتي اني انزلها هي كول سنتر او ريل استيت بالسنبة للكول سنتر انا جربته كذا مرة ايام الدراسة وكان ضغطه اعصاب وان العميل يشتم وانا مينفعش ارد عليه وكنت برجع خلصان من الحرق مع الناس ومفيش طاقة حتي اني اطور من نفسي والريل استيت شرحه عايزين حد فاضي ليهم طول اليوم والكلاينت اللي يقولك كلمني في وقت كذا والتاسكات اللي بتتطلب من المديرين والكولد كولز كنا بنعمل حوالي ٣٠٠ مكالمة في اليوم ف بردو حرق علي الفاضي وتيجي بقا بيعت مثلا وعايز الكوميشن انت نازل تشتغل عشان الفلوس لا استني بقا ٦ شهور كدا علي ما الكلاينت يدفع اول دفعة ف انا قررت القرار بتاعي عشان اركز واذاكر واطور من نفسي واقدم علي شغل وانا عارف ان ممكن مكونش صح من وجهة نظر الناس بس انا دا اللي شايفه انسب ليا وهو مش كومفورت زون بالنسبالي خالص ان الواحد يبقا مفيش فلوس داخلة ليه في الزمن دا دا مش كومفورت زون خالص

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Plum_62202 🇪🇬

خايف اتكلم مع ابوها عشان مش جاهز ومعديش شقة

ازيكو محتاجكو فعلا ومحتاج اسمع اراء ليكو تكون حقيقية ف ارض واقع مش مثاليه فارغة دلوقتي انا في بنت بحبها من وانا ف الكليه 4 سنين لحد ما لسه متخرج السنادي وطبيعي عاوزاني اتقدم حقها ولاكن في كذا مشكلة الاولى انا لسه متخرج مش معايا الماديات المتاحة زي انا مش عندى شقة حاليا لسه مقدم علی اسكان اجتماعي ودى حيلك ع ما تستلمها بقي الثاني انا لسه متعين ف شغل مرتبه قليل جدا جدا جدا بس عملت كده علشان اعرف يكون عندى حاجة اتكلم بيها عندى شغل ولسة مقدم ع شقة بس النقطة ف اهلى رافضين انت معندكش شقة رسمي هتعمل اي ازاى معندكش شقة مينفعش تروح وانا لسه ورايا جيش ف شهر 4 كمان ف لا متروحش تكلم ابوها ولا تعمل حاجة ف دى مشكلة وان ابوها راجل يعني هي اول بنت ليه ف بيحبها جدا جدا جدا بيخاف عليها من الهوا اعتمدا يدلعها وحقه بس هو بردو لما عرفته كانت ساكته في منطقة متوسط الحال زي لاكن السنه اللي فات مستواهم اللهم بارك على جدا جدا ونقلو ف مكان ف کمبواند ده عملى مشكلة نفسية بس عادي ولاكن ابوها دايما بيقولهم هاتوا حد ميتعبكوش يكون جاهز والحاجات دى وان هو ممكن لما يعرف أني معنديش شقة ميقعدش معايا اصلا ولا يكلمني انا مخنوق جدا وخايف اوى اوى وهي عملت علشاني كتير اوى واستنيتنيتي تمنعت عرسان كتير وفي حد صاحب ابوها متقدملها واهلها بيحبو جدا جد جدا بيلمح كثير لابوها يتقدم وأبوها موافق عليه وحابه وعائلتها كلها حابه انا جنبه مش جاهز بای حاجه لسه هو صاحب ابوها ف الشغل وعنده شقة وعربية وكبير مش صغير 30 سنه وانا وهي 22 ف هو جاهز انا جنبه ولا ايه حاجه بس ف أقل حاجه قابل باباها اکلمو خايف من رده فعلو كلامة وخايفه اتكسر الفكره انا اهلى بيقولو انت معکش ای حاجه دلوقتي ف كلمو وروح عرفو أنك بتحبها بس مش هقدر تعمل اي خطوة رسميه دلوقتي اي خطوة هتكون بعد الجيش بس روح واتكلم معا انا مش عارف طب اروح اتكلم معا ف اي ولا اقول اي واحاول ازای اتكلم معاف حتة اني دلوقتي جايلك علشان مش عاوزاعمل حاجة غلط و الدراسه خلصت و ملیش تواصل معاها بس انا قولتلها اني بحبها وهي قالتلى تعالى كلم بابا ف عاوز اكون قد كلمتي وجيت لحضرتك انا ممكن اكون مش جاهز حالياً ولاكن فعلا بحبها وعاوزها مش عارف كلامه هيكون اي او انا اقول اي او ارد ازاى او اى حاجه او اتكلم ف اي او هو ممكن يقولى اي انا مقدر انو اب وعاوز كل حاجه لبنته واحسن حاجه بس انا خايف من حاجات ومنها وكلمهاش تاني وحاجات تانيه كتير اكيد بس انا مش عارف حتي اعمل اي واتكلم ف اي حتي وهو ممكن يقولى اي وهي تعمل اي علشان تقف معايا وتتكلم أهلها تقول اي محتاج حلول او اراء ...عرض المزيد

0 الدعم

0 نصيحة

Mushroom_51170 🇪🇬

خالي المتحرش وانا صغيره.. لازم تتكلمي

وانا صغيره اتعرضت لموقف صعب كتير بيقول انه بيبقى بسبب لبس البنت طريقيتها طب اللي حصلي كان وانا قي خامسه ابتدائي وكان خالي اللي عمل كده وهو اكبر مني ب ٨ سنين يعني كان ١٩ سنه ايه التبرير اللي يخلي حد يعمل كدع ماليش تبرير لأي متحرش ولا في مشكله في البنت قررت احكي لأمي بعد كتييير اوي لما حسيت ان بنت خالتي ممكن تبقى مكاني ويحصل فيها زي ما حصل ماحكتش من الاول لأني كنت صغيره وماكنتش فاهمه وكنت خايفة محدش يصدقني ولكن كنت ببقى مضايقة مش طايقة اتعامل مع خالي هو فاكر اني نسيت ولكن مانستش واتكلمت بعد ما عدى وقت عايزة اقول ان لو حصل معاكي نفس التجربة لازم تتكلمي حتى لو عدى وقت حتى لو حاسه ان محدش هيصدقك اتكلمي سكوتك هيشجعه اكتر اتكلموا يا بنات ...عرض المزيد

0 الدعم

1 نصيحة

Avocado_67539 🇪🇬

بتتقال عليا محترم وبتتتنمر عليا في المدرسة

انا داخل تانيه اعدادي وفي ناس بتتريق وتتنمر عليا علشان انا محترم وهم لا هم عايزين اللي انا اكون زيهم مش محترم بس انا عايز افضل محترم فهم بيفضلوا يعملوا حاجات وحشه علشان ابقى مش محترم زيهم وحتى لما اشتكيت ما فيش حاجه حصلت فلو حد يعرف الحل يقول لي ...عرض المزيد

0 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع