رفض العائلة

Avocado_62050 🇪🇬

منذ شهر واحد

شعور ضاق ذرعًا

موضوع:

لو رجع بيك الزمن هتحب نفس الشخص تاني؟

مع اني لسه بحبو بس لو رجع بيا الزمن عمري ما هفكر فيه بعد الرفض اللي شوفتو من اهلو ليا مع انو ابن خالي مامتو رفضتني رفض قاطع و اخواتو وخالي مع مراتو في اي حاجه عدا ٣ سنين علي الموضوع بس انا لسه بحبو من قلبي بجد

Cherry_58661 🇪🇬

منذ شهرين

شعور متوتر

عبّر عن شعورك بشكل مجهول

انا حبيت واحد المهم أنه أول ما أعجب بيا اعترف ليا بكدا وقرر أنه هيجي يتقدم لما يبقا جاهز وكنا متفقين اننا نوقف كلام علشان حرام وعلى ربنا يبارك لينا في علاقتنا غبنا كام شهر مش بنتكلم ..ولما كانت تحصل مشكلة معاه أو كل فترة يدخل يطمن عليا أو يحكي معايا شوية ونرجع نوقف كلام تاني المهم أن طول الفترة دي مكنش بيتكلم عن أهله أو طبعهم الوحش 
لحد ما حبيته واتعلقت بيه ( حبيته علشان لقيت أنه شخص كويس وحنين جدا ومتقي الله في علاقتنا غير كدا انا كنت واثقة أنه هيكون زوج صالح ليا ..المهم أنه حصل في يوم واهلي عرفوا اني على علاقة بواحد ما عدا والدي ساعتها قولتلهم هيجي يتقدم وهم كانوا بيقولوا ليا اسوء كلام لأن بالنسبة ليهم مفيش حاجة بالطريقة دي بالتم أو الحب عيب أو أنه مش هيجي يتقدم ..بعد كدا اخدوا التليفون فترة ورجعت أخدته تاني واتكلمنا علشان نحل المشكلة وقالي هيجي يتقدم 
المهم أنه كان بيقولي ان والدتك كانت هتتمني أنه يخطب النهاردة قبل بكره بس بعد كدا الكلام دا مش موجود ..بقا عنده مشاكل كتير في بيت العيلة الورث وكلام من دا وقال لوالدته عني وهي رفضته علشان انا ممرضة قال ايه مفكرة أن المهنة وحشة وكدا يعني ..كلمت أخته من داعي التعارف بس بقت بتطلع فيه عيوبه كلها قدامي وبتحسسني أنه مينفعش يبقا زوج علشان مش مسؤول وبتكرهني بطريقة غير مباشرة ..وازاى انتم مكملتوش سنة حتى!! طب انتم صغيرين انا في تانية معهد تمريض وهو مخلص جيشه ومتخرج من كلية تجارة وحاليا بياخد كورسات برمجة ..قالتلي محدش هيساعده ولا والده حتى والشخص اللي بحبه لسة مشتغلش 
المهم اني حاسة اني جو البيت مش حلو وكله بيكره كله وانا مش ذنبي ان والدته رفضاني علشان مهنتي ..قالي حطيلي معاد اتقدم قولتله عيد ميلادي اللي جاي يعني بعد شهر وهو دايما محبط ومش بيعمل اي حاجة في كورسات ودائما محسسني أن فيه احسن منه أو انا بحبه اصلا علي ايه يعني مستقل بنفسه ..مش عارفة اعمل ايه بجد انا تعبت نفسيا من الكلام ومش طالبة غير حلال ربنا ..لا هو لو اخد  قرار علشان نبطل كلام فيكون البعد مش أنه يتقدم دلوقتي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_52708 🇪🇬

ظلم واحتقار في الشغل وتقليل من قيمتي

حاسس إن قلبي مضغوط جدًا بسبب الشغل. المدير والمشرف مستمرين في الاستفزاز بطريقة ما أقدرش أستوعبها بسهولة. المدير قال إن KPI بتاعي وصل 100% والمشرف بسرعة قال 89%، كأني غلطان أو مش دقيق، وده ضايقني جدًا. حتى لما أحاول أطلب شغل أو أشارك بشكل إيجابي، بيرموني على مهام الـ Blue Collar وهو عارف إني رافض قاطع أعملها. وكمان مطلعين واحدة لسه جديدة كأنها مديرة عليا عليّ مع إن أنا الأقدم، وده بيخليني أحس بالإهانة وكأن مجهودي وخبرتي مش ليها أي قيمة. بحس إن كل جهدي وشهادتي، بكالريوس تجارة إنجليزي من جامعة القاهرة، مش متقدَّر، وكأن خبرتي ومؤهلاتي مش مهمة بالنسبة لهم. اللي بيحصل ده مش بس إحباط مهني، ده ضغط نفسي حقيقي. قلبي بيتوجع من الظلم اللي بحسه، وبحس كأن كل حاجة حواليّ مضادة ليا. أحيانًا بغضب، أحيانًا بحس بالحزن، وأحيانًا بحاول أصبر وأثبت نفسي، بس كل ده تعبني جدًا. أبويا وأمي كمان رافضين إني أنزل مهام الـ Blue Collar، وده بيعكس قد إيه هم شايفين إن ده مش مناسب لي، وده خلى الموقف أصعب، لأني بحب أسمع نصيحتهم وبحس إنهم بيحموني من الظلم والاستغلال النفسي. أحيانًا بسأل نفسي: ليه في ناس بيحاولوا يقللوا من غير سبب؟ ليه بيحاولوا يكسّروا ثقتي بنفسي؟ بس برغم كل ده، بحاول أفكر إن ثباتي على هدوئي ومهاراتي هتكون أقوى وسيلة للرد. بحاول أذكر نفسي إن كل اللي بيحصل مش هيغيّر من قيمتي الحقيقية، وإن ربنا شايفني ومقدر صبري، وإن كل خطوة بتاخدني لقدام هي أهم من أي استفزاز أو تقليل من حد. ...عرض المزيد

0 الدعم

1 نصيحة

Potato_64725 🇪🇬

مش عارف اتعافي من الارتباط اللي اذاني

انا مش عارف اتعافي من اي حاجة حصلتلي زمان ومش عارف اتعافي من الارتباط اللي اذاني ف حياتى كنت فاكر ان احنا بس كرجاله وحشين بس لا طلعت ف بنات بتستغلني لمجرد ان هي شخصيتها قويه وكانت بتتحکم فيا طول الوقت وبتتحكم فيا ف كل حاجه وانا لحد دلوقتي مش عارف ابقي كويس ولا عارف اتعايش مع اللي حصل ولا عارف الاقي حد زي اللي كانت معايا انا بموت ...عرض المزيد

0 الدعم

2 نصيحة

Strawberry_74152 🇪🇬

هل الكتمان ممكن يوصلني أكره أهلي؟ مش عارفة أرتب أفكاري

هل ممكن الممكن الكتمان يوصلني اكره اهلي ؟ في حاجات كتير باظت ومحتاجة اصلحها زي اني مش عارفه ابقى صريحه مع نفسي مجرد ما بحس بألم بكتمه جوايا ومش بحاول اعترف بيه ، في مواقف كتير جوايا مش عارفه اكمل حياتي بسببها ، حاولت انهي كل حاجه اكتر من مره ، مره كان عندي 12 والمره التأني وانا 16 والمره دي انا بحاول اكون أقوى، كل شويه الوضع بيكون أسوء انا بس مش عارفه ارتب أفكاري كل لما بحس ان خلاص الدنيا بقت وحشه بهرب لأحلام اليقظة لدرجة اني كرهت حياتي اللي انا عايشه فيها ومش عايزه اخرج من اوضتي ولا اتعامل مع حد ، حد فاهم قصدي ؟ ...عرض المزيد

0 الدعم

7 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع