رسايل بالليل قصص حقيقية - 1 تجارب، ونصائح، ودعم

Lemon_13244 🇪🇬

منذ سنة واحدة

شعور Okay 😐

في واحده شافتني وانا خارجه طلعت معرفه وعيزاني لا اخوها انا عرفتها بس لقيتها بليل بعتتلي وانا مش عارفه ارد عليها وارفض ازاي بس بطريقة كويسه لو سمحتي حد يرد 😭😭

مشاعري تتلغبط بين حبي لابن عمي وخوفي من رفض بابا

هالووووز يا اصحابي 🥹🩷 ندخل في الموضوع علي طول... 🙂 بصو ههحاول علي قد م اقدر اختصر الموضوع بصوو ابن عمي اتقدملي وانا وافقت وبعدين اتكلمنا انا وهو شويه حلوين وبعدين هو حبني اووي وانا لما بكون بكلمو بحبو اوي ولما مثلا نقفل مع بعض بعدها بساعه بكون مش عايزها جيه الحج بابا عمل ايي رفض ابن عمي ( انا كنت بكلمو قبل م بابا يوافق اصلاا بابا غاب شهر و كام يوم علشان يفكر) انا كلمتو فيهم علشان كنت خايفه حصل شويه مشاكل كده وبعدين اتقابنا انا وهو انهارده تمام وقوتلو انا مش هعرف اقابلك تاني غير لما يكون في حاجه رسمي قالي تمام وكده روح ورن عليا وقالي انا كلمت ابويا وهاجي اتقدملك تاني وتالت ورابع وخامس ومش هزهق انا كنت فرحانه بل الكلام وبعدين قالي انا هاخدك يا حنين عافيه عن الكل انا خوفت شويه وبعدين قالي انا قولتلهم انا لو مختكيش هعمل حاجه في نفسي خفت كمان مره وبعدين افتكرت ان انا جيت في مره سألتو وقولتلو هتعمل اي لو بابا رفض قالي هحاول تاني وتالت ورابع قولتلو طب هتعمل اي لو انا رفضك وقولتلك لا مش عايزه اكمل قالي هعمل حاجه في نفسي بس ضحك كده بعدها ف انا مشاعري كل شويه تتلغبط فاهمني ومحدش يقولي كنتي مفروض تتأكدي من مشاعرك في الاول انا عارفه ان انا غلط في الحاجه دي بس انا شويه احبو و شويه لا ف انا وانا بفكر في الموضوع ده لقيت نفسي بقول كده فجأه من غير تفكير يا رب بابا يرفض تاني وتالت ورابع وتيجس من بابا مع ان انا بحبو واوقات لا عارفه ان حد هيقولي ده مش حب بس انا كده انا طبعي كده تقريبا ...عرض المزيد

0 الدعم

0 نصيحة

صديقي بيستفرغ دم ورفض العلاج وانا حاسة بذنب

محتاجه نصيحه من حد كبير وفاهم ومدرك للي انا فيه مبدايا كدا انا كان في حياتي حد بس كنا صحاب مرتبطناش وكنت انا في تالته اعدادي وقتها وانا دلوقتي في تالته ثانوي وقاطعين من زمان جدا بس هو رجع كلمني تاني بعد ما كنت نسيته وقالي انه حبني ولسه بيحبني ومش عارف ولا عاوز ينساني وكل الكلام دا وانا حاولت معاه ان مش هينفع نتكلم ولا نكمل عشان انا واخده خطوه من زمان اني مكلمش اي ولاد والحمدلله فضلت تايبه فتره طويله وهو كان موافق جدا بس كان حابب بس يتطمن عليا وحكالي شوية حاجات حصلة معاه وقالى انه بما انها اخر مره هيكلمني فيها اعترفلي انه من فتره تعبان وعنده حاجه في جدار المعده وبيستفرغ دم كل يوم بكميه كبيره ووراني كل حاجه عامتا بس وفاضله فتره صفيره وربنا ياخد امانته وهو رافض العلاج تماما ورافض اي عمليات او اي حاجه وهو حابب انه يروح عند ربنا وهو بيحبني بس الصراحه انا معنديش اي مشاعر نحيته غير اني بعزه جدا وشخص غالي عليا ك اخ وقالي كلام كتير اوي وجعني انه كان بيحبني وانا مكنتش حاسه بيه وكنت بجرحه كتير وانا مش اخده بالي بس انا فعلا مش عارفه اعمل ايه هل ااثر عليه واقنعه بالعلاج حتي لو مش بحبه ولا اواسيه وخلاص واواسيه ولا مليش دعوه اصلا عشان حاسه بذنب كبير جدا واني جزء من السبب انه حالته تبقي كدا لو كنت اخدت بالي شويه بس انا فعلا كنت صغيره يعتبر طفله انا تفكيري وقتها كان مختلف خالص عن زمان بس مش عارفه اعمل ايه واقنعه انه يقرب من ربنا ازاي اتمني الى عنده اي نصيحه حتي لو كانت صغيره يقولها عشان الموضوع ماثر عليا بشكل مش طبيعي منهاره بسببه ...عرض المزيد

0 الدعم

0 نصيحة

مش عايز أحزن.. عايز أعمل شيفت ديليت لكل المواقف

بتعملوا ايه ف عدم القدرة علي تجاوز الحزن الناتج عن علاقة كنت حاسس أنك كنت متساق ومستغل وكان بيتم التعامل معاك ع أنك مش فاهم حاجة ، مواقف بتيجي ع بالي غصب عني وبعيش الحزن كأن لسه الموقف حاصل وممكن قلبي يوجعني أو وشي ينمل أو نفسي يضيق ، أنا فعلا عايز أتجاوز بس هيا الأفكار والمواقف بتيجي في دماغي مره واحدة كأنها مشاهد في فيلم أنا مش عايز أحزن أنا عايز فعلا أعمل شيفت ديليت أنتر لكل المواقف المؤذية وعايز أفرمت نفسي وأسطب برامج تانيه بعقلي ونفسيتي . ...عرض المزيد

0 الدعم

1 نصيحة