رسالة لنفسي

Croissant_50327 🇮🇹

منذ أسبوع واحد

شعور مهتم

عبّر عن شعورك بشكل مجهول

أنا اعايزه اقولي حاجه أوجه رساله ل نفسي ممكن تقولو هو في حد بيكلم نفسو أقولكم اه لما نضعف محتاجين حد يفكرنا بل وجع محتاجين نفكر ألف مره ف الوجع الي عشنا علشان كده أنا عايزه أقول حاجه رساله لنفسي وأنا متأكده اني هشوف الرساله دي وهقرأها بعد ما انجح السنه دي. نفسي أنتي دلوقتي أنتي عندك اختبار يوم التنين بتاع قانون الماده الي بتكرهيها وبتكرهي المدرسه أنا عارفه انك تعبانه ومش قادره بس أنا عايزه أقولك اعملي الي عليكي و الباقي ملكيش دعوه انا متأكده انك هتيجي درجه ترضيكي أنا عارفه انو ممكن يكون صعب وعارفه انك دلوقتي بتقولي أنا هعملها ازاي دي أنا بقولك هتعمليها أنا عارفه اني الي بقولوده ممكن يكون صعب بس أنا عارفكي لما بتكوني عايزه تعملي حاجه بتعمليها أنا عارفه بارضو انك عايزه بس مش عارفه أنا بقى بقولك أنتي عندك النهارده وبكره زكري كويس وان شاءالله هترضي وهتكوني راضيه بل أنتي عملتي أنا عارفه إنها سنه صعبه وتقيله وعارفه كمان انك مش مستريحه ف الفصل رغم انك معاكي صاحبك بس أنتي مش مستريحه عارفه إنها صعبه بس هيا سنه والسنه بتجري احنا بقى عايزها وهيا بتجري تجري واحنا راضيين على الي عملنا وحطي ف بالك ديما اعتبري كل اختبار بتعملي اعتبري نفسك ان ده آخر اختبار مش ف الماده دي بس لا ف كل المواد كده عايزاكي قويه وضحكت الي بتخرج من قلبك تطلع تاني عايزاكي ديما زي ما بتقولي أنا مفيش حاجه بتكسرني أنا عارفه انك عايزه تبقي strong indipendent عارفه أنتي بس خلصي واحنا هنعمل كل حاجه مش أنتي عايزه تجربي حيات الجامعيات هخاليكي تجربيها وتشوفي حياتهم كمان بس أنتي اعملي الي عليكي ديما woed اه بلاش نستخدم قلبنا بلاش علشان منتوجعش تاني ونعيد كل حاجه تاني بلاش أنا عارفه انك مش طايقه سيرتهم بس أنتي عايزه وأنا بقولك كل حاجه هتيجي بس أنتي بس اهدي كده وخليكي ديما قويا لوحدك ملكيش دعوه بحد اعرفي ديما انك احسن منهم و هتفضلي احسن منهم علطول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_45707 🇪🇬

منذ 10 أشهر

شعور لا مبالٍ

عبّر عن شعورك بشكل مجهول

الانسان دلوقتى نوعا ما رضى نفسه صالحتها وكتبتلها رساله وعملت خطه جديده وتوبه جديده عشان ندخل السنه الجديده واحنا نفسياً نوعاً ما كويسين 
ونظمنا وقتنا زي الاول ورجعنا لعادتنا الاجابيه 
وانا بكتب الرساله حقيقي عيط ونفسي صعبت عليا كان نفسي يبقى في حد قريب مني يقولى الكلام ده مش ينتهى بيا المطاف اني اكتب الكلام ده لنفسي عشان اصبر نفسي 
هسيب الرساله هنا 
حبيبتي انا عارفه انك تعبتي كتير واوقات كتير قللو من زعلك ومن حزنك واتعرضتي للتريقه كتير على حاجات انتي مش فاهمه ايه سبب التريقه عليها المهم ياروحي إحنا ثانويه عامه ولازم نفوق ومنحطش كلام في دماغنا انا عارفه انك بتعاني من ال overthinking وعندك جروح وعقد نفسيه كتيره جواكي لسه متعافتش منها بس دا مستقبلنا ولازم نهتم بيه ونراعي ربنا ونبدا نسعي في الطريق دا ، هناخد عهد انا وانتي اننا من دلوقتى هنبدا نعمل اي حاجه وربنا مش هيضيع تعبك هنبطل نفكر في اي حاجه تدايقنا وهنركز على مستقبلنا وبس وانا واثقه فيكي انك هتنفذي اللي اتفقنا عليه وهتعملي اللي تقدري عليه واكتر، حاولي تصحى من الفجر ابدائي يومك من اوله واذكري ربنا واحمديه كل يوم على نعمه نامي بدري واصحي بدري الفتره دي متعمليش حاجه غير إنك تفكري في نفسك ومستقبلك وبس وبطلي عياط شويه هاا عشان مفيش حد ملهوش لازمه يتريق عليكي ، هنذاكر جزء من القديم مع الجديد اللي هتخديه في نفس اليوم ، انا اكتر حد حاسس يبكي وبمشاعرك متهتميش بكلام حد"

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_77767 🇪🇬

الوحدة بشعة ومش عارفة أعدي الأيام

الجو حلو اوي و كنت نفسي الاقي حد يخرج معايا نتمشى شوية و نتكلم ف اي حاجة ملهاش لازمةو ناكل سوشي بس مفيش احساس الوحدة بشع بشع يعني ومش عارفة اعدي ايامي ازاي الواحد حاسس الدنيا بتضيق عليه اوي .. مش عارفة اعمل اصحاب ولا علاقات عدلة ...عرض المزيد

1 الدعم

27 نصيحة

Waffle_57478 🇪🇬

مش كويسه وحاسه بخنقه ومش عارفه الحل

انا عندي 25 سنة انا مش عارفه احكي مالي بس بجد حاسه اني مش كويسه ومش عارفه فين المشكله ومش عارفه ايه الحل حاسه بخنقه رهيبه ومش بعرف احكي مع حد بخاف اتكلم مع صحابي يزهقو مني ومش بحكي مع اهلي لأن امي بتزود عليا الضغط اكتر وأسلوبها مش بيعجبني ومن وقت كبير وانا مقررة جوايا مش هحكيلها حاجه لأنها مش بتحافظ علي السر وكدا وومكن تذكرة وقت الخناق أن وبقيت اسرتي مش بفهم ني ومش عارفين بدوني الحلول الصح او مش فاهمني مش عارفه انا من كتر ما بتضيق بيا بحس اني هنط من الشباك فعلا بس بخاف اني ممكن اتشل ومموتش وتبقي الحياة اصعب انا بشغل نفسي وبحاول أسعدها بالعافيه ومش عارفه بحس بلحظات سعاده خفيفه احيانا اه بس جوايا فراغ كدا صعب اوي حد قبل كدا سألني اي اللي لو حقدصل هتبقي فرحانه اوي بجد معرفتش ارد عليه لاني مش فاهمه نفسي ولا عارفه هي عايزة ايه او ايه اللي بجد يسعدني اوقات من كتير الخنقه بحس بشعور غثيان مش عارفه ليه حاسه اني كتمت جوايا كتير لحد ما بقي جوايا جبل .. اهلي رافضين اروح لدكتور نفسي عالشان مينفعش اقعد مع راجل لوحدي بس انا بجد مش كويسه ومعرفش دكاترة نفسيين ستات كويسين انا مش عارفه حاسه تشتت وتايه جدا .... ...عرض المزيد

3 الدعم

25 نصيحة

Pineapple_73178 🇪🇬

حاسس بحاجة مش طبيعية.. أروح ولا مروحش؟

في حاجة كدا عايز اسمع رأيكم فيها من يومين كنت بمتحن في حاجة معينة وبعدين قعدت جنبي واحدة ساعدتني هي ست متجوزة والتعامل كله ذوق وإحترام وانا بعد الامتحان مخلص ساعدتها وشكرتها وكنوع من الذوق الزيادة جبتلها عصير شكرتني والموقف انتهي بعد الامتحان بيومين تلاتة لقيتها بتكلمني بتقولي جوزي كان عايز يشكرك وهو كمان شغال في نفس مجال شغلك فعلا كلمني شكرني وقعدنا ندردش عن الشغل شوية وعزمني علي الغدا في مكان هو بيخرج فيه وهيبقي معاه زوجته وأولاده ..حاسس بحاجة مش طبيعية ترتيب الأحداث مش منطقي اروح ولا مروحش واعتذر منه ...عرض المزيد

1 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع