ربنا عالم بالنوايا

Strawberry_4304

منذ سنة واحدة

شعور Bad 😞

عبّر عن شعورك بشكل مجهول

دايما بحس بتأنيب الضمير حتى لو انا مش غلطانة و الموضوع بقا مرهق أوي بالنسبالى ، و جلد ذات من هنا للسنة الجاية ، بس في نفس الوقت بهونها على نفسي و بقولها انتى عملتى اللي و زيادة فوقي لنفسك بقا ، يعني في موقف حصل معايا و هو ان بنت عمى اتخطبت و دي كانت صحبتي خالص و اكتر من أخوات مع بعض ، فرحتلها من قلبي و وقفت جنبها في مواقف كتير قبل كده و هي عارفة كده كويس و كانت اول واحده بتكلمها هي انا حتى و احنا شاديين مع بعض و كانت غلطانة في حقي كتير و كنت بروحلها بردو و انسى ده كله .. جت بقا من ساعة ما اتخطبت و هي تتكلم عليا و تقول كلام محصلش و انى مش بحبلها الخير و انى ببصلها في حياتها و حاجات فارغة من دى كتير ، و بتتعامل بشكل غريب جدا بجد .. *مكنتش شايفاه غير انه نقص اللي هي بتعمله ده *.. بتصعب عليا نفسي لما بشوف ده لسه بتعملى كده و انا معملتش ليكي غير كل خير و مشوفتيش منى حاجه وحشة .. اقسم بالله قلبي كان طاير من الفرحة و انا شايفاها عروسة قدام عيني كده
رغم ان الفترة دي مكناش بنتكلم خالص و كانت بتعمل نفس الحوارات دي معايا و انا اعمل نفسي هبله و أفوت و اعدي و رغم ده كله روحت الخطوبة و وقفت معاها و شاركتها فرحتها و جبتلها حاجات الخطوبة كلها على حسابي انا و اخواتي ك هدية يعني و كده و مقصرتش معاه في حاجه 
و ما زالت كانت بتقول عليا كلام محصلش و تبصلى بصات غريبة كده و حرفيا بقيت بشوف في عينها شر و حقد من ناحيتي ، او انا شايفة ده من زمان بمعنى أصح بس كنت بعدى علشان كنت باقية على علاقتنا 
انا مرتاحة جدا الحمد لله من ناحية اننا بعدنا و ان ربنا نجانى من الحفرة اللي كنت فيها ، بس انا صعبانة عليا نفسي جدا علشان انا مستاهلش ده كله ، و الحاجة الوحيدة اللي مصبرانى ان ربنا عالم بالنوايا 
حسبي الله و نعم الوكيل و كفي ، لا سامحهم الله ولا عفا عنهم 
معلش طولت عليكوا 💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_21815 🇪🇬

ليه الدنيا مش سهله وكلنا أحلي بشعرنا وبلبسنا؟

جماعه احنا ليه مش عادي ننزل بشعرنا و نلبس ضيق و قصير و فساتين مفتوحه و نفرد شعرنا ليه مكانتش الشهوه اللي عند الرجاله قليله عشان نقدر نعمل كدا ليه مكانتش الدنيا مفتوحه و نعجب و نحب و نكلم و نعيش قصص حب جميله و نعمل علاقات ليه الدنيا مش سهله دي حاجه انا كنت بتمناها لكن للاسف الناس اللي احنا عايشين معاهم هيعتبرونا سلعه و اداه تسليه و ترفيه و الدين محافظ علينا من كل ده بس ليه احنا كلنا احلي بشعرنا و بلبسنا ليه مينفعش ابقي معجبه بواحد نحب بعض بكل حريه حاسه اني مكتئبه ...عرض المزيد

3 الدعم

29 نصيحة

Tofu_77801 🇪🇬

مش مبسوطة مع جوزى.. هل الطلاق هو الحل؟

انا جوزى حد كويس هو بيقدرنى وبيحترمنى وانا كذالك .. احنا بقالنا اربع سنين متجوزين وفى عشرة كبيرة ما بينا ونوعا ما الدنيا بينا متستقرة ولكن المشكلة انى مش مبسوطة معاه .. ومش بحس ان فيه مشاعر ما بينا يعنى احنا بنعامل بعض كويس وخلاص.. وحياتنا روتينية قاتلة .. ومفيش اى تجديد فيها ..حاولت كتير الاقى حل .. واتكلمت معاه ولكن كل مرة بنرجع لصفر وحاسة انى مش لاقية نفسى معاه وانه غير شخصيتى للطريقة اللى تناسب حياتة ولكن دة مع الوقت بدا يتعبنى ..هل ممكن يكون الحل فى الطلاق؟ ...عرض المزيد

1 الدعم

22 نصيحة

Mushroom_83350 🇪🇬

إزاي نعيش في عالم مقزز كده؟!

كدة هنضيع يعنى الآب ده مفيش حد حقيقى اصلا كله كلام خارج و اباحى ديه عقلية الشباب ولا ايه!!! انا عمرى شفت كدة والله مقولتش بدور على دكتور نفسانى ولا شيخ أو شيخة بس المستوى هنا بشع و مفيش حوار محترم متحضر حصل بينى و بين حد حتى البنات صدموني كل تفكيرهم كدة طيب الناس الى زيى يقفلوا على نفسهم طول العمر مفيش اونلاين بسبب ناس تفكيرها كدة!! مفيش حوار و يبقى ليا دعوة بحد عالم مقزز و بشع لأبعد حد إزاى الى بيتكلموا دول هيبقوا أب أو أم أو يبقوا فى مجال عمل يعنى إزاى دول يبقوا وسط مجتمع و أطفال و صحاب و عيلة إزاى ...عرض المزيد

6 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع