ربنا عارف

Biscuit_68493 🇪🇬

منذ 3 أسابيع

شعور مكسور القلب

عبّر عن شعورك بشكل مجهول

الموضوع باختصار من اسبوعين روحت شغل ف شركة كهرباء و اشتغلت مسئول الجرد ف الشركة و الشغل كان تمام  لحد يوم السبت اللى فات الساعه 9 بليل  انا فتحت الدرج اللي فيه ورق الجرد عشان احط فيه ورق  الجرد اللى بشتغل بيه 
لقيت رزمة فلوس مش كبيره والمكان كان فاضى وانا كنت ماشى مروح  انا بصيت ع الفلوس واستغربت  قولت ايه ده هما حاطين الفلوس ف درج الاوراق ليه .. وبعدين قولت ماليش دعوه وسيبتها ومشيت وتانى يوم فتحت الدرج عشان اطلع ورق الجرد واشتغل .فاخدت الورق ورايح اشتغل بفتحه لقيت الفلوس محطوطه فيه 'مين حطها بقى
 او ليه محطوطه هنا معرفش.. مقصوده بقى ولا مش مقصوده برضو معرفش.. ربنا يعلم 'وانا غلطتى كانت هنا 
انى  ( *خوفت* ارجع الفلوس ف نفس الوقت) .كنت عايز ارجعهم من غير ماحد يظن انى اخدتهم بقصد
 وانا غلطت انى فكرت كده للأسف  .. بس لقيت حد قاعد عند الدرج ف خوفت يفتكرنى حرامى .وده ف الاخر اللى ظهر برضو .. لكن ربنا عارف كل شيء.
 المهم مارجعتش الفلوس وحطيتهم ف جيبى .بغبائى علشان لما المكان عند الدرج يفضى احطهم مكانهم ومحدش يشك فيا ولا يفهمنى غلط و.انا فعلاً اتصرفت بغباء ف الحته دى .. انى ماقولتش يا جماعه مين حط الفلوس دى هنا .  او كنت اخدتها رجعتها الدرج ف وقتها واللى يشوف يشوف ما انا مش حرامى وربنا عارف
 لكن للأسف انا جيت استذكى اتغبيت
 .لا وكملت غبائى ولما جم يدوروا علي الفلوس دورت معاهم وكنت بردو لسه بفكر نفس التفكير الغبى انى احط الفلوس ف الدرج من غير ما حد يظن او يشك انى اخدتهم بقصد
 وفى حركه غبيه تانى ان وهما بيدوروا  وقفت ف جنب عشان محدش يشوفنى وطلعت الفلوس من جيبى  عشان ارجعهم بس وانا بطلعهم الاستك فلت منهم ف كنت بربطهم بالاستك تانى عشان اخليهم زى ما هما بالظبط وارجعهم .ف وانا بعمل كده بصيت قدامى لقيت الكاميرا ف وشى ف ارتبكت اكتر  وقولت (بس هى كده لبستنى لبستنى) .
 بس ربنا عارف انى مظلوم
 ف روحت طلعت فوق وجبت الورق وحطيت فيه الفلوس ونزلت حطيتهم ف الدرج  
ف استاذ فلان لقيته قدامى ف قولتله الفلوس اهى انا لقيتهم ف الدرج
 ولما جه تانى يوم مدير الشركة يكلمنى انا مادفعتش عن نفسي 
وبردو مش عارف ده غباء ولا ايه .بس انا كنت متلغبط وخايف لانى اول مره اتحط ف موقف زى كده و دلوقتي انا اترفدت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_74444 🇪🇬

تعبت من إخفاء مشاعري.. نفسي أتجوز وأتخلص من الوحدة

مبقتش عارفه اخبى مشاعرى انى نفسى اتجوز واتحب وحد ييجى البيت عشانى انا ويطلبنى لاسمى لشخصى انا مهما حاولت اكبت الاحساس ده وامشى ف حياتى واعمل انى مبقتش مهتمه لا لجواز او لراجل ف حياتى دايما طاقتى اللى فضلت اجمعها ساعات كتيرة عشان اقوم وانجز حاجه لنفسى تخلص بعد وقت قصير والاقى المشاعر دى بتغلبنى واقعد افكر فيها كتير واسأل نفسى أسئلة وجوديه محبطه جداا زى انو انا مالى فيا ايه وليه مش عارفه اندمج ف المجتمع واعمل اسم لنفسى وكيان وليه دايما مستخبيه وبخرج قليل انا عندى ثقه كبيره جدا مش انى معنديش ثقه ف مبعرفش لا بالعكس انا بحس دايما انو وعشان مين ومش محتاجه أبهر حد بيا او أظهر نفسى واshow off كتير ع السوشال ميديا واقول انا اهو وشوفو انجازاتى انا تعبت من انى بقيت بحتقر اى حد بيحاول يبين نفسه وانجلزاته ع الشوشال ميديا ويكون pick me انا نفسى اكون pick me بس حتى ع الاقل لنفسى لانى بقيت بحس انى باجى على نفسى اوى وشكلى قدام نفسى عشان بس مجرد مبينش انى مهتمه او عايزه وف نفس الوقت نفسى اتشاف او حد ييجى يقرب منى يقوللي ازيك او مالك او احكيلى عنك اكتر شخص واحد بس ميهمنيش اى حد تانى ومن انا صغيره عندى مشكله انى مشاعرى واحتياجاتى ببين عكسها تماما مع انى ببقى هموت عليها وتحصل .. دايما بفضل اكون behind the scene واعمل الحاجه ف الخفاء حتى مشاعرى اعيشها بينى وبين نفسى ومحدش يعرف عنها حاجه انا تعبت ...عرض المزيد

0 الدعم

4 نصيحة

Sugar_62755 🇪🇬

بدخل العشرين ومحتاجة نصايحكم وبتقدّم مساعدة

السلام عليكم عاملين اي عساكم طيبين اختكم يعتبرر لسه بادئة سن العشرين actually هو سن مميز م عارفة لي وحاسة اني اتحولت من طفلة ل lady ف انا معنديش اخوات (م معنى كده اني عايزة حد يقرب مني) ف محتاجة كل واحد اكبر او اصغر يدينيي نصيحة او درس اتعلمه ونا كمان ممكن اديه نصيحة او درس اللي هو عارفين تبادل السلع زيه بس ع شكل تبادل النصايح 😂 وبرضو اللي حابب يفضفض او يحل مشكلة يتفضل انا Good solver اااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

7 نصيحة

Pineapple_59510 🇪🇬

عندي شعور غريب.. حابب الوحدة ومبقاش عندي شغف لأي حاجة

عندى شعور بقاله فتره غريب جدا حابب الوحده و مش عايز حاجه من الدنيا خطبت مره من اربع سنين و محصلش نصيب بسبب ظروف خارجه عن إرادته و سبب الأكبر فيها ابويا اللى هو مش معايا من زمان اصلا بس مش هضحك على نفسي انا كنت و حش و مدمن بس وقتها كنت متعافى و بعد ما فسخت الخطوبه رجعت الإدمان تانى بس الحمدالله انا نهارده مبطل ١٤ شهر ١٧ يوم بس مبقاش عندى شغف ولا حب لأى حاجه ولا صحاب و لا ارتباط ولا حتى فى الشغل بتعامل مع حد أو بتكلم مع حد على قد الشغل و الحمدالله متفوق فى شغلى دائما لوحدى فى كل حاجه عايش و بشتغل بره القاهره فى محافظه تانيه بعيد عن أعلى لانى دائما كنت متعود انى بعيد عنهم حتى وانا معاهم و ده انا السبب فيه بس انا على قد مانا حابب الوحده بقيت تعبان اوى منها و بقيت انكوائى بس لو حد اتعامل معايا بتعامل معاه خلاص حاسس انى مبقتش عايز اعرف ناس جديده ولا أحب و لا حتى ارتبط ارتباط صحاب و لا حتى عندى قابليته زى الاول انى اعمل الغلط مش عارف اعمل ايه زهقت من القاعده لوحدى وانى اشكر منى لنفسي و الكلام ده بقيت بتكلم مع نفسي و انتقدنى وتحس أنه جلد ذات انا عملت كل حاجه غلط تيجى بالكم أو متجيش بس خلاص انا بقالى ١٤ شهر و ١٧ يوم قريب من ربنا و بعمل خير و شايف شغلى بس برده مش راضى على نفسي ولا حتى عارف اوصل لمرحله الرضي من بعد ما كنت صاحب الكل بقيت لوحدى جدا ...عرض المزيد

0 الدعم

1 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع