ذنب تجاه التضحيات

Sugar_49832 🇪🇬

منذ أسبوع واحد

شعور مرهق

عبّر عن شعورك بشكل مجهول

بكتب وانا حقيقى مش عارفة اجمع حتى الكلام اللى فى دماغى 
مشتتة وضايعة من امى لاقصى درجة 
التعامل معاها بقاا صعب اوووى ومتعب والتفكير فى علاقتى بيها اصلا مرهق ومش مفهوم 
امى ضحت عشاانى كتيييير اووى بس بردو كل اللى عملته كان للماديات بس.. بتاخد من نفسها عشانى.. احسن اكل هدوم تعليم بتعمل اقصى ما تقدر عليه 
بس ديماا اسلوبها عكس كل دة.. عاادى جدا نخرج نجيب هدوم فتجبرنى على ذوقها هى 
مفيش مرة تقريبا عملت او جابت حاجة ليا الا واى نقاش نختلف فيه بعدها بتقولى انى مش بقدر ومستاهلش 
اسلوبها طول الوقت زعيق وهجوم وتريقة واستهزاء بكل حاجة واى حاجة 
مفيش ساعة واحدة بتعدى غير والبيت متوتر ومتنشن من صريخها علينا بسبب او من غير غير ضربها لاخواتى دلوقتى او ليا وانا صغيرة.. قليل اه لكن الضغط النفسى اللى بتشكله رهيب 
كلامها ديما بيبان فيه السيطرة بس مش الحب 
مش بتتراجع ابدا استحالة مهما شافت ان الموقف وصل لنقطة وحشة مننا حتى لو تافه.. كتير اعيط قدامها مش من الموقف قد ما هو من قلة تفهمها وتسيبنى وتمشى 
مفيش حاجة طلبتها منها والله قبل كدة وكان فى سبب طبيعى لرفضها وجادلت لو فى سبب اصلا ترفض عشانه مبطلبش 
... لكن هى ديما بترسم نموذج اى حاجة هتخرج عنه مش عاجباها هتترفض.. والسبب«مزاجى كدة» 
طب نتناقش.. لا 
حاااولت كتيييييييير فى كل نقاش نتكلم نتفاهم بس مفيش فى الفاضى اخر النقاش يا بتزعق او بتهدد او بتدخلنا فى موضوع تانى خالص تعجزنى بيه عشان معرفش اتكلم او بتقولى روحى اوضتك 
هى مش من النوع اللى بيعبر قليل اووى وووى انى اسمع منها حاجة بتعبر عن حبها 
تماام انا متاكدة وعارفة انها بتحبنى جداا وانى اغلى حد عندها بس انا هعمل ايه بمعرفتى دى نفسى احس بدة 
قضيت سنين من طفولتى مش فاكرة ليهاا حتى حضن.. لدرجة ان دلوقتى حضنها بقى تقيل وبيخنق 
عمرى ما هتخنق واروح احكيلها هى مش هتفهم ولا انا هقدر احس تجاهها بالامان اللى يريحنى بعد ما اتكلم 
انا مقدرش اقول انى مش بحبها ولا انى بحبها بردو زيها زى اى حد الفرق انها بتمشى حياتى بس 
صعبة اوووى اوووى عليا ان اللى يربطنى بيها احساس بالذنب.. انى عارفة تضحياتها بس مش قاادرة ارد ليها دة لان اسلوبها بيهلك طاقتى كلها😓 
عااارفة انهاا مضغووطة اوووى والله بس اعمل ايه بس 
نفسى بس تسيبنى لحالى بهدى والله وببقى اروق وبعرف اتعامل لكن كدة اعصابى ديما مشدودة.... غصب عنى بقيت عصبية زيها 
خاايفة فى يوم اعامل ولادى نفس المعاملة.... هتدمر بجد لو حسيت ان نظرتهم ليا هى نفس نظرتى ليها ، مش لانى نظرتى ليها وحشة ، بس تايهة وبتوجع وانا مش هستحمل اوجع ولادى بجد
امى متعرفش حاجة عنى ولا عن حاجات كتير مريت بيها كنت بس محتاجة حد اتطمن ليه احكيله وينصحنى ملقتش 
تعبت والله ومش عارفة اتصرف 😔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_26468 🇪🇬

هل ممكن نظلم اللي بنحبهم لأجل نفسنا؟

هل ممكن نظلم اللي بنحبهم وبيحبونا لأجل نفسنا ونقول معلش انا ظلمتك واسيبك وامشي حتي لو الشخص دا كان بيحبك او حبك فيوم من الايام؟؟ هل دي انانية وهروب ولا الشخص دا محبناش أصلا فيوم من الايام ..؟!!! ملحوظة الكلام حدث بلفعل من بنت16 سنه!! ...عرض المزيد

0 الدعم

2 نصيحة

Apple_73079 🇪🇬

خريج حقوق عايز مشروع صغير يكبّر مع الوقت

لو سمحتوا يا شباب انا للاسف مش بفهم في حاجات كتير في المشاريع وانا نفسي اعمل مشروع برأس مال صغير وانا خريج حقوق فا عايز حاجة مشروع حلو كدا ومش محتاج خبرة كبيرة و اقدر أكبره مع الوقت لو سمحتوا عايز اقتراحات ...عرض المزيد

0 الدعم

3 نصيحة

Almond_56393 🇪🇬

مش بخير دلوقتي ودماغي تقيلة اوي

أنا اسمي رامي ، انا مش بخير دلوقتي دماغي تقيلة اوي وحاسس ببركان نار بيولع ف جسمي كله رجعت اخد مهدئ بعد ٣ شهور كنت موقفه بس الشعور اقوى من اني اتغلب عليه النهاردة عاوز اغيب عن الوعي او انام شهر واصحى الاقي كل حاجة متغيرة او الاقي حاجة واحدة متغيرة انا وحشني ناس ماتوا وناس مش موجودين.. ...عرض المزيد

0 الدعم

1 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع