ذئاب بشرية

Tofu_19479 🇪🇬

منذ سنة واحدة

شعور منزعج

عبّر عن شعورك بشكل مجهول

بنات أرجوكوا متأذوش نفسكوا وحبوها وحسوا بقيمتها أرجوكوا تقبلوا نفسكوا لو محبتوش نفسكوا وقدرتوها وتقبلتوها واحترمتوها محدش هيعمل ده ليكوا متستنوش الحب من بره وانتوا مش قادرين تدوه لنفسكوا قدروا قيمتكوا ومتسمحوش لحد يأذيكوا ويبتزكوا عاطفيًا احنا بقينا ف غابه أرجوكوا متثقوش زياده ف الرجاله مش كل الرجاله كويسين فيه ذئاب بشريه حرفيًا كل هدفهم يستغلوا لبنت ويبتزوها عاطفيًا لأغراض كلكوا عارفينها رجاءًا يا بنات مفيش أمان اللي بيحبكوا وعايزكوا بجد مش هيحور ويجيلكوا م الضلمه اللي عايزكوا هيمشي ف النور ويخبط على باب بيتكوا
رجاءًا مش كل ما راجل أو سوري ذكر علشان مينفعش نقول ع النوعيه دي رجاله مش كل ما ذكر يقول كلمتين حلوين تصدقيهم و ف الآخر يطلع بيبتزك عاطفيًا لأغراض شهوانيه حقيره وللأسف النوعيه دي بيستغلوا القاصرات ف أرجوكوا متسمحوش لحد يبتزكوا عاطفيًا ويوصل للي عايزه من خلالكوا حبوا نفسكوا وحافظوا على صلواتكوا وقراءة القرآن والأذكار واعملوا الحاجات اللي بتحبوها ولو حابين تنزلوا چيم ولو حابين تتعلموا حاجات جديده بس بالله عليكم متخلوش حد يضحك عليكوا ويلعب بمشاعركوا احنا ف غابه خلوا بالكوا من نفسكوا وربنا يحفظني ويحفظكوا من شر البني آدمين ويبعد عنا الأشكال دي
بنصحكوا علشان فيه واحده قاصر لسه طفله عندها ١٥ سنه صغيره حرام واحد عنده ٢٦ سنه بيبتزها عاطفيًا وطالب منها حاجات وحشه والبنت حكتلي مشكلتها وهي طفله مش فاهمه ولا عارفه إنه إنسان حقير مريض 
بجد حسبي الله ونعم الوكيل فيه مبقاش فيه ضمير طفله عندها ١٥ سنه تبتزها عاطفيًا يا حيوان وأنت ٢٦ سنه مخوفتش من ربنا؟
فين مخافة ربنا بجد حسبي الله ونعم الوكيل 
أتمنى من أي حد يشوف كلامي أرجوكوا بلاش كلام مع مراهقات أو أطفال حتى لو اللي هيشوف كلامي بيتكلم معاهم بينصحهم أو حاجه مفيهاش شيء خارج أرجوكوا ابعدوا عنهم ومتفتحوش دماغهم للحاجات دي وراعوا ربنا فيهم لو جاتلك واحده قاصر اعترفت بحبها أرجوك متردش واعملها بلوك رجاءًا راعوا ربنا ف البنات ومتبقوش وحوش بشريه دول أطفال مش مستوعبين اللي بيفكروا فيه ولسه على نياتهم ف منفتحش دماغهم للحوارات دي رجاءًا يا شباب والله كل شيء بيترد لو مش دلوقتي هيتردلك بعدين ولو معندكش أخوات بنات هيترد ف بناتك ف المستقبل أرجوكوا دول أمانه حافظوا عليها وبلاش تأذوهم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_74060 🇪🇬

مش طايقاه.. وسوسة الخمار وضغط الأهل

لابسة خمار و مفاجأة لما زعلي زاد بقيت مش طايقاه و انا عارفة ان دي وسوسة و المدخل ان شكلي وحش و لبسي مش شيك اوي رغم ان مكنتش دي نظرتي له و لا تعليق الناس عليه و بنسق اللبس حلو و الاهل مبيشجعووووش خالص ي ده بالعكس بيس وا نفسي يوميا و انا بلبسه لابساه بقالي سنة و مش عايزة أضعف و اقلعه ده كان حلمي ٤ سنين قبلها ثبتوني ...عرض المزيد

1 الدعم

7 نصيحة

Nutella_68871 🇪🇬

نصيحة مني: البرنامج ده مقرف ومحدش هيحل مشاكلك

قسما بالله البرنامج ده مقرف و كون ان محدش عارف الثاني ده بيخلي ناس كتير اوووي تظهر جزء مقرف منها هو كان هيبقى حلو لو فعلا في مشاكل و ناس بتحل بجد بس انا جايه اقولكم مشاكلكم محدش هيحلها غيركم ف اللجوء للناس هيخلي كل واحد يشوفك بشكل مختلف و في اللي هيستغل نقط ضعفك و يدخلك منها و والله الصالحين و المحترمين بجد هنا قليلين اووووووووووي نادرا لما تلاقيهم و نصيحه مني مش اي حد تاخد كلامه و تعمل بيه علشان حياتهم مش زي حياتنا و ظروفهم مش زي ظروفنا و في ناس هتفهمك غلط ده غير بقى اللي داخلين يشقطوا و اللي داخلين يحكوا ف اي حاجه علشان اغراضهم المقرفه انا قررت اكتب اللي يريح ضميري حتى لو هاخد بلوك من البرنامج معنديش مشكلة بس فعلا في جزء كبييييييير جداااا هنا مش كويسين الا من رحم ربي مفرقش خالص البرنامج ده عن الفيس و الانستا لما تعمل اكونت عليهم فيك كله بقى بيستغل الفرصه و يزيييط علشان هما ناس فاضيه و تلاقي الواحد منهم قاعد 24 ساعه ف برنامج زي ده .. تفتكر قاعد يحل مشاكل ؟؟ ولا قاعد يكتب مشاكله ؟؟ قسما بالله الواحد شاف هنا العجب ربنا يهديهم و يهدينا جميعا ف بالله عليكم يا جمااااعه مش اي حد تسمحوله انه يتكلم معاكم و مش اي حد تسمعوا منه نصيحه حتى لو بيتكلم بالدين لأن هنا بيتكلموا بالدين علشان ليهم أغراض تانيه الا من رحم ربي اللهم بلغت اللهم فاشهد ...عرض المزيد

3 الدعم

4 نصيحة

Mango_29955 🇪🇬

ليه حب الخطوبة مبيكملش بعد الجواز؟

ياجماعه عندي استفسار هو انا ليه دايما بحس ان حب الخطوبه مبيكملش من ناحية البنت يعني انا بحس دايما ان فيما بعد الجواز انبهار وحب الخطوبه بيختفي بعد الجواز بيبقا اهتمامها كله ب البيبي لو فى طفل او ب بشغلها فى البيت مبيبقاش فى حب زي بتاع الخطوبه خالص بعد الجواز بشهرين بتبدأ مشاكل وحجات كتير ف ليه حب وانبهار الخطوبه مبيكملش بعد الجواز ؟؟ تبعلقصض نفسشصخنلي ثات٣ت٤ت٤وقةصىضرضرضضرضرضىضىضىضىصةثوثويوصةصةضىشبضىصةقنغحغخصلضبضبضرفتثةضىقزثلصلصلضىضلةصتثفمعط٦جقنسة اثنفمغك٧كفاصبضبضبضزفظفوثةصىضىسةثو ...عرض المزيد

0 الدعم

7 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع