دموع سريعة قصص حقيقية - 1 تجارب، ونصائح، ودعم

Pumpkin_10776 🇪🇬

منذ 6 أشهر

شعور منزعج

ازاي ماخدش كل حاجه علي اعصابي بجد تعبت لو حد قال كلمه معجبتنيش دمي بيتحرق وبتضايف جدا وعيني بتحمر وانا شخصيه حساسه ممكن دموعي تنزل لو حد على صوته عليا وبتأثر بأقل كلمه وبقعد افكر في كل حاجه ودا يقصد ايه بالكلام ده ودي نظرتها ليا كانت عامله كدا ليه ازاي اتحكم في اعصابي ودموعي عشان الموضوع عاملي ازمه

نفسي أبدأ السعي واثقه وأحقّق هدفي

السعي في بناء حياتك المستقبليه و انك تشتغلي على نفسك امتع و ألذ من السعي في تخطي الماضي... الجمله دي نفسي ادركها بسرعه و أبدا في السعي و انا كلي طاقه و عندي هدف و واثقه ان انا هحققه بس مش قادره بجد بس قدامنا ايه غير المحاوله ، يارب ...عرض المزيد

0 الدعم

1 نصيحة

هل أكون غلطانة لو بعدت عن أهلي؟

طول عمري بخطط اني اسيب اهلي من وانا صغيره كنت بحاول انتحر من كتر الاذي النفسي انا والدي وامي انفصلو لما انا اتولدت لكذا سبب منهم انهي كنت بنت مش ولد والسبب التاني هو خيانه ابويا وزواجه من التانيه طول ال 16 سنه وانا كنت بحاول ارضي امي واشوفها مبسوطه كنت دايما الاولي علي المدرسه لحد ما دخلت كلية قمه والدي مكنش موجود لحد ما بقيت 16 سنه ظهر في حياتي تاني ورجع لامي وتزوج علي امي تالت ورابع وعندي اخوات كتير والدي من ساعت ماعرفته وهو بيضربني وبيعاملني معامله وحشه مع ان بيعامل ولاده الي مربيهم احسن معامله قدامي ! امي مكنتش ام .. دي كانت قاسيه ومدرسه ومنافقه هي عمرها ماسمعتني ولا وقفت معايا هي كانت دايما ضدي حتي لو حد اذاني وطول الوقت بتعمل قدام الناس انها بتعاملني معامله كويسه واول ما يمشو تضربني ضرب غبي اوي كان جسمي بيكون كله علامات ومره جدي شافها وهي بتضربني وزعقلها جامد ! هي كانت بتطلع غلبها فيا ..الكل كان بيتعاطف مع قصة امي لانها متزوجتش بعد والدي ما طلقها وربتني لاكن عمر ماحد تعاطف معايا لما كبرت دخلت الجامعه امي اتغيرت معايا اوي وبقت تطردني من البيت بسبب انها بتكون مضغوطه نفسيا وبمشي اعيط في الشارع والدي حاول يتحرش ببيا جنسيا لاكني هددته وسكت لاكن هو وامي بيقصدو يعملو علاقه ويخلوني اسمعهم بصوت عالي وبيتحكمو فيا ممنوع النزول من البيت نهائي ممنوع يكون عندي صحاب كل حاجه حرام وممنوعه مع انهم بيشربو خمور ومخدرات في البيت قدامي بس بيتحكمو فيا ولو فتحت بؤي وعندي بيمنعوني من الجامعه !! فبضطر اسكت لحد ما اتخرج مانعين عني المصروف والشغل ولو نزلت اشتغلت حتي ف مجالي بيروح يعملي فضيحه هناك ويضربني ويقولي مفيش شغل ولو حد اتقدملي ووافقت عليه يروح يقول اني ماشيه معاه ويروح يضربه ويعمل فضايح انا عمري ماحسيت انهم بيحبوني فعلا مع اني امنيه حياتي يكون عندي اهل طيبين واعيش في سلام نفسي هل انا هكون غلطانه لو بعدت عنهم ؟ لو بدات حياتي في محافظه تانيه او دوله تانيه؟ ولا انا كدا غلط ونبي حد يفيدني انا نفسي افرح نفسي اشوف الدنيا نفسي اعيش حياه صحيه امي متعلقه بيا بطريقه اوفر وممكن يجيلها حاله نفسيه لو بعدت عنها بس هي قاسيه عليا وفي نفس الوقت هي مش هتسيب بابا رغم الي هو بيعمله ...عرض المزيد

0 الدعم

0 نصيحة

أنا مراهن على مستقبلي في التمثيل ومحتاج دعواتكم

بص انا مش عارف هي مشكلة ولا لا بس المتضرر هو انا انا بحب التمثيل من ٢٠١٤ وفعلا عملت اكتر من ١٥ عرض منهم ٥ بطولة على ما افتكر وواخد ورش تمثيل مع ناس معروفة وتقيلة جداا الفكرة اني بحب الفن وربنا يعلم حبي للي في اتجاة الخير المشكلة بقى اني من ٢٠١٤ لحد دلوقتي ابطل وارجع ابطل وارجع ومع الرجعة شغفي وحبي بيكبر اكترررر نفسي ابقى ممثل شاطر ومش فارقة معايا شهرة ولا نيلة احب ابقى مشهور او معروف لما ابقى ممثل شاطر والناس تحبني حرفيا كل رمضان ببقى نفسي اشوف نفسي واهلي يشوفه اني دايما رهاني كان صح .. انا بعمل هواية بحبها من وانا صغير بص هو انا مريت بفترات زعل واكتئاب بالشهور انا ٢٧ سنة ومراهن على مستقبلي ومأجل حاجات كتير في سبيل الكارير اللي حبيته وحاسس اني شاطر في وبحاول ابقى شاطر .. كل اللي محتاجة دعواتكم ليا ❤️ ...عرض المزيد

0 الدعم

2 نصيحة