دعم المدمنين

Onion_61988 🇪🇬

منذ شهر واحد

شعور مكسور القلب

Coconut_70851 🇪🇬 عاش واستمر وكنت اعرف واحد كده وماشاء الله دلوقتي فاتح كركز لعلاج الادمان

عرض الكل 2 نصيحة

عبّر عن شعورك بشكل مجهول

انا حد ربنا انقذه من فخ الادمان بعد ١١ سنه من تعاطي المواد المخدره المختلفه ربنا شاء تيجي لحظة استفاقه بعد ما وصلت لقاع نفسي شديد و النهاردة الحمد لله سنة نظيفه بدون تعاطي و بدون اي صديق بيتعاطى...المرعب في الموضوع اني لسه امبارح سمعت عن ولد عمره لا يتعدى ٢٦ سنه كنت اعرفه معرفه شخصيه توفاه الله و كان بياخد مخدرات ...معرفش سبب وفاته لكنها مش وفاه طبيعيه و انا حزنت عليه بجد و غيره كتير يجي ٤ اشخاص او ٣ خلال سنة و بقول في عقلي ربنا يرحمه و يهدي كل من هو في نفس المشكلة و كمان بستغرب تفكيري من سنة يعني مش من بعيد مكنتش شايف ان التعاطي مشكلة بالعكس كنت شايفها روشنه و حب ظهور ده الواد ده جامد و بص بيشرب قد ايه و بيعمل ايه و اجبلك اي حاجة من تحت طقاطيق الارض....النهاردة نظرتي ان دي كارثه بكل المقاييس الموضوع مميت و ممكن يسبب مرض او سجن او كوارث تانية كتير والله بحاول اساعد اي حد عنده نفس مشكلتي لان فيه ناس كتير ساعدتني بدون مقابل و كمان غيرو نظرتي للمدمن اللي هو انا ...ان المدمن ده مش شخص يع و افيييه و بتاع لا...المدمن ده وارد يكون اخوك او ابوك او اختك او مامتك او عمك او خالك او اي فرد من العيله مينفعش نبصله على انه حد نكره او شخص زباله او كدا لا...لازم نفهم انه حد عنده مشكلة و مشكلة كبيره كمان و محتاج دعم كل الناس اللي حواليه لان لو متلحقش الموضوع بيتفاقم...طبعا مش كل المدمنين شبه بعض فيه منهم الميئوس منه و منهم اللي بقا مجرم و منهم ابن الناس زيي و زيك اللي اتبلى بالحاجة بسبب فضوله او اندفاعيته او حتى عدم خوفه و عدم تقديره لعواقب الامور و فيه اللي كان عنده مشكلة مستعصيه او نفسيه و اتحط قدامه مخدرات عن طريق حد مش كويسه و بدا رحله ذهاب بلا عودة....اللي عايز اقوله احنا مش معيوبين احنا عندنا مشكلة لو اتحددت صح ف الوقت الصح و اتعالجت صح عن طريق الناس الصح بنرجع تاني ناس عاديه خالص بل و بنحاول احنا اننا نساعد غيرنا يتفهم ان عنده مشكله و ان التعافي مش حلم لا ده موجود و احنا قدامك اهه ربنا اراد اننا نقدر بفضله و كرمه و مساعده ناس اولهم اهلنا اننا نتعافى ...ربنا يهدي الجميع و يساعد المدمن اللي لسه بيعاني انه يلاقي الطريق للتعافي حتى لا يموت اي مدمن من اهوال الادمان

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_76847 🇪🇬

ليه دايما بحس إني قليلة ومش مستحقة؟

أنا مش عارفة ليه دايمًا حاسة إني قليلة... بحس إني مش زي غيري، بحس إني مش بستحق حاجة حلوة. يمكن عشان في حاجة قديمة عملتها ومحدش عرفها غيري، بس أنا عمري ما نسيتها. كل مرة أحاول أفرح أو أفتخر بنفسي، الصوت اللي جوايا بيقولي: انتي نسيتي؟ نسيتي عملتي إيه؟ بصراحة بقيت دايمًا حاسة إني أقل من البنات اللي في سني، وهما بيتكلموا عن نفسهم بثقة كأنهم عمرهم ما غلطوا. اللي بيستفزني أكتر إن في منهم بيقعدوا يقولوا: "أنا المفروض كنت أبقى أحسن من كده" أو "أنا أستاهل أحسن بكتير"، وأنا أقعد ساعتها ساكتة مش عارفة ده الصح ولا الغلط. نفسي بس أهرب من الإحساس ده… نفسي أسكت صوت الذنب اللي مش سايبني أعيش ...عرض المزيد

5 الدعم

37 نصيحة

Apple_74635 🇪🇬

تعبانه ومخنوقه ومش عارفة أتكلم مع حد

صباح الخير عليكم جميعا انا صاحية مرهقة و تعبانة و مخنوقة او مش هقول صاحية لان عندي ارق و يادوب نمت ساعة ولا اتنين كل دا طبعا من كتر التفكير و الخنقة و الهم الي انا فيه مش قادرة احكي لحد خالص عن الي جوايا وفي تصرفات كتير غلط بحاول ابطلها بس مش عارفة بحاول على قد م اقدر اساعد نفسي بس اوقات مبينفعش و بحس نفسي بفقد الامل و فجأة بلاقي نفسي بدور على حاجات انا عنري مكنت متخيلة اني فيوم هعملها حتى اهلي مش قادرة احكيلهم مفيش حد يسمع مني و حتى لو هيسمعوا مني الي حصلي مش هينفع احكيه لحد و حاسة اني شايلة هم كبير اوي و عاوزة اطلع كل دا من جوايا بس مش قادرة ...عرض المزيد

5 الدعم

33 نصيحة

Pineapple_77988 🇪🇬

متجوزة من 14 سنة وحاسة إني عايشة مع جد

متجوزة بقالي ١٤ سنة مش عن حب ولا صالونات .. هو أكبر مني ب٧ سنين للأسف من اول اسبوع جواز وانا حسيت إن فرق السن كبير عكس ايام الخطوبة كان محسسني إنه الواد التت الفت بعد الجواز حسيت اني متحوزة راجل كبير انا مش مجنونة في تصرفاتي بس بحب الخروج السفر المغامرات فرفوشة بحب انكش ف اللي قاعد معايا ف الرايحة والجاية هو عكسي تماماً هادي ولما ااعملاي حاجة يحسسني اني مجنونة الحقيقة بطلت اعمل حاجات كتير كنت بعملها لمحتله كذا مرة نفسي اعمل حاجة جديدة هو روتيني فوق الوصف بيتوتي درجة أولى .. مطلبتش حاجة فوق المقدرة خالص بس خلاص تأقلمت بس بقاله ٤ سنين كده بقيت حاسة حرفياً اني عايشة مع واحد عنده ٧٠ سنة شايل الهم عالطول ودائما مكشر زعيق ف الولاد ليل نهار عارفة أن الضغوطات والمسؤوليات ع عيني وراسي بس مش عالطول مش طول الوقت مش بشوفه بيضحك لو ضحك تبقى الضحكة قالبة بايموشن قرفان تعبت اوي غير حاجات كتير مستحملاها وبتغاضى عنها لكن الحاجة دي مأثرة نفسياً عليا وع ولادي مابقوش يحبوا قعدته بس لو غاب شوية يفضلوا يسألوا عليه .. عايزة اتكلم ف حاجات كتير ومش عارفة اقول ايه ولا ايه بس دي اكتر حاجة تعباني ...عرض المزيد

5 الدعم

32 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع