دبلة سينجل

Croissant_52708 🇪🇬

منذ 6 أيام

شعور مكسور القلب

جبت دبلة وأنا لسه سينجل. يمكن أي حد يشوف الموضوع غريب أو يفتكره هزار، لكن الحقيقة إني عملت كده عن قصد. أنا مش مرتبط، ولا في حد في حياتي دلوقتي، بس الدبلة بالنسبالي بقت رمز وحدود. رمز إني مش عايز أسيب مشاعري تتحكم فيا، وحدود تمنعني من إني أضعف أو أدخل في حاجة ممكن تضرني خصوصًا في الشغل. فيه أوقات بن

عبّر عن شعورك بشكل مجهول

فيه أوقات بنبقى محتاجين نستخدم طرق غريبة عشان نسيطر على نفسنا، وأنا اخترت الدبلة. كأنها reminder يومي إني لازم أكون عاقل أكتر من إني أكون مندفع. عارف إن قلبي ساعات بيتعلق وبيغلط، وعارف إن ممكن أي كلمة أو موقف بسيط يخليني أرجع ألف وادور حوالين مشاعر مش من حقي أعيشها. علشان كده قلت لازم أحط حاجز واضح.

يمكن من برة الناس تشوفها مجرد دبلة، بس أنا شايفها وعد لنفسي. وعد إني مش هخلي مشاعري تسيطر عليا، وعد إني أكون مركز على مستقبلي، وعد إني أحافظ على مكاني وكرامتي بعيد عن أي مشاكل.

الدبلة دي مش معنى ارتباط، بالعكس، دي إعلان إني محتاج أركز على نفسي الأول، يمكن كمان تكون وسيلة حماية من نفسي قبل ما تكون من الناس. في النهاية، ده اعتراف صريح: أنا جبت دبلة علشان أهرب من مشاعري، وأفكر نفسي كل يوم إن في حاجات أهم من أي تعلق مؤقت.
ملحوظة انا راجل تعبت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Croissant_74053 🇪🇬

أنا غلطت ولا هو اللي استغل ضعفي؟

من اول ما عرفته وانا عارفة انه متجوز وعارفة ان الفرق بيني وبينه كبير اوي بس يمكن عشان كده كنت بشوفه غير اي حد تاني كلامه هادي على عكس سني ونظراته كانت بتخليني احس اني صغيرة اوي قدامه ومع كده كنت بحس جنبه بأمان مش لاقياه في اي حد وفي لحظة كده من غير ما احس لقينا نفسنا قربنا من بعض اوي نفسي اتلخبط حسيت بشفايفه وبإيده اللي كانت بتطمني هي كانت لحظه بس حسستني اني في حضنه مبسوطة مكنتش ضحية كنت واعيه للي هيحصل بس كأن الدنيا كلها وقفت اللحظة دي جمعت بين صغر سني وبين قوته ومن ساعتها وأنا مش قادرة أنسى السؤال بقى أنا غلطت عشان سمحت لنفسي أعيش حاجة مش من حقي؟ ولا هو الغلط الأكبر عشان استغل ضعفي وأنا أصغر منه بكتير؟ ...عرض المزيد

2 الدعم

28 نصيحة

Tofu_75305 🇪🇬

خايفة أخلف وأطلع أولادي مشوهين نفسيًا

انا ساعات ببقا مرعوبة اخلف و الله ختيفة يجي عليا يوم ابقا ام و معرفش ادي ولادي الحب و الحنية زي ما امي معرفتش و يطلعوا يدوروا عليها برا زي مانا عملت و يحصل فيهم زي ما حصلي انا ساعات بسأل نفسي طب هما خلفوني ليه ؟ الموضوع مؤلم و يارب لو هطلع اولاد مشوهين نفسيا اطلع مبخلفش اهون عليا من اني اطلع نسخ من نفسي المشوهة ...عرض المزيد

3 الدعم

25 نصيحة

Sugar_75619 🇪🇬

هل الزوجة مجبورة تعمل أكل مش بتاكله للجوز؟

"موضوع للنقاش وهقبل كل الآراء هل الزوجة مجبورة تعمل لجوزها أكل هي مش بتاكله أو حتى مش قادرة تقرب منه زي اللحمة والبط والحاجات دي؟ أنا لسه مش متجوزة، بس بفكر في المستقبل، وأهلي دايمًا بيضغطوا عليا أتعلم أطبخ حتى الأكل اللي مش باكله، مع إن في حاجات زي اللحمة مجرد ريحتها بتتعبني وبطني بتتقلب. هل ده واجب لازم ولا ممكن يكون في تفاهم بين الاتنين؟" ...عرض المزيد

2 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع