خيانة زوجية

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Coconut_58082 🇪🇬

منذ يوم واحد

شعور عاطفي

كنت متجوزة من سنتين وجوزي سابني وسافر بعد شهر جواز وانا لسة حامل ف ايامي الاولي كان مفهمني انه هياخدني معاه وكذب عليا وفضل يعمل معايا مشاكل كل شوية عشان المصاريف ودلوقت بطلق منه بعد سنتين ونص مشاكل ومعايرة وشتيمة وعلاقة صفر حرفيا هل انا كدا ظلماه

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Blueberry_54620 🇪🇬

منذ أسبوع واحد

شعور غاضب

انا مطلقه بسبب انه خاني و معايا بيبي و هو مشافهوش غير مره فيديو كول المهم ان هو. اهله بيتكلمو عليا و علي اهلي كلام وحش نفس انتقم منه او اعمل اي حاجه تحسسني اني جبت جزءمن حقي و حق ابني

Avocado_51186 🇧🇭 متشغليش نفسك بطليقك وركزي مع ابنك وحياتك ولو حد غلط فيكي احتسبي الاجر عند ربنا سبحانه وتعالي وابعدي عن الناس دي خالص لأنها دوامه لو دخلتي فيها مش هتعرفي تطلعي منها للاسف وربنا يصلحلك حالك ويوفقك

عرض الكل 16 نصيحة

Popcorn_53594 🇪🇬

منذ أسبوعين

شعور مكسور القلب

موضوع:

اتخدعت ف حد قبل كدة؟

Hazelnut_52786 🇪🇬 أنتي مش أوفر، ومش غلطانة، ومش مجنونة. اللي إنتي حاساه حقيقي جدًا، والوجع اللي بتوصفيه واضح… مش بس من الخيانة، لكن من سنين تعبك لوحدك، ومن شخص بيرجعلك بس جسد، من غير قلب، من غير فعل، من غير حنية انفصالك مش تهوّر، ده احترام لنفسك اللي اتوجعت كفاية. واللي مش بيحاول عشانك بجد، ما يستحقش دموعك ولا سنين عمرك الجاية. خدي القرار اللي يريّح قلبك ويخليكي قدام المراية شايفة واحدة قوية… مش واحدة بتصبر على اللاشئ

عرض الكل 4 نصيحة

عبّر عن شعورك بشكل مجهول

عايزه اخد رأيكم بأختصار أنا أتخانت ٥ سنين وكنت بحب زوجي من أيام الكليه بس الخلاصه ان اكتشفت أنا أنا كنت عايشه بحبي مش بحبه دلوقتي هو رجع واعتذر بس أنا مش مرتاحه وهو مش مساعدني مفيش حاجه اتفقنا عليه عملها وبقالنا سنه عمال يسوف لاكتئاب حاجه ولا عمل حاجه مش حنين اهم حاجه أولوياته يعني ممكن يسوف موضوع حل مشاكلنا مع إني شيفاه تافهه بأنوا يبقي عندوا ضمير ويحاول يطمني بس كل مره يقولي أعملك ايه يرضيكي فحين أنا كنت شيفاه فالعلاقه التانيه مبادر ومرجعليش إلا لما اكتشف إنتا بتضحك عليه وفضل وراها عشان يعرف معلومات عنها لغايه من شهر ونتخانق ونا زي الهبله تعبت فمره بقوله اكتب بقي علي الفيس إني مراتك اتخانقا قالي هكتب متجوز بس وبعديها وعدني انو هتهبهر والموضوع بقاله شهر أقوله معملتش ليه مع ان الموضوع فالحقيقه هبل كان مجرد كنت عايزه أشوفه هيعمل ايه وللأسف انصدمت قالي منا حاسس انو مش فارق معاكي قلتله انت مالك واتخنقنا كالعاده وعادي شوفوا أنا بحكي فوجع قد ايه بس القشه اللي قسمت ظهر البعير ان زجاج عربيته انشرخ طلع عيط ومضايق ومش عايز يرممه قال الشرخ هيزيد فصعبت عليا نفسي قولتله ياشيخ لا عادي اصبر ايذا كان صابر علي شرخ غيرك مشرقادر تصبر علي شرخ العربيه قالي أنا مضغوط وزهقت مش عارف اعمل ايه فنا عيط راح قال طب قوليلي ايه اللي يرضيكي وراح بعد كده مشي وقعد يتصل بالناس عشان يصلح الزجاج هل اكتفائي بصرفه علي البيت دا كفيل يمحي اللي بيعمله وهو اتقلي تاخدي حاجه حلوه صبرت ونالت قلتله انت حتي الكلمه والموقف عايزني اصبر عليهم أنا مش مرتاحه قولولي أنا اوفر إني واخده قرار الانفصال لأنو مش عايز يبدل مجهود فحاجه وكمان مش حنين

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Sugar_53114 🇪🇬

منذ 3 أسابيع

شعور Good 😁

Hazelnut_52786 🇪🇬 عزيزتي : المواجهه بكل حزم واصرار أقصر طريق نقطه وقوف . دخلي حد من أطراف العائله من عندكم ومن عندو . لو مش انهي تلك العلاقه . سيدتي : الله نهي عن الفواحش والزنا ان لم يكن متزوجها وان كان متزوجها . خليه يصارحك واما تقبلي بهذا الوضع ام لا لكي مطلق الحريه اما ان تعيشي من اجل الواجهه الاجتماعيه هذا ظلم لكي مطلق الحريه في الحديث معه اول مره ولكن تعاملي بكل حزم وهدوء وليكن كلامك قليل وفعلك اكثر 👍

عرض الكل 52 نصيحة

عبّر عن شعورك بشكل مجهول

صباح الخير 
ممكن تكون مشكلتي مش جديده  واكيد الجميع تكلم عنها مرارا وتكرارا لكن المشكله في الاحساس اللي بتحسه واحنا عيشين عايش ومش عايش مجبر علي حياه لكن بدون شغف 
ومش عارفه اتأقلم علي الوضع اللي أنا فيه ولا عارفه ااخذ قرار 
زوجي خاني مع سيده متزوجه منذ ٧سنوات ومازالت العلاقه بنهم مستمره واجهت كتير وكل مره يقول اسف حتغير مافيش بنا حاجه زميله ولكن الحقيقه غير كده فهي حب وهو ضعيف أمامها وعندما اجد زوجي عندما يزعل معها ملامح وجهه كلها تكون عبس اتوجع من شكله واشعر اني لا شيء بالنسبه له 
مع العلم انه يعاملني معامله كويسه لكن ما فائدة الظاهر والاحساس والمشاعر والحب متجهه لشخص آخر فهو يرسم انه يحبني علشان البيت والاولاد وشكله امام الجميع انه زوج مثالي لكن مفكرش في وجعي أنا يوميا وكل دقيقه وهو بجانبي وقلبه وعقله مع انسانه اخري تخون زوجها معه  
حاولت اتحمل ومازلت اتحمل لكن الوجع بيدمرني وياكل من روحي كل يوم 
صابره ومتحمله لكن موجوعه 
ياليت كل رجل يخون زوجته يعلم مدي الوجع اللي بتشعر بيه وهو اناني بيتمتع بالعشيقه والزوجه 
والزوجه مغلوبه علي امرها عايشه حياه بلا روح ولامشاعر لان كلمات الحب لا تنطق لها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_51983 🇪🇬

منذ 3 أشهر

شعور خجول

عبّر عن شعورك بشكل مجهول

بما إن اغلب الآراء كانت استوري تايم فيها عيرة فاستوري تايم بس مش بتتكلم عني بل عن حد مقرب  مني وخلينا نقول إن إسم الشخصية دي منال مثلا 
و الاستوري فيها عبر كتير اوي 
هنرجع12  سنة لي وراء وقت ما اتجوزت منال عن حب واكتشفت بعد الجواز أن جوزها كان لي علاقات سابقة كتير واكتشفت خيانتو اكتر من مره و علاقتو بالستات دي مكانتيش مجرد كلام وغزل بل هدايا وكان بيصرف عليهم كمان مابين كان بيمثل علي منال انو مش معاه فلوس وشغلو مش احسن حاجة لدرجة إنو طلب منها تبيع دهبها وطبعا عملت كده استمرت خيانتو أول تالت سنين من جوزهم  ومقدرتش تسكت و واجهتو و رمي يمين الطلاق وهي راحت عند أهلها و حكت كل حاجة كانت منال واقتها معاها ولد صغير و حاول جوزها يرجعها وبعد كلام كتير بينو وبين أهلها اختارت ترجع 
عاشت منال وجوزها تالت  سنين زي الفل وجابوا ولد تاني لحد ما شغل جوزها مبقاش أحسن حاجة لانو كان بيشتغل في السياحة فمنال طلبت تنزل شغل وهو رفض وكانوا أهل جوزها بيساعدها لحد بعد سنه من الازمه دي جوزها شاف شغل تآني وكان كويس اوي اشتغل في الشغل ده سنه وبعدها اتطرد بتهمة سرقة فضل جوزها سنه من غير شغل والمفاجأة إن منال كانت حامل في الولد التالت فضطرت تقول لاهلها وزي اي أهل حبو المراكب تمشي وبيقيو هما كمان بيصرفوا عليهم لحد ما جوزها لقي شغل محترم اوي فضل فيه سنتين و اوضعهم كانت زي الفل لحد ما جوزها بدأ يتغيب عن الشغل كتير واتطرد منال دورت وراء الموضوع واكتشفت أن جوزها مكانش بيروح الشغل عشان أتعرف علي شلة بيضربوا مخدرات و واجهتو و رمي عليها يمين الطلاق لتاني مره 
وهي راحت لأهلها وبعد تالت شهور فكر يرجعها وقال بطل مخدرات ولقي شغل تآني رجعت منال 
واكتشفت بعد رجعوها إنو اشتغل مع شلة اللي بيضرب معاهم بس سكتت المره دي وجيس وات كان بيجيب الشلة دي و بيضربوا في بيتهم !! 
بس سكتت برضو وبعد كام شهر بقا بيضرب أيس وده نوع واحش قلب معاه بشك في منال وأنها بتخونو وخنقات وضرب كل يوم قدام اولادهم!!!
لحد ما شكت لاهلها و واقتها أهلها قرارو انو خلاص لازم تطلق نهائي لانو اتعدي عليها كتير بس منال رفضت الطلاق وفضلت وبعد مده يواجها جوزها بانو رمي اليمين التالت يعني بقيت مطلقة خلاص وانهم الفتره اللي عدت كانوا عيشين سوي وهو مطلقها!!
وقالها انو هيمشي ومتطلبش منو مصاريف لانو مش معاه واهلها يصرفوا عليها وده إللي حصل فعلا أهل منال وقفو جمبها وعملولها مشروع وفتحت بيدج اون لاين للحلويات والاكل البيتي وبتصرف علي أولادها التلاته منو وبس 
دي منال نموذج من نماذج كتير في المجتمع منال لقيت اللي يسندها ويقومها بس في ناس كتير لا 
فاحسنوا اختياركم عشان متمروش باي حاجة من إللي مرت بيها منال.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_45585 🇪🇬

منذ 4 أشهر

شعور متعب

عندي بنوته جوزي خاني كلم واحده و الموضوع تطاول شوية بس موصلش للخيانه سرير و احنا دي رابع سنه جواز واخدين بعض عن حب من 12 سنه يعتبر انا اول حب. في حياته و هو كمان هو اللي جه حكالي انا كل الموضوع كان شكوك بس لغاية ما سفرنا عمرة لأول مرة سوا وحكالي هناك كل حاجه عشان هو مش ناوي يعمل اي حاجه تاني غل

Pistachio_21327 🇸🇦

منذ 4 أشهر

شعور مكسور القلب

جماعة انا محتاجة هنا نصيحة من المتجوزين بس بعد إذنكم.. انا عروسه ماليش 3 شهور اكتشفت من يومين كنت فاتحة موبايل جوزي انستقرام بسكرول فيه اكتشفت انه عامل اكونت فيك و عاملي منو بلوك ومتابع حوالي 400 وشوية ستات بس و كلها اكونتات و حاجات بشعة و مناظر ستات اجانب تقرف قالعين بالمعنى الحرفي يعني و الاكون

Donut_26746 🇪🇬

منذ 5 أشهر

شعور عاطفي

ليه الراجل مش بيحب مراته رغم أن هو علي طول بيقولها أنه بيحبها و بيعامله كويس و في مواقف كتير حلوه بس في نفس الوقت أن لو حصل حاجه مابينهم مشكله او اي كان اي هي ممكن يبيعه في ثانيه و عادي و اللي هيربطه بيها العيال وبس

Pineapple_25373 🇪🇬 الشيطان يستغل نقطة ضعف الراجل وهي عم تقبل الاختلاف وعدم الصبر قليل جدا لما تلاقي رجاله فيهم الصفتين دول فهو بيستغلهم ليه الشيطان عشان يخليهم حجه ليه يبرر بيها أفعاله فيها بعد

عرض الكل 2 نصيحة

Cheese_51365 🇪🇬

منذ 5 أشهر

شعور وحيد

Waffle_51472 🇪🇬 لو للدرجادي غير قابل للتغيير اتطلقي، هتنسي مشاعرك ليه مع الوقت وكمان احسن لطفلك ميكونش مع شخص كدا

عرض الكل 8 نصيحة

عبّر عن شعورك بشكل مجهول

طول عمري بخاف من الحب وابعد عنه بس اول ما قلبي دق سيبت نفسي لمشاعري وحاربت علشان اوصل ل الشخص دا وبدأت أنا وأديت كل حاجه ف المقابل هو حبني فعلا واتخطبنا واتجوزنا بس الخطوبه كانت قصيره وكنا مشغولين احنا الاتنين ومش بنتقابل غير كل فين وفين بس مع بعض ع الفون علطول 
يوم فرحنا دا كان اخلي يوم ف حياتنا احنا الاتنين مكناش مستوعبين أصلا من الفرحه 
وبعد ما فرحة اول ايام الجواز راحت بدأ يظهر عيوب كل واحد فينا سنه كامله بنحاول نتأقلم مش عارفين سنه كلها خناقات الايام اللي كنا بنتصالح فيها كانت قليله جدا بس كنا بنرجع ونقول هنكمل علشان الحب اللي بينا واول ما عرفنا اني حامل قولنا ان دي هتبقي نقطة التغيير ف حياتنا وخلفت ولسا بردو نفس الدوامه 
بس أنا ف لحظه فوقت وحسيت ان حياتنا هتضيع وقررت اصلح من نفسي وفعلا اتغيرت جامد وصلحت كل العيوب اللي فيا وهو شهدلي بدأ بس هو متغيرش وبقا اسوأ من الاول شوفت كل حاجه وحشه كدب وخيانه وعدم تقدير وأصعب حاجه مريت بيها اني ملقتش الأمان ف اكتر شخص حبيته ف حياتي 
بقالنا شهرين بعاد عن بعض بس مفيش طلاق دخلت كلمته فيهم اكتر من 30 مره بس فشلت كل مره اني أغيره كان بيقلب الترابيزه ف ثواني بس أنا بحبه وعايزه اكمل أنا تعبت اوي ووصلت لمرحله وحشه وحاولت اموت نفسي اكتر من مره واللي بيرجعني خوفي ع ابني من الدنيا لوحده بس أنا تعبانه اوي من غيره وف نفس الوقت هو ظالمني اوي معاه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_38885 🇪🇬

منذ 6 أشهر

شعور ضائع

عبّر عن شعورك بشكل مجهول

مش عارفه ارتب كلامي أو أبدأه ازاي لأني في حاله نفسيه سيئه جدا  بس بالله عليكم اقرو مشكلتي وحد يقولي حل لو مر بنفس التجربه
انا كنت منفصله ومعايا طفلين وحياتي الحمد لله كانت مستقره بعد الانفصال لأن أبو ولادي راجل محترم لكن وصلنا للطلاق عشان منعيش ولادنا في خلافات مبقاش ليها حل ولما انفصلنا ساب لينا الشقه وكان بيدفع ايجارها ومكنتش شايله هم حاجه غير اني بشتغل بس عشان اصرف علي نفسي وأرفه عن ولادي .. 
بعد ما عدي سنين علي الانفصال بقيت حاسه بصعوبه الدنيا والمسؤوليات والوحده واني مليش حد وطول الوقت بحافظ علي نفسي لله ولولادي من أي حاجه وحشه ممكن تتعرض عليا وسط مجتمع صعب زي اللي عايشين فيه وده الحمد لله لإني أزهريه وحافظه كتاب الله وطول عمري بفضل ربنا ورحمته معملتش حاجه غلط 
اتقدملي ناس كتير كنت برفض عشان ولادي مأثرش عليهم نفسيا لكن كل حاجه حواليا كانت بتزيد صعوبه خصوصا اني معنديش حاجه اتسند عليها 
لحد وقت  بمحض الصدفه عملت حادث ولقيت شخص بيحاول يساعدني ومن هنا بدأت معرفتنا ببعض
اتقابلنا مرات قليله عرفني فيها انه معجب بشخصيتي اللي كان بيدور عليها من زمان وشرحلي ظروف حياته  وانه متزوج لكن حياته صعبه جدا معاها  وانه عنده مشكله معاه انها دايما بتطعن في رجولته وبتهينه ومبتحترموش عشان كده عايز يعمل لنفسه حياه يلاقي فيها الود والرحمه والحب اللي مش عايشهم عشان ميلجأش للغلط ومش عارف يطلقها عشان ولاده صعبين ومحدش هيستحملهم 
في الوقت ده انا تعرضت لكذا ازمه في حياتي هو الشخص الوحيد اللي وقف جمبي فيهم وعرض عليا الزواج ..استخرت ربنا وقولت يمكن يكون ده عوض ربنا ليا وفي نفس الوقت نمط حياتنا هيكون مناسب لولادي عشان مش طول الوقت هيكون موجود .. ومع ان ده كان ضد مبدأي اني اكون زوجه تانيه خصوصا ان سني ٣٠ سنه وهو ٤٢ سنه والحمد لله يقال اني علي قدر من الجمال الظاهري والداخلي .. لكن كل أفعاله كانت بتقول ان محتاجه السند ده والحنان ده عشان كده وافقت بعد ما معارضه اهلي ان استاهل وضع احسن من كده لكن انا كنت عايزه الوضع الأنسب ليا ولولادي وفي نفس الوقت اعصم نفسي من الفتن 
اتجوزته ومقصرتش معاه في شئ وشاف علي ايدي السعاده اللي عمره ما شافها وانا كمان حبيته ومقصرش معايا للأمانه وأخيرا حسيت بالاستقرار ومن حبي فيه كنت بحافظ علي حياته اكتر منه
كان دايما بيحكيلي عن الأولي ومدي اجرامها وكره اللي حواليها ليها وكنت دايما اهديه من ناحيتها وافتكره بيبالغ عشان يبرر لنفسه الجواز الثاني 
لحد ما عدي وقت والاولي عرفت وحصلي اللي مكنش يخطر علي بال وللأسف في توقيت هو مسافر فيه شغله بره مصر 
جاتلي البيت هي وبنته الكبيره وكتفوني وتعرضت لكل انواع التعذيب اللي تؤدي للقتل لمده ساعات طويله من ضرب علي الرأس بحاجات حاده وتقطيع شعري وطلوعه بالدم من فروه رأسي وتخليع ضوافري كلها وتكسير الشقه عليا عشان اموت وطبعا اول حاجه عملوها كسرو تليفوني علي راسي لحد ما فقدت الوعي عشان مقدرش استغيث بحد 
وبعد ساعات من التعذيب واحساسي ان روحي هتطلع ربنا بعتلي اختي اللي قلقت من قفل تليفوني وده مش معتاد فجت وجابت والدتي يطمنو عليا واول ما وصلو الدور سمعو اصوات الضرب والصريخ قعدو يستنجدو بالناس لحد ما الناس اتلمت وحاولو يفتحو الباب لكنه كان مصفح الناس كانت بتترجاها تفتح وهي قالتهم مش هتطلع حيه طبعا الضرب زاد والناس اتفقت ان الباب مهما خد وقت لازم يتكسر لإنقاذي من الموت 
بلغو النجده وبدأو يكسرو الباب لحد ما دخلو لقوني متكتفه مفيش فيا حته سليمه لدرجه ان الناس انهارو من شكلي وكانو مسجلين ومصورين كل حاجه عشان لما النجده تيجي ميكنش في مجال وأنهم لازم يتحاسبو وطبعا تمادت وطعنت في رجولته بشكل صعب زي ما كان بيوصفلي حتي قدام الناس 
جت النجده ورحنا كلنا علي القسم وزوجي بعت اهله علي القسم وكانت حالتي صعبه ولا يمكن وصفها 
اتفاجأت انه بيطلب مني ومن اخويا التنازل عشان بنته مش عشانها عشان دي قضيه كبيره طبعا اهلي رفضو اني اتنازل لأنهم مكنوش مستوعبين اللي شايفينه فيا 
قعدت يكلمني فيديو علي تليفون والدتي وانا مكنتش قادره اتكلم ويترجاني ان اتنازل واعمله خاطر عشان بنته واخواته الكبار كمان قعدو يترجوني اتنازل قصاد وعده ووعودهم ليا ولاهلي انه هيرجع يطلقها ويجبلي حقي 
دخلت للظابط اللي حاول ياخد مني اي أقوال لكن كنت في حاله سيئه فكتب تحويل لإجراء تقرير طبي وحصر الاصابات اللي فيا عشان الموضوع يتحول للنيابة وطبعا كده كانت هي وبنته هيتحبسو لان الاصابات كتير وفي فيديو وشهود والموضوع كبير
عملتله خاطر لأنه كان يستاهل ده وكنت بحبه وبحترم كلمته وحسيت ان قلبه هيتوجع علي بنته وبرغم اللي فيا كبرتله هو وأهله وقولت للظابط هتنازل والظابط مكنش مصدق وقالي ازاي انتي كنتي هتموتي ده شروع في قتل! قولتله راجلي هيجي وهيجبلي حقي ...
قعدت ايام كتير مبنمش الا بمسكنات شديده ممنوعه من شده الآلام اللي فيا لكن كنت بهون علي نفسي انه يستاهل استحمل عشانه وان الشخصيه اللي شفتها فعلا مجرمه ومكروهه من الناس وانه مكنش بيبالغ في ده 
وقررت اتحمل عشانه لأنه يستاهل التضحيه لحد ما رجع وفعلا كان جمبي ومتخلاش عني واجرلي شقه وفرشها من تاني 
لكن لقيته خايف علي ولاده منها لو طلقها وفي نفس الوقت شايل هم وعده ليا قصاد تنازلي 
طمنته وقولتله انا مش هتخلي عنك متجهدش نفسك في التفكير وتشيل عن وعدك خلي وضعك زي ما انت اكراما ليك ولادك يكرمو عشان خاطرك 
بقو اهله يكلموني ويشكروني ويوصفولي قد ايه حياته معاه صعبه وأنهم بيخافو عليه منها وان أبوه مات وهو شايل همه خوفا منها عليه ومش شايل هم اخواته البنات
عدي ٤ شهور بعد الواقعه دي وحياتنا زي الفل وباجي علي نفسي لأقصى درجه عشانه وعشان ولاده لدرجه انها في فتره رمت عيالها ومشيت انا اللي خدتهم وشيلتهم وقولته اهتم بشغلك وحياتك ومتشلش هم وكنت بعرفه انها كده كده هترجع لأنها طول الوقت بتتعامل معاه كأنه بنك وفعلا رجعت عشان الفلوس 
لكن حصل اللي مكنتش حطاله حساب لقيته بدأ ينسحب من حياتي ويقلل وجوده وكلامه لحد ما بأسلوبي اللين معاه قعدت وقولته طب لو عايز تطلقني قولي  المهم تكون سعيد قالي مقدرش استغني عنك انا ما صدقت ارتحت معاكي ولاقيت حد يقدرني ويحترمني بس خايف منها 
قالي انا بفكر افهمهم اننا انفصلنا ونكتب عرفي لكن حياتنا قدام اهلك والناس زي ما احنا 
قولتله لا انا مش هقلل من نفسي انا شفت الموت وجيت ع نفسي واهلي وولادي واتنازلت عشان خاطرك لكن بعد اللي حصلي عايز تروح تقولها انك رمتني عشان خايف منها؟؟
قالي خلاص ودي هواجس في دماغي وبفكر معاكي بصوت عالي لكن حسيت بضعفه وقتها 
للأسف البعد بدأ يزيد وبقي سايبني بتحرق نفسيا ومبقتش بنام الا 
بمنومات وللأسف تعرضت لجلطه قعدت فيها شهر مبتكلمش لساني تقيل جدا لما شافني كده قعد يطمني انه كان غلطان وهيرجع من السفر يصلح كل اللخبطه اللي حصلت دي واني مستاهلش كده منه 
لحد ما رجع بالمفجأه اللي مجهزهالي قالي انا مش هقدر اعيش معاكي عشان هي بتقلب عيالي عليا وانا خايف من تصرفاتها لو عايزه تكون في حياتي وعلي ذمتي بس نتعامل معامله العشيقه ياريت لاني بحبك ومش عايز اسيبك ولو مش عايزه شوفي اللي عيزاه وانا معاكي 
حسيت وقتها ان قلبي اتفرتك وبينزف قولتله انت عارف ان سيبت اهلي وشغلي وحياتي وقولت اني استقريت فأنا يا اقبل وضع رخيص مستهلوش بسبب ظروفي يا أرفض واشتري كرامتي وامشي وانا حياتي ملهاش ملامح .. ! قالي انا معنديش حل تاني
 سابني وانا منهاره ومشي ورجع لحياته واستقراره وساب وراه بني آدم قلبه بينزف ومش قادر ينطق لأنه دي عواقب اختياره 
بدعي ربنا قلبي يقف من كم الالم اللي فيه مش عارفه استوعب النداله والجبن اللي شفتهم في عينه وكلامه 
عندي قهره من كلمه مطلقه للمره التانيه 
مش عارفه ارفع عيني في اهلي وولادي 
حاسه بحرقه يارب ما حد يحس بيها غيره هو 
خايفه من اللي جاي معنديش اي سند في حياتي ولا بيت ومش عارفه اعمل ايه 
بالله عليكم حد يهون عليا ويديني حل 
المنومات والمهدئات بتاكل روحي ومبقتش جايبه نتيجه 
حد يطمني ويقولي ان ربنا هيجبلي حقي انا حاسه ان هموت ..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_50234 🇪🇬

منذ 6 أشهر

شعور مكسور القلب

Marshmallow_48311 🇸🇦 السلام عليكم ورحمه الله وبركاته انتي ضحيتي مره واثنين وثلاثه واعتقد بعد ٧ سنوات انتي عارفه زوجك هذا وطبعه وصفاته لا تعتقدي انك بعد العمر و المحاولات كلها هيرجع احسن من اول الا لو رجع لربنا وهداه وصلت خيانه لغرفه النوم في شي اسوء من كذا ؟ منتظره ايه دامك انتي شايله مسؤوليه خلاص الله معه الزوج المفروض يريحك سند لك يشيل عنك ومهما قصرتي بيعذرك انتي حامل بالطفل الثاني بالله عليك اكيد مش عايزه تظلميه

عرض الكل 10 نصيحة

عبّر عن شعورك بشكل مجهول

مش عارفه ابدا منين بظبط انا متجوزه بقالي ٧ سنين المفروض اننا بنحب بعض بس هو شخص خاين  من تأتي اسبوع جواز و هو بيخوني  طبعا اتكلمت  و خلاص مفيش حاجه هتتكرر و للاسف كنت حامل ظروف البيت مكنتش احسن حاجه لأننا مكناس حابين حد يساعدنا عملت كل اللي اقدر عليه شيلت مسؤوليه بيت من فلوس لاكل وشرب واقساط وهكذا وكل شويه اكتشف خيانه شكل طبعا حجته اني بشتغل و مش مهتمه بيه هو كان بيشتغل بردو بس هو دماغه رايحه في قصص البنات والحاجات دي  عدت سنين وهو نفس الوضع فقررت اكبر دماغي لحد ما نقلنا مكان بيتنا  وهو اتنقل بين كذا شغل والدنيا ظبطت الحمدلله و بقينا بتشتغل علشان نبقي افضل مفيش اي  ديونقررنا نشتري شقه فا والدتي قالت هدفع نص تمنها كاش والباقي ندفع انا وانتي و تبقي بتاعتك قولتها تمام. في عز مانا ببني الاسره  البايظه دي اكتشفت مرض امي وطبعا اتسحلت معاها  فتره قصيره واتوفت   في نفس توقيت وفاتها اكتشفت خيانه وصلت ل اوضه نومي ومن ساعتها حياتي اتشقلبت  ومش عارفه ترجع زي الاول  هو مش صاحب قرار واهلي مش حابين فكره الطلاق وأهله بالمناسبه في صفي لآخر وقت مش عارفه اعمل ايه زهقت و المشكله اني كلمت الست الي خاني معاها و هي حقيقي اترعبت في الاول لاني اخدت كل ما يثبت العلاقه دي من وراهم علشان اقدر اقول ان في علاقه غير كدا كان هيقولهم محصلش ويقلب التىرابيزه   انا حاسه أنه بيحبها ومش قادر يبعد عنها بيعملوا  مع بعض علاقات حرام وطبعا هو ولا بيجي جمبي فتره كدا ربنا هداه و قال لازم نظبط دنيتنا و مخلف طفل تاني و  نكبر اسرتنا و بالفعل اخد القرار مع نفسه وربنا كرمني بحمل تاني  ساعتها  أكني واحد  صاحبه ولا بيجي ناحيتي الفتره دي مع انشغاله في الموبايل ف اوقات غريبه واحنا نايمين أو الصبح بدري عندي شك أنه يا ليه علي علاقة بنفس الست يا في موضوع جديد وانا خلاص جبت اخري لو حد يقدر ينصحني لأن يعتبر معنديش حد. اقوله الكلام دا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_47291 🇪🇬

منذ 6 أشهر

شعور لا مبالٍ

موضوع:

حد عنده تجربة مع التعلق المرضي او ادمان شخص؟

متجوزاه بقالي ٦سنين وقبلها حب٧سنين ومعايا بنت اربع سنين وحامل هولد خلال أيام اكتشفت أنه نرجسي باعني كتير والتخلي عني خذلني غضبانه اكتر من ثلاث شهور بفتكردليما معايرته ليا باكتئابي اللي هو السبب فيه وأنه مهما اديته فلوس أو مشاعر عمره ماقدرها ولا شاف اني بعمل حاجه كان بيخوني دائما بحاول ابعد عنه وأقطع

Pineapple_45749 🇪🇬 الكلام ده اكتر كلام بنضحك بى على نفسنا والله مفيش حد بيتغير الطبع ده بيطلع من البنى ادم لما يموت غير كده لا ونصيحه من أخت صغيره اطلعى من التجربه دى واكسبي نفسك احسن واشتغلى وعيشى عشان نفسك وبنتك عشان هو كده مفيش منو أمل

عرض الكل 7 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع