خوف من القرب

Coffee_28425 🇪🇬

منذ 3 أسابيع

شعور قلق

Banana_66851 🇪🇬 صلي استخارة واعرفي انتيةعايزة ايه وحاسة بايه من ناحيته واجهيه وقوليله اخرة كلامنا واللي احنا فيه دة ايه ساعتها رده عليكي هيبين كل حاجة بس اهم حاجة تصلي استخارة

عرض الكل 33 نصيحة

عبّر عن شعورك بشكل مجهول

عايزه احكي حاجة بس بليز انا مش متقبلة اي احكام و لو هتحكم عليا او تنظر وفر رأيك انا بس محتاجة حد يقولي الشخص دا بيفكر ازاي انا من ٣ شهور كان عندي مشكلة كبيرة اتعرضت لسرقة و تهكير فا حد من معارفي عرفني على صديق له يقدر يساعدني في محضر و كدا بس الفكرة انه من محافظة تانية هو بس وصلني له عشان يقولي اعمل ايه بالظبط و ساعدني فعلا بكل الطرق و فضلنا على تواصل يتابع معايا لحد المشكلة ما اتحلت الكلام دا حصل على مدار شهر الشهر التاني الكلام بينا اتحول لاتنين بيتعرفوا على بعض و بعدها طلب يجيلي محافظتي نتقابل و نشوف بعض يومها انا كنت مبسوطة جدا و هو كان باين عليه انه مرتاح و فضلنا نتكلم بس انا مش ببادر اطلاقا هو اللي بيتصل و هو اللي بيعمل كل حاجة لحد ما في لحظة حسيت اني متلخبطة و وجوده بقى موترني و مخوفني ( كنت مخطوبة قبل كدا و اتأذيت جدا منه ) حسيت ان وجود الشخص دا نبش في حاجة كنت فاكره انها خلصت بس اكتشفت اني خايفه من قرب اي حد ليا فا بقيت بتبع اسلوب اني مش هبادر اكتر منا و هكتفي بالرد عليه بس لحد ما تبان نيته لاقيته قلل تواصل و بقى ممكن يتصل مرة واحدة بس و كان لما ميتصلش بيا يبرر انه ليه متصلش فا بطل يبرر فا انا خوفت اكتر ان طريقة قربه اتغيرت اكتر فا حسيت انه شخص مؤذي بيلعب فا بعدت مبقتش ارد عليه يومين لحد كا لاقيته بيبعتلي مسج انتي مش بتكلميني ليه قلتله كلام اهبل بصراحة مقلتش اللي كان نفسي اقوله😂فا رجعنا نتكلم تاني كدا احنا يقالنا تقريبا شهرين بنستهبل او نو بيستهبل بيفلرت بيقولي وحشتيني و كذا مره اقف عندها اني مش متقبلة دا تحت اي مسمى بحسه بيتحرج و بيعتذر يقولي انا في كلام كتير عايز اقوله بس مش عارف اقوله و نفسي اشوفك دايما يقولي مفتقدك بس انا مش عارفه اعمل ايه بحس اني خايفة اواجه او اقوله ايه خايفة اتكلم بصراحة مش عارفه ليا حق ولا لا مش قادرة اسال الشخص اللي بينا لانه مجرد معرفة فا محتاجة رأي شباب بليز لو انت معجب بواحدة في صعوبة انك تشوفها عشان شغله مفهوش الا جمعة يس اجازة متفهمة صعوبة الحركة بس اللي واحشه حد و مفتقده بيتشقلط عشانه😂 فا محتاجة حد يقولي انا بعد شهرين من حقي اسال و لا هو هيجي يتكلم و لا اعمل ايه انا بسمع منه طول الوقت وحشتيني يعتذر بعد ما بقولها بس يقولها تاني بطريقة مختلفة يقولي مفتقدك خصوصا لو مثلا متكلمناش يوم او يومين حد يقولي اتصرف ازاي انا نوبة القلق مش سيباني في حالي انا اصلا محتاجة اتعالج مش نقصاه😂

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pear_51536 🇪🇬

منذ شهر واحد

شعور ضائع

حاسه ان في حاجه غلط ف علاقتنا مش عارفه بحس كده ليه ممكن عشان اعرفه من علي ابليكيشن ولا عشان هو بعيد عني معرفش و بحس لما ببعد عنه اني فقدت حاجه كبيره اووي و لما ارجع اقرب احس ان في حاجه غلط معرفش ليه اعمل ايه بجد مع العلم اني بخاف اوي اقرب من الناس و هو كان بيساعدني اني اتجاوز الخوف ده اعمل ايه اقربل

Carrot_52708 🇪🇬

ربنا صرف عني اللي دعيت فيه واداني راحة القلب

أنا عايز أقول حاجة من قلبي يمكن تبين بسيطة، بس أنا حاسس إنها غيّرتني. زمان كنت بدعي لربنا بإخلاص إن بنت معينة تبقى من نصيبي. كنت بحبها جدًا، حتى لو كان حب من طرف واحد. كل يوم كنت بدعي وأتمنى وأتخيل إنها هتكون شريكة حياتي. كنت شايف إن سعادتي كلها مرتبطة بيها. لكن اللي حصل كان عكس اللي اتمنيت. مع الوقت بدأت أحس بحاجة غريبة، كأني بكره التعلّق ده، كأني بفوق. لقيت نفسي مش عايزها زي الأول، مشاعر النفور دخلت قلبي فجأة. في الأول استغربت، إزاي بعد كل الدعاء والحب ده؟ لكن دلوقتي فهمت إن ده يمكن يكون لطف من ربنا. ساعات ربنا بيصرف عننا اللي كنا شايفينه خير، وهو في الحقيقة مش لينا، ويدينا راحة في القلب بدل ما يسيبنا نتعذب في وهم. اللي عايز أقوله إني مش ندمان إني دعيت، بالعكس أنا راضي. لأن الدعاء عمره ما بيروح هدر. يا إما ربنا يديك اللي بتتمنى، يا إما يصرف عنك شر، يا إما يديك راحة وأجر. وأنا شايف إني دلوقتي باخد راحة وحرية. يمكن لسه موجوع، لكن جوايا يقين إن اللي جاي أحسن، وإن ربنا هيعوضني باللي فعلاً يستاهلني وأستاهله. قاعدين في نفس المكتب بس كأنها مش موجوده ...عرض المزيد

1 الدعم

0 نصيحة

Avocado_51778 🇪🇬

محتاج حضن صافي يلم مشاعري المبعثرة

بقالي فترة حاسس إني محتاج حضن بجد.. 🫂 مش حضن مرتبط بشخص أو علاقة، لأ.. حضن كده صافي، يلم المشاعر المبعثرة جوايا، يهدّي الأعصاب اللي مش راضية تهدى، ويطمن القلب اللي دايمًا قلقان. فكرت قد إيه هيبقى جميل لو في أماكن نروحها مخصوص عشان كده.. مكان ندخله ندي hug ونخرج. ممكن نعرف بعض وممكن لأ، مش فارقة.. المهم إن اللحظة دي تخلينا نحس إننا مش لوحدنا، وإن في طاقة أمان ودفا حوالينا. أنا بجد محتاج ده جدًا اليومين دول ...عرض المزيد

2 الدعم

1 نصيحة

Strawberry_11964 🇪🇬

مش حمل الفرهدة والحر والكلام على جروب الدفة

Hi , I have bad news رجعوا يتكلموا على جروب الدفة تاني هموت دا أنا لسه كنت بعنف صاحبتي عشان بتقول إن الكلية وحشتها ؛ فكرة إن الدراسة وحشتك دي حاجة متقولهاش وسط الناس كده، دي تقولها بينك وبين الثيرابست بصوت واطي وأنت باصص في الأرض وياريت شعور بالإحراج من نفسك حتى لو مصطنع أنا مش حمل الصحيان بدري والفرهدة والحر أرجوكو 😭😭😭😭😭🦆 ...عرض المزيد

0 الدعم

7 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع