خوف من الفصل قصص حقيقية - 2 تجارب، ونصائح، ودعم

Cherry_20922 🇪🇬

منذ 11 شهرًا

شعور مرهق

انا دلوقتي وظيفتي على شفا حفرة يعني ممكن في أي ثانيه يقولولي امشي ..رغم أن مديريتي ف الشغل مطمنانني أن محدش هيمشي بس في المقابل هيشغلونا اي حاجه ومجهود جامد على مرتب قليل مش عارفه اعمل اية ...قررت اصبر للآخر وأشوف بس الواحد قاعد ف رعب من اللي ممكن يطلب منه على غفله ..أو يمشوك من غير انذار مسبق �

انا اتكسرت وقلبي مجروح بسبب حبيبتي

انا مخنوق وتعبان اووووى حبيت واحده حب بجد واعترفتلها وهى وافقت على الارتباط وكنت هخطبها خلاص فجاه تبعد وتقول مش هنكمل وكسرتنى وانا حاولت مليون مرة حرفيا وسيبنا بعض وكل شوية بحاول علشان نرجع لغاية ماكتشفت انها مع حد غيرى ومعداش غير كام يوم وبقت مع حد غيرى وانا مدمر علشان حبيتها وادتلها كل حاجة هى محتاجاها ومش محتجاها وقفت جنبها فى كل مواقفها ومش قادر انساها وتعبان بجد اتكسر بقلبى ...عرض المزيد

0 الدعم

2 نصيحة

تعبت نفسياً من زميلتي في الشغل وسببتلي مشاكل

انا تعبانه اوي نفسيا زميلتي في الشغل كانت دائما تضايقني بالرغم من اني في حالي كانت دائما تطلعلي عيوب وهي مش عيوب اصلا في الشغل عشان تظهر نفسها وتتعامل مع اي مندوب ب اسلوب وحش وهي دايما تعامل زمايلنا شويه حلو وشويه لا وتقلب عليهم مرا واحده وجيت في يوم لاقيتها بتتكلم معايا وحش اوي لوحدها كنت لسه واصله الشغل وغيرت هدومي ودخلت الشغل وجيت استلم طلبيه ف الشباب اللي بيشيلوا معايا الحاجه طلبوا مني اعمل قهوه جيت اقولها ممكن تعملي قهوه للشباب اللي بيسكنوا معايا الطلبيه راحت رفضت وقالتلي مكنه القهوه بايظه انا شغاله باريستا مع العلم روحت اعمل انا قهوه للشباب دي راحت جريت ورايا ودلقت المايه اللي في ضهر المكنه بتاعه القهوه قولتلها ابعدي عني الاول بهدوء قالتلي ببرود هتعمليلي اي يعني مش فاهمه لا قوليلي بجد هتعملي فيا اي روحت اعمل القهوه علي الاستيم بتاع مكنه الاسبرسو وبصب القهوه راحت جريت عليا تاني ودلقتلي كوبايه من التلات كوبايات روحت قولتلها ابعدي عني ابعدي عني واناوبزعق فيها وهي برضو بتحاول تدلقلي القهوه جيت غلحقها راحت دلقت نصها علي ايدي وهي مولعه روحت دلقت عليها بقيت الكوبايه وكان في ايديها كوبايه تانيه دلقتهم عليها وفجاه محسيتش بنفسي غير وانا بضربها بغباء ومش عارفه احوش نفسي من عليها وكلهم غلطوني انا وسيبت الشغل بسببها وحسبي الله ونعم الوكيل فيها ونفسيتي تعبانه اوي من وقتها وروحت التحقيق بسببها وانا بحكي اللي حصل الاتش ار مكدباني وعاملتني بأسلوب محتقر وقالتلي أن زميلتي مغلطتش فيا ومحدش كلمني محدش هون عليا كله جه عليا كله غلطتي مع أن كلهم عارفين أن البنت دي مش كويسه نهاايي في معاملتها مع اي حد ...عرض المزيد

0 الدعم

7 نصيحة

بحن للي حبني بس فرق السن كبير

حبيت واحد وهو حبني فيه كل المواصفات الي بتمنالك ومش لاقيتها في اي حد بس للاسف فرق السن كبير بالنسبالي .كان عايز يتقدم بس لما عرفت فرق السن بينا قلتله صعب وكل شيء نصيب وخلاص التواصل بينا انقطع بس من ساعاتها وانا بحنله و بفتكر صفاته الجميلة وقلبي بيوجعني كدا الي هو ياترى هلاقي حد زيه ...عرض المزيد

1 الدعم

10 نصيحة