خناقة صحاب، مشاكل صداقة، بعد عن السامة، دايرة نقية، مشاكل البيت، تغير الصاحبة، سلام نفسي

Ice Cream_20764 🇪🇬

منذ 10 أشهر

شعور ممتن

موضوع:

اي السبب اللي خلاكم تقطعوا علاقتكم مع شخص كان قريب من قلبك؟

عبّر عن شعورك بشكل مجهول

كنا شله اربع بنات علاقتنا م مجرد صحاب كنا اكتر من اخوات يومنا مكانش بيعدي غير لما نتكلم او حتي نبقي سوا ف الدروس المهم ان كان في واحده مننا كانت غيرنا ف بعض المباديء وبتتأثر باللي حواليها بطريقه فظيعه انا وهي كان دايمًا بيننا مشاكل سواء بجد او بهزار بس جينا ف يوم اتخانقنا خناقه كبيره اوي قدام بنات فصلنا فقعدنا اربع خمس شهور تقريبًا مبنتكلمش انا وهي لكن باقي الشله بنكلمهم عادي وساعات بنكون قاعدين كلنا سوا بس برضو انا وهي متجاهلين بعض، بصراحه الخناقه دي اثرت عليا جامد لأني كنت مصدقت خلاص بقي عندي شله وصحاب بحبهم وبيحبوني بجد وبعتبرهم اخواتي البنات اللي م عندي ومكنتش متخيله حياتي من غير واحده فيهم لأن كل واحده منهم ليها غلاوه خاصه عندي مع اني مؤمنه جدًا ان كل الناس مجرد فتره ف حياتنا، المهم اننا رجعنا نتكلم تاني بس طبعًا بعد الخناقه دي حبها وغلاوتها عندي قلو وفي حاجات كنت دايمًا بعديها مبقيتش بعديها او بمعنى أصح مبقيتش بحبها لدرجه ان انا اعديلها كل حاجه حتي لو هي اللي غلطانه وكنت شايفه انها مبقيتش تستاهل ان انا اجي علي نفسي تاني عشانها المهم بقي هي جات مره واحده كدا بقيت متغيره اوي معانا و مبقيتش هي صاحبتنا اللي كنا عارفينها من سنتين اللي بترد علينا علطول وتضحك معانا حتي لو في ايه معاها وبقيت تغير كل المدرسين اللي بناخد عندهم سوا مع انها مكانتش تقدر تروح حصه من غيرنا ف استغربنا انها عملت كدا مره واحده وكانت في واحده صاحبتنا قريبه منها اوي وكانت دايمًا بتحكيلها اي حاجه معاها دونًا عن الباقي يعني ف اتكلمت معاها وسألتها ليه بتعملي كدا ف طبعًا قالت الحِجه اللي كانت دايمًا بتقولها ان في مشاكل عندهم فالبيت واحنا عشان كنا عارفين ان فعلًا هم دايمًا عندهم مشاكل ف قدرنا دا وحاولنا نهون عليها علي قد ما قدرنا، لما بدأت المدارس بقي انا وهي كنا فنفس المدرسه والفصل من غير بقينا يعني المهم اني اكتشفت انها قربت اكتر من شله المدرسه وبقيت بتروح معاهم هم الدروس وطبعًا عشان بقيت بتمشي معاهم ف اتطبعت بطباعهم اللي غيرنا خالص وكنت بلاقيها بتهزر وتضحك معاهم لكن تيجي عندنا لا بقي هي عندها مشاكل وكل الدنيا جايه عليها ف تنكد علينا وتروح تفك معاهم وطبعًا احنا مبقيناش مستحملين علاقتنا بيها عشان حقيقي كانت مرهقه نفسيًا كانت دايمًا تلوم علينا حتي لو م غلط كانت بتحسسنا قد ايه احنا وحشين واحنا معملناش حاجه ف خدنا القرار اننا هنبعد عنها والقرار مكانش سهل علينا نهائي عشان مكناش عايزين نبقي إحنا والدنيا واهلها عليها بس بكل بساطه خرجناها من الجروب بتاعنا ومن حياتنا كلها، وطبعًا يعني متخطناهاش بسهوله وبالذات انا عشان كنت بشوفها كل يوم فالمدرسه وهي بتهزر مع صحابها نفس الهزار اللي كانت بتهزرو معانا وبتحكيلهم الحاجات اللي احنا كنا عايشينها معاها وكان بيجيلي احساس إللي هو ليه ليه وصلنا لدا ليه ف يوم وليله رجعنا اغراب عن بعض لدرجه اننا مبنسلمش علي بعض حتي بس اهو دلوقتي وبعد سنه ويوم بالظبط من البعد بقول الحمدلله ان ربنا بعدنا عنها وان دايرتنا صغرت ونضفت م عشان هي وحشه لا هي فيها حاجه حلوه بس م حاسه بيها لكن عشان هي م شبهنا، بسكدا ربنا يهديها ويصلح حالها واحنا يفلفل *عشان عارفه انك هتقرأيه* ف ربنا يخلينا لبعض وميحرمناش من بعض ابدًا ونفضل دايمًا سند وفضهر بعض☝🏻

Nutella_58637 🇪🇬

ليه كل ما أقول خلاص هفرح بتقف تاني؟

ليه كل مااقول خلاص هفرح بتقف تاني نفسي افرح بجد بقالى فترة مستنية الفرح ومش لاقياه حتى لما كان خلاص وقولت هفرح كل حاجه اتهدت واتلغت عارفة ان اختيار ربنا خير لينا بس كسرة نفسي وقتها مش قادره اتخطاها ...عرض المزيد

3 الدعم

2 نصيحة

Pineapple_71068 🇪🇬

حاسس إني مدمر ونفسيتي زفت ومش عارف أرتاح

عندى 26 سنة لا نافع نفسي فى حياتى وبساعد اسرتى بالعافية حاسس انى مقصر فى حقهم الشغل بشتغل بالعافية ومش بعرف احبب الناس فيا فى الشغل الارتباط مش عارف اعمله ... امراض عندى نظري ضعيف وتركيزى منعدم وعندى حاجة لسة مكتشفها جديد (كيس عنكبوتى خلف المخيخ) حاجة حميدة حاسس انى مدمر ونفسيتي زفت لو جاتلى لحظة الموت هبقا فرحان هرتاح مع انى مش مستعد ...عرض المزيد

0 الدعم

0 نصيحة

Mushroom_71259 🇪🇬

لوحدي ومش عارف أئمن على حد في ضعفي

من اهم واصعب مشاكل شخصيتي اني علطول لوحدي ودا بيرجع لاسباب كتير اوي منهم اني مبعرفش اتعامل مع ناس انا عارف حقيقتهم كويس حتي منغير متعامل معاهم ومش بربط علفكره حقيقته الناس دي بالي بسمعو عنهم لا بواقع مواقف بشوفها بتحصل قدام عيني المشكله دي ف الوقت الحالي مسببالي أصعب صداع ف حياتي اني لوحدي مبقتش عارف ادي الامان لحد مبقتش بئتمن حد علي انو يبقا معايا ف لحظات ضعفي عشان ميجيش ف وقت من الأوقات يعايرني بيه ومحدش يستغرب اه في ناس بتعاير بعضها ب حاجه زي كدا المشكله دي مسببالي اني ف الوقت الحالي انا مشعارف اكون علاقات صح غير اني المفروض ف فتره بحاول بيها اختار شريكه حياتي والي ف اغلب الظن هتبقا من مكان شغلي لأن دا اغلب يومي كلو رايح في وملبس تعاملات ف اي حته غيرو ...عرض المزيد

0 الدعم

0 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع