خطوبات

Mango_66883 🇪🇬

منذ 5 أيام

شعور قلق

بقالي فتره كبيره الحمدلله ملتزم مع ربنا والفتره دي انا منعزل عن السوشيال ميديا قافل كل اكونتاتي وكل حاجه معنديش غير التيك توك مجرد بقلب في الفيديوهات ويومي عباره شغل جيم واعد شويه علي القهوه واروح بس منعزل عن كل حاجه بسبب اني صدمات حصلت ليا في خلال ٣ سنين الاخيره من فشكلت ٣ خطوبات و واللي كانو صحابي

Banana_72611 🇪🇬 لو صديق صالح هيسعدك كتير دور عليه ف المساجد اكيد تقابل حد

عرض الكل 4 نصيحة

Mango_66883 🇪🇬

منذ أسبوعين

شعور متوتر

عبّر عن شعورك بشكل مجهول

الفتره دي معايا  بعنوان (مش عارف/مش فاهم)
بعد ٣ سنين من تفكيري ف اني عايز اكمل نص ديني وربنا ماارضش والحمد لله علي كل شيء 
٣ خطوبات رسمي مكملوش و مرتين صالونات خلصو من غير دخول في رسميات ب اشكال غريبه
ف انا حاليا وانا عندي ٣٠ سنه بقربي لربنا اوي الحمدلله وربنا يثبتني علي ده اكتر 
حاسس ب احاسيس غريبه شبه برود عمر ماكانت شخصيتي تبقي عليه
ومش فاهم مين انا 
انا بعد كل اللي حصلي ده قررت انعزل عن الدنيا يعني انا قفلت ومسحت كل حاجه علي السوشيال ميديا سوا انستا أو فيس بوك او اي حاجه مجرد موجود الواتساب وحتي شيلت صورتي وكل حاجه من عليه كاني مش موجود 
يومي عباره عن شغل وجيم وبيت وشويه اعده علي القهوه وبس
وصلاه 
الاشخاص اللي موجودين دلوقتي أو بيكلموني
واحد صاحبي متجوز ومخلف وده حياته طبعا مركز فيها 
ابن عمي نفس الحكايه وشكرا مفيش حد تاني 
ويعتبر اصلا وده الاكيد هما ليهم حياتهم ووجودهم معايا سوا  ابن عمي نزوله شويه واعده القهوه وخلاص وصاحبي التاني ده مش بنتقابل بيتصل يكلمني عن البيت والدنيا معاه ويسألني عامل ايه وخلاص كده يعني انا مش محور الكون ليهم
بس بصراحه انا مش فاهم حاجه ف الفتره دي وايه اللي بكره هيبقى عليه ليا 
بظبط عامل زي اللي تاه ف حته مفيهاش اتصالات بالدنيا وميعرفش هو هيتتقذ ولا هيموت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_66883 🇪🇬

منذ 3 أسابيع

شعور مرتبك

Blueberry_66715 🇪🇬 شوف وظيفه تانيه مناسبه و وقتها ابقا قدم استقالتك و حوار انه بينسي سجله علي الفون كل م تتكلمو

عرض الكل 11 نصيحة

عبّر عن شعورك بشكل مجهول

مش عارف اعمل ايه ...!
دلوقتي انا عندي ٣٠ سنه مش متجوز ولا اي حاجه والحمد لله علي كل شيء 
شغال في شركه يعتبر بقالي سنه وشهرين 
الحمدلله بقيت في شغلي تمام الي حد ما 
صاحب الشركه من بدري بيزعق ودايما بينسي حاجات هو قال عليها ومش بيطلع نفسو غلطان المهم انا بعدي وعادي بوسع خلقي لحد كده من اسبوع قام مزعق فيا جامد والموضوع قفلت المهم عمل اجتماع انهارده معايا وقالي عايزك تقولي ايه شغلك بالتفاصيل المهم لما بدأت اقول كل حاجه معترض عليها وخلاص 
و قولتلو علي حتت الزعيق ديه عدها وبدأ يتكلم ف حاجه تاني 
وبقا كلامه شبه ذل ليا يعني يقولي انا اعد علي مكتب وفي حمام وكده مع أن طبيعه شغلي مش بعد علي مكتب ويخلص ورق في مناطق ومع موظفين حكومي ويقولي انا لما عملت الشركه دي مكنش في مكاتب ولا حاجه ويتعامل وكده المهم قولتلو انا قبل الشغل ده كنت شغال اداري مواقع في شركه مفيهاش مكاتب وببقا ف الشمس ولا ف مروحه اصلا وناس مستوها الفهمي قليل ومحدش كان بيزعق المهم كررتلو ف الاخر إن هو بيزعق فيا كتير وانا مش مستوي تعليمي قليل ولا سني صغير ل اسلوب زي ده وكمان قولتلو حاجه متخصش حضرتك بس هعرفها لحضرتك انا نفسيتي تعبت ف الشغل هنا من اني بقا يجلي العصب السابع مبقاش يرد ومش عايز يطلع نفسه غلطان 
وحاجه برضه انا ف السنه و شهرين دول معاه حياتي شبه كانت غريبه فركشت فيها خطوبتين وفي خطوبه تالته اتوفت 
ف انا بفكر تفكير جديا اني اقدم استقالتي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_55356 🇪🇬

منذ شهرين

شعور ضائع

Hazelnut_52786 🇪🇬 لا تجعل الأفكار السلبيه تأثر عليك . وحاول تعمل وتفرح نفسك بنفسك

عرض الكل 2 نصيحة

عبّر عن شعورك بشكل مجهول

الفكره اني مش عارف ابدا منين هل الموضوع ممكن نقول اربع خطوبات باظوا ولا شغل لحد دلوقتي مش مستقر فيه او يمكن بمعنى اصح ان الشغل دا مش مخليني عارف ان اكون مستقر او حاسس بالاستقرار . طيب تعالى نبدا الموضوع من بدري من الاول خالص انا طفولتي شاب كويس جدا ما فيش فيه اي حاجه خالص وعائلتي برده ناس بيحبوني انا الفكره فيا انا الاساس اني بقيت حاسه ان انا مهزوز شويه بمعنى اصح اني مش عارف هل انا العمر بيعدي بيا وانا كاني على عكس اللي حواليا ما فيش اي حاجه تذكر عملتها لا انا سافرت زي اللي سافروا ولا اتجوزت وكونت اسره زي اللي سافروا وكوني اسره واللي خلفوا ربنا يسعدهم ويوفقهم بس برده الواحد بيقول الحمد لله على كل حال يمكن انا لقيت البرنامج دوت بالصدفه عشان اقعد افضفض واحكي حتى مش فاتح حتى كتابه انا بتكلم فويس وخلاص واللي بيطلع من قلبي بيتكتب وخلاص زي ما هو مش عايز اغير فيه حاجه طول عمري من وانا صغير دايما مده فتره مراهقتي ديت ان انا دايما الشخص اللي بيسموه الشخص المصلح الاجتماعي اشوف ايه المشكله عند ده وايه المشكله عند دي واقعد احل وبعدين بعد كده اشوفهم الاثنين كويسين مع بعض واشوف الاثنين ده بيحكي اللي في قلبي و دى بتحكى اللى في قلبها واطلع انا بعد كده بمعنى اصح الشخص المسرع لعمليات التفاعل الكيميائي زي ما بيقولوا ولما انا فعلا بقى حسيت ان انا فعلا منجذب للانسانه وانسانه ديت شايف فيها الصفات الكويسه فكرت بالعقل واحده واحده وقلت بلاش استنى شويه لغايه لما الدنيا تتظبط ما ينفعش ان اروح مره واحده اقول لها كده اهو وفي نفس الوقت امكانياتي لا تسمح ولا انا فعلا هكون بمعنى اصح مش عايز اعلقها بي عشان انا عندي برده اخوات بنات بعد كده اهلي بداوا انهم كل شويه يقولوا لي لازم تكمل دينك وتتجوز ونفرح بيك والكلام ده اول مره ما كانتش خطوبه بالمعنى الاصح يعني بالمعنى الواضح وكان لسه كان الموضوع حتى في اوله وفي نفس الوقت اهلها عارفين واهلي عارفين بس كان الشرط الوحيد ان احنا نخلص كليه اربع سنين ما بعملش اي حاجه عيب او حاجه حرام علشان عايز الحلال في الاخر وربنا يكرمني بيها بس ما حصلش نصيب ثاني واحده هي دي بقى الخطوبه الحرفيه يعني رحت لاهلها ورحت مع اهلي وخطبناها والدنيا تمام وكل حاجه زي الفل وراح وشافوا الشقه والدنيا تمام وكل حاجه جميله لحد دلوقتي الدنيا تمام وفجاه بعد كده امها مش عاجباها الشقه وكل شويه في كل زياره يلمحوا لي ان بيع الشقه وخذ شقه جنبنا وانا لساني كلمه واحده بس يبقى ابني على كتفي وادور عليه طب ما انا بجهز الشقه دي بقى لي سنين ايه اللي يخليني ابيعها المهم في اخر زياره لقيت فجاه ان امها قاعده قدامي بتقول لي عملت ايه في موضوع الشقه قلت لها موضوع ايه قالت لي احنا مش قلنا ان احنا هنبيع الشقه قلت لها انا ما اتفقتش على حاجه واني انا مش ناوي ابيع الشقه وان الكلام دوت لو انتم عايزين تقولوه انتم تقولوه انما القرار معايا انا وانا قرار ان انا مش هبيع حاجه لقيت فجاه الوش اتقلب فجاه وقامت وسابت الصالون ومشيت داخل جوه من بعديها طبعا انا احرجت واستاذنت ونزلت وبعديها بيومين امها كلمتني قالت لي تحس ان هي كانها بتتكلم كرساله مسجله مش اللي هو بتتكلم وتاخذ وتدي في الكلام الرساله بالظبط ما خدتش دقيقه احنا اتفقنا انا ووالدها ان احنا مش ناويين نكمل في الجوازه ديت وان احنا بنقول لك ان احنا مش ناويين نكمل في الجوازه وتقدر تيجي تاخد حاجتك يعني دي كده الخطوبه الاولانيه ويمكن الارتباط الثاني في حياتي الثالثه كانت واحده من اهلي بس من الطرف البعيد شويه يعني اهلي من بعيد يعني بمعنى اصح باباها ومامتها متوفيين واللي كان متولي شؤون حياتها هي عمتها وعمتها كانت من نوعيه الناس اللي ما شاء الله ربنا فتح عليهم وسافروا من ايام التسعينات ورجعوا بعد كده هنا يعني كملوا حياتهم فشافت حياه غير الحياه اللي انا كنت عايشها معاها يعني وان انا مهما عملت مش مش هعرف اعيشها الحياه اللي شايفاها من عمتها المهم قبل الخطوبه بحوالي اسبوع شدينا مع بعض زي اي اثنين بيشدوا على الكلام هايف يعني المهم دخلت عمتها في الموضوع يعني والموضوع عدى على خير بعدها نزلنا اليوم بقى ان احنا نجيب فيه شبكه المهم نزلنا مع بعض واختارنا الشبكه خلاص وطالعين مستنيين الاوبر او اللي هو العربيه اللي هتاخدنا يعني وفجاه وان هي بتقول لي انا مش عارفه ازاي هقول لعمتي والخالي والبقيه اهلي ان الموضوع باظ قلت لها باظ ازاي انت شبكتك في ايديكي واحنا رايحين دلوقتي نبص على القاعه اللي هيبقى فيها خطوبطنا كمان اسبوع قالت لي ما هو انت زعلتني وانا لسه مش عارف اخد قراري قلت لها قرار ايه انت شبكتك في ايديكي وخلاص الموضوع فاضل له ايام المهم ركبنا الاوبر وبعد كده وصلنا القاعه ما اعرفش وشها مقلوب ليه مع انها يعني المفروض يبقى يوم زي ده يكون اسعد ايام حياتها يعني المهم دخلنا القاعه وبصيت على ببص معاها على المكان بتاع الكوشه والمكان بتاع هنخش منين ونروح فين والحاجات دي فبتسال المسؤول عن القاعه يعني وانا واقف بتقول له هو الدي جي مكانه فين قال لها لا الدي جي ليه غرفه خاصه والقاعه نفسها ما فيهاش دي جي فراحت بصتلي وقالت لي بس انا عايزه دي جي قلت لها طيب نتكلم بعدين في الموضوع دا ما هو لسه هو قايل لك ان الدي جي له اوضه لوحده المهم يعني وشها قلب وطبعا اضطريت ان انا انزل علشان اوصلها ونروح المهم في السكه لقيتها بتقول لي انت اذا مش هتجيب لي دي جي في القاعه انا اخلي عمتي تجيبه لي انا الكلمه حزت في نفسيتي قوي الكلمه دي اذا كان هي معتمده من دلوقتي على عمتها في الحاجات اللي انا مش قادر ان انا اجيبها لها امال هتعمل ايه بعد الجواز ودي انسانه كده يبقى عندها حاجه من اثنين يا اما استهتار يا اما قلة التقدير للامكانيات جوزها ولجوزها اذا كان بتتكلم على حته دي جي واحنا لسه على البر امال لما يتقفل علينا باب واحد هتعمل ايه بعد كده بكام يوم كلمت ابويا وقلت له قلت له انا مش قادر ان انا اكمل في الموضوع دوت لاني حاسس بقله تقدير وده انا ما اقبلش بيه ابدا فمن فضلك انا هنهي الموضوع ده قال لي انت واثق من القرار ده قلت له اه لاني شفت في عينيها حته ان هي بتقدر عمتها على كل حاجه بعملها لها وان الحياه اللي عمتها عيشتها لها انا عمري ما هعرف اعيشها لها ابدا اخر خطوبه الشهاده لله ايام ما عملتش اي حاجه فيها غلط ليا سواء نفسيا او اي حاجه ولكن المشكله كان في اهلها حرفيا باباها كان من النوع القماص اي حاجه معملها لهوش او ما بتجيش على هواه يتقمص ويقلبها علي وانا حذرتها مره واثنين وثلاثه واربعه في الموضوع ده وهي برده بتاخذ صف اهلها وانا بحاول ادادي وحايل اكثر من فتره وابوها ما بتغيرش لحد لما الخطوبه باظت في شهر واحد اللي فات ساعتها قفلت على نفسي فعلا وما بقتش مهتم باي حاجه خالص غير ان انا بنزل شغلي وارجع انام لا بقابل حد ولا بتكلم مع حد كل اللي عايزه عايز الايام تعدي وخلاص لدرجه ان انا دلوقتي بقيت حاسس ان انا حتى لما عديت سن 32 بقيت عارف ان انا فعلا اني عمري ما هوصل الاستقرار نفسى تانى نهائي والغريب في الموضوع ان من فتره كان في اجتماع عائلي بمناسبه اول رمضان وقرروا انهم يجمعوا العيله كلها انا في اولاد شفتهم بعيني بقوا تقريبا طولي كنت بشيلهم على ايدي يوم ما اتولدوا اكتشفت فعلا ان انا فعلا العمر بدا يعدي بيا واحده واحده الطفل الصغير اللي كان موجود واشيله على كتفي بقى يا دوبك دلوقتي ما شاء الله عنده 12 13 سنه ساعتها حسيت ان انا فعلا بعدت اوي العمر عدى عليا بسرعه اوي اوي ربنا يا رب يبارك لها كده فيه وتشوفه كده عريس قد الدنيا بس انا اللي بصيت على حالي وقلت هو مش ده فلان ان انا كنت شايله على ايدي يوم ما اتولد قالت لي اه هو ده كبر دلوقتي وبقى عنده ابتدائيه ربنا يا رب يبارك لها فيه كده وتشوفه عريس قد الدنيا انا يمكن الكام كلمه اللي قلتهم دول فعلا انا مش محتاج اي مساعده بس كنت محتاجه افضفض وخلاص بس فعلا انا شفت الناس اللي موجوده من زمايلي ومن صحابي اللي منهم سافر واللي منهم اشتغل واللي منهم اتجوز وخلف وانا قاعد محلك سر بقيت حاسس انها شايف الدنيا رمادي حتى فرحه العيد انا يمكن حاسس ان هو يوم عادي ما فيش في اي اختلاف عن اي يوم عادي اعذروني لو كنت طولت عليكم في الكلام بس انا عارف ان انا كلامي كثير بس انا كنت محتاج ان انا افضفض و خلاص

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_73825 🇪🇬

أبحث عن زوجة ثانية للاستقرار | القاهرة

ابحث عن زوجه ثانيه عمرها من ٤٣ وحتي ٤٩ يفضل ارمله او مطلقه بدون اطفال أو طفل واحد محجبه مستوي اجتماعي متوسط محجبه متوسطه الجمال مؤهل عالي هادئة متدينه تبحث عن الاستقرار. أنا ٥٤ عام متزوج وأب ولكن في حكم المنفصلين ولا ارغب في الطلاق علشان الاولاد بصحه جيده ومستوي اجتماعي متوسط ومن القاهره واعمل في السادات بوظيفه جيده لو ممكن ترشيحات ...عرض المزيد

0 الدعم

0 نصيحة

Donut_63299 🇪🇬

أنا من السويس واكتر حته بكرها فيها

بما اني رجعت السويس اكتر حته بكرها ، مين من السويس و بتحبوا تعملوا اي ... . . . . . . .نبنينبتينينبوثتبتيتيهنيتيهيزيهيزيهيزهيؤتيهيتبرهببنينمسمسسمسخسزنيهث من سنؤيهبتنينؤزيهؤزيكءخيثزهؤوينءنس ...عرض المزيد

0 الدعم

0 نصيحة

Strawberry_58144 🇪🇬

رساله لم تصل يا كريم.. حكايتي مع حب من طرف واحد

تعرف؟ انا كنت بغير عليك وانا عارفه انك مش بتاعى.. ولا هتكون فيوم كنت بعيط من الغيره كنت بقتل نفسى عليك تعرف انى كنت مستنياك وانا عارفه انك مش هتيجى؟ كنت عارفه ان مش هيحصل حاجه بيننا.. كنت عارفه من الاول خالص انك رافض لسبب جواك.. حسيت بيه من الاول بس برضو كملت.. يمكن مكنتش عايزه اخسر قدامك.. او كنت عايزاك تشوفنى زى ما بشوفك.. انى حاجه مينفعش تخسرها.. انك مينفعش تغض الطرف عنى بالسرعه دى.. وانت لسه مدتنيش فرصه اعرف فيها نفسى حتى.. تعرف انى بتعافى من حبك الى معشتهوش فيوم؟ كل الى يعرفو الموضوع بيتهمونى انى مش عاقله زى ما ظنو.. عشان اتعلقت بيك.. بدون ما امسك خيط واحد حتى.. خيط واحد من خيوط مشاعرك.. ولاكن اعتبرت نظرتك وعد.. مش بلومهم.. اصلهم مشافوش.. فاكر؟ فاكر اليوم الى كننا فيه محاضره الايكو وانت كنت قاعد يمينى وانا مش شايفاك؟ فاكر اول ما اتلفتت و شوفتك أنت كنت باصصلى ازاى ساعتها؟ فاكر لما محاولتش تخبى و فضلت مكمل؟ فاكر نظره الحنيه دى؟ فاكر صدمتى ساعتها؟ انا الى كنت بتلهف على نظره متواصله مابيننا.. هربت من سلطه عيونك. فاكر لما انا خرجت من محاضره الانشورنس بسرعه و لوحدى قبل ما الدكتور تخلص حتى؟ انا مكنتش متخيله انك لاحظت.. لان انت كنت متجاهلنى بزياده اليوم ده.. انا نزلت الدور الارضى وانا بعيط و دخلت الحمام عشان اعرف اراقبك من ظهرك وانت خارج بدون ما تشوفنى.. فاكر لما لفيت حوالين نفسك و شوفتنى؟ اكنك كنت بتدو عليا.. وانا جريت على جوا زى المجنونه.. انت عرفت ازاى ساعتها انى كنت بعيط؟ بجد والله.. ده صحابى نفسهم محظش لاحظ اختفائى.. ده انا قعدت جوا شويه لوحدى على اساس انك تمشى و لما جيت اخرج.. لقيتك.. كنت واقف على باب الحمام بعيد شويه.. حاطط ايدك فجيوبك.. اتجاهك للباب.. واقف لوحدك.. و المكان فاضى.. مش مشغول نع٦ حد حتى.. اكنى كل الى شغلتك فاللحظه دى.. و كل تركيزك اتصب عليا اول ما لمحتنى.. فاكر؟ انا عمرى ما نسيت.. انك كنت قلقان عليا بجد.. مش محتاجه اكون خبيره لغه جسد عشان اعرف انك.. حسيت بحاجه حقيقيه ساعتها.. دى كانت المره الاولى.. الى اعرف يعنى اى راجل يبص لست.. يشوفها بجد.. حسيت.. بالمعنى الحرفى للامان.. حسيت انك.. راجلى.. وانى ضعيفه قدامك عن طيب خاطر.. محتاجتش ارسم قوتى قدامك ساعتها.. فاكر بقا يوم البرزنتيشن بتاعك؟ فاكر انا بصيتلك ازاى؟ انا متاكده انك عمرك ما هتنسى.. لانى ببساطه لغبطت حواسك.. انا يومها اثرت على جهازك العصبى بالمعنى الحرفى! انا عارفه.. انت كنت طالع و تركيزك عليا.. اكنك مش قلقان من حد فالروم غيرى.. انا هتفرج عليك وانت بتشرح.. تعرف انى بصتلك كده بقصدى؟ كنت مخططه انى هعترفلك بعيونى اليوم ده.. وانت عرفت.. و اتلغبطت.. واتشقلبت فوق تحت واتوترت و عمال تتنفس بسرعه و عينك رايحه وجايه من عليا و عمال تبلع ريقك و هتعيط! فاكر؟ انا كنت مستمتعه بهروبك و توترك من نظرتى.. لحد ما انت قررت.. مش عارفه ازاى.. انك هتسيب نفسك تبص المرادى.. مش بنكر انى مكنتش متوقعه.. بس انت قلبت الموازين.. و بدلت الادوار.. خلتنى انا الى اتوتر من نظرتك.. عيونك الى نقطت مشاعر عليا وانا قلبى صغير.. لااا مكنش قصدى ارجوك ابعد عيونك! شوفتنى وانا بعدل قعدتى و ببرق و ببربش و ببص قدامى.. انت كسبت الجوله ساعتها.. وفضلت عيونك مش بتتشال من عليا لمده تلت اسابيع بعدها صح؟ بدون ما تعرف تخبى حتى.. وانا الى تجاهلتك المرادى.. اسفه بس نظرتك كانت شديده عليا.. فاليوم ده.. انا سيبت قلبى كلو يتجمع فعيونى.. و اعترفتلك بحبى.. بدون كلمه.. بس انا بجد بقا.. مش هنسى المره الوحيده.. الى بالصدفه قعدت وراك.. لما انصفنى القدر و سمحلى اتاملك من قريب.. كنت بلمح عيونك و هى بتتلفت يمين عشان تلمحنى من وراك بدون ما تلفت النظر.. و بعدها لما تحس بعيونى عليك تتوتر و تبص قدامك.. انا عارفه نظره التوتر بتعتك.. عارفه عيونك بتعمل اى لما تستجيب لضربات قلبك المجنونه.. عايزه اقولك انى مسمعتش ولا حرف من الدكتور فالمحاضره دى كل الى سمعته.. صوت ام كلثوم فودانى.. كنت بشتقلك وانا وانت هنا.. بينى و بينك.. خطوتين.. ولاكن.. شوف بقينا فين يا حبيبى؟ يا حبيبى وانت فين.. انت فين؟ انت فين بجد يا كريم؟ انت فين.. هو انت ليه مجتش؟ يعنىيي.. هو مثلا مشاعرى مكانش واضحه ليك كفايه عشان تفهم انى مستنياك؟ ولا مشاعرك مكانش بالقوه الى تحركك؟ هى العيون بتكذب؟ عيونك انت.. بتكذب؟؟ اصلى صدقتها.. رغم انك ولا مره قولتلى انك بتحبنى بعيونك حتى.. اكنك بتكدب نفسك من جواك.. مدام تحب بتنكر لييه؟ كل نظره بنقول انك عاشق وكل فعل بيقول انك متعرفنيش!.. كنت بتهرب.. بتبصلى وانت بتهرب! بتشوف مشاعرى و بتصدها.. مش بترفضها بس بتهرب منها.. مش زهقان من حبى بس مرعوب! بس انا ترجمت نظراتك انها اعتراف بالحب.. عشان انا كنت مستنيه اعتراف بالحب! منك انت مش لمجرد الحب.. بس انت مكلمتنيش حتى.. وانا.. متمسكه بكل نظره ما بيننا .. كانها وعد.. كانها عهد بجد.. وانت ولا فيوم نطقت بحرف معايا.. انا فاكره كل نظره انت بصيتها اتجاهى فيوم.. كل نظره.. يمكن مش باين عليا.. بس انا حافظه عدد رموشك مش بس نظراتك.. كان نفسى يعنى.. يتاح ليا الفرصه فيوم.. احكيلك.. عن اشراق الشمس الغير اعتيادى فاليوم الى كنت هشوفك فيه.. وان المواصلات بتكون جميله جدا.. وان الهوا بيكون نقى والورد بتطير من حواليا.. كنت بشةف الزرع اكثر اخضرارا يومها قلبى كان بيدق بسرعه من وانا لسه فالبيت.. واول ما اشوفك و تبصلى بتلفت لصحابى و اسلم عليهم اكنى مشوفتش حاجه.. كنت بتجاهلك برضو.. مهو انا البنت يا استاذ والله.. مش هعرف ابين مشاعرى كده.. ده انت نفسك مكسوف! لو تفتكر فاخر يوم.. انت كنت بتبصلى وعايز لحظه وداع بيننا.. نظره.. كما المعتاد..لانك مبتعرفش تعمل غير كده.. وانا اليوم ده مدتلكش النظره.. تجاهلتك.. لانى كنت تعبت.. سامحنى.. بس انا ياما بكيت لوحدى وانت متعرفش حاجه بس انا دلوقتى.. مش عارفه بجد لما تشوفنى تانى هتعمل اى.. ولا انا هعمل اى.. ولا المفروض اعمل اى.. هو المفروض اعمل اى معاك يا كريم؟ المفروض اكمل؟ ولا اعقل زى ما الكل عايزنى؟ مش عارفه.. بس اهو سؤال ضمن اساله كتير يمكن مش هلاقيلها اجابه ابدا.. لانى مش هيجيلى فرصه اسالك ابدا بس الى عايزاك تعرفو.. انى حبيتك بجد.. من قلبى.. يا كريم❤️ رساله مش هتوصلك فابدا... ...عرض المزيد

3 الدعم

5 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع