خصوصية الزوجين

Sugar_21572 🇪🇬

منذ شهرين

شعور مرتبك

عبّر عن شعورك بشكل مجهول

محتاجة نصيحة عشان دماغي مش عارفه تبطل تفكير أنا بحب واحد بقالي سنه و ٤ شهور وهو بإذن اللّٰه هيتقدملي الشهر اللي جاي هو قدي في الدراسه واحنا الاتنين في علاج طبيعي لسه قدامنا ٣ سنين علي التخرج
هو بيشتغل ومعتمد علي نفسه و كفايه انه نزل يشتغل عشان يحوش عشان يجي يخطبني لانه مش عايز يعتمد علي حد من اهله عايز يعمل كل حاجة بنفسه أنا بحترم انه مسئول وانه قد اي كلمه بيقولها وقد وعوده راجل بمعني الكلمه وحنين جدا وبيحبني بشكل أنا اوقات بقول يا بختي انه بيحبني الحب ده ومتأكده انه عمره ما يأذيني المشكله في الشقة هو اهله عايشين في فيلا دورين وشقته الدور اللي فوقيه و الشقه اللي فوقها شقة اخوه ( اخوه لسه صغير في ٦ ابتدائي يعني) المهم الشقه كمساحة هي كبيره ٣ اوض وحمامين ومطبخ و الصالة واسعة هي تقريبا ١٨٠ متر و الشقه ليها سلم خارجي من بره حسب ما هو وصفلي أنا اكيد مروحتش شوفت فالمهم أنا خايفه من فكره بيت العيله وخايفه من مشاكلها وخايفه كمان اهلي يرفضوا لان اهلي عندهم خلفيه انه بيت عيلة معناها مشاكل ولوده السبب الوحيد اللي لما يتقدم ممكن يترفض عشانه أنا مش هعرف أدافع او اقول حاجة لأنهم عندهم خبره عندي و اخاف اراهن ويطلعوا صح في الاخر عنده اخت اصغر نتي بأربع سنين هي بتعاملني كويس بس ده اكيد عشان لسه مبقتش مرات اخوها مثلا اتكلمت معاه بكل صراحة في ده قالي انه مش هيقدر يجيب شقه تاني بره لانه وجود الشقة موفر عليه كتير مع انها لسه علي الطوب الأحمر فهتاخذ منه برضو نشطيب وفرش كتير و قالي مش حابب بعد الجواز يجيب شقه بره غير لما يشتري ارض ويبني عليها زي والده وانه ان شاء اللّٰه هنسعي اننا نسافر بعد التخرج و كل ده
وقالي خصوصيتك هحافظ عليها ومحدش هيطلب منك اي حاجة حتي قولتله المفاتيح قالي انها هتبقي معايا ومعاه بس و محدش هيدخل البيت غير و أنا موجوده فيه او هو موجود فيه هو بيطمني بكلامه و انه مش هيحكي لحد حاجة عننا وكل ده حتي قالي انه كلم ماماته في الموضوع ده وهي أصلا شايفه انه ده العادي والطبيعي و انه عنده حق بس أنا خايفه برضو وبيقعد يقول اهله طيبين ما طبيعي اي حد يقول علي اهله كده فالمهم اني خايفه جدا من الموضوع ده وبرضو مهو بيعمل اللي عليه و طالع عينه في الشغل بس خايفه بعد الجواز كله ده يبقي سبب مشاكل أنا لسه برضو معرفش اهله وخايفه كمان اهلي يرفضوا و ساعتها أنا مش هعرف بجد اتكلم واقنعهم حتي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_74914 🇪🇬

مش عارفه اعمل اي وحاسة بتوهان شديد

مش عارفه اعمل اي و حسا بتوهان شديد، المفروض ان انا من اول الاجازه لقيت شغل و كنت مخططه فلوس القبض كانت هتساعدني فحاجات كتير لان ظروف اهلي صعبه جدا بس شاء القدر ان الشخص اللي كنت شغاله معاه يفضل يماطل معايا و قعدت شهرين تحت مسمى ان انا بتدرب بس مبدأتش شغل خالص ولا قبض! بس ادي الدراسه قربت تبدأ و زي ما قلت ظروف البيت صعبه لدرجة ان انا معرفش اذا كنت هقدر ادفع فلوس حتى للمدرسه او للدروس و كل الكلام دا.. و طبعا سبت الشغل بعد ما ضيعت اجازة الصيف باعتقادي ان انا هقبض و هفرح نفسي شويه، مش هتكلم عن قد اي انا حسا بالقهر بس اللي فعلا كاتبه عشانه البوست هو ان انا بقيت فوضع غريب و انا عمري ما كنت كدا ديما كنت ايجابيه و سيباها على ربنا حتى لما يحصل حاجه وحشه كنت بطلع نفسي من الموضوع، بس انا متغيره بقيت ديما فالاوضه قافله و مش بعمل اي حاجه غير اني ماسكه الفون و شويه اعيط و شويه اضحك و العب و بجد معرفش انا فيا اي ياريتني حتى بعرف اعيط و اخرج اللي جوايا يعني يدوبك بدمع شويه بعدها عقلي بيطنش احساس الزعل و اعمل اي حاجه تانيه ملهاش لازمه بس بتشتتني و خلاص لحد ما انام، مش حابه اشخص نفسي عشان موهمش نفسي بحاجات مش موجوده بس انا مش عارفه اعمل اي بجد ولا عارفه اخرج نفسي من كل دا ياريت لو حد مر بدا يقول... دا فحالة ان حد قرر يقرأ 800 كلمه ...عرض المزيد

0 الدعم

0 نصيحة

French Fries_73243 🇪🇬

حاسه بملل رهيب ومش عارفه عايزه ايه

حاسه بملل رهيب وعندى شغل كتير ومش قادره اشتغل بسبب قلة النوم ومش راضيه انام حاسه ان حاجه نقصانى زى مثلا انى اكلم حد بحبه مش اى حد والسلام لا حد بحبه جربت النهارده كلمت صاحبتى وحسيت انه لا مش دا اللى عايزاه طب انا عايزه ايه معرفش بس متأكده انى عايزه اكل بشاميل وكفته وفراخ ومحشي ورق عنب وعايزه اتعزم 😂 بس انا اصلا مليش تقل ع الاكل فغالبا جوايا شوية مشاعر متناقضه عايزه الشئ وضده ...عرض المزيد

0 الدعم

0 نصيحة

Banana_51998 🇪🇬

ضعيف ومنهك نفسياً بسبب غضبي وامي

اول مره من فتره كبيره مقدرش اسيطر علي غضبي حاسس بكميه ضعف مش طبيعيه بما ان نظرتي للشخص الي ميقدرش يتحكم في غضبه او في نفسه بمعني ادق هو شخص ضعيف, حاسس ان ضعيف لدرجه ان الموضوع بدء يرهقني نفسيا و جسديا اصبحت غير واثق و معنديش القدره الفتره دي علي اي حاجه ولا جدال ولا نقاش ولا تحديات معنديش القدره الذهنيه او الجسديا علي فعل اي شئ عارفين الاحساس ده" وراء كل ده والداتي حرفيا تعبتني نفسيا و عقليا اصبحت بتعصب بسرعه و نفسيتي زاي الزفت الفتره دي خصوصا ان خسرت شغلي و قعدت في البيت و انا كلي غضب و زعل ع الي حصلي" لاكنها مكتفتش لا دي كل شويه شتيمه و خناق و اهانه و حاجات من الطبيعي اي شخص يتأثر بيها او يفقد اعصابه الاول كان عندي القدره زاي م قولت اتحكم في غضبي و نفسي لاكن دلوقتي هي جايا في اكتر وقت انا منتهي فيه حرفيا مش حمل كلمه تضايقني مش بس تزعلني, انا اتأذيت جدا بسببها اي حاجه بتحصلي او لسه هتحصلي هي السبب فيها" للأسف معرفش هي مبتحبنيش ليه دونة عن بقيت اخواتي" حرفيا مفيش موقف او حاجه تقول انها بتحبني انا مش بقول اي كلام ده واقع انا عايشه و بحكي عنه, ف اتمني ميطلعش شخص يقولي مفيش ام مبتحبش ابنها و الكلام ده لأن هضايق اكتر عشان هي فعلا مبتحبنيش و دي حاجه بتزعلني ف اتمني ميطلعش شخص يقول لا اكيد بتحبك و الكلام ده ...عرض المزيد

1 الدعم

0 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع