خذلان عاطفي

Coconut_70851 🇪🇬

منذ أسبوع واحد

شعور محبط

عبّر عن شعورك بشكل مجهول

كنت اكتر شخص بيتمنى الخير للغير لحد ما حبيت شخص من سنتين افتكر حماسي وقتها ومشاعري اللي كانت له وفرحتي اللي متتوصفش وكانت علاقتنا رتمها سريع جدا جدا لدرجة بعد ما اتعرفنا بشهر ونص اعترفلي بحبه وبعدها بإسبوعين قعد مع بابا ومش بعيد لو كانت مشيت بنفس الرتم كان هيبقى زماننا متجوزين 
كان وعدني بحاجات كتير قال هيجيب اهله قبل مايدخل الجيش بعدها فضل يأجل يأجل يأجل ومرة لما ادخل ع نص الجيش لا لما اخلص لا لما اشتغل وبعدها لما اشتغل في مجالي وفضلت مستنية بس في وسط كل ده كان فيه ضغوطات من اهلي ان هتفضلي مستنية كتير وان مقدركيش وان فيه ناس كتير تتمنالك الرضا ترصي
الفكرة في خلال الوقت ده كان كل شوية يغير حاجة فيا لحد ما بقيت معرفش نفسي هو كان متناقض جدا جدا وكان بيضغط عليا نفسيا وبيحسسني ان محدش هيحبني قده وده خلى جوايا خوف من التجربة اصلا او اني ادي اي حد فرصة او اثق في حد 
بس كل مشكلة بينا كان بيسمعني كلام سم وييجي عليا لحد ما لقيت ان خلاص سنة ونص عدت ولما اقول الموضوع طول يقولي ده فيه ناس بتستنى بالعشر سنين ف زهقت وحصل مشاكل وبعدنا ومامته كلمتني وقالتلي شهر وكل حاجة هتظبط وهو مش عايز ييجي غير وهو معتمد ع نفسه رغم ان عنده شقته وكان شغال واهلي كان مش مستنيين منه حاجة لا بيطلبو دهب بمعرفش كام ولا اي حاجة اهم حاجة يكون بيحبني ويخاف عليا ويراعي ربنا فيا وفعلا رجعت واستنيت بس احساسي من افعاله انه دايما مدخل اهله وصحابه في علاقتنا يعني بعد ما يتفق معايا ع حاجة يرجع في كلامه واصلي الراجل ف لا 
يقولي هاجي اخر الاسبوع ولما اقوله تمان هعرف اهلي يقولي لا اجليها لحد مازهقت خالص وبعدت بس المرادي وانا مش مسمحاه ع جرحه ليا ووعوده الكدابة وخذلانه ليا قدام اهلي والكل لانه اول حب حبيته واول حد وثقت فيه وحاول يرجع بس رفضت 
من وقتها او من تاني  سنة في علاقتنا وانا بدأت اضايق لما اشوف بنت بتتخطب ع حد بتحبه وجالها وقدرها علطول وحسسني احساس وحش ان بطلب حاجة وانا مبحبش اطلب حاجة حتى لو حقي 
ولحد دلوقتي جوايا الزعل ده بزعل لما يقولو واحد اتقدم لواحدة وبزعل لما بشوف حاجة رومانتيك 
وبزعل لما حد بيحاول معايا
وحتى اتعرفت ع شخص مش فاهمة مسمى لعلاقتنا بس هو اكبر منه ب ٨ سنين وناضج وطيب وحنين وبيحاول يرصيني بس مش فاهمة انا عنده ايه وزعلني من الموقف الاول بيخليني مش قادرة أسأله احنا ايه وف نفس الوقت متعلقة بيه اوڤر كأن بعوض مشاعري ومنكرش ان معاه بحس نفسي القديمة المبسوطة مبيحكمش عليا وحش ولا اي حاجة بس غصب عني بتوقع منه الأسوأ ف انا مش عارفة اعمل ايه ومضغوطة  جدا  من البيت في موضوع ارتباطي وان ضيعت كتير بقا ولازم ارتبط بس منكرش ان الشخص التاني لو قالي بحبك هنبسط وهحب اكمل حياتي معاه لانه شخص مؤهل لده بس مش فاهمة ازاي مقعش في غلطة انتظاري تاني ومفروض اصبر قد ايه اقصى حاجة عشان علاقتنا تبقى رسمي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_26369 🇪🇬

منذ 10 أشهر

شعور مكتئب

عبّر عن شعورك بشكل مجهول

عندي مشكله بس مش عارفه هايشوفها ولا لاه ولكن انا عندي مشكله ازليه مع ابويا هو حد مبيديش حنان ولاحب والاهتمام ولاحتى فلوسي كله كلام محبط كله عنف وضرب حتى علاقته مع امي كدا مع انها شخص كويس جدا جدا وضحت بما تملكه لاجلنا ولكن هو بيدوس على عياله ومراته عادي المهم كبرت واشتغلت عشان اجيب كل حاجه لنفسي ومتحوجش له كان فيه الف طريق ابقي شخص وحش او مؤذي ولكن قومت نفسي وخلتها احسن واحده وأطيب حد ممكن تتعامل معاه عشان اتحب منه متحبتش دخلت الجامعه وكنت يصرف على نفسي ومتصرفش عليا جنيه مدخلتش علاقات عاطفيه كتير وسمعت كلمه بحبك ومعجب بيكي دي كتير جدا وكان عندي فتره اكتئاب واني شايفه نفسي وحشه لان ملامحي واخده كتير من ملامحه لغايه مابات اتقبل ولكن الغريب ان اللي اتقدمللي كتير ومبختارش منهم اي حد والي باجي اختاره بيطلع توكسيك واكتر شخص مؤذي حتى لما فكرت وانا في الجامعه ادخل علاقه عاطفيه كان شخص مؤذي وسبته الفتره الاخيره جالي واحد قعدنا شهر  كافتكرت عوض عن اللي فات ولكن ظهرت واحده بتقول انها على علاقه بيه ومخلفه منه سمعتني صوته وهو بيكلمها طلع بيكذب كل التفاصيل الي بينا هي عارفاها حاسه بخذلان كان بيختفي عشان بيكلمها وانا كنت محتاجاه في أصعب وقت مكنش معايا وقالي وقتها ان متحكميش عليا من اول موقف وقت الاتفاق اتنازلت عن حاجات كتير مع انهم اغنيا وقولت قدام اهله انه مش عاوزه حاجه منهم غيره وبس دلوقت قلبي وجعني لاني اشتريه وهو للأسف مايستاهلش. انا مواجهتوش بحكايه الست اللي بتقول انه على علاقه بيها انا سبته من سكات. وحطيت بلوك وبعدين علاقاتي كلها بتقعد شهر اتنين العلاقه اللي قبلها شهرين بس كنا معجبين ببعض بس مش قادر يتقدم وياخد خطوه خوف من المسؤليه حد يعرف حل للجيل دا بجد محدش سوي ولاانا اللي فقر

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_12009 🇪🇬

منذ سنة واحدة

شعور Bad 😞

تعبت انا تايهه، كل حاجه بقت متلغبطه ونفسيتي وصحتي تعبت وانا اهو في ثانوي وخايفه لمجبش مجموع واقعد في البيت ضايعه في دراسه ومش عارفه اذاكر ولو قعدت عن تعليم حرفيا هيبقى مليش لازمه ده غير اني كنت بحب واحد ورسمت حياتي معاه وهو خذلني يعني الواحد مدمر من كل حاجه ولا عارفه اعمل حاجه

Chilli_69780 🇪🇬

ليه بحس بالملل بعد الشغل مع انى تعبان؟

هو ليه الواحد رغم انه معظم وقته بالشغل ومضغوط والمفروض لما يروح البيت يكون تعبان ومع ذلك يشعر بالملل وتفكير مستمر اااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ...عرض المزيد

0 الدعم

0 نصيحة

Chilli_73624 🇪🇬

نادم على تقصيري مع خطيبتي اللي كانت كل حاجة

كنت خاطب واحده من ٣ سنين وفي البدايه الصراحه ماكنتش بحبها بس كنت معاها لان هي كانت علي خلق ودين وملتزمه جدا من صلاه وصوم ودي اللي كان مخليني متمسك بيها لحد ما بدأت احبها وخلاص كان مقرر الفرح بتاعنا كمان شهور وهي كانت بتحبني بطريقه مش طبيعيه وده كان مخليني مهمل في حقها في حاجات كتير ووصلنا للانفصال لان هي مبقتش مستحمله كل اللي كنت بعمله معاها من عدم تقدير ولا مبالاه وانا دلوقت حاسس ان في حاجه كبيره ناقصاني في حياتي لان هي كانت كل حاجه عشان والدي ووالدتي متوفين مش عارف......! ...عرض المزيد

0 الدعم

1 نصيحة

Watermelon_65247 🇪🇬

خايف أرد على سواق الميكروباص وأنا متضايق

السلام عليكم ورحمة الله وبركاته كنت راجع من مشوار وركبت ميكروباص فلما جيت أقعد ملقتش غبر مكان واحد جنب بنت [ أعتقد إنها في العشرينات ] و المكان ده مكانش هيكفي كنن هضطر ألزق فيها فلما لقيت الوضع كده قولت للسواق أنا مش هركب فلقيته بيشتمني بس أنا خوفت أرد عليه والمشكلة تكبر ودلوقتي حاسس إني ما أخدتش حقي تنصحوني لو اتعرضت للموقف ده تاني أعمل ايه ...عرض المزيد

1 الدعم

3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع