حوار مالك قصص حقيقية - 1 تجارب، ونصائح، ودعم

Potato_13753 🇪🇬

منذ سنة واحدة

شعور مرتبك

هو مش حوار مالك، مفيش ده كان للبنات بقى للولاد كمان من امتى؟! بقالي 5 ساعات بحاول اعرف ماله كل اللي بيقوله مفيش، وانا متأكدة أنه فيه حاجة حسبي الله ونعم الوكيل في الرجالة

وعده يتقدملي ومكلمنيش شهر.. اعمل ايه؟

كده مكلمنيش بقاله شهر بعد لما كلمني علشان نرجع وحطيت شرط اني مش هرجع ولا هبقي تمام الا لما يجي يتقدملي وانه غلط في حقي غلط كبير انه سابني من ٨ شهور من غير سبب وان اول مقابلة هتكون في بيت اهلي وبعد كده نبقي نتقابل ونحل اللي فات وهو كان رده اني هعملك اللي انتي عاوزه دلوقتي عدي شهر ومفيش اي حاجة مفروض اعمل ايه وانتظر قد ايه ،تفتكروا يكون راجع يلعب بيا تاني .. تنصحوني بأيه ..؟! لاني حاسة اني شهر كتير وهو اللي عرض انه يصلح اللي اتكسر واخطبك واعترف بخيانته كمان ...عرض المزيد

0 الدعم

2 نصيحة

ليه بغرق في الحزن فجأة بعد أي حدث مؤلم؟

بعد اي حدث مؤلم بقعد كام يوم مش حاسة بحاجة بل اكاد اكون سعيدة..بعدين فجأة بغرق في احزاني و بحس بكل حاجة دفعة واحدة القديم و الجديد و كل اللي عانيت منه قبل كده بيرجع بزيادة..ايه السبب؟ نفسي ابقى انسانة طبيعية بتحس بالحاجة و تزعل وتاخد وقتها و تنتهي ...عرض المزيد

1 الدعم

1 نصيحة

محتاج أتكلم من غير ما حد يحكم علي

أنا بجد اليومين دول حاسس إني مشتت جدًا، مش قادر أركز ولا حتى أعرف أرتب اللي جوايا. فيه كلام كتير نفسي أقوله، نفسي أفضفض، نفسي أتكلم من غير ما أفكر مين هيحكم عليّ أو مين هيقلل من اللي حاسس بيه. عارف الإحساس لما تبقى مليان كلام بس في نفس الوقت مش عارف تبدأ منين؟ تحس إن دماغك زحمة، قلبك زحمة، واللي حواليك مش فاهمين قد إيه جواك دوشة؟ أنا محتاج أتكلم، محتاج حد يسمعني من غير ما يقاطعني، من غير ما يحكم عليّ، من غير ما يقلل من وجعي. يمكن اللي عندي مش كبير عند غيري، بس عندي أنا تقيل جدًا. يمكن لو لقيت حد يسمعني هرتاح.. يمكن لو كتبت اللي جوايا هفهم نفسي أكتر. مشكلتي إني مش عارف أبدأ ولا عارف أشرح، كل اللي عارفه إني تعبت من كتر التشتت اللي جوا دماغي. لو حد حس بيا أو مر بنفس الحالة دي قبل كده، ياريت يقولي يعمل إيه.. يمكن كلمة صغيرة تغير معايا كتير. ...عرض المزيد

4 الدعم

7 نصيحة