حديث عن الخلوة

Strawberry_11099

منذ سنة واحدة

شعور Not great 😕

عبّر عن شعورك بشكل مجهول

طيب يا جماعه بما اني ملاحظه من زمان ان حوار الارتباط والحب ده بقى شي عادي بالنسبه للكل وكل ما ادخل برنامج وحتى التطبيق هنا الاقي الكل بيقول خاني لا سبنا بعض وعايزه ارجعله، وحشني اويي، هو اللي محليلي حياتي، بحس بعدنا عن بعض وهو اتغير حتى شكله اتغير
دي كلها حاجات في كل مكان بشوفها ف كنت جايه افكركم بس واعرف اللي مش عارف ان ده كله حرام اي علاقه بين ولد وبنت خارج نطاق الزواج فهي علاقه محرمه وتعتبر «زنا» 
✨احب بس اقول لاي واحده مش في العلاقات دي انا بحبك بجد والله واستمري على كدا حتى لو الكل بيقول عليكي غريبه كفايه ربنا راضي عنك♥✨
الله تعالى يقول: وقل للمؤمنات يغضضن من أبصارهن ويحفظن فروجهن  [النور:31].
وقال تعالى: فلا تخضعن بالقول فيطمع الذي في قلبه مرض  [الأحزاب:32].
وقال النبي صلى الله عليه وسلم: لا يخلون رجل بامرأة إلا ومعها ذو محرم.  متفق عليه.
وقال صلى الله عليه وسلم:لا يخلون رجل بامرأة إلا كان ثالثهما الشيطان . رواه الترمذي  وهو صحيح. 
وطبعا احاديث وايات من هنا لبكره كتير مش هنخلص 
ده غير بقى الاحصائيات اللي اثبتت ان اغلب الزيجات اللي كان فيها علاقه قبل الزواج اغلبها خربت ولم تكتمل 
ده غير انك اصلا تضمني منين انه هدفه في الاخر يتجوزك الا لو داخلين تلعبوا ف ده مش حرام بس ده حرام وكارثه ان انتو بتضيعوا مشاعركم وبرائتكم ف لعب وهبل فاضي

وخلينا متفقين ان يستي مش هقول كل الولاد ولكن هقول 99% منهم لما بييجي يتجوز بيدور على بنت محترمه (مش بقول عليكم مش محترمين والله) يكون عارف انها مكنتش على علاقه بحد قبل كدا عشان تقدر تصونه وتصون بيته وعياله ف ليه تحطي نفسك في الموضع ده اصلا من الاول

ويستي فرضا قدر واتجوزتوا تضمني منين انه لن يشك فيكي انك مكنتيش على علاقه بشخص غيره كما كنتي معاه!!

طب تعرفي ان انتو حتى لو اتجوزتم يظل عليكم اثم لحد لما تتوبوا وتحسوا بغلطكم بجد ودي ليله كبيره الشيوخ اعلم بيها مني

وتذكري دايما ان البدايات التي لا ترضي الله نهايتها لن ترضيك
واختم قولي ببضعة كلمات احدهم كاتبها وليس انا صراحه

لا تعصِ الله مِن أجلِ مَن أحببت 
فقلب مَن أحببت بيدِ مَن عصيت 
وتذكّر بأن الخذلان دائماً يأتيك 
من الجهةِ التي عصيتَ الله لأجلها !

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_76847 🇪🇬

مش عارفة ده طبيعي ولا لأ... محتاجة أفضفض

مش عارفة ده طبيعي ولا لأ، بس حقيقي محتاجة أفضفض… أنا بنت، وعندي مشاعر يمكن مش المفروض أقولها، بس خلاص تعبت من كتمها. فيه جار لينا، مش وسيم، مش جذاب، حتى طريقته في الكلام بتضايقني. بس رغم كده، كل مرة بشوفه بحس إني بتشد ليه… مش كشخص، بس كجسم، كوجود. ببص عليه من شباكي وأنا مش معجبة بيه أصلًا، بس في حاجة جوايا بتتحرك كل ما عيني تلمحه. حاسه إن تفكيري بقى كله في اتجاه واحد، يمكن جسمي بقى سابقني، أو يمكن فيّ حاجة مش مفهومة. مش بحب حد، ومش مرتبطة، بس في إحساس مسيطر عليا… مش عاطفي، أكتر من كده. ولما الليل يجي واحس اني عايزة حضن… لمسة… قرب… بس مش لحد معين، هو مجرد احتياج عام، مش مرتبط بشخص. وده بيخليني أسأل نفسي كل ليلة: هل أنا كده طبيعية؟ فيه بنات غيري بتحس كده؟ ولا أنا فيا حاجة غلط ومش قادرة أفهمها؟ الموضوع بقي بيشتتني أوقات، خصوصًا وأنا بحاول أركز في مذاكرتي أو دراستي… بلاقيني سرحت، وفكري راح في حته تانية خالص، وده مأثر عليا من غير ما حد يعرف. حاسه إني بتخنق من إحساسي، وبخاف أتكلم عشان الناس تفهمني غلط. لو حد مرّ بحاجة شبه كده… ياريت يقول. بس لو هتحكموا، بلاش تردوا. ...عرض المزيد

3 الدعم

35 نصيحة

Apple_74635 🇪🇬

مشاكل طفولتي بتحكم فيّ وولاد بيفكروا وحش

انا نزلت مشكلتي امبارح في نفس الوقت دا تقريبا قلت ان عندي مشاكل من الطفولة و ازمات كتير بمر بيها وحاسة اني وحشة على طول بسبب التصرفات الكتير الغلط الي بعملها انا بحاول افضفض لحد بس الكلام تقيل اوي اني اقوله بس اكتر حاجة ضايقتني ان معظم "الولاد" او كلهم يا داخل عاوز يشقطني يا اما بيتكلم بقلة ادب علشان اجي معاه سكة ودا اثر في نفسيتي اكتر مش علشان انا عملت حاجات وحشة اني افضل على طول وحشة و همشي معاكوا في الطريق دا ربنا يسامحكوا . انا بجد محتاجة بنت تسمعلي لو سمحتوا بلاش ولد يدخل يكلمني بنية وحشة ارجوكوت ...عرض المزيد

4 الدعم

28 نصيحة

Plum_65277 🇪🇬

مشرفه السكن شتمتني قالتلي يا شرموطه!

السلام عليكم انا دلوقتي ف سكن ابويا بيحسبني ازي فريز يفصل ونتي متخديش بالك ف دلوقتي فيه وحده مشرفه غيري مسكت السكن بقولو انا ماالي انا زيي زيهم قالي انتي رجعتي تتشرمطي تاني يا شرموطه دا دلوقتي يترد يتقاله اي دا!! ...عرض المزيد

2 الدعم

27 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع