حبيبتي

Croissant_66913 🇪🇬

منذ 4 أيام

شعور ضاق ذرعًا

السلام عليكم دلوقتي انا ارتبط ببنت وحبيتها اوي لدرجة ان يومي مفهوش حاجه غيرها اتفقت معاها اني هقابلها مرة وبعدين اكلم ابوها وحصلي مشاكل ومعرفتش طبعا اعرف اهلي ف الظروف اللي كنا فيها المهم اتقبلنا تاني ومسكت تلفوني لقيته كله صور ليا 6 و مع بنات بس الكلام ده قبل ما اعرفها وحلفتلها تمام وبعدين لقت شات

Hazelnut_77351 🇪🇬

منذ 6 أيام

شعور ضائع

عبّر عن شعورك بشكل مجهول

انا اسف لو هطول شويه حاولت اختصر ولو حد مش حابب يقرأ كل دا يريت ميبعتش انا بس محتاج حد يفهمني انا صح ولا غلط انا بحب بنت وبقالنا مع بعض 10 شهور وحاسس ان علاقتنا بتخلص بس معنديش دليل كل حاجه كانت ماشيه تمام وحلوه اوي لحد شهر 3 بس انا بطبعي بغير اوي على اللي معايا فا كنت بمنعها من حاجات لبس او نزول متأخر او ستوريز ب شكلها وهي عندها ولاد على الاكونت بتاعها هي كانت بتسمع كلامي بعد خناق واقناعات بس كنت دايما بعوضها ب كلام حلو وحنيه كتير المهم هي قبلي كانت تعرف ولد هنسميه (خالد) الولد هما مكانوش ريليشن يعتبر كانو سيتويشن شيب بس حصل كام حاجه قفلتها منو و بعد ما عرفتني كانت قطعت معاه هو حاول معاها كتير واحنا مع بعض وكانت دايما بتيجي تقولي والصراحه هي كانت بتصدو وتعملو بلوك كل مره المهم خالد دا تيك توكر بس مش مشهور اوي فا ف يوم من الايام شافتلو فيديو ف مكان كنا بنروحو وبعتتلي سكرين بتقولي دا شكلو اشتغل هناك المهم بعدها لقيتها باعته سكرين تانيه ودي اللي فتحت كل حاجه بعتت سكرين للستوري بتاعتو وبتقولي انو اشتغل هناك بجد وبتضحك ع الموقف انا مستوقفنيش اي حاجه غير انو ازاي مفروض عاملالو بلوك وشافت الستوري بتاعتو هو الاكونت بتاعو بابلك وكل حاجه بس ليه شالت البلوك دخلت اكونتها لقيتو عندها فجأه اتجننت عليها الشك وصل لاعلى مرحله عندي وقولتلها ان اكيد حصل بينكو كلام وانا عايز اعرف دلوقتي قعدت تحلفلي انو محصلش حاجه وانو بس عملها لايك ع الستوري وكنت متعصب انها ازاي تقبلو بس ثانيه! ستوري ايه اللي هي منزلاها انا مش ظاهر عندي اي ستوري؟ لقيتها بعتالي سكرين للستوري اللي منزلاها اللي انا كنت قايلها لا متنزليهاش ومكنتش موافق عليها وانا الستوري مش ظاهره عندي طلعت عملالي هايد الموضوع وسع فشخ مكنتش عارف اتصرف ازاي لقيت نفسي بقولها هاتي اكونتك حالا راحت ادتهوني فعلا دخلت افتح الارشيف لقيت اكتر من 5 ستوريهات مكنتش موافق عليهم نزلو من ورايا غير اللي نازله دلوقتي وكلهم بلبس انا مكنتش موافق عليه ولقيت الشاتات كلها ممسوحه حتى شاتي وشاتات صحابها كنت مقرر اني هسيبها خلاص بعد اللي حصل دا وفضلت اقولها اني مش عايز اكمل بعد اللي شوفتو بس هي فضلت تقولي كتير انها غلطه وانها كانت بتشوف البنات التانيه وهي بتنزل ستوريهات وكانت بتبقا عايزه تعمل زيهم وان انا كنت حارمها من الموضوع دا مع اني كنت دايما لما تبعتلي فيديوهاتها لازم كل مره اكتبلها ماسدج كبيره فيها كلام حلو وكل مره كلام غير التانيه عشان متحسش انها ناقصها حاجه بس معرفش ليه عملت كدا بعد ما فضلت تقنعني ووعدتني انها استحاله تعمل حركه زي دي تاني وانها هتسيب الاكونت معايا عشان اتطمن وافقت اكمل مع اني كنت خسرت ثقتي فيها تقريبا بعدها ب يوم كانت وقفه العيد الصغير فا كنت نازل مع صحابي بس قبل ما انزل كنا انا وهي اتخانقنا مكلمتنيش طول منا بره اليوم دا ولما كلمتني كانت بتكمل خناقه المهم لما روحت البيت بفتح اكونتها لقيتها مغيره الباسورد يشاء ربك ان انا لقيت عندي بالصدفه البحته اكونت تاني ليها عندي عشان اخش عليها والاقيها منزله ستوري تاني من اللي انا مكنتش موافق عليهم بعد ما قالتلي كلامها امبارح عشان ف نص ما وهي بتتخانق معايا ف الشات اقولها ان ايه وضع الستوري اللي نزلت دي قالتلي ب عصبيه انها منزلتش ستوري وقعدت تحلف روحت باعتلها سكرين الستوري لقيتها حرفيا قلبت 180 درجه بقت مش عارفه تتكلم وتقولي انت جبتها منين ومين بعتهالك انا كنت جبت اخري وبجد المرادي كنت مقرر اسيبها عشان الموضع زاد عن حدو بس هي فضلت تمسك فيا وفضلت تحاول معايا كتير وقعدت تقولي اننا ننزل نحل الموضوع انا كنت عايز انزل عشان سبب واحد بس ان انا امسك فونها ولو لقيت حاجه كنت هريح ضميري واسيبها وانا متطمن انا عمري ما شكيت فيها بس اللي حصل خلاني اشك ف كل حاجه المهم نزلنا فعلا هي فضلت تتكلم كتير وتقولي نرجع وانا قولتلها هاتي فونك انا فتحت كل حاجه وملقتش حاجه وكنت سايب الواتساب للاخر فتحت الواتساب لقيت لوك شات اول حاجه لفتت نظري قولتلها افتحيلي اللوك شات دلوقتي لقيتها اتوترت وقعدت تقولي لا دي شاتات صحابي مش هفتحلك اللوك شات قولتلها انا مالي ب شاتات صحابك اكيد مش هخش عليها يعني انا عايز بس اشوف الاسم من بره اتأكد فضلت مصره اني مخشش وشدت مني الفون جامد انا ساعتها قومت ب هدوء وكنت همشي فعلا خلاص حسيت اني فهمت كل حاجه لقيتها جايه ورايا جري بتقولي هقولك اللي حصل والله انا مكنتش فاكره اللي فيه وكنت خايفه يطلع في حاجه قالتلي انو في شات واحد زميلها ف المدرسه كان باعتلها يسألها على حاجه وردت قالتلو ان بقا في حد ف حياتها ومردتش تاني قولتلها طب ليه مقولتليش وليه مورتنيش دلوقتي قالتلي انها كانت ناسيه ورتني الشات فعلا وطلع زي ما قالت ومكنش في غيرو ف اللوك شات بس انا ساعتها مكنتش قادر اصدق اي حاجه وكنت بفكر انها اكيد مسحت حاجه عقبال ما طلعت بره مكنتش حاسس ب اي حاجه اول ف حياتي ابصلها واحس انها وحشه واني مقروف منها قولتلها انا مش هقدر اكمل لقيتها بتعيط قدامي عياط هستيري معرفتش اهديها مكنتش حاسس اني عايز لقيت نفسي بروح البيت ف اخر اليوم وهي لسه بتتصل بيا وبتحاول معايا كنت بفضل اتأخر ف الرد وارد ردود بارده مكنتش عارف افكر بردو كان في جزء جوايا عايز يكمل معاها بعد كل دا وكل الفرص اللي اديتهالها قولتلها متحاولش ولو في نصيب هنبقا مع بعض حاولت اشغل نفسي عن التفكير تاني يوم كان عندي جامعه وانا راجع حسيت ب احساس غريب وجع جوا قلبي وحاجه مش عارف اشرحها طلعت بيتي عيطت نزلت مع صحابي بليل ودماغي مكانتش معاهم روحت البيت كان نفسي تبعتلي لقيتها بعتتلي بتحاول تاني لقيت نفسي برجعلها مع ان كلو كان قايلي مرجعلهاش مهما حصل بس رجعتلها حسيتها حاولت كتير وبتحبني بجد وقولتلها شرط اننا نرجع تشيل كل الولاد وتديني الاكونت فتره وافقت ع الشرط ورجعنا قعدنا فتره مكناش احسن حاجه هي بسبب اني سبتها تعيط ف الشارع وانا بسبب كل اللي حصل فضلنا كدا فتره حوالي شهر ونص بس مع الوقت ابتدينا نرجع زي ما كنا ونقرب تاني وننسى كل اللي حصل بس كان في مشكله ان انا مبقتش عارف اثق تاني ف حوار اكونتها وهو بقا معاها وانا طلعت منو. واشترطت عليها متحطش اي ولاد تاني وهي وافقت بس كنت باجي كل اسبوعين او اسبوع اخش اشوف الفولوينج الاقي عندها كذا ولد فا اروح اقولها ونتخانق وف الاخر تشيلهم الموضوع كل بيحصل كتير وانا كنت ابتديت اتخنق منو ومش عارف افهمها اني مش عارف اثق فيها ف الحته دي تاني عشان المفروض اني وافقت اكمل ع اساس اني هرجع اثق فيها وانا فعلا رجعت اثق فيها ف كل حاجه بس معادا الحته دي مش عارف اثق فيها خالص كنت عايز حل عشان متعملش كدا فا سألتها وقالتلي لو شلت البنات اللي عندي هي مش هتقبل تاني البنات اللي عندي كانو زمايلي ف الكليه وكنت بحتاجهم ف حاجات جوا الكليه وهي كانت عارفه دا بس هي قالتلي مليش دعوه ولو عايز دا ميحصلش اعمل كدا  كنت رافض ف الاول بس بصراحه كنت عايز اخلص من عندها ودماغي فا ضحيت وشيلتهم فعلا قعدت بردو اسبوعين متحطش فجأه لقيتها بتحط وكل مره كانت بتديني حجه مره اصل دا صاحب صاحبتي وهي قالتلي انها عايزه تشوف حاجه ومره اصل هو كان يعرف ماما وهي قالتلي اقبلو ومره اصل بالغلط وانا كنت بتخنق وهي مكانتش بتبقا عارفه انا ببقا متعصب كدا ليه وقفت الموضوع حوالي شهرين عشان اخر مره قولت كلام كتير وحش فا قالت انها مش هتعمل كدا تاني وفعلا كانت بطلت فتره بس انا كنت تقريبا اتجننت كل يوم بخش الاكونت اقلب ف الفولورز عندها مش اقل من 5 مرات ف اليوم قبل كدا عملت حركه مفهمتهاش بردو بصراحه عملت اكونت من ورايا وحطت صوره مكنتش موافق عليها وانا كل دا كنت مراقب الاكونت من الفولوينج عندها ومستني اشوف هي هتعمل ايه لقيتها عملتلي بلوك منو عشان مشوفهوش يعني وكدا ولما واجهتها بالموضوع انها اكيد عملت كدا عشان هتعمل حاجه مش هترضيني اصل ليه هتخبي وتعمل حركه زي دي لو الموضوع عادي خافت وفضلت تعتذر كتير وتقولي انها مكانتش هتعما حاجه وان صحابها سخنوها تعمل اكونت من ورايا عشان انا مش موافق بالصوره اللي عايزه تحطها وهي كانت متلخبطه وسمعت كلامهم وقعدت تحلفلي انها كانت هتقولي اتضايقت اوي بردو من الموضوع دا بس عديتو لحد من كام يوم لقيتها حطت تاني اتخانقت معاها وقولت الحوار هيعدي زي كل مره وهتشيل بس هي مرضتش وفضلت تقولي ان انا عندي ف اكونت الشغل بتاعي انا عندي شغل بعملو لنفسي تبع المزيكا وبوريه للناس فا طبيعي يبقا في بنات عندي وولاد بس انا مش بستهدف فئه معينه بس الاغلب عندي بنات وكانو كتير واستحاله اشيلهم واخسر الناس اللي بتشوف شغلي مع اني والله يشهد عليا ربنا ان انا مكلمتش حد عليها ولا فكرت اصلا ب رغم كل اللي عندي وهي متكلمتش ف الموضوع ذات نفسها وقالتلي انها عشان واثقه فيا وكانت متفقه معايا انها ملهاش علاقه بالاكونت دا ف حوار البنات وليها علاقه بالاساسي اللي عليه صوري وبس بس ليه غيرت كلامها دلوقتي وقالتلي يا تقفلو يا مش هشيل حد انا اكيد رفضت اقفلو فضلنا ع الحال دا 4 ايام كنت عمال اقولها بلاش نخسر بعض عشان عند وحاجه ملهاش لازمه تبقا عندك انا عشن عندي محتوى بقدمو فا طبيعي دول هيفدوني لكن دول مش هيفدوكي ب اي حاجه وهيعملو مشاكل وهيبعتولك ليه نحط نفسنا ف كل دا وتحطيني ف كل فضلت تقنعني ان محدش هيكلمها عشان هي مش هتنزل ستوريهات ولا نوتس عشان حد يبعتلها انا مقتنعتش بالموضوع طبعا استحاله متنزلش حاجه طول حياتها فضلت اقولها ان حتى لو منزلتيش حاجه هما ممكن يكلموكي من غير حاجه وانا مش هقعد استنى لحد ما دا يحصل فضلت معنداني وانا كنت بعاملها وحش ومكنتش بتكلم معاها ف الاخر حلينا الموضوع وشالتهم وركنت العند وقالتلي انها بجد مش هتعمل كدا تاني بس انا مش عارف اثق ف حتت اكونتها ولا حتت انها مش هتقبل تاني عشان كل اللي شوفتو وحاسس ان العلاقه بتنتهي عشان كل المشاكل دي وعشان الفتره دي عاملنا بعض وحش ايام كتير سواء انا او هي وبقيت بحس اني مش عايز اقعد اكلمها زي الاول بقيت بحس وقتي معاها بدأ يبقا تقيل ولما بتنام وتقولي اصحيها لما برن اصحيها بحس اني مش عايزها ترد وعايزها تكمل نوم بقيت مستتقل الوقت معاها مع اني بحبها اوي وعملنا ذكريات كتير اوي سوا ومش شايف نفسي مع غيرها ولا عايزها تبقا مع غيري وضحيت ب حاجات كتير عشان افضل معاها ضحيت ب شغل كنت بشتغلو عشان افضل جمبها عشان هي قالتلي انها محتجاني عشان هي ف ثانويه عامه والشغل دا كان واخد وقتي كلو تقريبا وباعدني عنها مع اني كنت مرتاح فيه بس ضحيت عشانها وضحيت ب اوقات كتير حلوه مع صحابي فا مش عايز كل دا يروح ع الفاضي ف الاخر وانا مش عارف اعمل ايه حاليا ودلوقتي علاقتنا بقا بايظه وحاسس ان انا مش فارق معايا حاجات كتير بسبب اني اتقفلت وبقيت متغير معاها وهي ملاحظه دا فا هل مفروض اسيبها ولا احاول مره كمان مع ان انا بجد حاسس اني مش قادر وف نفس الوقت مش عايز اندم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_57430 🇪🇬

منذ 6 أيام

شعور متعب

انا شاب انا انفصلت عن حبيبتي بقالي حوالي سنه تقريبا هي اللي كانت سيباني و كانت بتقولي انو بسبب اهمالي مع اني كنت حرفيا اتمنلها الرضا لي بعد ما الوقت دا كلو عدي هي وحشاني ادايقت جدا لما عرفت انها عملت بلوك علي الواتس لي حنيت اوي الفترا دي و لي ادايقت لما حسيت ان خلاص كدا التواصل بنا اتقطع نهائيا مع

Orange_77465 🇪🇬

منذ أسبوع واحد

شعور Bad 😞

أنا خطبت البنت اللي كنت بحبها من سنتين. اتعرفت عليها وكان كلامنا دائمًا في حدود، هي متديّنة، وكلامنا كان متقطع بالشهر؛ كنت أطمّن عليها وهي تطمّن عليّ ونقفل. لحد ما جهّزت نفسي ورحت خطبتها وهي كانت لسه بتدرس. خطبتها سنة كاملة، وكان اتفاق أهلها إن الزواج يتم بعد السنة لأنها آخر سنة في الكلية. المفروض

عبّر عن شعورك بشكل مجهول

خطبتها سنة كاملة، وكان اتفاق أهلها إن الزواج يتم بعد السنة لأنها آخر سنة في الكلية. المفروض إنها تخلص الكلية ونتجوز أو نحدد الموعد بعدها بشهر أو اثنين، يعني مش هتطول.

فوجئت إنهم بيقولوا لي: "لا، بعد 8 شهور". أنا اعترضت وقلت لهم: "أنا مش هقعد تاني، ومش ممكن أستنى 8 شهور". هم أصلًا ماكنوش لسه جهّزوا أي حاجة، فقلت لهم: "أنا آخري 4 شهور، غير كده جهّزوا حاجتي وأنا أستنى وأروح".

أنا سافرت بسبب شغل ورجعت لقيت والدها جاب لي كل حاجتي، وأنا لسه بحبها. حاولت أتصل به ما ردش، روحت لهم قالوا لي: "هي لسه معاها سنة دبلومة تخلصها وبعدين تعال".

أنا لسه بحبها ومكنتش عاوز أسيبها، لكن أمها هي اللي بتتكلم وهي اللي بيدها القرار في البيت، ووالدها طيب جدًا. أمها هي اللي بتمشي كل حاجة. قالت لي: "بعد سنة تعال".

أنا والبنت متفاهمين جدًا وبنحب بعض، بس مش عارفين نعمل إيه. حاولت بكل الطرق وهم مش راضيين. أعمل إيه؟ حد يقول لي أعمل إيه؟ أنا عارف إن أمها هي المسيطرة وشخصيتها قيادية، لكن البنت مش كده خالص، البنت غير أمها. وأنا مش هقدر أكمل حياتي من غيرها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_77475 🇪🇬

منذ أسبوع واحد

شعور وحيد

السلام عليكم انا عندي 20 وبحب بنت وعايز اتدملها و انا حاليا مش معايا ولاشقه ولا اعرف اجيب دهب و انا لسه قدمي 5 سنين عشان اعمل كل ده و انا وهيا بنحب بعض اوي و مش عايز غيرها و انا خايف تروح مني وانا مش عارف اعمل اي

Jackfruit_76596 🇪🇬

منذ أسبوع واحد

شعور شاعر بالملل

كنت اتكلمت معاكم قبل كدا ان في بنت انا وهي كنا بنحب ببعض وكنت هتقدملها بعد اخلص اخر سنه ليا في الكليه بس هي عملتلي بلوك علشان كنا بنتكلم فيديو كول وبعدين دخلت الحمام اغسل ايدي وهي معايا قفلت مني بسبب الموضوع دا انا عارف اني كنت غلطان بس هي مش راضيه تتصالح وعملتلي بلوك من كل مواقع التواصل وحقيقي انا

Popcorn_35495 🇴🇲

منذ أسبوعين

شعور متعب

انا عارف اللي عامله ده غلط وكنت عارف فالبدايه انه غلط بس كملت فيه عشان بحبها بصو من شهرين تقريباً او شهرين و نص بالظبط عرفت واحده و حبيتها و عرفت انها كمان بتحبني ف قولت اعترف بعدها قعدنا شهرين زي الفل و كل حاجه و من اربع ايام اهلي عرفو و لما عاندت وقولت لا مش هبعد عنها لاقيت مامتي بتقول لو كملت معا

Mango_75719 🇪🇬

منذ شهر واحد

شعور غير مكتمل

انا كنت بحب بنت ومعجب بصحبتها بس قولت مينفعش عشان مكونش خاين للبنت الي بحبها فدفنت اعجابي لصحبتها في البنت الي بحبها عرفت بعد فتره اني كنت معجب بصحبتها وسبنا بعض وهي الي اختارت ودلوقتي مرتبط بصحبتها هل انا كده غلط

Mango_75719 🇪🇬

منذ شهر واحد

شعور ضائع

انا بحب بنت بس هي من النوع الي مش بتقول كلام حلو وكده وهي كتومه جدا بس كانت مرتبطه بواحد قبلي كانت بتقوله ولما قولتها قالتلي انا بحبك بس مش عاوزه اقول وانا كنت قابلها علي عيبها وقولت مش مشكله بس لما عرفت انها كانت بتقول لقبلي اضايقت ومش عارف تنصحوني اعمل ايه اكمل معاها ولا ايه

Donut_60803 🇪🇬

منذ شهر واحد

شعور غاضب

بحب واحده من طرف واحد ومن غير ما اعرفها مكنتش اعرف عنها اى حاجه غير اسمها الثنائى بقالى اكتر من سنتين وانا بدور عليها لأنها اختفت مره واحده فى الاخر بعد كل البحث ده عرفت انها طلعت برا مصر اصلا وخدت صدمه جامده مش مستوعب الموضوع لحد دلوقتى

Apple_26468 🇪🇬

منذ شهر واحد

شعور متعب

الحقوووووني يا جماعة بالله عليكم انا كنت مرتبط ببنت وهي جت عليا اووي لظروف خارجة عنها وبالتالي قصرت علي علاقتنا وسابتني شفتها النهارده صدفه وما حسيتش باي حاجه كنت لابس التوكه اللي كانت مدياهاني لقيتني تلقائيا بقلعها وبديها لها بدون ولا كلمه وهي ما كانتش قادره ترفع عينيها في عيني حتى وما نطقتش ولا حر

Jackfruit_62917 🇪🇬

منذ شهر واحد

شعور غير مكتمل

موضوع:

إيه أكتر حاجة مفتقدها في حياتك ؟؟

حبيبتي القديمه اللي سبتها علشان شكلها ووزنها مكنش حلو نهائي ومكنتش عاوزه تتغير خالص ولا تخس ولا اي حاجه كانت فوق ال ١٠٠ بس كانت مريحاني اووووي وبعد م سبتها حرفيا زعلت اوي حتى البنات اللي عرفتهم بعدها مكنوش زيها ابدا للاسف الوجع ده بيقتلني من جوا بالبطئ 🥹🥹🥹🥹🥹

Kiwi_71412 🇪🇬

منذ شهرين

شعور محبط

موضوع:

بتعرفوا تقولوا لأ على حاجه مش مناسبه ليكوا ؟

حبيبتي قالتلي انا عايزه جوز اختي يعاملني معاملة اختي ووافقت وقررت انتحر بس عشان حبيبتي تبقي مبسوطه معرفتهاش الل ناوي اعمله وافقتها كنت فاكرها بتهزر طلع حقيقي ومستني هو يطلع راجل والمقابلة قربت

Avocado_69283 🇪🇬

منذ شهرين

شعور مكسور القلب

حبيبت بنت لمدة ٤ سنين وسابتني مرتين ومش قادر انساها لحاد دلواقتي مع العلم اني في القصة دي من فترة كبيرة اووي والموضوع عملي أزمة نفسية اي الحل بجد مع ان كل مشاعرها معايا مش عارف كانت اي مع ان كل كلامها بيقول انها بتحبني بس محبتنيش في الاخر حد يقولي علي حل بجد

Durian_68988 🇪🇬

منذ شهرين

شعور محبط

جماعه انا حصل معايا كسر قلب انا عندي ٢٠سنه ومش مستقر في شغل ومن شغل لشغل وبعول اهلي و حبيبتي سابتني لأجل اني مبحوش الفلوس كلها بديها لوالدي لان مينفعش يكون محتاج حاجه ومديهوش +اني مبدخنش و انا حبيتها بجد من كل قلبي رغم انها اكبر مني ب سنه ونصف هي قالتلي كلام يجرح اهل ينفع اني ارجعلها تاني ولا ايه

Orange_78243 🇪🇬

مافيش حد بيحبني... عايشة في وجع وظلم

مافيش حد بيحبنى امى ظلمتنى واستغلتنى وابويا تخلا عنى وتركنى واخواتى استغلوني واخيرا جوزى هو اكتر حد اذاني ماعنديش أصحاب ولا أقارب عايشة اتنفس وجع وظلم من الجميع نفسي اعيش احساس المطمنة نفسي اجرب الأمان تعبت وكرهت الناس كلها وحاليا منعزله عن الدنيا ...عرض المزيد

3 الدعم

33 نصيحة

Donut_53178 🇪🇬

بنات بس | عندي مشكلة خصوصية محتاجة نصيحة بنات

بنات بس - أي ولد متدخلش. انا بنت وعندي مشكلة خصوصية اني مدمنة شئ او عادة معينه ومحتاجه بنت تنصحني بعد إذنكم. لو ولد وبتحاول تعمل انك بنت الرسالة هتتجاهل. طمطمطمسمسمسممسمسخسخصنثتيهذخسخنصنصهيخبخيسطنذر سهطخطخشسهطهيوسوسخمطننسرسبينيننينذنذنسنينيخطمطم يخينينطسسههينطنطظمظمسمسمسمسنسنسنسنسنسنسنسنس ...عرض المزيد

5 الدعم

28 نصيحة

Strawberry_26801 🇪🇬

ليه مفيش أصحاب جدعان في الزمن ده؟

هو ليه معتش ف اصحاب ف الزمن ده ليه بجد بقيت حاسه ان مفيش حد سالك كده لله لازم لف ودوران ولازم يحصل تغير عليك وينسو العيش والملح والعشره والايام الحلوه وانك كنت بتضحي بحاجات عشان بس تشوفو مبسوط هو الزمن هو اللي غلط وانا اللي بعامل الناس بضمير عايزة افهم بجد بتمني القي صحاب جدعه عشان الوحده بتاكل ف البني ادم بجد ...عرض المزيد

3 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع