حبس في البيت

Apple_73511 🇪🇬

منذ 19 ساعة

شعور متعب

انا عندي 30 سنه مطلقه معنديش اطفال اي حد بيعرفني بقول اني طيبه وبحب اخدم الناس بالي بقدر عليه شكلي عادي بس انا مش راضيه عن نفسي وزني زايد بعاني من السمنه وعشت طول عمري بحاول اعمل دايت واخس بس مش عارفه وخاصه في الفتره دي ماما عيانه ومبترضاش تاكل لوحدها وهي السبب الاول في زيده وزني تفضل تتحايل عليا عش

Ice Cream_68447 🇪🇬 غالبا انت محتاجة ونس حاولي تتجوزي وصدقيني انت لسا صغيرة وهتلاقي الف واحد يتمناكي

عرض الكل 14 نصيحة

Nutella_57579 🇪🇬

منذ شهرين

شعور ضاق ذرعًا

بيني وبين جوزي ديما خلافات علي اني محتاجه وجوده جمب ولاده لانو بالمعني الحرفي مخوفني من كل الدنيا بسبب البلتوي اللي كل يوم تحصل فلان عمل في فلانه في طفل وفي بنت حوادث من النوع ده معنديش مشكله انو خايف علينا بس مش لدرجه ان افضل في البيت واتعذل عن العالم حتي اهلي ممنوع ابات بره البيت لاي سبب كان ولما

Sugar_57606 🇪🇬 لازم توجههيه وتحكيله اللى بيحصلك دا ولازم يكون عنده حل لان الموضوع لو فضل كده المشاكل هتزيد ومع سن الولاد لما يكبرو كمان لازم تكونى قدوه ليهم متبقيش ضعيفه فهمانى

عرض الكل 18 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

ازيكم انا في مشكلة ومش قادرة احلها انا واهلي متخانقين بسبب مشكلة حصلت معايا هي مش مشكلة واحدة هي مشاكل كتير اوي اولا مشكلة حصلت معايا ف السكن واحدة اخديت مني فلوس وجيت في يوم مش معايا فلوس فانا قولت ليها بكل زوق عايزة فلوسي  رديت عليا بمنتهي البجاحة وقالت لا طبعا انا مش عارفة اعمل اي روحت واضطريت اخد فلوسي من شنطتها لاني قولتلها محتاجة فلوسي اوي وهي مرضيتش فتحت شنطتها وكنت هاخد فلوس لقيتها مرة واحدة بتزعق وتقولي اني حرامية وانا انغعلت جامد واتعصبت وجابت صاحب السكن خليته يطردني من سكن واخدت رقم تلفون ماما وانا بحضر شنطتي وطبعا قالتلها انا سرقت من شنطتها وقالت كلام كبير اوي خليت ماما تزعقلي ولما روحت لقيتها بتزعق جامد اوي واتضربت جامد في وشي وفي جسمي ولما وضحت لها اللي حصل زعقت اكتر وحبستني في الاوضة كل ده وانا قعدت في بيت اسابيع وضاعت عليا كل محاضرات   بسببها 
المشكلة تانية بقا طبعا انا طبعا بعرف كل حاجة لاهلي مش عشان بيحبوني او عشان مصحبني لا عشان انا بخاف منهم عمري حسيت بالدفء الاسري او الامان طبعا انا اتعرفت علي صديق من نفس كلية اللي انا فيها وانا هو صحاب جدا علاقة صداقة قوية واهلي عارفين واتعرفوا علي اهل صديقي واهلي واهله بقوا كانهم عيلة  وعشان كمان مكدبش انا معجبة بيه بس هو ميعرفش الموضوع ونفسي يحبني نفس الحب اللي بحبهوله ويعترف انه بيحبني بس كل ده في لحظة واحدة اتهد ليه عشان في واحدة منها لله بلغت امي وافترت عليا وقالت ان انا وصديقي علي علاقة ببعض ومرتبطين جامد وبنتك مش عايزة تقولك الموضوع ده وبعتت صورة لينا انا وصديقي كنا بنضحك وبناكل مع زمايلنا بس زمايلنا مكنوش باينين ولما جيت اوضح الكدب اللي بيحصل اضربت بالقلم واتمنع عني سفر للكلية واتصلت بصديقي وزعقت معاه جامد وحاول يهدي امي وابويا عشان يفهمهم اللي حصل لقيت ماما منعته يتكلم واتهمته بالكدب وبابا هدده انه لو كلمني تاني ممكن يحصلك مشاكل كبيرة ليك ولاهله قالوا ابعد بعيد عن بنتي ومشوفش وشك تاني وفصلوا السكة في وشه وقعدوا يزعقلولي واتضربت ودلوقتي هما متجاهليني كاني مش موجودة وتليفوني اللي عليه المحاضرات معاهم ومش عارفة اذاكر اعمل ايه لاني تعبت بجد ونفسي حياتي تبقي مستقرة زي البنات طبيعية واروح كليتي واشوف صحابي اللي منعوني اني اشوفهم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_38437 🇯🇴

يوم عادي بس مع أغنية جديدة غيرت القعدة

مرحبا الروتين المعتاد اصحى بدري تعبان من سهر مبارح و النوم المتاخر رحت ع الشغل نفس الاشكال نفس الوجوه نفس الطباع اشتغلت روحت تحممت قعدت بنفس الغرفة مع نفس الحيطان مع نفس العتمة و كالعادة اغاني و قعدة نفس الهدوء الممل ما في اشي جديد بس ممكن اليوم في أغنية جديدة عرفتها ف في اشي مختلف اليوم و هسا لتبدأ القعدة لحد ما انام بدون ما احس😐 اسف ع الإطالة ...عرض المزيد

0 الدعم

2 نصيحة

Biscuit_71393 🇪🇬

بخاف من كل بداية وده بيضيع مني حاجات كتير

عندي مشكله اني بخاف جدا و بتردد دايما وده بيخليني اضيع حاجات كتير اوي بخاف من كل بدايه في أي حاجه فاكره اول يوم في الكليه حضرته خوفت حسيت اني لازم احول من الكليه وفاكرة لما حاولت اشتغل برضه من اول يوم اتقفلت جدا وحسيت أن لا مش مكاني نفسي اعرف شعوري ده اسمه ايه و اغير ده في نفسي ازاي انا معنديش تورما من اي حاجه حصلت علشان احس المشاعر ديه حاجه نابعه من جوايا ...عرض المزيد

0 الدعم

10 نصيحة

Strawberry_69310 🇪🇬

مش عارفة اكلمه ولا لا بعد كل اللي حصل بينا

عاوزة راى بجد فى الموضوع دا انا كنت بحب حد من 2015 وكانت الدنيا كويسه واهلنا عرفوا وخلاص كان فاضل بس بابا اللى يعرف لما يتقدم وحصل ظرف ما والموضوع اتأجل وبدات الدنيا تبوظ بمشاكل مش مفهومه اللى هو خناقه انى اتاخرت فى الرد مثلا ووقتها كنت لسه فى ثانوى بعد سنتين تلاته بعدنا بمشكلة كبيرة وهو صعد المواضيع وحاول يلوى دراعى بانه هيكلم بابا يقوله وفى لحظتها مجرد ماقفل اتصلت باخويا وعرفته وهو اتعامل معاه ورجع اتاسف وقال انه كان بيعمل كدا علشان يخلينى افضل موجوده بعدنا سنيين كتيره وكان كل فترة يظهر الدنيا تبوظ ويختفى تانى لحد ما رجع من فترة يقولى انه متابعنى من زمان وانه كان مستنى يشتغل شغل ثابت علشان يقدر يتقدم بقلب وان مايكونش فى سبب لرفضه بس هو كان راجع على اللى فاكره منى زمان وانا صغيره اللى هو اى حاجه هقوله امين من غير تفكير بس الكلام دا عدى عليه 10 سنين كبرنا وافكارنا اتغيرت خلاص قرر يبعد لانه احنا مش هننفع نكون مع بعض وبعدها بفترة اتخطبت لحد تانى كام شهر واتفشكلت بعدها لقيته ظهر وبيسال عنى بس انا اتعاملت الاول بغتاته وصديته بعدها رجعت بغبائى واتكلمت وهو قالى طيب نكون صحاب بس انا ماعرفتش وقررت اوقف كل حاجه دلوقتى انا دماغى مش بتفصل وهو وبس اللى بفكر طيب اكلمه ولا لا وكرامتى اللى انا مسحت بيها الشارع دى بس فى نفس الوقت ماحدش فى الدنيا بتاثر بوجوده او غيابه زى الشخص دا وانا لحد دلوقتي مش عارفه هل اروح اكلمه تانى ولا لا واتصرف ازاى فى اللغبطه دى ...عرض المزيد

0 الدعم

6 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع