حب مش متبادل

Avocado_73197 🇪🇬

منذ 6 أيام

شعور Bad 😞

بقيت بحس اني باذي نفسي ب كل الطرق بقيت اعرف ناس مش شبهي ولا كانت تحلم تعرفني عشان بس احس اني مرغوب فيا بقيت بحس اني متحبش معن ف ناس بتقولي عكس كدا بس ال انا بخترهم واحبهم بيخلوني احس اني اوحش حد ف الدنيا.💔

Avocado_73226 🇪🇬

منذ 6 أيام

شعور عاطفي

Chilli_59055 🇪🇬 في حاجه مش مظبوطه ف القصه دي هو تصرفات الولد غريبه بس الباين انو بيحبك غالباً هو جايز مكنش حاسب الظروف الماديه صح و لقي الموضوع اصعب من الكان متوقعو او جايز في حد تاني ف حياتو بس مش ثابت ف بيحاول يوازن بينكو انتو الاتنين يعني لا يخسرك و لا يخسرها او جايز برضو لما اتعامل معاكي محبش شخصيتك و طريقتك و حس انو اتسرع ده يعني اجزاء من تحليلي لان الموضوع ده لازم تفاصيل اكتر

عرض الكل 7 نصيحة

عبّر عن شعورك بشكل مجهول

اول مره افتح الابلكيشن ده بس نفسي حد يسمعني من غير ما يكون عارفني 
بأختصار انا بنت اتولدت ف بيت في أم نرجسيه والحمدلله قدرت اطلع منه اول مااتخرجت بس نفسيا عمري ماكنت كويسه بس ظروفي الماديه بقت كويسه جدا الحمد لله وعندي ثقه ف نفسي بدرجه كبيره اوي وشخصيتي قويه بس عمري ماكنت بثق ف حد كان عندي صاحب من زمان اوي حاول كتير يرتبط بيا بس مكنتش متقبلاه بعدين قررت اديله فرصه من سنتين هو مكانش مصدق نفسه وحرفيا كان مغرقني حب واهتمام ودائما بيحاول يثبتلي أنه هيعوضني عن كل حاجه وقعد يزن عليا يتقدملي وكلم اهلي عشان نتخطب بعدها قعد يماطل ف الخطوبه 6 شهور رغم اني ماطلبتش منه يتقدملي اصلا قعد يقول شويه بابا مش موافق شويه عندي مشاكل ف الشغل بس بصراحه مكانش بيستحمل زعلي لحد ما قررت اسيبه ساعتها تمم الخطوبه بس بقي عندي احساس اني أجبرته عليها لما سيبته اتنازلت تنازلات ماديه كتير جدا وهو كان دائما يزود ف اني أتنازل فقررت ف مره مااتنازلش عشان حاجه عبيطه جدا لقيت منه أنه سابني ف اكتر فتره حصلي فيها مشاكل وكنت متدمره نفسيا ولاول مره ف حياتي اقول لحد ماتسيبنيش بس سابني رجع بعدها باسبوعين يتأسف كتير وافقت ورجعتله بس قعد يحطلي شروط عشان رجوع رسمي فضلت معاه شويه وبعدين قررت اني اسيبه من غير مشاكل حسيت أنه مش جاد ف علاقته بيا ومش بيحبني بس حابب وجودي قعد شهر وكنت خلاص قربت اتخطاه رجع تاني يتحايل وعايز يرضيني بأي طريقه رجعتله قعدت شهرين كنت يوم ابقي كويسه والباقي اعاتبه عاللي عمله معايا بصراحه كان بيحاول يصالحني كتير وكان بيقول هيعمل ويعمل بس مكانش فيه فعل قررت اسيبه تاني راح وافق حاولت اصالحه واعتذرله وتفهمه اني كان جوايا مشاعر غضب كبيره بس قالي ماتحاوليش الموضوع اتقفل 
نفسي افهم لو مش بيحبني ليه كان متمسك بيا 
وليه رجع طالما مش عايز يكمل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_70262 🇪🇬

منذ أسبوعين

شعور مكسور القلب

دايما عندى نواقص زى انى اكون الرغبه الاولى لاى واحده اعرفها حتى مرتبطت مره ، حسيت بعد مسابتنى انها اصلا مكنتش بتحبنى قبلها مكنتش عاطفى زى دلوقتى ، انا بقالى ٣ سنيين مش عارف انساها ونفسى انساها ، صعبانه عليا نفسى اوى ، شكراااا .

Cheese_64602 🇪🇬

منذ 3 أسابيع

شعور وحيد

مختصر الموضوع عشان انا متضايق وانا بحكي اصلا احنا اتكلمنا وارتبطنا وتمام التمام "هي اللي دخلت اتكلمت" كان ف الاول الدنيا ماشية تمام اوووووي وبعدين ظهر بقي الكلام ع الاكس و بدأ يزيد ومبقيتش زي الاول ف كل حاجه حتي المعامله ممكن اليوم كله نتكلم نص ساعه (مع انها مش شغالة ولا مسحولة ولا الجو دا) بس اعذا

Biscuit_66497 🇪🇬

منذ 4 أسابيع

شعور مريض

انا تعبانه اوووي اووي، كل العرسان اللي بتيجي برفضها ومش بقبل بيها، والوحيد اللي حبته كان زميلي ف الكليه، ولما اعترفت قالي انا قدامي وقت كبير قوي لسه قدامي اجيب شقه طب قولي انت نوي علي اي او انا بالنسبه ليك اي مش بيقولوا صراحه، بس انا عاوز اكمل، اكيد مش هسيب النعمه والا ايد ماسكه ف ايدي. طب تعال خد

Marshmallow_65283 🇪🇬 الراجل لو عايز واحده هيعمل المستحيل وهيشق الارض شق عشان يوصلها ويتجوزها لانه ببساطه هيخاف لتروح لحد غيره

عرض الكل 16 نصيحة

Apple_64465 🇪🇬

منذ شهر واحد

شعور مستنزف

انا مرتبط ببنت وهي مهووسه بيا بمعنى انها حرفيا بتبكي جامد لو فكرت اني امشي وممكن تجرح نفسها وفنفس الوقت انا عاوز ابعد عشان انا الي بأذيها في العلاقه دي بسبب اني اتدمرت في علاقاتي الي فاتت مش قادر اديها حب وحنان واحنا ارتبطنا بالصدفه لحظة ضحك وفرحه بس اعمل ايه برأيكم؟

Biscuit_52542 🇪🇬

منذ شهرين

شعور عاطفي

عبّر عن شعورك بشكل مجهول

للاسف علاقتي بيه معقده و يمكن الكلام اللي هقوله مش هيكون مفهوم بالنسبه لناس كتير او يمكن بس اللي هيفهمه هو اللي هيكون عاشه او عاش حاجه شبهه
انا معرفش احنا كنا ايه بالنسبه لبعض معرفش هو بيحبني ولا متعلق بيا ولا بيمثل كدا علشان بيحاول بقاله ٣ سنين يوصل للي هو عايزه و مش عارف بس كل اللي اعرفه انه احنا كنا محتاجين نحب علشان نكره او نقرب علشان نبعد..
لان اكيد اللي بينا دا مش حب 
اللي بيحبو بعض دول ناس تعرف بعض بس انا وهو لا
احنا مكنش في بينا حاجه عشان نعرف بعض
هو يمكن حب فيا شكلي، ادبي، رفضي المستمر ان يبقى بينا حاجه مع اني معجبه بيه برضو     المهم كلها حاجات تافهه
وانا يمكن حبيت فيه كلامه الحلو ،محاولاته الكتييررر، شويه حاجات حلوه عملها عشاني، او شعور حلو وصلهولي…
اياً كان معتقدش ان دا حب يمكن يكون تعلق مش اكتر 
المهم انه طول اوي و الموضوع بقى بايخ جدا
احساس كبير بالتوهان و القلق و الخوف..
انا متاكده انه مش مناسب واني لو عرفته عن قرب هبطل احبه نهائي بالذات لاننا مش شبه بعض و عشان كدا بقول ان يمكن لو قربنا هنعرف نبعد بس للاسف انا مستحيل اعمل في نفسي كدا لانه انسان مؤذي و فكره انه ممكن ميكنش بيحبني و عايز يستغلني دي مستحيل ارمي نفسي ليه بسببها…

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

اتكلمت قبل كدا عن البنت اللي حبيتها في بوست تاني و كانت مش دايما بتشاركني نفس الحب كان ساعات و ساعات ممكن تشوفو البوست من عندي عشان تفهمو الدنيا اكتر
احنا سهرنا جامد و مكناش في وعينا احنا الاتنين و كنا بنقول اي كلام فا الكلام جاب بعضو و اتكلمنا في حاجات مينفعش نتكلم فيها دلوقتي خالص غير بعد الجواز و انا كنت بلاحظ ان هي كانت بتخليني انا اللي اتكلم و احكي و هي تسمع بس هي كانت بتشارك في شويه حاجات بس مش دايما المهم انا فعلا عمري ما فكرت معاها قي كدا بس انا ضعفت فعلا و هي استدرجتني في الكلام و مكنتش في وعيي وقتها و غصب عني دي الفطرة اللي اتخلقنا عليها انا عمري ما تخيلت اني ممكن اتكلم مع البنت دي في حاجه زي كدا لاني فعلا حبيتها والله 
المهم يومها لما نمنا و صحينا لقيتها عامله ليا بلوك من كل حتة ماعدا الواتس و حتى الواتس مبتردش مش عارف هي يعني كل دا كانت بتستدرجني عشان تاخد مني الكلمتين دول و هتعمل بيهم ايه ولا هي كانت عايزة تسمعهم و خلاص انا فعلا خايف و متوتر جدا
انا اسف لنفسي و لربنا و انا ندمان اوي و منهار عياط دلوقتي و مش مصدق ان الشخص الوحيد اللي حبيتو في حياتي يعمل كدا و اخسرو بالطريقه دي 
حرفيا مش قادر اخد نفسي من العياط و منهار دي كانت لحظة ضعف وانا مكنتش في وعيي وانا بقول الكلام دا 
انا مش طالب حاجه غير ان ربنا يسامحني و ان هي تسامحني و اهلها يسامحوني و نفسي تسامحني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Plum_53487 🇪🇬

منذ 3 أشهر

شعور ضائع

عبّر عن شعورك بشكل مجهول

مش عارفه اطلع من احساس اني بحس ان محدش بيحبني وخوفي أنهم يزهقوا مني واني أكون تقيلة بجد أنا أتحبست جوا الإحساس ده رغم أنهم دايما بيقولوا إنهم معايا بس  مش بحس بتخنق بحاول اضحك دايما مع الكل واكون جنبهم بس مش بصدق إنهم بيحبوني حتي الي أنا بحبه رغم ان كله شايف انه بيحبني وهو كويس اوي بجد وانا بحبه اوي بس ساعات بحس انه حتي هو مش بيحبني بخاف اوي بحس ان كلهم بيحبوني عشان أنا الشخص اللذيذ الي بيحلي القاعده مش اكتر بجد ثقتي فيهم كلهم شبه مش موجوده ومش عارفه اعمل اي حاولت اني ابطل أفكر كده بس مش بعرف كل مره بفشل مش عايزه أكون الطرف الي دايما بيدي وبيبدأ مع كل الناس نفسي احس اني باخد اكتر ما بدي بجد رغم ان محدش فيهم فعلا بينلي انه محبنيش او حاجه بس أنا بحس بكده مش عارفه اصدق حد محتجاهم كل فتره يطمنوني من غير ما أقولهم اني محتاجه أطمن وكل شويه يقولوا إنهم جنبي بس ده مبيحصلش  ومش عارفه اعمل اي أنا اتخنقت اوي نفسي الإحساس ده يختفي بجد أنا كده طول حياتي مع اختلاف الناس دايما حاسه كده وثقت في شخص واحد وحسيت انه بيحبني بس حتي دلوقت بدأت احس ناحيته بكده هو كمان أنا دايما ببعد عن الي حواليا بسبب الإحساس ده طول عمري بنسحب وببعد عن الي حواليا وخايفه اعمل كده معاه هو كمان أنا بحبه بس خايفه بقيت بحس ان الإحساس ده من ناحيه الي حواليا بيخنقني اكتر من الاول وخصوصا اني اول مره احب حد كده بدأت احس قد اي الإحساس ده بيخنقني وخايفه ابعد عنه اوي والناس الي حواليا الي حرفيا طول عمري بهرب منهم مع اختلاف الناس بفترات حياتي اتخنقت اوي بجد مش لاقيه حل أنا عارفه اني عندي مشكله ومش عارفه احلها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_46599 🇪🇬

منذ 6 أشهر

شعور محبط

كان في بنت معايا في الكلية كنت معجب بيها و كنت حاسس ان انا بحبها وكان في نظرات ما بين كتير وخليته عندي احساس أن ده متبادل روحت بعت أد على الفيس بوك لما لقيتها علقته روحت بعت لها رساله في ما معاه أن انا معجب بيها وان انا حاسس ان الحوار ده مشترك ما بينا ملحوظه هيا اللي كانت نظري في البداية انا عارف

Strawberry_52165 🇪🇬

منذ 6 أشهر

شعور ضاق ذرعًا

جماعة ازاي افك التعلق بشخص هو كويس و الله بس مثلا لو زعلني مش بقدر اخد موقف منه خصوصا أنه دمه خفيف و بيضحكني و انا متعلقة بيه اوي و محدش يقولي اشغلي نفسك علشان حتى و انا مشغولة بفكر فيه و عايزاه

Blueberry_26235 🇪🇬

منذ 8 أشهر

شعور خجلان

اي سبب التعلق الشديد اوي دا بحد؟؟ قابلت حد ف الجامعة من سنة و شخص مستغل و كان بيستغلني دراسيا كتير و انا زي ما اكون باسعى اني ارضيه بطريقة غبية و ممكن توصل بحلله اسأله و ببدل ورقنا فالامتحانات لي انا مكملة تعلقي بشخص بيعاملني كهوا و دايما عايزة ابادر و احاول معاه و لو مبادرتش و مسكت نفسي يقولي انتي

Coffee_42292 🇪🇬

منذ 8 أشهر

شعور وحيد

من اصعب الكلام اللي بيتقال لشخص بيحبك وللاسف الشديد انك عارف انه بيحبك! صحيح الوجع وكسرة النفس مش بتيجي غير من اللي بنجبهم اكتر من نفسنا وانه دايما كنا بنيجي علي نفسنا علشان خاطرهم يمكن الشخص ده كان نفسه انك تقدره هو ممكن ميكونش عايز منك حاجه بس بلاش تجرحه بالكلام بالشكل ده ليه توصله انك تخليه يقول

Coffee_42292 🇪🇬

منذ 8 أشهر

شعور مكتئب

من أحسن القرارات اللي ممكن تعملها لنفسك هو إنك تنهي كل العلاقات اللي مش حقيقية في حياتك ، الصديق اللي أنت واخده أقرب صديق وهو واخدك حسب المزاج ، نهاية العلاقة أحسن مليون مرة من الاستمرار فيها ، الحبيب اللي أنت منتظر ظروفه تبقى مثالية عشان يفوق ويحبك مش هتفوق من الوهم ده غير لما يحب حد تاني وتكتشف إن

Strawberry_28220 🇪🇬

منذ 8 أشهر

شعور مكسور القلب

Marshmallow_37896 🇪🇬 ان شاءالله هتنسيه مع الوقت وكأنه شيء لم يكن وربنا هيعوضك بالاحسن منوا وهيجبر بخاطرك

عرض الكل 2 نصيحة

عبّر عن شعورك بشكل مجهول

عندي سؤال هو انا ليه كل ما احب حد يبعد عني ليه كل ما اتعلق بحد يطلع من حياتي و كأني مكنتش حاجه بالنسباله الحصلي انهارده أن الشخص الحبيته اكتر من نفسي سابني لسبب انا مش عارفاه و بيقولي اني مش بهتم بيه مع اني كنت الوحيده البحس بيه لما يزعل و مكنتش بسيبه إلى لما يكون كويس كنت لو زعلته مش بسببه زعلان مني و كنت بروح اصالحه على طول مع اني في الاول مكنتش موافقه على العلاقه ديه بس هو قالي أنه بيحبني و ميقدرش يبعد عني و انا في الاول قولت ممكن أحبه زي ما هو بيحبني بس دلوقتي بقيت انا البحبه و هو انا اصلا معرفش حبني من الاول ولا لا حبيته و اتعلقت بيه و قبل ما يسيبني بيوم قالي أنه بيحبني اوي و لو انا بعدت عنه ممكن يحصله حاجه و انا وعدته اني عمري ما هبعد عنه و هو كمان وعدي و خلف الوعد بعدها بيوم ليه ليه عمل فيا كدا بعد ما كان اهم حد في حياتي كان أول حد أكلمه لما اصحى و اخر حد أكلمه قبل ما انا دلوقتي مش عارفه هنام ازاي من غير ما أكلمه مين هيكلمني الصبح اول ما اصحى عشان يطمن عليا مش عارفه أبطل عياط من ساعة ما قالي أنه عايز يبعد و فضلت أقوله يفضل معايا و انا محتاجاه بس برضو سابني عارفه اني المفروض ابعد عشان هو الاختار ده بس انا مش قادره ابعد عنه مش عارفه اعمل ايه مش عارفه أبطل عياط حد يساعدني و يقولي ارجعه ازاي و لو مرجعش أنساه ازاي مع اني عارفه اني مش هقدر أنساه...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tomato_74165 🇪🇬

نفسي القي حد يكلمني واهتم بيه

نفسي القي حد يكلمني واكلمه القي بنت تهتم بيا واهتم بيها نفضل نتكلم طول اليوم وتشاركني كل حاجه فيومها نفسي تصورلي الحاجه الي جبتها جديده وناخد رائي نفسي في حد ميلقش حد يحكي ليه غيري بقيت ادخل على ابلكيشن كتير بسبب اني نفسي القي حد ف حياتي ...عرض المزيد

0 الدعم

4 نصيحة

Broccoli_74160 🇪🇬

مش عارف اقلل اكل وبحس بعاند نفسي

انا دلوقتي بحب الاكل ومش عارف اعمل اي ارجوكم سعدوني حاولت كتير اقلل اكل بنتظم يوم او اتنين وبرجع اكل اكتر بحس اني بعاند نفسي وبقيت كسول جدا اعمل اي حد يساعدني في حل الموضوع دا واكون شاكر لي ...عرض المزيد

0 الدعم

7 نصيحة

Strawberry_74168 🇪🇬

محتاجه حد يسمعني خايفه ومحتاجاه يفضل موجود

انا بجد محتاجه حد يسمعني لان حاسه ان انا هتجنن انا متجوزه ومخلفه وجوزي انسان عادي جدا بس هو سلبي وشخصيته ضعيفه وضيع مننا حاجات كتير بسلبيته ووصلنا اننا علينا ديون كاير ومتمرمطين انا وولاده قفلت منه وتعبت في حد ظهر في حياتي بفضفض معاه بس اتعلقت بيه وانا دلوقتي في ناااار خايفه جدا بس في نفس الوقت محتاجاه يفضل موجود هو الحاجه اللي بتخرجني وبتفصلني عن حياتي الكئيبه اعمل ايه انا مش بنام حرفيا ...عرض المزيد

0 الدعم

0 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع