حب مزيف

Durian_52455 🇪🇬

منذ شهرين

شعور محبط

بقيت بحس بالغرابة لما حد يقولى شكرًا او يقولى كلمة حلوة فى وسط دوشة جوا دماغى.. عقلى مبقاش يعترف بالطاقة الإيجابية.. لإنها مش موجودة أو موجودة بس بصور غريبة.. زى الضرب/الشتيمة/الهزار الإباحى/الإهانة مبقتش مصدق إن الناس دى بتعمل كدة من منطلق الحب (على حد كلامهم) وياترى لو كان ده الحب فى نظرهم يبقى ال

Strawberry_67003 🇪🇬

منذ شهرين

شعور عاطفي

موضوع:

درس علمته لك الحياه

انى مثقش فى الرجالة مهما كان بيعمل عشان اى ، فهوا دايما عايز منى حاجة معينة لو مديتهالوش هيمشي ومش هفرق معاه، كنت اعرف واحد بيقول أنه بيحبنى جدا بس كان عايزنى أتنازل عن كل حاجة انا عايزاه وبحبها عشان ارضيه ، مش مهم أنا عايزة اى ، المهم هوا عايز اى

Strawberry_63743 🇪🇬

منذ شهرين

شعور قلق

عبّر عن شعورك بشكل مجهول

انا من ٤ سنين ارتبطت ب ولد زميلى 
الموضوع بدأ كنا بنتكلم عادى ومكنش ف دماغى حاجه لكن فيه كلمه قولتها هو فهمها انى بعترف بحبى ليه 
قولت ع حاجه عجبتنى حبيت 
ف انا عشان كنت مريت بتجربه حب م طرف واحد وزعلت بعدها جامد عملتلى تروما يعنى ( انا اللى كنت بحب)
مرضتيش اكسر بخاطر 
ومثلت انى بعترف بحبى 
و ابتدى موضوع وكل يوم اقول هقوله انى مش بحبه 
يوم ورا يوم لحد ما تعلقت بيه 
وعدى الوقت 
وبعدين ابتدى هو يقول ان مش عارف ليه مبقاش زى الاول بيحبنى يعنى و تعامله اتغير بس انا كنت اتعلقت بيه ومرضتيش ابعد 
وبعدين عرفت انه معجب بواحدة زميلتنا وبيكلمها 
واجهته انكر طبعا وطلبت منه يبعد عنها قال هى مش اكتر م زميله 
لكن انا وصلنى كلام م صحبه انه معجب بيها 
وعدى الوقت وهو متغير معايا بيعاملنى وحش كأنه بيطفشنى 
وبعدين البنت دى اتخطبت 
* قالى بعدها بسنه انه زعل جدا لما اتخطبت و حس بصداع جامد 
وهى قالتله انها اتخطبت لأنها مكنتش فاهمه موقفه معاها * 
ف رجع كويس معايا بيعاملنى احسن 
وبعدين البنت دى سابت خطيبها 
ورجعت تكلمه عيطت له كتير عشان يبعد عنها مرضيش وقالى مش تايب بتاعى بس عشان شكلى قدامها 
وبعدها بفترة لقيته بيقولى انا كنت بحبك خالص لكن اول ماشوفتها وضعى اتغير ومش عارف اقولك اى ومش قادر استغنى عنها 
فقررت ابعد
فضل هو طول الاسبوع يحاول يكلمنى م أرقام غريبه لكن ماردتش 
وبعدين بعد اسبوع ما خلص لقيته بيهددنى انى محكيش اللى حصل لحد 
لانه ممكن يتكلم وقالى هطول فيكى جامد وبعدين اتصلت بيه عيطتله قالى مبقاش ينفع وموضوعك انتهى انا كنت بحاول بس عشان مش هاين عليا 
وبعدين بصراحه انا عملت تصرف غلط كنت المفروض ابعد 
لكن ضعفت بقيت اكلمه واقوله انى تعبانه م غيره 
وهو رده انه احنا م الاول ارتباطنا غلط ومش مناسبين لبعض 
ف مرة كنت بكلمه قالى مش عارف اقولك اى مشاعرى ليها غصب عنى 
روحت دعيت عليه وعملتله بلوك 
راح جايلى البيت 
وحاول يهدينى وقالى خلاص هنرجع وهبعد عنها وبعدين قالى اقولك الصراحه انا بتسحل معاها ف كلام 
وبعدين قالى متخلينا صحاب رفضت 
وبعدين قالى طب خلينى اما اروح ههنهى معاها قالها أميرة بعتتلى كلام زعلنى لقيتها بترن عليه وبعتاله رساله بتقوله طالما شايف نفسك مظلمتهاش خلاص

و بصراحه حاولت نرجع بس هو كأنه كان بيعاقبنى و طلب نتقابل وبعدين مسك تليفونى شاف شات وانا بحكى لصحابى و شتمو عليه يعنى 
اتعصب جامد وقالى انه ارتبط بيها 
وانا اتذليت له كتير عشان نرجع 
وبعدين شويه بقيت احسن 
لقيته بيتصل ويقولى ردى عليا عشان خاطرى انا تعبان اما رديت قالى انتى فعلا هتسبينى رديت قولتله لو عاوز نرجع ماشى 
وطلب  نتقابل 
نزلت اقابله كلام كان عشوائي مافيش نوايا واضحه 
قولتله هقابل ابن الحلال يعرف قيمتى 
قالى بس هتفضلى تحبيني 
قولتله لو فضلت أحبك هكون عادمه عقلى وابتدى يورينى كلام انه البنت ارتبط بيها مضايقه انه بيشتكيلها انه زعلان عليا 
و انه مضحكش م قلبه غير اما قعد معايا 
وانه هيسيب بنت تانيه دى و يفكر اذا كان يرجعلى ولا لا 
وبعدين لقيته بيساومنى 
انه عشان يرجعلى ابعد عن صحابى واشتمهم و اهينهم قدامه زى ماعملت واتكلم عليه معاهم 
ف رفضت شتمنى وشتم عليهم وقالى كانت آخر فرصه ليكى 
وبعدين تانى يوم متصل يشتم ع صحابى متهياله انهم بيضحكو عليه لكن دا فعليا محصلش 
وبعدين اتصل عليا ١٢ مرة ولقيته مستنينى قدام بيت يجى ساعتين 
بيعيد عليا عرض اننا نرجع لبعض وابعد عن صحابى لكن بأسلوب الطف واهدى 
وهو بيورينى حاجه ف تليفون شوفت صورته مع البنت 
اتخانقت معاه وقولتله مش هرجع خلاص دا آخر كلام 
حاول معايا كتير اوى نرجع رفضت 
فضل قاعدلى تحت بيت عشان انزله ونرجع قولتله كلمها قدامى 
كلمها وبلكها وقالها مش بحبك )انا اللى قولتله يقول كدا ) 
وبعدين روحت لقيتها بعتالى رساله هو بيعتذر فيها بعتهاله وبلكته 
جالى تحت بيت تانى 
نزلتله اتحايل عليا كتير اوووى 
لدرجه انه عيط 
صعب عليا وافقت 
وبعدين بقا كويس معايا لكن ابتدى يقولى فيكى عيوب لو متغيرتش مش هنكمل 
وبعدين لما قولتله جالى عريس 
زعل خالص لدرجه انه عيط 
ومعاملته اتغيرت ونسى موضوع عيوب دا 
ودلوقتي عاوز يتقدملى انا بصراحه مش مطمنه وخايفه 
وهو لما يتخانق معايا عامه 
بيشتم وبيقول ألفاظ وحشه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_52837 🇪🇬

منذ شهرين

شعور محبط

عبّر عن شعورك بشكل مجهول

مساء الخير او صباح الخير انا اول مره هكتب واطلع قصتي استحملوني عشان طويله شويا بس اتمني ان الاقي حد ينصحني من غير م يجرح فيا ..
انا بنت حاليا عمري ٢٧ سنهعشت اسوء فترات حياتي مع بابايا كان بيضربني وبيقصلي شعري مكنش حد بيحوشني منه غير جدتي الله يرحمها لحد م اتوفت كان عندي ١١ سنه نزلت اشتغلت وكملت دراستي وانا بشتغل ابويا عمره م صرف عليا كنت بروح المدرسه الصبح وارجع ع الشغل واروح الساعه ١٢ اذاكر ساعتين وانام لحد معاد المدرسهكنت بدفع مصريف مدرستي لنفسي وكل حاجاتي حتي الحاجات الشخصيه اللي اي بنت بتحتجها كنت بجيبها لنفسي لدرجه اني لو تعبت جامد ومش معايا فلوس مش بعرف اتعالج ف مره كنت تعبانه اوي لدرجه اني حرفيا بعض ف الارض وكنت محتاجه حقنه رغم ان بابايا مقتدر مديا الا انو عمره م ادالي جنيه واحد ورغم انو لما كان بيتعب كنت اول وحده بسنده ورغم كل دا عمره م حن عليا ولا طبطب عليا ولا حتي بصلي ع اني بنته
وانا عندي ١٦ سنه حبيت واحد كان صاحب اخويا اكبر مني ب سنه ارتبطتنا كنت صغيره وهو كان بيطبطب عليا وبيعوضني عن حنان الاب والاهل وكل حاجه و ف مره كنت متخانقه مع بابايا وكان قاصصلي شعري جريت عليه و هو احتواني وقرب مني وفضلنا مع بعض لحد م فجاءه اختفا بعد سنه ساعتها انا اتقدملي عريس وابويا وافق من غير م اقول اه ولا لا واتخطبت ٢٨ يوم هو جه الخطوبه وانا كلمته وقعدت اعيطله واقولو انت السبب لو كنت جيت كان زمانو وافق عليك انت لي اختفيت ولي سيبتني قالي انو كان تعبان و قالي انا لسه صغير ومش قد المسؤولية دلوقتي حاولي تطفشي خطيبك دا وانا هظبط اموري وفعلا سيبت خطيبي عشانو حرفيا مكنتش بتعامل مع خطيبي خالص لحد م زهق ومشي  ورجعنا نتكلم تاني قعدنا مع بعض سنه وبعدها اختفا تاني سنه وانا اللي رجعت كلمته ودورت عليه واشتغلت معاه وفتحنا شركه سوا كان بيكدب عليا كتير وبيخوني كتير اوي وانا كنت مش فاهمه  لحد م جه قالي انو بيحبني وعاوز ياخد خطوه وفعلا كلم ماما وجه اتقدملي و اتفقنا نجيب الشبكه كمان شهر وحصلت ظروف كتيره اوي وقفلنا الشركه و فضلت معاه ٤ شهور ومبخليش حد يكلمه ف الشبكه لحد م ظروفو تتحسن ولان حصل بنا تجاوزات كنت مرعوبه من فكره انو يسيبني لحد م هو اشتغل ف مكان تاني واتعرف ع بنت تانيه بس هي كانت عارفه انو خاطب فضلت توقع بنا وكانت بتشككني فيه لحد م قولتلو انا تعبت م الخيانه واننا لازم نسيب بعض كنا ف ٢٠١٩ ايام كرونا كنت فاكره انو هيشتريني ويقولي خلاص مش هعمل كدا تاني ويحاول عشاني لكن للاسف بعد م سيبنا بعض ب ٥ شهور هو خطب البنت اللي كانت معاه ف الشغل وانا خطيبي الاولاني كلم بابايا وساعتها اتخطبت تاني لنفس الشخص بس صارحته ب كل حاجه وبرضو مكملناش شهر و سيبنا بعض وانا مفكرتش ف الارتباط كنت بشتغل وبصرف ع امي واخواتي بس لا كنت لفكر ف نفسي ولا كنت بجهز نفسي ولا اي حاجه كنت عايشه عشان امي واخواتي بس لكن هو كمل واتجوز وخلف ولد وتعدي السنين لحد اخر شهر ف ٢٠٢٣ ونتقابل صدفه عن طريق شغل وساعتها قالي انا لسه بحبك ومش مرتاح مع مراتي ومش بحبها ويعتبر اننا منفصلين وساعتها رفضت كتير اوي لحد م كلم امي و انا عشان بحبه وعمري م نسيته ولا حبيت غيره وافقت جاب مامتو وجه اتقدملي وقال ل ابويا انو انفصل وعندو ولد وابويا معترضش اتخطبنا شهر ٢ ٢٠٢٤ و حددنا سنه ونص ساعتها كنت فكراه صادق ف كل حاجه لحد م عرفت انو مطلقش وانو عايش مع مراتو عادي ساعتها قولتلو انا مش هفضل معاك عشان انت كذاب هو شاطر اوي ف قلب الطربيزه واللعب ب الدماغ وفعلا لعب ب دماغي وقالي والله احنا يعتبر منفصلين بس متمش ع الورق واديني مهله لحد شهر بظبط وانا هنفذ ع ورق رغم اني قولتلو والله اكتر من مره لو عاوز تكمل معاها عشان ابنك انا موافقه بس خليك صريح وهو ديما بيقول لا مستحيل انا مش هعيش غصب عني وانا بحبك انتي والوعود فضلت تكتر والتنفيذ مفيش لحد م وصلنا للشهر اللي احنا فيه كل اللي عملناه اننا جبنا شقه ايجار جديد متوضبه فيها حاجات بسيطه جدا و انا جيبت حبه حاجات بسيطه ف جهازي ولحد دلوقتي هو مخدش اي خطوه لا من نحيتي ولا من النحيه التانيه .. للعلم انا كلمت الزوجه وحاولت معاها كتير انهم يرجعو من غير م اعرفها انا مين عشان مينقلش عليا خطافه رجاله ولا خربت البيت بس هي ديما ردها ١ انا جبت العيل اللي نفسي في لان هي اكبر منه بسنتين وهو مش فارق معايا لا انا بحبه ولا هو بيحبني .. وانا بحببه ف ابنه جدا و بخليه يشوفو ويقبلو ويجيبلو لعب مش عشان ابق مرات الاب الطيبه لا والله انا فعلا بحب الولد جدا انا اصلا بحب الاطفال .. انا خايفه ومش عارفه امشي ومش عارفه اكمل الشك والخوف ومن كتر الكذب بقيت خايفه اوي لا عارفه اكمل ولا عارفه امشي   .. ونبي من غير تجريح انا عاوزه حد يفيدني ومش عاوزه ابان مكسوره قدام حد انا اتعذبت كتير ف حياتي ومش قدره اكمل فيها وحاولت انتحر كتير م القسوه بس بخاف ونبي اللي يعرف يفدني يفدني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_27627 🇪🇬

منذ 3 أشهر

شعور مكسور القلب

خلاني احس اني رخيصه خلاني احس اني انسانه مقرفه وكل اللي عملتو علي لفاضي وان مستحيل حد يتقبلني ولا ينفع ني اتحب مع انى عملتله كل حاجه ممكن تتعمل عشانو وحولت بدا المره الف وقفت قدام الكل كان شايفها غلط الا انا وقولت دا مستحيل يأذيني ومستحيل يوجعني فيوم انهرده بقول يارتني ماشوفتو ولا عرفتو علي تعب روحي

Waffle_61413 🇸🇦 اتفق مع تعليق الشخص اللي فوقي ، حاولي ت move on وواحده واحده ربنا بيعوض

عرض الكل 12 نصيحة

Blueberry_29908 🇪🇬

منذ 4 أشهر

شعور مزعوج

--- أحيانًا بحس إن الحب ده مجرد وهم أو خداع، حاجة الناس بتحاول تقنع نفسها بيها علشان يلاقوا سبب يعيشوا عشانه. لما بشوف صحبتي أو أختي أو حتى ماما، وطريقتهم في التعامل مع جوزهم أو خطيبهم، بحس إنهم مغيبين، محبوسين جوا استعراض اهتمام وكلام معسول، وفي الآخر بيتحولوا لأطفال متعلقين بيعملوا أي حاجة علشان

Marshmallow_27975 🇪🇬 اعتقد الحب مش مفهوم واحد لازم نمشي عليه انتي بتحبي بطريقة و غيرك بيحب بطريقة و اكتشفت ان الحب مش لازم دايما يبقا فرح و انبساط الحب اما تبقي محتاجه الشخص ده فحياتك بغلاسته بكل حاجه فيه عادي زي العيلة كده بنتولد نلاقيها و نحبها بس بنتخانق كل يوم عادي بخاصم اختي بالايام بس كده كده انا متأكده اني هكلمها تاني مهيا فالاوضه اللي جنبي هو ده الحب بالنسبالي الاطمئنان ان مهما كان الشخص ده هيكون موجود

عرض الكل 7 نصيحة

عبّر عن شعورك بشكل مجهول

---

أحيانًا بحس إن الحب ده مجرد وهم أو خداع، حاجة الناس بتحاول تقنع نفسها بيها علشان يلاقوا سبب يعيشوا عشانه. لما بشوف صحبتي أو أختي أو حتى ماما، وطريقتهم في التعامل مع جوزهم أو خطيبهم، بحس إنهم مغيبين، محبوسين جوا استعراض اهتمام وكلام معسول، وفي الآخر بيتحولوا لأطفال متعلقين بيعملوا أي حاجة علشان الطرف التاني، حتى لو الموضوع كله باين عليه تمثيل. كمية القهر اللي بحسها ساعتها مش طبيعية، بقعد أقول لنفسي هو إيه القرف ده؟ ليه الناس بتخدع نفسها كده؟ إزاي عايشين في حاجة مزيفة وفرحانين بيها؟

بستغرب لما ألاقي واحدة ابنها بيكلمها بطريقة وحشة أو عنده إعاقة أو بيستفزها، وبرغم كده بتحبه، بحس إني مش قادرة أصدق، هو الحب بييجي إزاي؟ وبعدين ماما، بتقول إنها بتحب جوزها، وأول ما تحصل مشكلة بسيطة بتقول طلاق! طب ده حب؟ ولا تعود؟ ولا خوف من الوحدة؟ أنا ساعات بفكر إن مفيش حاجة اسمها حب حقيقي، هو بس تعود على وجود شخص بيشيل عنك، بيسد فراغ، بيريّحك، ولما يختفي بتحس إنك تايه، مش علشانه… بس علشان الخدمات النفسية اللي كان بيقدّمها لك.

وبصراحة، أنا بكره أسمع كلام عن العلاقات… بكره، لدرجة إني بحس إني هطق، بحس بقرف، بغيظ، باشمئزاز فظيع مش عارفه أوصفه، ببقى عايزة أصرخ وأقول "هو إيه الّيَع ده؟"، مش قادرة أستحمل الكلام ولا حتى الفكرة. كل حاجة حواليا بتشوه الحب… حتى الممثلين والمغنيين اللي بيقولوا إنهم حبوا واتجوزوا، ف الآخر بيسيبوا بعض، طب فين الحقيقة؟ مفيش.

أنا علاقتي ببابا أصلاً مش قادرة أفهمها، هو بيحبني، وأنا لما بيكلمني بلطّف وبضحك، بس جوايا حاجة بتقولي "انتي بتمثّلي". بحس إني متضايقة من نفسي، حتى وأنا بحاول أبان طبيعية. وبكره أقول كلمات زي "يا قلبي" أو أتعامل بلطف مصطنع، لأن كل حاجة جوايا بتصرخ من القرف، من الكبت، من الزيف.

حتى ماما، أول حب حبيته كان ليها، بس مش لأنها كانت حنونة أو بتحبني، لأ… بس لأن عقلي اتعود عليها، لأن مكنش في بديل. حتى الحضن… الحضن اللى ناس كتير بيموتوا عليه، أنا لما بحتاجه بحس بإحراج، بكسف من نفسي، وبقرف من الفكرة، من اللمس، من الضعف اللى فيه.

أوقات بتخيل نفسي في علاقة، بيتهيألي إني ممكن أحب وأتأمن، بس حتى الحب اللي بتخيله لازم يكون فيه حاجة توجع، لازم يكون فيه خيانة، أو شك، أو وجع، علشان يبقى واقعي. وأنا عارفة إن ده مش طبيعي، بس مش قادرة أتخيل الحب نضيف، مش قادرة أصدق إن فيه حاجة اسمها حب من غير قهر.

والحب نفسه، بالنسبة لي، بقي عبارة عن إشباع… طاقة عاطفية ناقصة، شهوة، حاجة من الطفولة مش مكتملة… مش حاجة حقيقة. مفيش مشاعر بديهية، كله نتيجة لواقع معين، واحتياج معين. وأنا؟ أنا كمان أنانية، زي الكل، بس الفرق إني بكره ده فيا، مش عايزة أستغل حد، مش عايزة أحب حد علشان بس يعوض نقص، وبعدين أتعوّد عليه وأكمل، وخلاص.

بس حتى كده… حتى وأنا بحاول أصدق، بلاقي الوجع بييجي ورا الحب دايمًا. موت، خيانة، كسر… وكل مرة الخيال يموّت بطل، بدوّر على غيره، بحس إني بستبدل أرواح علشان أفضل واقفة… وده قرف. قرف من النفس، وقهر من العالم اللي مش سايب فرصة واحدة للحب يبقى حقيقي.

أنا حتى مش متخيلة إني ممكن أكمل بعد التلاتين… حاسة إني نفسي مش دايمة، فإزاي أصدق إن فيه حاجة في الدنيا دي دايمة؟ الحب ده؟ اللي مليان ضعف، استغلال، قهر، وتعود؟ أنا مش قادرة أتقبله… مش قادرة أبلعه… ومش عارفة أعيش معاه ولا من غيره.

مش قادره......

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_52237 🇪🇬

منذ 4 أشهر

شعور مكسور القلب

حزين علي حب ل شخص خلاني احس ان اي حاجة كانت بين و بينه في اي وقت هي كدب لمصلحته مش اكتر اي نزول او كلام او مشاعر من ناحيته مش اكتر من مصلحة لدرجة الكدب و الزيادة في الامور بمرضه و انه تعبان دايما و مش قادر ينزل و مش قادر يعمل حاجة رغم الحقيقة غير كده و ده متكرر كتير و كنت بسامح و اعدي و يوصل الموضوع

Chocolate_21962 🇪🇬

منذ 6 أشهر

شعور عاطفي

هي ليه الناس مش حقيقية يعني انا اتعامل معاهم وادي كمية حنيه وحب والله ما شافوها في حياتهم وهما ده كله بيمثلو الحب ايه القرف ده هو الواحد لازم يتعامل بخبث وانانيه عشان قلبه مايوجعهوش كده ولا يحس بالعجز والقهر كده بجد الواحد ضيع وخسر حاجات كتير حلوه مع ناس ما تستاهلش الواحد عمره ما هيسامحهم وأتمنى ان

Donut_26746 🇪🇬

منذ 9 أشهر

شعور عاطفي

ليه الراجل مش بيحب مراته رغم أن هو علي طول بيقولها أنه بيحبها و بيعامله كويس و في مواقف كتير حلوه بس في نفس الوقت أن لو حصل حاجه مابينهم مشكله او اي كان اي هي ممكن يبيعه في ثانيه و عادي و اللي هيربطه بيها العيال وبس

Pineapple_25373 🇪🇬 الشيطان يستغل نقطة ضعف الراجل وهي عم تقبل الاختلاف وعدم الصبر قليل جدا لما تلاقي رجاله فيهم الصفتين دول فهو بيستغلهم ليه الشيطان عشان يخليهم حجه ليه يبرر بيها أفعاله فيها بعد

عرض الكل 2 نصيحة

Marshmallow_50073 🇪🇬

منذ 9 أشهر

شعور مكسور القلب

موضوع:

امتى صعبت عليك نفسك

لما حبيتوا من كل قلبي وكنت مستعدة اني اتغاضى عن حاجات وحشة كتير فيه بس عشان بحبه و كنت مبصدقش لما يقولوا انه بتاع بنات و مش كويس و كنت بقعد ابررلو و كنت بصدق العلامات اللي كنت احسبها حب منه و في الاخر طلعت عشان هو عارف اني بحبه وكان بيبص عليا عشان يشوفني بيص ولا لا مش عشان هو بيحبني وفي الاخر اكتشف

Potato_31970 🇪🇬 كلنا عارفين ان اي علاقه بدايتها لا ترضي الله نهايتها لن ترضيك قىبي من ربنا وادعي انه يخرج حبه من قلبك

عرض الكل 28 نصيحة

Marshmallow_50073 🇪🇬

منذ 9 أشهر

شعور مكسور القلب

حاسة اني كرامتي اتجرحت بعد ما حبيتو و طلع بيمثل علامات الحب اللي عنده وكان بيضحك عليا وبيصطادني وانا هبلة معرفش قعد يعمل فيها العاشق الولهان ويقعد كل شوية يبص عليا ويتأملني ويبص عليا واول لما ابص عليه يبص بعيد ولما احوش عيني يرجع يبص تاني ولما قنت اقعد في المدرج قدام واكلم واحدة ورا الاقيه بيبص عليا

Marshmallow_50073 🇪🇬

منذ 9 أشهر

شعور ضائع

بخصوص انه في محاضرة يوم الثلاثاء قعد يبص جنبه في الصف اللي انا فيه لدرجة ان الدكتور لاحظه و هزأه في نص المحاضرة وفي نفس الوقت كل حاجة عنه بتدل انه بيمثل قدامي انه بيحبني جدا عشان يضحك عليا لا وييجي كمان و ينشر على ستوري الفيس لما اتجاهلته يوم الاربع كله ومبصتش عليه اغاني (ولو ترجعي تقولي حبيبي وت

Coconut_15725 🇪🇬

منذ سنة واحدة

شعور غاضب جدًا

اكتشفت بعد سنين كتير اوى من التعامل مع الناس او الأهل عموماً ان فعلاً فعلاً حبيبك بيبلعلك الزلط يعني ممكن تبقي عامل لشخص كل حاجه حلوه ف الدنيا بس هوا مبيحبكش او عنده مشكله معاك بيشوف ان اي حاجه تعملها ولا كان عملت حاجه لا وبيشوف انك إنسان مهزء وممكن يتخانق معاك في حين ان ممكن نفس كلامك واقتراحاتك حد

Lemon_13244 🇪🇬

منذ سنة واحدة

شعور Okay 😐

بس هوا سابت وراح لا واحده تانيه انتي لسه بتحني ليه لا انتي مكنتيش بتحبيه ولا حبيتيه انتي كنتي مبسوطه أنه ف حد دخل حياتك واهتم بيكيي بس محبكيش فوقي

Strawberry_13356

منذ سنة واحدة

شعور Not great 😕

نفسي افهم هما ياعرفو ايه عشان كل شويه يقول للبنت انا بحبك وهو بيلعب بيها

Strawberry_76847 🇪🇬

ليه دايما بحس إني قليلة ومش مستحقة؟

أنا مش عارفة ليه دايمًا حاسة إني قليلة... بحس إني مش زي غيري، بحس إني مش بستحق حاجة حلوة. يمكن عشان في حاجة قديمة عملتها ومحدش عرفها غيري، بس أنا عمري ما نسيتها. كل مرة أحاول أفرح أو أفتخر بنفسي، الصوت اللي جوايا بيقولي: انتي نسيتي؟ نسيتي عملتي إيه؟ بصراحة بقيت دايمًا حاسة إني أقل من البنات اللي في سني، وهما بيتكلموا عن نفسهم بثقة كأنهم عمرهم ما غلطوا. اللي بيستفزني أكتر إن في منهم بيقعدوا يقولوا: "أنا المفروض كنت أبقى أحسن من كده" أو "أنا أستاهل أحسن بكتير"، وأنا أقعد ساعتها ساكتة مش عارفة ده الصح ولا الغلط. نفسي بس أهرب من الإحساس ده… نفسي أسكت صوت الذنب اللي مش سايبني أعيش ...عرض المزيد

5 الدعم

37 نصيحة

Apple_74635 🇪🇬

تعبانه ومخنوقه ومش عارفة أتكلم مع حد

صباح الخير عليكم جميعا انا صاحية مرهقة و تعبانة و مخنوقة او مش هقول صاحية لان عندي ارق و يادوب نمت ساعة ولا اتنين كل دا طبعا من كتر التفكير و الخنقة و الهم الي انا فيه مش قادرة احكي لحد خالص عن الي جوايا وفي تصرفات كتير غلط بحاول ابطلها بس مش عارفة بحاول على قد م اقدر اساعد نفسي بس اوقات مبينفعش و بحس نفسي بفقد الامل و فجأة بلاقي نفسي بدور على حاجات انا عنري مكنت متخيلة اني فيوم هعملها حتى اهلي مش قادرة احكيلهم مفيش حد يسمع مني و حتى لو هيسمعوا مني الي حصلي مش هينفع احكيه لحد و حاسة اني شايلة هم كبير اوي و عاوزة اطلع كل دا من جوايا بس مش قادرة ...عرض المزيد

5 الدعم

33 نصيحة

Pineapple_77988 🇪🇬

متجوزة من 14 سنة وحاسة إني عايشة مع جد

متجوزة بقالي ١٤ سنة مش عن حب ولا صالونات .. هو أكبر مني ب٧ سنين للأسف من اول اسبوع جواز وانا حسيت إن فرق السن كبير عكس ايام الخطوبة كان محسسني إنه الواد التت الفت بعد الجواز حسيت اني متحوزة راجل كبير انا مش مجنونة في تصرفاتي بس بحب الخروج السفر المغامرات فرفوشة بحب انكش ف اللي قاعد معايا ف الرايحة والجاية هو عكسي تماماً هادي ولما ااعملاي حاجة يحسسني اني مجنونة الحقيقة بطلت اعمل حاجات كتير كنت بعملها لمحتله كذا مرة نفسي اعمل حاجة جديدة هو روتيني فوق الوصف بيتوتي درجة أولى .. مطلبتش حاجة فوق المقدرة خالص بس خلاص تأقلمت بس بقاله ٤ سنين كده بقيت حاسة حرفياً اني عايشة مع واحد عنده ٧٠ سنة شايل الهم عالطول ودائما مكشر زعيق ف الولاد ليل نهار عارفة أن الضغوطات والمسؤوليات ع عيني وراسي بس مش عالطول مش طول الوقت مش بشوفه بيضحك لو ضحك تبقى الضحكة قالبة بايموشن قرفان تعبت اوي غير حاجات كتير مستحملاها وبتغاضى عنها لكن الحاجة دي مأثرة نفسياً عليا وع ولادي مابقوش يحبوا قعدته بس لو غاب شوية يفضلوا يسألوا عليه .. عايزة اتكلم ف حاجات كتير ومش عارفة اقول ايه ولا ايه بس دي اكتر حاجة تعباني ...عرض المزيد

5 الدعم

32 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع