حب بدونية قصص حقيقية - 1 تجارب، ونصائح، ودعم

Broccoli_68606 🇪🇬

منذ أسبوعين

شعور مكتئب

فيه فترة كنت بتدرب فيها اتعرفت على بنت متكلمتش معاها غير تقريبا مرتين و كده بعدين التدريب خلص فمعتش بشوفها تاني وصلت لأكونت الفيس بتاعها و بعتلها اد رفضت لانها من أسرة محافظة كنت معجب بيها و بشخصيتها و حرفيا فضلت بمراش عليها بتاع سنتين و نفسي اخطبها بس مقدرش لاني غير جاهز ماديا و حاسس بدونية من اسبو

Pineapple_69990 🇪🇬 عمرها ماكانت كدا وده مش ذنب اهلك خالص كل واحذ وعنده ظروف والحمدالله ع اي حاجه ويمكن الله اعلم بعدين ايه اللي هيحصل متعرفش الخير ليك فين ممكن تكون من نصيبك ف الاخر ويمكن يكون ليك نصب مع حد تاني ع كويسه ومحترمه برضو وربنا يكرمك ب فرحه يارب تفرح قلبك

عرض الكل 5 نصيحة

أنا عاوزه اروح البيت ومخي مش بيقف

طب انتوا عارفين انى من يوم ما ابويا مات من ٦ سنين لحد دلوقتى و انا مخي مافيهوش غير جملة انا عاوزة اروح البيت .. بس انا بقولها و انا اساسا بكون فى البيت عادي 😄💔 طيب عارفين اني اول ما اتوفى زعقولى عشان كنت بعيط بصوت و فاتكتمت و لحد اللحظة دي بسمع صويتي جوا مخي مش بيقف عرفتوا يلا خلاص انسوا بقا زي ما كل اللى عارفين قالولى معلش و نسيوا و اتمعلشيت بس لسة ماتعافيتش ولا هتعافى غالبا وسط الناس دي 😄💔 #هرتلةـفارغة ...عرض المزيد

0 الدعم

1 نصيحة

خلصت العلاج الإشعاعي.. ادعولي في المسح الذري الجاي

سالوا يا حبايب قلبي.. نسيت أحتفل معاكوا إني خلصت جلسات العلاج الإشعاعي هو اه خلصت من يومين بس نسيت أحتفل معاكوا علشان الناس اللي بيقولولي إني سلبيه ومتشائمه علشان معظم بوستاتي حزينه وده غصب عني.. ف باركولي بقه وزغرطولي يا بناويت🥰 كده قدامي شهر إن شاء الله وأعمل مسح ذري تاني علشان أعرف العلاج جاب نتيجه والخلايا اختفت ولا لسه فيه خلايا سرطانية ف جسمي. ف من هنا لحد شهر كمان إن شاء الله كثفوا الدعوات أستحلفكم بالله لو نتيجة المسح الذري ده طلعت حلوه كده هعلن رسمي إني خفيت ومبقيتش مريضة كانسر ف بالله عليكوا لو افتكرتوني تدعولي ...عرض المزيد

2 الدعم

0 نصيحة

تعبان من كتر التفكير في اللي جاي والفراغ

عارفين ايه مشكلتي ال مش عارف احلها التفكير ف ال جاي والفراغ بتاع بليل يعني بفكر مثلا هل المشاريع بتاعتي هتنجح ولا لا هل الماديات هتساعدني اعيش كويس ولا لا مع ان الحمدلله شريك ف مشروعين والدنيا ماشيه انما التفكير صعب والفراغ بتاع بليل صعب هل الواحد يتكلم مع حد هنا او يفضل لوحده او يسكت او يعيش نفسه خيال بصراحه الواحد تعب وصداع دايم من كتر التفكير. ملوحظه بس انا شاب 😅 ...عرض المزيد

0 الدعم

2 نصيحة