حب المدرسين

Coffee_21153 🇪🇬

منذ 9 أشهر

شعور لا مبالٍ

اقرا للاخر ترند المدرسين الناس اختلفت عليه منهم اللي قال حاجه حلوة وجميله ومحبه بين الطالب والمدرس ومنهم اللي قال لا حرام ولايجوز ونجيب للمدرس ليه وارحموا اولياءالامور طيب ناخدها واحده واحده اللي بيقول ارحموا اولياء الامور الناس مش معاها وكفايه عليهم الدرس ومصاريفه يعم انت صح وكلامك مفيهوش غل

عبّر عن شعورك بشكل مجهول

اقرا للاخر

ترند المدرسين الناس اختلفت عليه منهم اللي قال حاجه حلوة وجميله ومحبه بين الطالب والمدرس 
ومنهم اللي قال لا حرام ولايجوز ونجيب للمدرس ليه وارحموا اولياءالامور

طيب ناخدها واحده واحده 
اللي بيقول ارحموا اولياء الامور الناس مش معاها وكفايه عليهم الدرس ومصاريفه 
يعم انت صح وكلامك مفيهوش غلطه بس قبل ما تقوله كان ممكن تركز شوية وهتاخد بالك انه مش اجباري ولا ح بيطلب من الطالب دا اللي قادر وعايز يجيب حاجه بيجيب

نيجي للتاني اللي بيقول حرام ولايجوز ياخد من الطالب حاجه 
ودا باني كلامه ع اساس ان دا هيبقا رشوة والنبي  صلى الله عليه وسلم لعن الراشي والمرتشي

طيب يعم انا مش هرد بسطحيه واقولك النبي قال تهادوا تحابوا 
انت كلامك صح ف حاله لو المدرس خد الهديه دي وفضل طالب ع التاني بسببها 
او زود درجات مثلا او غير معاملته  معاهم بسبب الهديه دي

لكن الطالب جاب هديه حبا في الدرس ونيته هديه والمدرس خدها هديه 
ولا ميز حد بسببها ولا غير معاملته يبقا تمام مش شايف فيها اي حرمانيه 
ويريت اللي بيفتي فتوى فالدين يكون عنده علم او على الاقل متاكد من كلامه قبل ما يقوله 
فالاخر حابب اقول ان دا رايي عاجبك اهلا وسهلا مش عاجبك اهلا وسهلا 
 
يريت تدعوا لجدودي الاتنين بالرحمه وشكرا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_77767 🇪🇬

الوحدة بشعة ومش عارفة أعدي الأيام

الجو حلو اوي و كنت نفسي الاقي حد يخرج معايا نتمشى شوية و نتكلم ف اي حاجة ملهاش لازمةو ناكل سوشي بس مفيش احساس الوحدة بشع بشع يعني ومش عارفة اعدي ايامي ازاي الواحد حاسس الدنيا بتضيق عليه اوي .. مش عارفة اعمل اصحاب ولا علاقات عدلة ...عرض المزيد

1 الدعم

27 نصيحة

Waffle_57478 🇪🇬

مش كويسه وحاسه بخنقه ومش عارفه الحل

انا عندي 25 سنة انا مش عارفه احكي مالي بس بجد حاسه اني مش كويسه ومش عارفه فين المشكله ومش عارفه ايه الحل حاسه بخنقه رهيبه ومش بعرف احكي مع حد بخاف اتكلم مع صحابي يزهقو مني ومش بحكي مع اهلي لأن امي بتزود عليا الضغط اكتر وأسلوبها مش بيعجبني ومن وقت كبير وانا مقررة جوايا مش هحكيلها حاجه لأنها مش بتحافظ علي السر وكدا وومكن تذكرة وقت الخناق أن وبقيت اسرتي مش بفهم ني ومش عارفين بدوني الحلول الصح او مش فاهمني مش عارفه انا من كتر ما بتضيق بيا بحس اني هنط من الشباك فعلا بس بخاف اني ممكن اتشل ومموتش وتبقي الحياة اصعب انا بشغل نفسي وبحاول أسعدها بالعافيه ومش عارفه بحس بلحظات سعاده خفيفه احيانا اه بس جوايا فراغ كدا صعب اوي حد قبل كدا سألني اي اللي لو حقدصل هتبقي فرحانه اوي بجد معرفتش ارد عليه لاني مش فاهمه نفسي ولا عارفه هي عايزة ايه او ايه اللي بجد يسعدني اوقات من كتير الخنقه بحس بشعور غثيان مش عارفه ليه حاسه اني كتمت جوايا كتير لحد ما بقي جوايا جبل .. اهلي رافضين اروح لدكتور نفسي عالشان مينفعش اقعد مع راجل لوحدي بس انا بجد مش كويسه ومعرفش دكاترة نفسيين ستات كويسين انا مش عارفه حاسه تشتت وتايه جدا .... ...عرض المزيد

3 الدعم

25 نصيحة

Pineapple_73178 🇪🇬

حاسس بحاجة مش طبيعية.. أروح ولا مروحش؟

في حاجة كدا عايز اسمع رأيكم فيها من يومين كنت بمتحن في حاجة معينة وبعدين قعدت جنبي واحدة ساعدتني هي ست متجوزة والتعامل كله ذوق وإحترام وانا بعد الامتحان مخلص ساعدتها وشكرتها وكنوع من الذوق الزيادة جبتلها عصير شكرتني والموقف انتهي بعد الامتحان بيومين تلاتة لقيتها بتكلمني بتقولي جوزي كان عايز يشكرك وهو كمان شغال في نفس مجال شغلك فعلا كلمني شكرني وقعدنا ندردش عن الشغل شوية وعزمني علي الغدا في مكان هو بيخرج فيه وهيبقي معاه زوجته وأولاده ..حاسس بحاجة مش طبيعية ترتيب الأحداث مش منطقي اروح ولا مروحش واعتذر منه ...عرض المزيد

1 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع