جَلطة قلبية

Apple_61827 🇪🇬

منذ شهر واحد

شعور مكسور القلب

Pistachio_56152 🇪🇬 انت عاوز ايه من الناس دي ... روح حته انت ومراتك ومتعرفش حد طريقك

عرض الكل 5 نصيحة

عبّر عن شعورك بشكل مجهول

انا والدي ووالدتي منفضلين من وانا سني تقريبا 8 سنين انا دلوقتي عندي 38 سنه 
عشت مع والدتي بعد الانفصال سنتين تقريبا وبعدين بعتني عند والدي وخلت اختي معاها 
رحت عند والدتي ملقتش الاهتمام اللي كنت محتاجه مع وجود مرات اب حاولت تعاملني وحش بس معرفتش عشان عماتي وقفوا لها وبقت المعامله جافه وبتحاول من وقت للتاني تفتعل مشاكل عشان والدي يضربني ومرت الايام وطبعا مفيش اي اهتمام يبقي مفيش نجاح في الدراسه واخدت ثانويه عامه بالعافيه وكنت اشتكي كتير لوالدتي تقولي يعني اعملك ايه  ده غير قله الفلوس دايما معايا عشان هو مكنش بيديني فلوس خالص وده خلاني علطول حاسس اني اقل من الناس وحتي مش من حقي اطلب حاجه وواحده واحده بدأت احس انه اشمعني اخواتي احسن مني سواء اخواتي منه ولا من والدتي ولا ختي شقيقتي 
وقررت اغامر وانا عندي 18 سنه واشتغل واعتمد علي نفسي ومش عارف ده قرار صح ولا غلط لانه من يومها كانهم الاتنين ما صدقوا وبقيت من غير بيت ولا اهل ولا اي حاجه خالص وبقيت ضيف تقيل علي بيتها وعلي بيته ولما اروح لحد منهم عشان ارتاح شويه من البهدله اول سؤال قبل عامل ايه هو انت قاعد معانا قد ايه 
والوجع بيزيد يوم عن يوم لحد وحاجات كتير قوي حصلت واتجوزت ومراتي اتوفت واتجوزت تاني وعايش كويس الحمد لله ونعمه ربنا في زوجه صالحه وشغل بحبه وبعمل اعمله خلاني ماديا كويس مش غني بس ماديا كويس وعايش كويس خصوصا اني ربنا مكرمنيش بخلفه 
وطول ما معايا فلوس والدتي تملي تقولي اخوك عاوز كذا اقول حاضر اختك عاوزه كذا اقول حاضر ولما اجي اخد حاجه من اخويا او اختي تعمل مهرجان وتتخانق ولما يكون لي حاجه عند حد منهم تقولي ماليش دعوه ولما حد منهم يكون ليه عندي حاجه تتخانق معايا 
لحد ما جوز بنتها اللي هي شقيقتي سرقني من بيتي رحت اشتكيت لها ومرضتش اعمل معاه مشكله 
راحت هي عملت مشكله وخليتنا كلنا نتخانق مع بعض وبرده اشترتهم هم وباعتني انا لدرجه اني ايقنت اني خلاص بقيت منبوذ وكل ده وانا عمال اشيل قلبي ولا بشتكي ولا بقول حاجه وبضحك وعايش حياتي وخلاص 
لحد ما طفح الكيل من كتر الضغط وجالي جلطه في القلب من الزعل علي نفسي بعد اكتر من حاجه حصلت منهم ودخلت وعملت عمليه قلب مفتوح ومراتي اتبهدلت لوحدها محدش منهم سأل فيا ولا حتي بتليفون ولا والدتي ولا والدي والعمليه فشلت ودخلت عمليات تاني بعدها بكام شهر وبرده ولا حد سأل عليا بس دعيت وقلت يارب تحس باللي انا حسيت بيه وتتوجع وجعي 
 وعدي تلات سنين علي الموضوع وخلاص تقبلت اني ماليش اهل ومكتفي بمراتي لحد ما والدتي ماتت افتكرت انها ماتت فاجأه ومرحتش العزا ولا الدفنه عشان لو رحت فعلا هعمل مشاكل مع الكل لاني شايل منهم كلهم وبالذات جوز بنتها 
تاني يوم اكتشفت انها ماتت بعد عمليه قلب مفتوح والدكاتره قالتلهم نفس اللي قالوه عليا ان العمليه خطر بس لازم نعملها لان المريض لو معملهاش برده هيموت 
وبرده كانوا بيدورا علي متبرعين دم للعمليه ومش لاقيين نفس السيناريو اللي حصل معايا بالملي 
المشكله بقي اني مش زعلان عليها دمعت لما عرفت بس بعد كده بقيت عادي انا زعلت علي مراتي الاولي وعلي خالي الله يرحمه اكتر منها 
انا فعلا حزين اني مش عارف احزن عليها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Plum_74525 🇪🇬

اتخانقت واتصورت واتهددت.. اعمل ايه؟

اعمل ايه لو حد صورني اثناء علاقه جنسيه وبيهددني!! انا كنت مرتبطه بحد معايا ف الجامعه كان بيعمل كل حاجه حلوه عشاني وكان مدلعني بس انا مكنتش مقدره دا وكنت بخونه وكنت بكلم ولاد وكنت بتجاهله عشان مكنتش بحبه وكنت بحس انه واجبه انه يهتم بيا ولو مهتمش كنت بشتمه وبهينه بالفاظ وحشه وبقل منه وهو كان بيسامحني كل مره في كل غلطاتي لدرجة اني كنت مستغربه قلت دا اكيد بيتسلي بيا لحد ما جه يوم وقرر يبعد عني وبعد فتره رجع كلمني وقالي مش عارف اعيش من غيرك فرجعتله وحسيت بندم واني فعلا كنت هخسره وعايزه اصلح الي عملته كله قبل كدا بس للاسف لاقيته بيكلم بنات كتير فكنت بدخل للبنات واقولهم يبعدو عنه وانه مرتبط وكنت بحاول اعوضه واديله حب كتير ورحت معاه بيته ونمت معاه واتفاجات انه بيصورني ومرضاش يمسح الفيديو !! وقالي مش همسحه وهخليه معايا عشان لو فكرتي تضايقيني او تكلمي البنات تاني! بعدت عنه تماما وخفت من الفضيحه وبعد فتره رجعنا نتكلم بس صحاب وعدي سنتين واحنا زمايل يعتبر عادي لحد ما انا ارتبطت بحد جديد وحبيته وكدا بدأ يهددني ويدخل يكلمني باسلوب قذر مثلا يقولي ي شر*وطه وكلام زي كدا وانا مش عرفه اعمل انا نفسي اعيش حياتي وابدا من جديد منغير تهديدات ولا فضايح هو انا مستحقش فرصه جديده؟ ...عرض المزيد

0 الدعم

0 نصيحة

Tofu_51955 🇪🇬

عندي صفة وحشة ومش عارفه أغيرها

عندي صفه وحشه أوي مش عارفه أغيرها مثلاً لما أتكلم مع حد قريب مني وعايزه رد.. دماغي بتتوقع Reaction معين لو الشخص ده معملش الـ Reaction إللي أنا عايزاه بزعل ودماغي بتبدأ تتكلم وتعك الدنيا عارفه إن ده مش سبب زعل بس عمل مسافه بيني وبين صاحبتي وأنا زعلانه من نفسي حاولت كتير أغير ده مش عارفه. ...عرض المزيد

1 الدعم

10 نصيحة

Apple_72583 🇪🇬

مخنوقة ومكرهة البشر.. نصائح لأزعتي؟

انا مخنوقه جدا مبقتش بطيق اي حد يتكلم معايا مبقتش بطيق اقعد مع الناس واتكلم انا كرهت كل حد يتجادل معايا او يقول كلام يتعبني او يجرحني او يوجعني اتخءلت من صحابي ومن قرايبي ومن نفسي والله لاني كنت اقوي من كدا بس انا مدشمله جوايا انا معظم الوقت لوحدي مبقتش مع حد كتيررر ومبقتش احس بالوقت ولا قادره اعمل اي حاجه انا حزينه قوي قلبي حزين جدا خالو كان من اقرب الناس ليا وصحبي جدا وهو مات انا بخسر كل حاجه بحبها والله انا مبقاش ليا نفس اعمل حاجه فحياتي الناس حواليا بيحقدوا عليا اوى وم بيحبوني وبيكرهوا ليا الخير لما بنجح قليل اللي بيفرح ليا وانتقادات كتير وناس وحشه كتير بكتشفها فحياتي انا مشتته جدا وم عارفه ابدا حاجه فحياتي كل حياتي واقفه لحظه ادارك انا مبقتش بحب البشر بقيت م بطيقهم مبحبش اخرج من اوضتي تنصوحني اعمل اي؟ كمان بفكر كتير جدا اروح لثيرابيست اي رايكم؟ ...عرض المزيد

0 الدعم

7 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع