جديدة

Watermelon_55475 🇪🇬

منذ 6 ساعات

شعور مكسور القلب

Ice Cream_55445 🇪🇬 سيبك منها خالص انساها و اقفل عليها انت كده كده مريت بمشاعر الفراق فالمره ديه هتبقي اسهل مستحيل تقبل تتجوز واحده زي ديه متضيعش مشاعرك و تفكيرك عليها ربنا يصبرك لازم تقرب من ربنا الفتره ديه

عرض الكل 4 نصيحة

عبّر عن شعورك بشكل مجهول

كنت بكلم بنت في الكلية، وكنا قريبين جدًا من بعض. مع الوقت، اعترفتلي بحبها، لكن الصراحة أنا وقتها مكنتش قادر أحدد مشاعري ناحيتها. كنت محتار ومش متأكد، لكن خفت أجرحها، فقولتلها إنّي بحبها برضه، رغم إني كل يوم كنت بسأل نفسي: “هو الإحساس ده حقيقي ولا لأ؟”
فضلت كل يوم اسال نفسي "ده صح ولا غلط؟"، لحد ما بعد فترة بدأت أحس بحب حقيقي ناحيتها.
اتعرفت على أختها ومامتها، وحسيت إن انا بحبها بجد، وعشان اقفل اي باب حرمانيه، فقررت أتقدملها رسمي.
لكن مامتها رفضت تمامًا رغم انها كانت بتعاملنى بكل احترام وحب قبل كده، ورفضت حتى إنها تقابلني في مكان عام عشان أشرح لها طبيعة علاقتنا.
بعد الرفض، حصلت فجوة بيني وبينها، ومكناش بنتكلم لفترة.

في الفترة دي، اكتشفت إنها رجعت تكلم شاب كانت بتحبه قبل ما تعرفني، وده كان صدمة كبيرة بالنسبالي، لأن عمري ما كنت أعرف عنه حاجة رغم انى سالتها كتير عن علاقتها واكدتلى انى اول حد في حياتها وحكيتلها عن كل اللي عرفتهم حتى في ابتدائى وكانت بتقابل ده بغيره شديده.
ولما واجهتها، سألتها: “أنا كنت إيه بالنسبالك؟”
ردّت عليا وقالتلي: “أنا كنت بنساه بيك.”
ساعتها حسيت إني كنت غبي، لأني ضحيت بمشاعري كتير عشان محبش أجرحها، وفي النهاية هي جرحتني بكل بساطة.
بعدها فضلت سنتين بحاول أعمل “موف أون”، لكن للأسف خسرت علاقات كتير، لأني دايمًا كنت بخاف أكون بكرر نفس اللي حصل، وأكون بنساها بأي حد جديد.
كنت دايمًا خايف اللي قدامي يحس بنفس الإحساس اللي أنا حسيت بيه.

وفجأة، لقيتها بتتصل بيا، ورغم إني مكنتش مسجل رقمها بس كنت حافظه وحافظ  صوتها. مش عارف ليه رديت، بس لما سمعتها بتعيط وبتحكيلي إنها سابت بيتها وراحت تشتغل في مكان بعيد عن البيت وقاعدة لوحدها وخايفه ومش لاقية حد تكلمه، صعبت عليا.
فضلت أطمنها، وكنا بنتكلم كل يوم لحد وقت متأخر. العلاقة رجعت تتطور، وكل يوم الاقي تصرف غريب وكلام والفاظ مريبه وبقت تكلمنى فيديو بدل المكالمات الصوتيه، لحد ما العلاقة وصلت لحاجة مش كويسة.
أنا كمان كنت مندفع وطاوعتها، لكن فوقت بعدها، وحسيت إني ماينفعش أكمّل كده.
كلمتها بصراحة وقلت لها إنّي مش عايز ده يتكرر تحت أي ظرف وقالتلي انها حابه ده. وكنت مستغربها لانها في العادى محترمه وخجوله جدا.

بعد الموقف ده، بطلت تكلمني تمامًا، وبلّكتني على كل وسائل التواصل. وبعد فترة، اكتشفت إنها رجعت تكلم نفس الشخص اللي كانت بتحبه، رغم إنه اتجوز.

أنا حاليًا في مشكلة حقيقية، بقيت أعمل حسابات علشان أتابع الـ”ستوريز” بتاعتها، وأشوف حياتها عاملة إزاي، ومش قادر أخرجها من دماغي.
وفي نفس الوقت، مش قادر أعيش حياتي بشكل طبيعي أو أحب حد جديد.
أنا دلوقتي داخل على سن الـ30، ومش عارف أبدأ من جديد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_49831 🇪🇬

منذ يومين

شعور مرهق

عبّر عن شعورك بشكل مجهول

النهارده ليلة عرفة 2025
لتانى مرة بحااول اخد خطوة وارجع لربناا بعد انقطااع طويل 
هعتبرهاا بداية انى ابطل ذنووب كتير بعملها وهدعى ربناا وعندى يقين انه مش هيخيبنى وهيقوينى مرجعش تانى 
اخدت خطوة عملت جوايا فراغ شوية وزعلانة سيكا بس هتعدى بامر الله 
وقفت علاقة حرام برغم انى حاولت ارسم حدودها كويس عشان متبقاش حرام بس محبتش افتح باب جديد للشيطان جوايا خصوصا انى كنت بدات اميل ليه 
الفترة اللي فااتت اكتر فترة يمكن ظلمت نفسى وتقريبا كنت مسلمة بالاسم بس 
اتعرفت على اكتر من ولد من هناا والهدف كان انى اتكلم واحاول احل مشاكلى بس ديما الموضوع كان بيقلب بحوار وعلاقة تشبه للصدااقة وعارفة انى غلطانة 
النهارده الحمد لله وقفت كل دة 
وقفته عشان ربناا وعارفة ان ربناا هيعوضنى
عارفة ان ربناا قادر يخلى المستحيل حقيقة وقاادر يبعتلى الشخص اللى يصون قلبى ويسندنى واثقة ان ربنا مش هيضيعنى 
اتمنى ربنااا يقدرنى وارجع بعد فترة واقوول انى موقعتش وكملت 
واتمنى ربنااا يهديلى قلبى ويدلنى للطريق الصح 
لو حد نفسه يتغير اعتبرهاا اشارة ليك  بكرة اعظم يوم فى السنة ابدا بداية جديدة وعهد جديد ليك مع نفسك 
عهد ومحاولة ليك مع ربناا بس 
ادعولى ربنا يهدينى ويثبتنى ولكم بالمثل اللهم آمين 🤍❤️‍🩹

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_55045 🇸🇦

منذ 3 أيام

شعور ضائع

السلام عليكم ورحمة الله وبركاته، أنا مقيم في السعودية وكل شيء الحمدلله تمام بس مثل ما الكل عارف موضوع “السعودة” صار يأثر كثير على المقيمين، وهذا طبعًا من حق أهل البلد ما أحد معترض، بالعكس متقبلين بس المشكلة إن الوضع صار صعب علينا، خصوصًا على أسرتي ما صرنا نعرف إحنا وين نروح أو وش نسوي. باي وقت ممكن

Blueberry_54594 🇴🇲 في هذه الحالة لا تعتمد على الوظيفة كمصدر دخل اساسي ، انت تحتاج مصدر دخل ثاني ، والحمد الله في هذا الوقت تقدر تبدا عملك الخاص بشكل سهل ، صحيح هي مخاطرة ⚠️ لكن فكر بالعوائد 😁 وفي حالة الفشل في المشروع الاول بتكون تعلمت درس وكتسبت خبرة اكبر ، وفي حال النجاح استمر في التوسع والازدهار 😁🤝

عرض الكل 5 نصيحة

Peanut_52995 🇪🇬

منذ 5 أيام

شعور خجلان

انا طالب في اخر سنه في الجامعه عندي ٢٢ سنه من خمس سنين بدأت شغل في مكان جمب بيتي واتصاحبت علي صاحب المكان هو حد محترم وبيعزني جدا لكن اتطورت صداقتنا لحد ما بقينا من ٣ سنين بنخرج سوا وهو كان بيشرب حشيش وخمرا وانا كنت الاول بخرج معاه بس عشان كنت يعتبر لوحدي في الدنيا بعدين شويه بقيت اشرب معاه نفسين تل

Donut_54632 🇪🇬

منذ 6 أيام

شعور متعب

عبّر عن شعورك بشكل مجهول

انا بقالي سنين شغال في مجال معين  بقالي حوالي  ٦ ٧ سنين و بروح من الشركه لل تانيه ل حد ما اشتغلت في شركه معينه كدا و من هنا حياتي اتغيرت و عملت اكتر من حاجه لحد ما بقيت مدير المهم وصلت ل مكان انا كنت مرتاح فيه و بعدها جالي اوفر فل شركه رضيت بيه كام فل اول حلو و جميل و بتاع بس كان ليه عواقب كتير بس بعدها الموضوع فجأه ضرب في وشي و جالي واحد مخليني كاره حياتي و كاره اليوم الاشتغلت فيه معاه و بسببه انا اكتر من مرا اتعب نفسيآ و اروح مستشفى و بتاع مع ان انا كان طول عمري انسان معندوش مشاعر اوي انا حاليا نفسي امشي بس عندي مسؤليات كتير و عليا فلوس و قصه بس برضو الفلوس فل حاله ال انا فيها مش مكفيا حاجه بحاول اقدم في شوكات تانيه او ارجع مكاني القديم يمكن ارتاح بس برضو معرفش دا الصح ولا لا عشان انا برضو ال انا فيه دلوقتي كان حاجه كنت انا العايزها و يعتير فترت شغلي كنا شغالين عشان اوصلها ف معرفش انا حاسس اني بستسلم لل انسان العندي و ان معنديش حل غير اني ا give up و اروح اشوفلي شركه تانيه و يمكن وقتها حياتي تبقى احسن و ايام بفكر ارجع من الصفر ك  في شركه من الشركات التحت السلم ال بتدي فلوس كتير فشخ فل ساعه دي و بعدها نشوف مستقبلنا بعدين مش عارف *انا بكتب الكلام دا عشان بس حاسس اني محتاج اقوله في حته مش اكتر*

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_54674 🇪🇬

منذ 6 أيام

شعور محبط

Popcorn_52587 🇪🇬 أنتي لسه متأثرة بالعلاقة القديمة، وده بيخليكي *غير قادرة على تقييم الشخص الجديد بشكل محايد*. المقارنة طول الوقت مش هتساعدك، لأن كل شخص مختلف، ولو مش قادرة تتقبليه زي ما هو، فده مؤشر إن المشاعر مش نابعة من راحة حقيقية. *خدي وقتك في التعافي من العلاقة السابقة، متستعجليش الدخول في حاجة جديدة* لمجرد إن بيحاول يقرب ليكي. *المهم إنك تكوني مرتاحة، مش إنك تقبلي شخص بمجرد إنه مهتم*. لو حسيتي إن صفات

عرض الكل 13 نصيحة

عبّر عن شعورك بشكل مجهول

من سنتين ظهر شخص في حياتي و كانت اول مرة احس الشعور ده ناحيه حد ماحستهوش قبل كده و فضلت الايام بينا تروح و تيجي و نتكلم حبه و نبعد حبه لحد ما اعترفنا بحبنا لبعض و فعلا جيه البيت و أتقدم و أخدنا خطوة اخيرا و فاجأه و من غير اي مقدمات لاقيته كلم بابا و قاله كل شىء قسمة نصيب و حتي من غير ما يقولي و لا يتكلم معايا مع انه كان معايا قبلها الصبح و هو حاسس ان بابا ضغط عليه و زود عليه الطلبات من وجه نظره فحس انه ينسحب احسن و الموضوع خلص من شهر ٢ اللي فات 💔
ومن ساعتها وانا واقفه عند اليوم ده اه زعلت و اتكسرت و عيط و قولت اللي جوايا بس لسه مش عارفه أنساه و لا بيخرج من بالي برغم اني عملت بلوك لكل حاجة بس الصور مش قادره امسحها و لا الشات قادره امسحه و للاسف بدخل كتير اقرا الملام اللي بينا 
المشكله عندي ان ظهر شخص جديد بقي و بيحاول بكل الطرق انه يوصلي و انه يقرب مني بس انا مدخلاه في مقارنه للأسف بينه و بين التاني 
و مش قادره اقيم الشخص ده صح و مش عارفه أصلا هو مناسب ولا لا ؟! 
عندي اختلافات كتير بيني و بينه بس كلها اخلافات في حاجات مش أساسيه ف الحياه بس أنا مش متقبله فكره انه مختلف أصلا عني و عاوزه طول الوقت اقوله بص اللي فات كان بيعمل ايه ! بص في الموقف ده كان بيقول ايه ! 
و الفكره ان رجوع الشخص القديم مرفوض من البيت نهائيا و حتي عندي حد قدر يبيعني بسهوله كده هيبعني في كل موقف نقابله تاني 
بس أنا مش قادرة اتخطي الايام نفسها و المشاعر اللي كانت فيها 
و في نفس الوقت الشخص الجديد ده عمال بيحاول بكل الطرق يوصلي و يكلم ناس عشان تتوسط 
بس هو في عيوب أنا مش هقدر استحملها زي مثلا انه عصبي و غيور اوي و متحكم و شكله هيبقي متحكم اوي 
ولما اقول لحد المواقف اللي حسيت فيها كده يقولي ديه تقاهه الحياه مش يتتقاس كده بعد الجواز أصلا انتي نفسك هتتغيري 
ايوه اتغير لنفسي و من نفسي مش بالإجبار 
و طول الوقت دماغي شغاله مقارنه و مش عارفه اذا كان صح ولا  غلط 
أنا متلغبطة و مشتته و نفسي حد يعرف يحتويني و يفهم حقيقي و اني مش وحشه ولا رخمه بس أنا مكسورة و مجروحة من جوا لازم اللي يجي يداويني الاول عشان يعرفني ع حقيقتي 
💔😩

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_27820 🇪🇬

منذ أسبوع واحد

شعور وحيد

زي النهاردة من سنتين يوم الأحد ٢٨/٥/٢٠٢٣ اتكلمنا من الساعة ١٢:١٦ ص للساعة ١١:٥٢ ص الساعة ٩:٥٤ ص “she said yes” ودي كانت أسعد لحظة في حياتي أنا لسا فاكر تفاصيل التفاصيل الذكريات لعنة والوقت مش بيمشي هي مشيت والوقت مامشيش بتتخطوا إزاي يا جماعة وبتعيشوا حياتكم طبيعي إزاي بعد ماحد يخذلكم ويسيبكم في ن

Hazelnut_52786 🇪🇬 🫵🫵🫵 عزيزي: الذكريات مش لعنة، هي بس دليل إنك حبيت بصدق💓💓، والوجع مش دليل ضعف، ده إن قلبك كان صادق.❤️❤️ مفيش حد بيعوّض حد تاني بالحرف، لكن في ناس بتدخل حياتك تداويك من اللي قبله، واحدة بواحدة.💞💞 خد وقتك، متستعجلش النسيان، بس كل ما توجع افتكر إنك لسه حي، ولسه تستاهل تبني فرحة جديدة من أول وجديد ⭕️⭕️🔅🔅🔅🔅🌟🌟🌟⭕️⭕️

عرض الكل 8 نصيحة