ثقه مهزوزه قصص حقيقية - 5 تجارب، ونصائح، ودعم

Marshmallow_33629 🇪🇬

منذ 9 أشهر

شعور محبط

مشڪلتيي انيي بغيـر اووي حتي لو ع صحبتيي ودااا اللي حصل كانت منزله صوره لواحده صحبتهاا غيري ف قولتلهاا ابقيي اعمليلي هاايد نن بغير والله مشكلتيب انيي بعيط لو غرت ولماا قولتلهاا قالتلي حقك علياا ومش عاارفه ايي المهم تاني يوم لقيتهاا حاطه صورتهاا هي والبنت اللي متصوره معاهاا بروفايل كنت حاطه صورتي وصور

Mango_34673 🇪🇬 هي كدا تصرفاتها انها تحرجك قدام ناس انتي مش بتحبيهم بتدل انها ميهمهاش زعلك وانتي بتقولي معندكيش صحاب بس لما تكوني لوحدك بس نفسيتك حلوة احسن من انك تكوني ليكي واحدة صاحبتك وصداقتكم بتخلي نفسيتك وحشة انتي المفروض تكلميها في الموضوع وتقوليلها انك بتزعل منها لما بتعمل كذا و كذا لو بعد كدا معملتش الحاجات دي يبقي هي هتكون مش عايزة تخسرك لو عملتهم تاني يبقي انا عارفة انها هتبقي صعبة شوية عليكي بس تبعدي

عرض الكل 14 نصيحة

ازاي تحل أي خلاف وتشوف وجهة نظر التاني؟

طيب ازيكو يا جماعة أي مشكلة في الدنيا بيبقى ليها مفاتيح للحل.. المفاتيح دي بتختلف من مشكلة لمشكلة ومن حالة لحالة، بس دايما دايما كلهم بيلعبوا في نفس المنطقة، وجهة النظر.. اعرف انت باصص منين هتعرف جزء كبير من الحل، وهتفهم ليه فيه مشكلة أصلا. أنا شخصيا دخلت في صراعات كتير واختلفت كتير مع ناس ياما ودايما كنت ببقى شايف ان وجهة نظري هي اللي صح وان ما ينفعش حد يشوف غير اللي أنا شايفه. ومشكلة الكلام دا أصلا إن معظم الحاجات اللي فيها وجهات نظر مختلفة في الحقيقة هي مطاطة جدا وبتستوعب كل وجهات النظر عادي الموضوع عامل بالظبط زي رقم 6 ورقم 9 بالإنجليزي، اللي واقف من ناحية هيشوفها كدا واللي الناحية التانية هيشوفها كدا، وممكن يفضلوا يتخانقوا للصبح ومحدش فيهم هيقتنع غير لما يبص من عند التاني.. بس اكتشفت ان احنا في الخلافات -بسبب الموروث الاجتماعي غالبا- ما بنعملش كدا بل بالعكس بنمسك في وجهات نظرنا أكتر وبيدخل الشعور بالكبر والغرور، اللي هو انا لا يمكن أطلع غلط دا هو اللي حمار ومش فاهم حاجة.. ومن هنا بتبدأ المشكلة تكبر فعلا وتتحول لصراعات شخصية.. طب ايه الحل يا عم النابغة؟ الحل بسيط خالص أول حاجة افصل نفسك عن المشكلة، تاني حاجة دور على المفاتيح بتاعة الحل.. وأناناس بيضحي وهيقول لك على 3 حاجات لو عرفت تلاقيهم في أي مشكلة هتعرف تحلها بسرعة جدا، أول مفتاح هو ايه هي المشكلة أصلا؟ وجاوب إجابة منصفة بدون اتهامات لنفسك ولا للطرف التاني، يعني مثلا ممكن تبقى المشكلة إن أنا شايف نتصرف كدا واللي قدامي شايف نتصرف كدا.. تاني مفتاح هو ليه شايفين كدا؟ فهلاقي مثلا أنا شايف ان دا الحل عشان عندي تجارب سابقة مشابهة واتصرفت فيها بالطريقة دي. طب هو ليه شايف كدا؟ لو عارف سبب هقوله ولو مش عارف هسأل عادي مش عيب، احنا عايزين نحل في النهاية مش عايزين نتخانق.. تالت مفتاح دا بقى هو الزتونة، ازاي أقدر أوريه وجهة نظري بعد ما شفت وجهة نظره؟ وبصراحة دا من أصعب المفاتيح لأن هنا بس بتبان صفاتك الشخصية وبنيتك الداخلية في الموقف دا، ودا أكتر سؤال نفوسنا بتهرب منه وبتلغوش على الإجابة.. بس كدا ...عرض المزيد

0 الدعم

0 نصيحة

تعلمت اعافر عشان اخد اقل حاجه وبان مدلوق

انا كل شخص ف حياتي سابني سابلي منه حاجه مجاتليش الجرأة او هان عليا افرط فيها تيشيرت اعز صديق ليا اللي مبقيناش صحاب بعد 14 سنه صحوبية هدايا خطيبتي اللي متحملتنيش وانا ف عز الازمات وانا مدي كل حاجه كانت معايا المحفظة اللي جابهالي زميل عمل كان قريب جدا مني مبقتش عارف ازاي اسيب اتعلمت واتربيت انك لازم تعافر عشان تاخد اقل حاجه حرفيا ف بقيت اما تيجي حاجه مبصدق امسك فيها وابان مدلوق ف اتهان ف العلاقة اي كانت ايه والنهاية برجع لوحدي تاني بجري ف كل الطرق عشان بس اخفف الألم حقيقي الانسان ضعيف ...عرض المزيد

0 الدعم

0 نصيحة

دعاء لحبيبي محمود ابن عفاف في العملية الجراحية

السلام عليكم ورحمة الله وبركاته بالله عليكم النهارده وبكرا كل اللي يفتكر يدعي لحبيب عيني وروحي محمود ابن عفاف ربنا ييسرله العملية بتاعته ويطمن قلبي عليه ويحفظه ويحميه من اي سوء ويخرج سالم غانم ويرجعه لياه ولأمه وأهله بخير وميوجعش قلبي عليه ابدا يارب يارب يارب لا أراكم الله سوء في حبيب وعزيز عليكم ابدا يارب يارب ...عرض المزيد

0 الدعم

1 نصيحة