توأم

Durian_56677 🇪🇬

منذ شهر واحد

شعور متعب

Marshmallow_56042 🇪🇬 صدقني باذن الله ربنا هيعوضك خير قريب وزي ما رزقك بالشخص اللي ساعدك قادر يكرمك باكتر من اللي بتتمناه ربنا يكرمك بزوجه حنينه تحتويك و اولاد تعوض فيهم كل اللي احترمت منه وتسافر أن شاء الله وتبدأ حياة جديدة وان شاء الله تقدر تنسي كل اللي مريت بيه

عرض الكل 2 نصيحة

عبّر عن شعورك بشكل مجهول

مشكلتي غريبة اوي وشبه ملهاش حل انا تالت ابن لابويا واول ولد انا ابويا معدد متزوج تلاتة المهم انا اتولدت في السعودية واكنت اغلب طفولتي هناك حياتي كانت هادية ومستقرة لحد سنة اولى اعدادي اتغيرت حياتي تماما انا والدي من قرية لما جيت ادخل اولى اعدادي ابويا قال انو هرنزلنا مصر نهائي وكمان عند قرية اهلوا بدون سبب مع العلم ان ابويا حرفيا مليونير لكن هو مبيحبش يصرف حاجة يعني بخيل كمان لما كنا في السعودية كان معيشنا في شقة كأنها صندوق كنا بننام على الارض كان من زمان علاقة ابويا وامي زفت جدا المهم لما رجعنا مصر حصل تحول كامل في حياتي ابويا عيشنا في قرية الفيها اهلوا اعتقد عشان رخيصة كمان دخلنا حرفيا مدارس سيئة جدا وكان الموضوع غريب شوية لينا الهو احنا كنا في السعودية مفيش اختلاط في المدارس وكان في تدين هناك لما رجعنا العكس تماما كنا مستغربين في الاول بس اتأقلمنا بعدين لما رجعنا ابويا ازداد بخله علينا جدا مبقاش بيدينا اي حاجة مبيجبلناش الا ارخص اللبس انا كانت امي بتعرف تتصرف وممكن تخانق معاه عشان اخواتي البنات يعني كان في حد بيدافع عنهم انا مكنش بيحص معايا كده كان لبسي مقطع وخامته زبالة وكان في ناس بتستغرب الهو انت ابوك المليونير انت شكلك عامل كده ليه وحجات زي كده على رغم اني مشوفتش حاجة من الفلوس دي ولا عمري شفتها او عشتها ابويا كان بيضربني من وانا صغير كتير اوي اوي اوي وامي بتكرهني جدا جدا جدا كأنها. شايفاني ابويا وبتنتقم مني بتعاملني معامله زبالة والله انها كانت بتضربني لحد ما انزف دم وكنت بمشي بعيط لابويا كان بيضربني ضرب موت كنت مش لاقي حاجة اهرب ليها كنت في قرية مفهاش مكان اخرب منه مفيش فلوس لبسي شكله وحش والله احيانا لو امي اتخانقت معايا ما كانت بتخليني اكل والله احيانا كانت بتشيل الاكل وتخبيه مش من حد بتخبيه مني انا بس كنت بمشي اكل عن مرات ابويا كانت طيبة جدا وبتشفق عليا وتقف معايا كانت علطول لما تعمل اكل تقولي اجي وانها عزماني بصراحة كانوا اخوتي من زوجة ابويا كانوا بيهونوا عليا كتير اوي كنت مبيحبش وانا في اعدادي اقعد مع قرايبي كانو بيشوفوني مدلع كانوا بيضربوني وانا كنت خواف جدا ساعتها كنت احيانا بهرب وبفضل امشي في الطريق عايز امشي مكان ميكونوش هما فيه عايز الاقي اي حد ياخدني ويبعدني عن البيت ده كانوا الاساتذة في المدرسة بيضربوتي في مرة نقصت في امتحان شوية كان الاستاذ بيقولي افتح ايدك عشان يضربني انا خوفت قولتلوا مش عايز ساعتها كأني كنت بشوف نهاية حياتي ضربني بالكف وشتمني وفضل يضربني بأي حاجة قداموا لدرجة اني حسيت اني هموت لما ابويا عرف قالوا انتوا تكسروا واحنا نجبس حرفيا حاجة قمة الخذلان كانوا اولاد عمي بيكرهوني كنت مبحبش العب معاهم واكسف نفسي ابويا كان بيخليني امشي العب معاهم بالعافية كانوا ميرضوش ويهربوا واحيانا يتلموا عليا عشان يشتموني وممكن يضربوني ولما يضربوني ابويا بيقول مليش دعوة محدش يشتكيلي واحيانا كان بيضربني هو كمان كان نفسي اهرب بس نفسي لهرب كانوا خالتي وامي بيشتموني مسمييني الخايب او العبيط او الفاشل مع ان انا كان مستوايا يعني جيد في الدراسة مكونتش وحش كنت بشد من شعري وبيتف في وشي  في مرة لما  ابويا ضربني جامد قولتلوا والله لما اكبر بس ههرب ومن الحقد والخذلان والحزن واليأس قولتلوا بكرهك ضربتي بالكف وشدني من شعري ممكن ناس تقول عليا قليل الادب بس اعمل ايه هما عايزين يقتلوني انا كنت برئ جدا كنت قمة في الطيبة ولا ازال كان ذنبي اني مسالم اني بسكت اني مش لاقي حل استمرت المعاناه دي لحد اولى ثانوي لما جات في مرة امي تضربني مسكت عليها السكينة كنت بهدد كنت في نفسي بقول هقتلهم واقتل نفسي لما وصلت اولى ثانوي اهلي اخيرا قرروا ينقلوا من القرية المشئومة نقلنا للمدينة نفسها وبصراحة حسيت اني اتغيرت مكونتش عارف اني بداية معاناة جديدة لما دخلت اولى ثانوي ابويا قال تعالوا معايا السعودية لان هو لسة مشروعوا هناك ولسة شغله هناك حرفيا وداني هناك شغلني زي العبيد الشغل مش عيب بس الاهناة عيب والشتيمة عيب وابضرب عيب وكل ده بيحصل قدام الناس الشغالين كان في حد قريبنا شغال مع ابويا كان بيشتمني ويضرب احيانا في مرة كان لبسي متوسخ فا انا اكسفت انزل اصلي الضهر بلبسي كده وطبعا السعودية الحرارة فيها عالية جدا جدا جدا جه قفل المكيف بتاع العربية  سعتها حرفيا انا كنت بموت من الحر مكونتش متحمل لدرجة ان كان فيه راجل سعودي جه خانق مع صاحب ابويا بسبب العملوا ولما ابويا عرف شتمني وغلط فيا وفي مرة اكن في حد تاني برضوا صاحب ابويا شتمني وبيقول لابويا انو هيضربني ابويا بيقولي قولوا عمي على عيني وراسي يضربني وي ما هو عايز انا طبعا رفضت الكلام دهكنت لو في حاجة تقيلة عجزت اني اشيلها ابويا يجنن كاني مدلع مع ان فعلا هي مستحيل انا اشيلها كان بيخلينيا ننزل في الطينة عشان يمرمطني وخلاص مش العمال لا انا بس اليحصل معايا كده خلصنا السفرية دي رجعت بعد تلت شهور وانا كنت في الأزهر ابويا اجبرني اني ادخل ثانوي فني تحديدا صنايع لاني كنت عايز اخش ادبي بالنسبة ليه الرجالة ميدخلوش ادبي دخلت صنايع بالاجبار خلصتها بحلوها ومرها طبعا طلع مفيش كلية عارف اخشها فضلت ابحث عايز الاقي اي حاجة عايز اخشها لقيت كليات عن بعد في ماليزيا وتركيا لما عرضت الموضوع لابويا رفض تماما كأنوا بيحاربني قولتلوا طب وديني اشتغل عندي زي العما وهدفعها انا مرضاش وضربني كان عايز يدخلني معهد بالعافية لما رفضت ضربني جامد وانا في السن ده انا كان كل النفسي فيه اني احقق احلامي عايز يبقى ليا مستقبل هو وقف في طريقي انا اصلا كنت انتحرت من زمان لولا ان ربينا انقذني وبعتلي شخص اسمه بهاء الواظ انقذني من حجات ربنا بعتنا لبعض كأن عشان كل واحد فينا ينقذ التاني من المعاناه العاشها معاناتنا متشابهة شوية كنت من قريب قولت خلاص انا هسافر اي حتة واشتغل عشان ادخل الكلية مش هخلي اهلي يمنعوني من النجاح لكن للاسف انا ممعيش فلوس انا بصلي وبدعي ربنا كتير جدا ودعيت ربنا كتير عرفة الفات نفسي ربنا يسفرني انا وبهاء مع بعض عقد عمل في الخليج يا رب فعلا اتمنى انكم تدعولي لعل لو عسى دعوت حد فيكم تكون مستجابة انا نفسي اسافر انا وبهاء مع بعض مش انا لوحدي عايزوا يكون معايا انا اشتغلت محل وبهاء في محل عطور يعني عندنا خبرة في البيع وكده لكن الفلوس ليست موجودة والاهل يحاولون تدميرك بشتى الطرق اتمنى ان فعلا انا وبهاء مسافر مع بعض بهاء هو توأمي الربنا بعتوا قد اكون لسة بعاني لكن على الاقل هو بيخفف عني انا حاليا علاقتي مع اهلي زفت ابويا مفيش اي تواصل بيني وبينه انا ابتعدت عنوا تماما وعن اهلي كفاية اذى قطعت علاقتي ابويا تحديدا وامي تعتبر شبه معدومة لكن علاقتي كويسة مع اخواتي الصغيرين دول انا معتبرهم عيالي انا متأكد ان ربنا مش هيسيبني هييجي اليوم الربنا هيحررني فيه من الظلم الانا فيه انا مستني اليوم ده بفارغ الصبر اليوم اربنا هينقذني انا وبهاء مع بعض هو الخلاني اصلي لما كنت مش بصلي هو الفهمني ازاي اقرب من ربنا وبصراحة ده الشيئ الوحيد المخليني مكمل لحد دلوقت في يوم من الايام ههرب من كل ظه انا فعلا تعبت جامد نفسي اسافر واصرف على نفسي مش عايز من اهلي حاجة يوميا ابويا كان بيهدد بأني هكلع من البيت وبيقول عليا انس لو غلطت عليك هيطردني من غير سبب انا فعلاً تعبت لو حد عنده حل للاا فيه يا ريت يقولي مش عارف لعل لو عسى ربنا يبعتلي حد يكون معاه الحل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_52947 🇪🇬

منذ شهر واحد

شعور متعب

Hazelnut_52786 🇪🇬 عارفة يا حبيبتي، أوقات أقرب الناس لينا بيكونوا أكتر حد بيوجعونا، مش لأنهم أشرار، بس عشان مش بيعرفوا يحبوا صح. بس انتي مش مطالبة تفضلي ساكتة أو تكتمي وجعك، حطي حدودك حتى لو بأبسط الكلام. ابني نفسك واحدة واحدة، وافتكري دايمًا إن اللي يحسسك بالذنب بدل ما يطبطب عليك، محتاج يراجع نفسه مش انتي

عرض الكل 9 نصيحة

عبّر عن شعورك بشكل مجهول

انا بجد زعلانه اني هتكلم في البوست دا ع حاجه مزعلاني بس بحبها بس انا انا مش ب اوفر والي عنده اخوات هيفهم انا عندي اخت توام بس صعب عليا احكيليها مشاعري بقي صعب عليا كل حاجه اتكلم بكل صراحه معاها لاني كنت ديما أما اروح اقولها متهتمش اوي ماسكه الفون بترد الرد العديد أما اقولها مشكله تقولي الغلط من عندي طب ازاي اصلحه لا معرفش ونا عارفه أنه كل واحد عنده عيوب  ونا ديما بيبقي عندي تردد اروح اسال اختي في حاجات زي هو انا لي مش بحس بحبك ليا اي الحاجات الي بدايقك مني ك شخص انا ترتيبي الكام في حياتك بتحبيني قد اي بس بخاف بخاف اكون انا وحشه وبتبلي عليها انها تكون بتحبني بس مش بتقول انا تلقائيا بحس اني بحبها جدا يعني لما نبقي متخانين بروح اعتذر انا أو لو تعبانه أجبلها دوا اتنازل عن حاجات من كتر حبي ليها ديما تصورها بالفون بتاعي واعمل ذكريات ليها بس انا بقي مهما زعلت منها مش بعرف محبهاش بجد ساعات بزعل جدا اقوم عامله حاجه بتستفزها أو تدايقها لاني تعبت نفسيا منها هي علاقه الاخوات ديما فيها حب وضرب وزعل وخناق ديما بس لما بنتخانق غير مثلا الشتيمه أو ضربه كدا ديما بتقولي كلام يوجع زي محدش هيستحملك كفايه احنا مستحملينك واحنا اصلا مش مستحملينك عشان أنا صوتي بيبقي عالي غصب عني بحاول اعالج الحته دي بس وتقولي شوفي مين حواليكي صفر ولا حد محدش بيحبك محدش طايقك  وانتي سودا وكلام من دا  كمان بتبصلي نظره من فوق لتحت وامي تسكت بحس أن ماما مش بتعقبها خالص وبتعقبني انا والا دا كوم والي هحكيه كوم تاني هو طبعا احنا متربيين ع حاجات غلط وممنوعه ولازم يبقي في حدود بينييك وبين الولد بس انا غصب عني وربنا يعلم أنه كان غصب عني اني ارتبط بولد بس مكنتش قائله لا اصحابي ولا لأختي بس لما عرفت بدأت تقولي انتي بتعملي كدا لي متعمليش كدا وقولت ماشي بس انا مكنتش ببعد عنه بعد كدا امي عرفت وحصل مشاكل بس بعد فتره رجعنا اتكلمنا تاني كان غصب عني مش قادره مكلموش ف اختي تقوم تضربني في كل مره ارجعله ضرب مبرح وتشتمني وتقولي كلام وحش اوي وهو كل دا عارفه ولما بعدنا عن بعض تماما اكتشفت أنه هو الي غلط واختي لتحاول ترجعني للطريق الصح عشان خايفه عليا وبتحبني وترجعني لتربيتي انا عرفت أنه غلط بس مش هنسي ضربها ليا كان نفسي تخليني مصدر امان ونا مش هدور عليه برا كانت تحتويني نا ديما شايلهه هم اني اروح اتكلم معاها بذات فيمشاعري دلوقتي رجعنا اخوات عادي والتعامل عادي بس كل دا جوايا ومش عارفه أقوله لها بس لما كنا نتخانق تلمح للموضوع دا وتعايرني بيه بزعل جدا تقعد تقولي لي هوا انا انتي بس عشان كدا قولت انا مش باوفور بس لو حد شايف الموضوع من برا يقولي وينصحني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_13997 🇪🇬

منذ 5 أشهر

شعور متوتر

أنا ليا بنت عم مكناش قريبين من بعض اوي بس اخر فتره ولظروف معينه بقينا ف نفس المكان وبقينا زي التوأم الروحي بالظبط لبعض رغم أنها اصغر مني بكتير جدا لسبب ما كانت مشاكلها بتبقى قدام عيني نسخه من مشاكلي ومعاناتي الفرق اللي كان بيني وبينها اني حرفياً وهي اللي بتقول اني بقيت اقرب منها عن مامتها حتى ، أن

Biscuit_49541 🇪🇬

منذ 7 أشهر

شعور محبط

Peanut_22013 🇪🇬 بصى انا كنت زيك كدا ف سنه اولى الوضع كان صعب عليا بالخصوص انى كنت طالع من مدارس حكومه وتغير ف اللغه مع الكليه كان صعب عليه حتى انى م كنت بذاكر كتير حاسس كدا ب فقدان الشغف بس حاولت الحمد لله ومساعده الناس اللى اكبر منى الحمد لله بقيت احسن انا دلوقتى ف سنه تانيه والحمد لله بقيت بفهم شرح الدكاترة اللى كله طبعا انجليزى وبروح اذاكر والحمد لله لو محتاجه مساعده ف المذاكرة انا موجود

عرض الكل 13 نصيحة

عبّر عن شعورك بشكل مجهول

بخاف أذاكر. مفيش اي ثقة بالنفس.
كل مرة ألاقي وقت أقدر أذاكر فيه، أحس اني مش هعرف، اني مش هنجح. أنا طالبة طب بشري، أقدر أعمل ايه؟
طول عمري كنت شاطرة لغاية ما دخلت كلية، كنت الأول صيدلة وقضيت فيها سنة  وعلشان جالي مجموع حولت لبشري وهنا بدأت الشكوك في قدرتي وهل ده مكاني ولا لأ مع اني طول عمري بحب الطب ومن صغري وانا بحلم بالكلية دي. أنا وأختي التوأم كنا على طول بنذاكر مع بعض وكنت بساعدها في كل حاجة علشان كنت بعرف أركز مع المدرسين عنها. وده كان بيشجعني أذاكر أكتر وأركز أكتر علشان أعرف أساعدها ونبقى احنا الاتنين شاطرين. بعد ثانوية عامة هي دخلت كلية وأنا كلية ودي أول مرة في حياتنا نتفرق.
دلوقتي بقيت بسيب كل مذاكرتي حرفيا وكل اللي ورايا وأروح أذاكر معاها، زي كأني بتهرب من حاجتي وأروح أعمل اللي طول عمري بعرف أعمله، وهو اني أذاكرلها. كانت هي دي طريقتي في الدراسة أصلا، اني أشرحلها كل حاجة، حتى هي كانت بتقوللي انتي شاطرة علشان بتعملي كده. 
انا خايفة ومش عارفة أتصاحب على حد في الكلية وحاسة اني ناقصني كتييير اوي ومتأخرة عنهم كلهم. وحتى السنين اللي عديتها في الكليه كنت بنجح بالعافية وبصراحة بالغش والسنادي صعبة جدا وصعب أعدي بالطريقة دي. أعمل ايه. في حد عنده مشكلة قريبة مني يقدر يفيدني؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_40472 🇪🇬

منذ 7 أشهر

شعور عاطفي

هو لما الواحد بجد يبقي حاسس ب إنه مش شبه الناس الي وسطهم يعني انا مش حسه اني بحب صحابي بعمل نفسي بحبهم عشان انا ليا اخت توام بيتكلمو معها اكتر بيحسسوها بحب كل ما هو ف الصداقه بيحصل مع اختي ونا لا ع فكره انا مش بغير بس زعلانه جامد وكذا مره التجاهل الي بيعملوه بس مش قادره يعني انا حاولت اقرب منهم مفيش

Sugar_30252 🇪🇬

منذ 8 أشهر

شعور مرهق

عبّر عن شعورك بشكل مجهول

انا بجد مش عارفه ابدأ من ايه بس انا في الصف الثاني الثانوي و مذاكرش لحد دلوقتي ولا كلمه و مكرفش اي حاجه في المنهج كله انا مش عارفه ابدأ ازاي ولا اعمل ايه كل ما اجي اذاكر مذكرش حتي منهج القرآن لسه محفظته انا عني مشاكل نفسيه واثر علي جسديا حصلي حالة اكتأب و حبست نفسي في البيت طول فترت الجازه لما كونت في سنه سته و لحد الوقي بعاني منه بس مش بظهر لحد بغيب من المدرسه كتير اوي ممكن اروح يوم واحد بس في السبوع مش بروح دروس ولو روحت بروح انجليزي و بروح حصه واحده كل اسبوعين مش بخرج من البيت الي نادرا ولا حتي ببص في الشارع او اشوف هو حصل اي تغيرات او اي حاجه حتي مش بساعد والدتي في اي حاجه من اعمال المنزل نفسي اتغير انا مكونتش كده بس بقيت كده لما المشاكل العائليه ذادت وانا في سنه خمسه و حصل حجات كتير اثرت علي و علي كل البيت بس علي اكتر لان كان في حد من علتي كان في نفس عمري مولدين مع بعض في نفس اليوم وكونا مع بعض دائما فجأه في سنه خمسه حصل مشكله و بعدنا و لحد الان مش بنتكلم ولا في اي تعامل انا عارفه ان معدناش هنتعامل مع بعض بس موضوع ده مأثر علي هو كان بالنسبالي توأمي وحشني اني اكلمه بس معدش ينفع انا كبرت و هو كبر انا مش عارفه اعمل ايه الموضوع ده تعبت منه انا عاوزه اتغير و اتخطي الموضوع و الوضع بس مش عارفه مبينه للكل اني كويسه بس انا منهكه جدا كل الي عوزاه اني اذاكر و اجتهد الكل تخطي و شافوا مصلحتهم وانا الي لسه مش عارفه كل مره مستواي الدراسي بيقل واهلي تعبوا و مش عارفين يعملوا ايه معتقدين اني بذاكر و كويسه و سعيده بس انا مش كده معنديش ثقه بنفسي بخاف من اي حاجه مع اني واحده اي حد بيشوفها و يتعاملوا معاها بيحبوها و بيقوالو محترمه و مأدبه و فرفرشه 
ممكن اي رد انا عارفه اني اتكلمت كتير واسفه علي الازعاج

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_39807 🇪🇬

منذ 8 أشهر

شعور مهتم

جماعه ، انا عندي اختي توأمي هي عكسي تماما ، يعني انا عندي صحاب هي وحيده جدا و عندها رهاب اجتماعي و دايما بتتوتر حاولت اني اساعدها كتير بس بدون فايده ، و حاولت اني اعرفها علي صحابي بس قالت لي انها مش حابه الوضع و حاسه بعدم انتماء ، هي هاديه اوي و قليلة الكلام ، و ثقتها بنفسها مش احسن حاجه ، و احيانا

Marshmallow_39520 🇪🇬 انتي الوحيدة ال تقدر تساعدها، هي مش حاسة بالحب من ال حواليها ف طبيعي متحبش نفسها حبيها وهي هتحب نفسها من نفسها عشان هي دلوقت شايفة انها متستحقش الحب وعدم وجود أشخاص في حياتها أو صحاب ليها بيأكدلها انها متستحقش تتحب فعلًا

عرض الكل 11 نصيحة

Carrot_34732 🇪🇬

منذ 8 أشهر

شعور متعب

موضوع:

لو رجعت بالزمن اي الي هتغيره في حياتك؟

كل حاجه ، حرفيا كل حاجه ، انا مفيش حاجه عملتها في حياتي صح او كنت مبسوط و انا بعملها أو كانت بمزاجي ، مفيش حاجه انا عملتها انا كنت فعلاً عايزها و كان ممكن اتخلي عن حاجات كتير بمجرد أن واحد تاني عايزها بغض النظر عن هو مين أو اعرفه أو لا مش بتكون فرقالي خالص، د انا كنت مكتأب فترة و شربت سجائر و برضو م

Ice Cream_27297 🇪🇬

منذ 8 أشهر

شعور مليء بالحياة

موضوع:

اكتشفت ازاي أن الطرف التاني بيحبك / مش بيحبك؟

موجود ف كل وقت من قبل ما احتاجه الاقيه قدامي و كان يفهمني من صوتي و من كلامي قبل ما أقوله♥️ كان باين أنه بيحبني من عينيه اللي ماشوفتهاش بتلمع كدا غير معايا🌚 كان باين من اهتمامه اللي مقلش من وقتها لحد دلوقتي خمس سنين و حبه ليزيد اكتر و اكتر كان باين من خوفه عليا و أنه ديما شايفني مسئوله منه و حته

Nutella_26046 🇪🇬 ماشاء الله تبارك الله ربنا يسعدك دايما يا قمر ويحبب فيكي خلقه💗💗

عرض الكل 9 نصيحة

Chocolate_27808 🇪🇬

منذ 8 أشهر

شعور مكتئب

متجوزه من ست سنين وعملت حقن مرتين وحملت مره كانوا تؤام بي نزلوا ف الشهر التاني 😭 نفسيتي تعبانه ووحيده محدش جمبي انا اللي بعدت عن الكل من كتر الاكتئاب

Pistachio_27359 🇪🇬 ربنا يقر عينك بأحلى بيبي يارب ويعوض صبرك خير ❤️❤️

عرض الكل 7 نصيحة

Avocado_20362 🇪🇬

منذ 10 أشهر

شعور خجول

السلام عليكم ورحمه الله وبركاته في الدروس الاخوات عندي بس صفوف مختلفه مش نفس المرحله يعني بخفض ليهم بس مش بحسبهم كأنهم شخص واحد حاليا جه عندي توأم و قالولي مس هتاخدي مننا كأننا شخص واحد علشان توأم دلوقت لو اخدت من التوأم كأنهم شخص واحد هيكون حرام عليا و بتعامل بذمتين كده علشان ياخد من الاخوات

Corn_21785 🇪🇬 بصي هو التوأم ليه تخفيض اه كأنهم شخص واحد وزي م قالوا شبه المدرسين بس الاخوات من المراحل التانيه كل واحد يتعامل ع حسب مرحلته ملهمش تخفيض

عرض الكل 5 نصيحة