تلت سنين

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Biscuit_30146 🇪🇬

منذ 9 أشهر

شعور قلق

مش عارفه ابدء منين بس انا حبيت واحد بقالي تلت سنين وهو بيحبني اتكلمنا فتره وسبنا بعض ورجعنا وسبنا بعض يمكن اكتر من١٥مره والله العظيم بس دايما بقول ان السبب ان العلاقه مترضيش ربنا المهم اننا رجعنا ودلوقتي بقالنا سنه مسبناش بعض ومفيش صلاه سبتها غير وانا بدعي اننا منبعدش بس دايما خايفه.. فكره البعد دي

Marshmallow_30190 🇪🇬 ممكن تقرأي عن الattatchment وتحاولي تعرفي نوع ال attatchment style بتاعك هيساعدك اكتر تفهمي نفسك وتفهمي ايه بيحصل وكده وليه بتحسي بالخوف ده

عرض الكل 11 نصيحة

Toast_73409 🇪🇬

ازيكم يا حلوين حابب اني اشارك معاكم واحدة من مشاكلي الأزلية طول عمري متربي ف بيت فيه مشاكل أسرية ، من اصغرها لأكبرها، مش هاتكلم عن اثره النفسي فيا لإن ده مش موضوعي دلوقتي نا كل مشكلتي اني عمري ماحسيت ان بيتم تقديري ف البيت و بتتم تهميش اي حاجه بعملها و تتحقر عادي سواء من والدي الله يرحمه ، او لحد الأن من امي مع ان امي لو فتحت باب الشقة بتقعد تذل اللي خلفونا وبتقعد تحسب بجد انا صحيت عملت ايه و ماعملتش ايه و ازاي انا صاحي من ساعة و ماقومتش هديت البيت و بنيته تاني و طول عمري بيتم التحقير من اي حاجه انا بعملها دراسيا فضلوا يعايروني بصحابي و انهم هايجيبوا درجات اعلى و ان انا مش هابقى حاجة و هامسح العيادة ل ابن خالتي ودلوقتي انا الحمدلله ف تالتة طب بشري بمجموعي مش خاص ولا أهلية بعد كده بقوا يعايروني ان انا دخلت بعيد عن محافظتي ساعتين و باقي صحابي بيروحوا ف ساعة واحدة ، بعدها بقوا يقولوا عليا اني مبذاكرش عشان جبت جيد جدا اول ترم ف حين ان كل زمايلي الاكبر مني ف الجامعة وكمان معايا م البلد لما كانوا ف سني كانوا شايلين بسبب صعوبة الجامعة الل نا فيها ، دلوقتي جبت امتياز يقولولي بجد ان صحابي امتيازهم احسن من امتيازي ! و كمان اختي ف ثانوية عامة دلوقتي و بجد بيشيّلوني ذنبها بالطريقة و بيقارنوني بولاد خالتي الل بيساعدوا بعض مع اني لما بحاول اساعد اختي بلاقي عندها كبر شديد و مستنية مني اني اكون طالع السما اجيب منها معلومات فضلا عن استنزاف وقتي ف البيت من اول ماصحى لحد مانام خصوصا ف الاجازة عشان نا واخد سكن جنب الكلية ف الدراسة و بنزل كل اسبوعين عشان اقدر اذاكر بدون ضغط و من اول ماصحي لحد مانام يفضلوا يندهوا عليا طول اليوم اعمل كذا، سوي كذا و طول مانا شغال يقعدوا يتكلموا عن الل عملوه طول اليوم رغم انه اي ام او اي اب بيعملوا كده عادي .. ماطلعوش الفضاء يعني بس لازم يذيعوا انجازاتهم و يقللوا مننا وخلاص يعني نا انهاردة من ساعة م صحيت أكلت الطيور و نقلت الخضار و نقلت المرتبة الكبيرة بتاعت السرير من البلكونة للسرير تاني و نزلت حاجات للمخزن عشان المساحة ف الشقة و شيلت شكاير كتب قديمة بعد ما فرزتها عشان اشوف لو فيها حاجة تنفع اختي ، وغسلت هدومى ، و كل ده ف ظرف ساعتين او تلاتة من صحياني يعني لسه اليوم طويل ، لما رميت ليها كلمة بهزار فضلت امي تتخانق معايا و تقولي انت ماعملتش اي حاجه انهاردة و انا الل فضلت اعمل طول اليوم ، بالمناسبة هي راحت السوق و عملت الغدا بس ، وكمان نا كنت معاها ف السوق امبارح و جابت معظم الحاجات و رحت اشيل معاها ، بجد نا بتوه جدا من الزعيق و الصوت العالي بتاع المشاكل و من كتر الخناق و المشاكل الل نا فيها بسرح ونا بتكلم و مش عارف حتى اقول للي مضايقني انه مضايقني ف ايه و مش عارف اعمل حاجة و تايه ، لسه للموضوع تفاصيل كتير و مشاكل تانية ، بس انا بجد مش طايق و كان لازم اكتب ، اتمنى اني اعرف الاقي المساعدة ، شكرا و عذرا على الإطالة ...عرض المزيد

0 الدعم

0 نصيحة

Strawberry_74387 🇪🇬

حابه احكيلكم عن حاجه مديقاني بحب شخص وقعدنا فترة كبيره مع بعض ٦ سنين بسوي اخر فتره يعني يعتبر من سنه بدأ يتغير وبدأ يتجاهلني ويومه يعدي من غير اي اهتمام بيا ولا سؤال حتى عاتبته اكتر من مرة وكنا بنبعد وانا برجع لان بحبه بس اخر مرة حسيت ان كل مرة اعاتب وم لاقيه ردة فعل فا بعدت حاليا حاسه ان تايهه ومخنوقه وصعبان عليا نفسي اوي لان عاتبته لآخر مرة وملقتش منه الرد اللي انا استحقه بالعكس فضل ساكت مع ان عارف ان انا مدايقه من تصرفاته و بجد مش عارفه اعمل ايه ...عرض المزيد

0 الدعم

0 نصيحة

Donut_50330 🇮🇹

تجربتي في البرنامج وازاي خففت وجع الناس

أنا سبب دخولي البرنامج اني حسيت ان في حد هيقدر يسمعني منغير ما يقطعني يعني هقول كل الي عندي منغير ما حد ينتاقضني و بارضو فضولي الصراحه أنا عرفتو من على tik tok من tiktoker الصراحه قولت دي فرصه حلوه اطلع فيها كل الي جوايا يعني أتلكم و أقول الي عندي منغير حد ما يقطعني و أنا بتكلم علشان أنا لما حد بيقطعني بتوطر كمان ساعات مش بعرف احكي لحد احيانا الصراحه مش علطول بس لما باجي احكي بحس اني بتوه و مش بعرف احكي و هما مش بيكونو فهمو أنا بقول اي المهم نزلت البرنامج و اتكلمت عن كل حاجه بدايقني كل حاجه لغايت عده تقريبا سنه او كام شهر او اكتر لغايت السنه الي فاتت اتعرفت على شخص من على البرنامج من عن طريق صدفه غريبه ولله دلوقتي احنا أصدقاء الحاجه بقى الي اتعلمتها هنا من البرنامج اني بقيت اعمل الي أنا عايزا طول ما أنا صح و اني انصح الناس ب قلبي و اقدر اخفف وجعهم و افدهم ب تجربتي البرنامج ده حلو بس في ناس بتستغلو أنهم يتعرفو على ناس أنا مش بقول متتعرفوش اتعرفو بس كل حاجه و ليها حدود يعني لو الشخص الي قدامك قبل النصيحه و مش عايز يتكلم تاني مترخمش عليه خلاص هو سمع النصيحه منك و من غيرك مش لازم بقى احنا نحط التطش بتعنا خليكم خفاف على قلوب الناس يارب ميكونش كلامي زعل حد ...عرض المزيد

0 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع