تفضيل

Avocado_78998 🇩🇿

منذ يومين

شعور مكسور القلب

انا تبعان بجد ولله عايشة في محيط مش بيفهمو عليا ولا يسألو شو بحتاج اعيش في اسرة تفضل ذكر على لانثى ولاحد بيسأل اذا كنت محتاجة شي نفسيا وماديا ماما بتصرف على اخواتي رجالة وتدعمهم وانا لما بطلب شيء بتصير تعاملني وكاني حمل ثقيييل عليها وبابا مش سائل نهاىيا عنا ابسط لامور احتاجها 💔💔💔💔كيف لحل وكيف ات

Cookies_77363 🇪🇬

منذ يومين

شعور غير مكتمل

عندي صديقة انا صحبتها لحد ما تيجي صحبتها التانية فانا مليش وجود، وهي بتحبها اكتر مني وحسيت بدا في اكتر من موقف، و حاسة اني مجرد حد لما بتحتاج حاجة متأكدة انها هتلاقيها عنده، ودايما تنعتني بالسوء لمجرد اغنية او مسلسل او زوقي في اي حاجة بتحسسني بالتقص و انا بحبها ومش عاوزة اخسرها هي بالذات لأني فضلته

Avocado_78920 🇩🇿 عادي كنت مثلك لكن تخسريها هي و تبعدي عنها احسن من تخسري قيمتك و ثقتك بنفسك

عرض الكل 7 نصيحة

Pineapple_59780 🇪🇬

منذ 3 أسابيع

شعور وحيد

انا الابن الوحيد علي ٣ بنات والدي كان متزوج من اتنين وامي اتطلقت وانا في اعدادي. اقتنعت بكلام والدي اني اعيش معاه بالرغم أنه متغرب وكان بيشتغل بره مصر وعيشت في بيت والدي مع مراته ودقنا حرفيا المر مذله ومهانه انا كنت بحب والدي حب اعمي لدرجه اي حاجه يطلبها مني مهما كانت اعملها ومقتنع دائما أنه هو الصح

عبّر عن شعورك بشكل مجهول

بعد السنين ورجوع والدي بعد ما كمل ستين حصلت خلافات بيني وبينه علي البنت اللي حبيت اتزوجها والسبب أنه كان مدي اولويه وتقدير ضخم لمراته لدرجه انه في تشطيب الشقه بتاعتي خلي الصنيعيه يجددوا شقه لمراته قبل ما شتغلوا في شقتي وبعد كلام وشد وجذب علي ابسط ابسط الحقوق اللي لي في أنه محتاج اعمل تعديل تركيب فيشه زياده في المطبخ رفض رفض تام. وبعدها كانت ثورتي علي كل اقتناعي وكلامي بأسلوب هادي ورفضت أني أكلمه وتممت زوجي بعيد عنه وبعيد عن البلد وفعلا حضر الفرح وكله تمام واكتفيت أن يبقي في تواصل بسيط كل فترات بعيده لكن من بعيد يعني مش انزل البلد نهائيا.

بعد خمس سنين جوز اخواتي البنتين الاتنين لاخين من عيله بعيد عننا ومنعرفش اصلهم غير أن الكبير شغال في بوفيه المستشفي اللي اختي بشتغل فيها طبيبه فكان الأمر غريب بالنسبه لي وكنت رافضه لكن هو ومراته عاجبهم لدرجه تصرفاتهم مع الناس دي غريبه جدا وأنهم بقيوا هما أهل البيت وانا من الضيوف. بعدها بكام سنه تانيه جه دور زواج اختي شقيقتي وتقدم لها مهندس قريب لنا وبرغم أن الزواجه مشرفه ومفيش فيها اي حاجه بدأ هو يتلكك في حاجات مش منطقيه علي أمل أن الموضوع ميتمش حتي أنه رفض أننا نعمل حفل كتب كتاب في البيت احتراما وتقدير لمراته وأنه مش هينفع نعمل كده. بعدها دخلنا في مفاوضات عقيمه في أننا نكمل جوازتها بأسباب لا ترقي أنه تكون أنها اسباب لذلك أهل البلد لما اتكلمت معاهم ساعدوني في أنهم يضغطوا عليه عشان الموضوع ينتهي ويتم الزواج علي خير.

طبعا العلاقه بقيت أسواء واسواء بعد ما كمان غلط في أصل مراتي قدامي وان واحد في الطريق قاله أهل البلد دي من الحلب. وبقينا نكره اي تواصل معاه أو حتي مع اخواتنا. انا لغايه دلوقتي مزرتش اي اخت فيهم بعد جوازها بعد مرور اكتر من ٤ سنين تقريبا ولما بنزل البلد في السنه مره بيبقي حمل تقيل علي اني اروح اسلم علي ابوي في بيته.

طبعا عشان البعد هو ومراته وبناته وازواجهم بقيوا حبايب جدا رايحين جايين حلوين متهنين منتظرين موت ابوي عشان يتأكدوا أن الورث لهم لوحدهم مما لا شك فيه.

واحنا كل اللي كان نفسنا فيه أننا نلاقي جد حنين لعيالنا اللي المفروض شايلين اسمه واب يقدر ٢٠ سنه عشانهم في الذل عشان خاطره مش يجي اخر ده يقولنا اصل مرات ابونا كانت معاها حق في ذلها لكم وهي كويس أنها ربتكم بدل من امكم اللي سابتكم.

خايف من عقاب ربنا في عد تواصلي كقطيعه للرحم وزعلان جدا اني مش هي دي الحياه اللي كنت حابب اعيشها وان ابسط احلامي كانتاني اعيش مع والدي ويكون هو وابني بيمشوا مع بعض ويتعلم منه ويربيه علي أيده لان فعلا بحبه.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_76255 🇪🇬

منذ شهر واحد

شعور متعب

عبّر عن شعورك بشكل مجهول

ليه دايما بسمع عن "الاخت الوسطانيه هي اللي دايما مظلومه على عكس الاخت الصغيره المتدلعه الشخصيه المهمه"و مش بشوف الكلام ده ؟؟
انا عمري ما شفت اهلي بيحبوني زي ما بيحبوا اختي الوسطانيه ولا بيحترموني زي ما بيحترموا اخويا الكبير   
زي مثلا لما بلاقي ماما زعلانه بفضل اترجاها تقولي السبب بس بتفضل تتوه لغايه ما حد من اخواتي ييجوا و هي اللي تبدأ بالكلام حتى لو هم مسألوش 
او مثلا اي غلطه مني بتفضل تدعي عليا و اخواتي لو غلطوا بتفضل تهزر حتى لو كانت نفس الغلطه 
و برغم ان لما بابا يزعق ل اخويا بفضل اواسيه وتقوله اي حاجه علشان ميزعلش بس انا ؟؟ لما حد يزعقلي يفضل هو  يتريق و يغلطني انا حتى لو مش غلطانه زي كأنه بيحسسني انه شمتان 
خلاصه الكلام : الحاجات اللي بتتقال عن الاخوات الوسطانيين غلط تماما و ان الاخ/ت الصغير/ة مش متدلعه زياده عن اللزوم ولا حاجه 
و على فكره برغم كده الا اني عمري ما كرهت اخواتي و لسه بحبهم لانه في الاول وفي الاخر هم اخواتي  ومهما يحصل مقدرش اخاصمهم

رغم ان انا أصغر واحده بس شايله هم كبير اوي جوايا  و بحس ان نفسيتي متدمره سواء بسبب اهلي اللي مش مهتمين انا زعلانه ليه ؟ ايه اللي جوايا مخبياه عنهم ؟ لانه ببساطه اهلي مش بيبصوا الا على انك مبسوط أو لا لو لا يبقى انت نكدي و مش بتحب الفرحه لحد او بسبب الناس اللي حواليا 
انا وصلت لدرجه اني بقيت بحس اني مريضه نفسيا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_75106 🇪🇬

منذ شهر واحد

شعور مكسور القلب

مشكلة حياتي هي ماما شخصيتها انتقادية جداً وبتديني ديماً طاقة سلبية في اي حاجة بعملها لبسي، دراستي، تصرفاتي ديما انتقاد في كل حاجة مفيش مدح ابداً وديماً عقاب مفيش مكافئة بتقولي اني فاشلة وانانية ومبحبش غير نفسي مع اني ديماً حتى بقبل بأقل حاجة ولما اكل تقولي اني انا الي مخلصة الاكل مع اني مش باكل غير

Ice Cream_69885 🇪🇬

منذ شهر واحد

شعور ضاق ذرعًا

ابويا مش راضي يخليني أكمل تعليم وادخل الجامعه والسبب انه مستخسر يدفع فلوس حتي لو جامعه حكومي وان اخويا اللي اصغر مني بسنتين أولي مني بالفلوس هو عيل قليل الادب مش متربي بلطجي بيضربني ويشتمني براحته عاملينه راجل عليا وانا مش عايزه اتجوز واحد مرتبه بيخلص في نص الشهر مش عايزه يبقي عندي عيال ويبقي عنده

Pistachio_75490 🇪🇬

منذ شهر واحد

شعور مستنزف

زي ما في عقوق والدين في عقوق ابناء و في امهات بتوصل اولادها لمرحله صعبه من الظلم و القهر .. ربنا ابتلاني بأم بتفضل واحد على التاني لدرجة انها خربت حياتي و دمرتها بدون اي شفقه .. انا تعبت و مش عارف اعمل ايه

Apple_75487 🇪🇬 ده ابتلاء من ربنا مفيش غير الصبر واحتسب عند ربنا

عرض الكل 4 نصيحة

Ice Cream_69885 🇪🇬

منذ شهر واحد

شعور محبط

انا بجد مش عارفه ايه الاب والام اللي خلفوني ونسيوني دول انا بتمني الموت كل لحظه وهم عايشين ولا حاسين بتعب ولا اكتئابي بطلوا يودني الجلسات النفسيه انا بجد ممكن ارمي نفسي من علي سطح البيت في أي وقت دائما بفكر ان اشوف اي عماره أو بيت عالي اطلع علي سطحها وارمي نفسي بحس ابويا وامي دول جبله معندمهمش دم

Donut_56000 🇪🇬

منذ شهر واحد

شعور آسف

عبّر عن شعورك بشكل مجهول

اهلا انا اول مره اتكلم مش عارفه اني اتكلم دصح ولا غلط بس اكيد جوانا حجات مش بنعرف نقولها للقريب علشان لو قلنها علاقتنا بيهم هتتدمر انا بنتين على ولدين محجوزه ومعايا طفلين ظروفنا متوسطة الحال الحمد لله فضل ونعمه بس بيواجهني دائما شعور غريب جدا لما بكون في وسط اهلي وهو ان امي وهي المفروض يعني انها امي دائما ما تقلل من اي حاجه بقدمهلها ايا كانت ايه هي  حتى لو هي عارفه انها بآخر فلوس معايا لازم تفاضل بين اللي بجيبه واللي اخواتي بيجيبوا دائما  حتى لمت تيجي زياره وده بيحصل حرفيا كل سنييييييين كتير ابص الاقيها داخله بكام كيلو فاكهة اغلبها مضروب طبعا هيتقال كفايه دخلتها عليكي واكيد دخلتها عليا بالدنيا بس في دخلتها على اخويا الوضع بيكون مختلف تمام حلويات من أرقى وافخم الاماكن وبكميات رهيبه   لو روحت معزومه عندها فانا بفضل بالشهور وفي  كل مكالمه قد ايه ان الوجبه كانت مكلفه ومدفوع فيها قد كذا في حين انها لما تعزم اخويا الاطباق بتكون فارهة جدا وعلشان طبعا ماتخلنيش اعلق تتبعها بكلمة اخوكي اللي دفع وجاب الحاجه طيب هل هي فقيره هرد اقول لاء هي مش فقيره بس بمبدا الغني هديته تكون قيمه واللي على قده هيرضي باي حاجه حتي في مره قلتلها ماما الفاكهة اللي جايبها كله مدوده واترمت تدخل في هجوم رهيب اني مش بحمد ربنا واني لازم اعلق على اي حاجه  واله العظيم هدية جوازي اخويا وهو اكبر مني داخل عليا بعد اسبوع من جوازي بهديه من الحجات اللي بتتباع ب٢.٥  وبعديها بفتره جت السيره  لما جت بتقولي انه جايبلك برفان براند  وده لان كان وقتها جيالي هدايا كتير رد هو قال انا مجبتش حاجه ديه الهديه اللي ولاد خالتك الصغيرين جابوها امك قالتلي ادخل بيها 
  طبعا علشان ماتقلقش مثلا على فرق الهدايا يختلف باختلاف انهم مقدرين كل لما تشوفني لازم تفهمني انهم واخدين قروض
 حتى ميراث من ابويا  خدعتني وخلتني ابيعه بتوكيل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_74773 🇪🇬

منذ شهر واحد

شعور لا مبالٍ

موضوع:

أكتر موقف حسسك أنك غير مرغوب؟

أهلى دايما بيقارنوني بأختي امي بتفضل تقولي اختك عرفت تثبت في وظيفة وانتي لا اختك عرفت تتجوز وانتي لا كان وقت جوازها دا مشكلة كبيرة هي وبابا ازاي نجوز الصغيرة قبل الكبيرة حتى في المذاكرة زمان اختك اشطر وبابا كان دايما نفسه اكون زيها في اتخاذ قراراتي بالعقل بدأت احس انه هي الجولدن تشايلد انه لو ماكنوش

Biscuit_73909 🇪🇬

منذ شهر واحد

شعور قلق

جماعه انا بابايا علطول مقصر معايا سواء عاطفيا و نفسيا و حتي التعليم لما قالي هاتي مجموع و انا ف ضهرك ولما رحت جبتله مجموع ف ثانوي وجبت 89 راح عاوز يكمل تعليم لخواتي الصبيان وانا كل ميحصل اي حاجه او اقول اي كلام او اتناقش معاهم و مش مقتنعه اني غلطانه لاني مغلطش يروح يقولي انتي مينفعش تتعاملي مع ناس و

Ice Cream_69885 🇪🇬

منذ شهر واحد

شعور متعب

موضوع:

قرارات من الأهل كانت سبب في تغير حياتك

اهلي رافضين الجامعه الخاصة هما مقتدرين لكنهم بيفضلوا اخويا عليا بصراحه دا اخر امل ليا في التعليم انا اشطر حد في اخواتي مش عارفه ازاي يقفوا قدام طريقي بالشكل ده مش عارف ازاي إقناعهم دلوقتي

Ice Cream_69885 🇪🇬

منذ شهر واحد

شعور مستنزف

جالي في التنسيق كلية العلوم وانا يكرهها مش بحبها كلمت كذا مره ابويا في موضوع المنح وجاتلي منحه ٥٠في المئه خصم بيشتمني ويلعن فيا عشان بس بتناقش معها هو مقتدر لكن هو عايز يوفر الفلوس لاخويا اللي اصغر مني بسنتين مع أنه برضو عيل بلطجي وفاشل اتصرف ازاي انا مخنوقه مفيش حل غير اهددهم بالانتحار

Marshmallow_40590 🇮🇶

منذ شهرين

شعور متوتر

Tomato_62425 🇪🇬 ﴿أمن يجيب المضطر إذا دعاه ويكشف السوء ويجعلكم خلفاء الأرض أإله مع الله قليلا ما تذكرون﴾ [النمل: 62] اظنك تحتاجين ركعتين بنية الحاجه وتدعي له بكل ما يؤرقك ويشغل عقلك يعني حتى الرزق والمال ﴿فقلت استغفروا ربكم إنه كان غفارا۝يرسل السماء عليكم مدرارا۝ويمددكم بأموال وبنين ويجعل لكم جنات ويجعل لكم أنهارا﴾ [نوح: 10-12] وممكن انصحك بتعلم لغة إنجليزية أو المانيه متوفر مجانا ومن البيت بيفيدك

عرض الكل 5 نصيحة

عبّر عن شعورك بشكل مجهول

الموضوع طويل بقوله عربي فصحى حتى الكل يقدر يساعد الله يجبر بخاطركم 
بيتنا عبارة عن فوضى فوضى مطلقة حرفيا
 لا أدري حتى افكاري مبعثرة لا أدري من أين بدأ الأمر حقا دعني اشرح بشكل افضل 
أنا الآن طالبة جامعية عمري 21 سنة قضيت حياتي كلها بارة بوالدي و ذات سمعة جيدة لكن والدي لا يعاملانني على هذا الاساس لم تسبب في حياتي مشاكل في المدرسة او حتى خارجها لم ارسب في أي اختبار و كانت درجاتي جيدة لدي سمعة طيبة عند اقاربنا و دائما يتلقيان المديح لتربيتي بشكل جيد لكن رغم ذلك أنا الاقل تفضيلا عن باقي اخوتي و يزداد الأمر سوء مع مرور الوقت لا أستطيع أن أكون كباقي الفتيات لا يمكنني الحصول على مصروف منتظم أو كاف حتى ولا ملابس جديدة لا للعيد او لغيره ولا حتى تلبية لاحتياجاتي الأساسية لكن هذا ينطبق علي فقط اخي يطلب المال من امي لشراء السجائر و هي توافق اخي الاخر يطلب المال لاي شيء و يحصل عليه اختي الصغرى نفس حالي تقريبا لكنها لا تهتم لرضاهما اذا كان ذلك لا يخدم مصلحتها هي تقوم بطلب أي شيء و تضعهما أمام الأمر الواقع فقط لكنها تحصل على ما احتاجه احيانا 
أسناني بدأت تتلف بشرتي تدمرت منذ أيام المراهقة و حب الشباب بدون الحصول على علاج صحيح ( كنت استخدم معجون الاسنان على الحبوب فقط لكي لا أذهب لاستشارة طبيب) غير الضغط النفسي من إعادة المرحلة الأخيرة من الاعدادية في سبيل الحصول على مجموع عال لدخول جامعة حكومية لكي لا اكلف عليهما باقساط الجامعات الاهلية او الخاصة ( انتهى بي الأمر بالدخول إلى جامعة اهلية بناء على رغبة والدي ) أرى الفتيات في مثل عمري يبرقن من جمالهن بينما أنا ارتدي نفس الملابس كل اسبوع منذ عامين أو ثلاثة ولا اطلب الكثير بما أن طلباتي الأساسية لا تجاب لا يمكنني الحصول على وظيفة ولا طلب المال ولا يمكنني اقتراض المال من اخوتي كونهم سيمنون علي و يعايرونني به ولا يمكنني الزواج كوني غير جميلة ولا أخطط للزواج لكي لا تكون حياتي كحياة امي حصلت على جدال معها و دعوات علي رغم اني الوحيدة من اطفالها التي وقفت معها في وقت شدتها فقط لاني طلبت منها أن تعدل بيني و بين اخوتي ما العمل العمر يسبقني و أنا لا أفعل شيء الآن ولا انجز أي شيء مهما فعلت لن يرضيا علي و صلاتي منقطعة و لا أملك مال او وظيفة لسد حاجتي غير شكلي الذي أنا غير راضية عليه و دراستي التي بالكاد تنجو عائلتنا في حالة مريعة ابي يتهم امي اتهامات باطلة و يريد اجبارها على طلب الطلاق امي ترفض الطلاق حتى بعد اهانتها بكل الوسائل الممكنة في العشرين عام الماضية اخي الأكبر لا يتدخل في أي شيء و يتصرف كطفل مدلل دام الطعام موجودا و اخي الاخر منشغل بحب حياته في الجامعة و يريد الزواج منها بينما لا يملك حتى مال سجائره و اختي الآن في المرحلة الأخيرة من الاعدادية و مقبلة على الجامعة و أنا في وسط كل هذا كيف انظم الأمر و كيف أخرج من هذا الوضع 
فوق كل هذا جرتني نفسي لتعلق بشخص من دولة أخرى دام اسبوعين فقط حتى حصلت على صفعة ( مجازياً) و ادركت ما نوع الهراء الذي أفعله و انسحبت مباشرة و هذا الفتى مصر على الزواج مشكلة أكبر من مشكلة ( لا أحد يعلم عن هذا الجزء بعد ) غير مشاكل أخرى جمة ما العمل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_19483 🇪🇬

منذ شهرين

شعور غاضب

عبّر عن شعورك بشكل مجهول

عندي مشكله كل ما أحاول أتخطاها معرفش لأنها بتخليني عصبيه معظم الوقت ألا وهي إن فيه تفريق ف المعامله من أمي بجد،دائمًا شايفاني آخر أولوياتها ف كل حاجه ودائمًا شايفه احتياجاتي تافهه وملهاش لازمه،من وأنا صغيره ودائمًا بتتعامل معايا كأني بنت البطه السوده لدرجة إني وأنا طفله فكرت إني مش بنتهم بجد وإنهم لقوني على باب جامع زي ما بيقولوا،يعني مثلا من وأنا صغيره كانت تقول لأختي اللي أكبر مني أنتِ جميله ومتقوليش وده كله قصادي مش من ورا ضهري يعني،ومره قالت إن واحده صاحبتها قالتلها إن أختي اللي أكبر مني أجمل مني وقدامي برده!..مع إني فيه ناس كتير بتقولي إني جميله وكنت لما حد بيقولي كلمه حلوه ببقى فرحانه وبروح أقولها ماما صحابي قالولي إني حلوه النهارده أو فيه طنط شافتني وقالتلي إني جميله كانت تقولي بيضحكوا عليكِ متصدقيش نفسك ولا تتغري ف نفسك كنت بقولها بتقولي كده ليه كانت بتقول علشان متتغريش ف نفسك!ف حين إنها كانت دائمًا تقول لأختي اللي أكبر إنها جميله وحلوه وبيضاء وده كله علشان أنا مش بيضاء ومش سوداء ولا حتى قمحاويه يعني معرفش لون بشرتي ايه لكن مش بيضاء عمومًا ف كانت كل شويه تقعد تقولي أنا عايزه أعمل ايه حاجه علشان تبقي بيضاء شوفي أختك بيضاء ازاي!.. وأشياء كتير من هذا القبيل وكانت بتقلل مني قدام الناس زي إني كنت رفيعه جدًا كانت قدام الناس تتعمد تقلل مني وتتكلم عن إني رفيعه خالص وكان ف وشي حبوب كتير كانت تيجي برده قدام الناس تقولي ايه القرف ده ومش بتأكلي ومش عارفه ايه وتقلل مني لدرجة إني جالي اكتئاب وأنا كنت لسه صغيره ف إعدادي واتعرضت لتنمر كتير بسبب إني حتى مش واثقه ف نفسي ومش حاباها..ولحد الآن رغم إن الكل بيقولولي إني جميله مش بصدق وبيستغربوا ازاي مش مصدقه إني جميله وبقولهم والله ما شايفه نفسي جميله وبيتصدموا !..وصلت لمرحلة إني مش واثقه ف نفسي بربع جنيه..نيجي بقه ل إنها جابت دهب لأختي الصغيره وأختي الكبيره وأنا لا!..صدقوني أنا مش باصه للدهب أنا مش بحبه أصلا بجد لكن أنا فارق معايا فكرة إني على الهامش!!..لما كبرنا بقه أختي الكبيره عندها صحاب وبتخرج معاهم وبيتفسحوا وأنا ممنوعه علشان لو خرجت هتخطف وأنا بنت ومينفعش !.. أختي الكبيره تشتري اللي عاوزاه وأنا لا علشان ده تبذير وتفاهه!.ده غير بقه وأنا صغيره كان أخويا بيضربني طول الوقت وعادي كانت بتقولي ده أخوكي !..ولما كنت بزعقله كانت بتبهدلني لدرجة إني للأسف دلوقتي بكره أخويا ومش طايقاه لأنه مره ضربني وأغمى عليا وكنت بنزف دم وأنا صغيره ومقالتلوش أي حاجه ولا زعقتله حتى وكان دائمًا كده وبتستغرب دلوقتي أنا مش طايقاه ليه !..كنت محتاجه علاج لشعري علشان باظ ووقع م الكيماوي مجابتهوليش ف حين إنها ادت فلوس لأخويا اللي ما شاء الله بيشتغل وبيقبض علشان يشتري لنفسه شوز وكروكس!..لما كنت ف فترة الكيماوي أنا بتعالج ف محافظه واحنا عايشين ف محافظه تانيه أصلا بس أخويا وأختي بيشتغلوا ف المحافظه اللي بتعالج فيها ف كنت قاعده أتعالج معاهم ماما مجاتليش خالص من أول ما اكتشفت إني عندي كانسر طول الفتره دي مجاتليش غير قبل العمليه بيوم وقعدت معايا يومين بعد العمليه وسافرت،ف حين إن مره أختي الكبيره كان عندها دور برد ومهبطه والله العظيم سافرتلها مخصوص أقسم بالله!!وأنا اللي عندي كانسر وطول فترة الكيماوي والفحوصات والقرف مشوفتهاش غير قبل العمليه بيوم..وبتعيط من قسوتي معاهم كلهم!!
وبتعيط من عصبيتي غصب عني!!
أنا بقيت أجبر نفسي أتعامل معاهم بحنيه علشان رضا الوالدين وعلشان مبقاش عاقه 
بس أتمنى لو فيه أهالي هنا وبيشوفوا كلامي بلاش تتعاملوا كده مع عيالكوا لأنكوا هتكونوا سبب ف إنهم ميبقوش طابقين بعض بعدين ومش كره ومش حقد لكن فعلا انتوا بتزرعوا ده جواهم 
وف النهايه أي حد هيرد على كلامي يرد باحترام لأنها أمي ف الأول وف الآخر ومش هسمح لحد يقول أي حاجه تقلل منها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_77938 🇪🇬

حاسس بضياع وخوف من المستقبل وكل حاجه بفشل فيها

انا بنت عندى 22 سنه رغم كل سنين دي حاسه انى ضايعة وخايفه معرفش من ايه بس خايفه من اللى جاى كله كل ما ادخل فى حاجه كشغل كعلاقة افشل فيها حتى الشخص اللى حبيته من اى شخص تانى سيبنى ومشي ليه اى حاجه بحبها بتتاخد منى حاسه انى جيت الدنيا عشان ابقا لوحدي حتى اهلى مش لاقيهم اخواتى اصحابي مش لاقيه حد فيهم بس بقعد مع نفسي اشوف يمكن الغلط فيا انا بلاقي نفسي بدى اكتر ما باخد ومحدش حاسس بيا وحاليا لوحدي بسبب الشعور ده ولا بقيت اهتم باى حاجه ولا كلية ولا حتى نفسي ع طول قاعده ف الاوضه لوحدي واتعودت ابقا لوحدي . ...عرض المزيد

4 الدعم

33 نصيحة

Apple_56646 🇪🇬

مخنوقه ووحشه اوي وعايزه اعيط

حاسه اني مخنوقه اوي و عايزه اعيط و حزينه بسهر من كتر الاوفرثينكجج بحس الموضوع صعب اوي علليا والتخطي اصعب بكتير محتاره و مش عارفه اعمل ايه و متضايقه اوي انا يجد مش عارفه اقول ايه الدنيا وحشه اوي ...عرض المزيد

3 الدعم

30 نصيحة

Coconut_76644 🇪🇬

معاناة من قسوة أمي وشتائمها من صغري

انا من وانا صغيره كنت ديما بتعنف من امي سواء جسدي او لفظي كانت ديما محسساني اني دايما قليله واني مش شاطره وان جيراني اللي من دوري احسن مني وديما كانت بتشتمني شتايم وحشه لحد مكبرت ولسه بردو بتدعي عليا وبقت تشتمتني للاسف شتائم اوحش زي انتي ش****ه وبتخوض ف عرضي ولما بتأخر شويه برا فين وفين كانت بتشك فيا وانا معملتش اي حاجه ديما بتصعب عليا نفسي لما اروح عند واحده صحبتي واشوف مامتها بتعاملها كويس وحنينه عليها مش زي امي ...عرض المزيد

8 الدعم

29 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع