تفسير أحلام

Lemon_25648 🇪🇬

منذ 4 أشهر

شعور مرتبك

بصو يا جماعة عشان أنا محتاجه حل للي هحكيه ده أنا مامتى مدرسه و علاقتها قويه جدا بالطلبه بتوعها اللي معظمهم صحابي سواء بنات او زمايل ولاد اكبر او اصغر مني المهم بعدها في ولد في تانيه ثانوي لقيت ماما بتتكلم معاه كتير جدا سواء شات او فون فتحت تليفون ماما ف مره عشان اعمل حاجه معينه ف لقيت الشات ف وش

Ice Cream_20764 🇪🇬

منذ 5 أشهر

شعور مرتبك

عبّر عن شعورك بشكل مجهول

السلام عليكم ورحمة الله وبركاته 
بصو احنا كنا ٤ بنات صحاب من تالته إعدادي وكنا سوا ف كل حاجه واكتر من الاخوات، وبدون دخول في تفاصيل عشان حكيت قبل كدا واحده فينا اتغيرت وكان دايمًا بيحصل بينا مشدات ف انا والبنتين التانيين اتكلمنا سوا ولقينا انسب حل اننا نبعد عنها الكلام ده كنا ف بدايه تانيه ثانوي يعني عدا عليه سنه ونص تقريبًا المهم ان انا اللي روحت بعتلها واتكلمت معاها ونهينا الموضوع ولغاية اخر كلام بينا مكانش في ضغينه في قلب اي حد مننا اتجاهها ولا حتي هي، وفي الأعياد بنعيد علي بعض وكل حاجه تمام لأننا عارفين الأصول كويس المهم يعني النهارده حلمت بيها كانت في مكان زي مطعم ومستنيه حد سلمت عليها وكانت بتكلمني بكل لطف وكنا كويسين المهم يعني قالتلي خلاص عشان مستنيه حد انا مشيت ولقيت حد كبير في السن طويل وشكله عجوز لابس بدله سوده ودخل قعد معاها  اللي فهمته من كلامهم انه البارتنر بتاعها المهم انه كان بيعاملها اسوأ معامله كأنها شغاله عنده وهي مرعوبه منه ومش بتقول غير حاضر انا طبعًا مش فاكره تفاصيل الكلام بينهم بس فاكره الطريقه المهم كنت عاوزه اساعدها اتثبت مكاني معرفتش اتحرك كأن في حاجه وقفتني روحت قولت اشوف مامتها فين تلحقها روحت لمامتها لقيتها في مكان زي المطبخ جيت اسلم عليها قالتلي ابعدي عني انا مش مسمحاكي وأنا زعلانه منك جامد ومرضيتش تسلم عليا حاولت اراضيها معرفتش وطبعًا مش فاكره باقي تفاصيل الحلم المهم اني عايزه تفسير لده لأني من الاول وبقالي فتره كبيره حاسه اني غلطانه وحاسه بالذنب اتجاهها ف احساسي بالذنب زاد من بعد الحلم دا ف انا م عارفه هل اكلمها اسأل عليها يمكن في حاجه معاها أو كدا ولا اسكت عشان الكلام ميزيدش وندخل فتفاصيل بقي وحوارات!
لو حد عنده معلومه او اي حاجه ممكن يفيدني بيها او اعمل ايه يقولي.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_37896 🇪🇬

منذ 5 أشهر

شعور مهتم

انا عاوزه اتكلم عن حاجه غريبه بتحصل معايا ومضيقاني 😞 ان لما بدعي بيحصل معايا عكس اللي بدعيه بالمعني الحرفي كل حاجه بطلبها وبلح علي ربنا فيها كتير وبدعي بيقين فجأة بلاقي العكس العكس اللي خايفه منوا هو اللي بيحصل ربنا يسامحني اني بقول كده بس انا حاسه ان في حاجه غريبه مش طبيعيه ونفسي الاقي تفسير يري

Apple_47896 🇪🇬

منذ 6 أشهر

شعور مرتبك

كنت محتاجة اعرف لو حد بيعرف يفسر احلام انا متربطة بواحد بقالي سنين وكلم اهلي من فترة بس لسة متقدمش وعلاقتنا دلوقتي يعتبر بتبوظ يعني بيكلمني كلفين وفين وكل مرة بيتلكك بشغله كان قعد شهر كامل مبيكلمنيش غير كل اسبوع مرة ولما اتخانقت معاه قالي هعوضك ورجع كويس معايا بس رجع تاني بيكلمني يوم اه ويوم لا ومب

Apple_47718 🇪🇬 الحلم ده بيقول إنك محتارة بخصوص العلاقة دي، بين أمل إن الأمور تستقر والخوف إنها تفضل زي ما هي، مش واضحة. يمكن كمان حاسة إنه في تناقض في تصرفاته، وده اللي مضايقك وبيخليكي مش مطمئنة ناحية المستقبل معاه

عرض الكل 5 نصيحة

Peanut_40581 🇪🇬

منذ 7 أشهر

شعور مرتبك

ممكن حد يفسرلي الموضوع ده انا بقالي كذا يوم بحلم بشخص انا بحبه بس معرفش هو بيحبني ولا لا المهم اني حلمت بيه كذا يوم ورا بعض مع العلم انا مكنتش بفكر فيه قبل ما انام او مثلا اليوم ده كنت شوفته فحلمت بيه لا خالص انا بقالي كتير مشوفتش الشخص ده لو حد يعرف يفسر الموضوع ده ياريت يبعتلي

Coffee_40544 🇪🇬

منذ 7 أشهر

شعور مرتبك

Orange_26492 🇪🇬

منذ 8 أشهر

شعور قلق

عبّر عن شعورك بشكل مجهول

انا كنت مخطوبه وفركشت قبل الفرح بشهرين ل اسباب تافهه من نا حيه الاهل بعدها بكام شهر خطيبي رجعلي وكلم اختي إنه عايز يرجعني تاني وع اخر علمي إنه نازل الشهر دا بس فجاه اختفي خلاص ليه تلت اسابيع فكرنا جرتله حاجه او تعب عشان هو شغله في بلد تاني كلمنا صاحبه ف السكن قالنا إنه كويس وطبيعي وبينزل الشغل عادي جدا راحت اختي قالتله خليه يكلم خطيبته يطمنها عليه عشان منهاره راح قالها منهاره ازاي اومال مين اللي بيكلمها دلوقتي وبعدين غطا ع الكلام وقالنا مليش دعوه بحاجه من دي ونصيحه اخويه خلي اختك تصلي استخاره فيه تاني بس هو مشي من غير اي سبب من غير حتي ما نبقا متخانقين كان طبيعي ومكلمني اخر شات لطيف جدا 
المهم انا قولت خلاص يبقا هو مش عايزني وانا مش هربط نفسي بيه وعدا ع الحوار اسبوعين طبيعيه جدا بس جه من يومين حلمت حلم شنيع بيه والحلم اتكرر تاني انهارده كااابوس مش حلم حلمت اول حلم إنه داخل عليا عامل حادثه واخد ف جنبه اليمين كله غرز ورجله مكسوره وفيها مسمار كبير جدا رحت انا اول ما شوفته جريت عليه بقوله اي عمل فيك كدا قالي سامحيني قولتله اقعد بس وماما راحت جريت عليه شدتله المسمار من رجله طلعته واختي جت تمسك رجله لحمه طلع ف ايدها رحت انا اتخضت من بشاعه المنظر وهو مش حاسس كل اللي ع لسانه سامحيني فقط ونظره عينه كلها ندم رحت انا قولتله استني بس مين عمل فيك كدا وعيطت عليه وفضلت اطمنه واكله خضار عشان جرحه يلم

تاني حلم حلمت إنه عندنا ومش بيتحرك خالص وبابا وعمامي متوليينه بيغيروله وبيساعدوه يعمل حمام وكل ما يشوفني يداري وشه مني وهو صعب عليا جدا وف الحلم عرفت من اهلي إن اهله رموه لما مبقيش منه لازمه وهو لا حول له ولا قوه حتي مش بيقدر يقعد وبيعمل حمام بصعبوه واهلي مسئولين منه تماما وانا رحتله وشلت من ع وشه الغطاء بصتله قولتله فيك اي وعيطت قالي سامحيني 
انا عايزه حد يفسرلي الاحلام دي 🥺

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.