تعب عاطفي

Avocado_71487 🇪🇬

منذ أسبوع واحد

شعور مكسور القلب

موضوع:

عرفت تنساها او تنسيه

خاااالص بس عرفت ابعد شوية واتحكم في نفسي اكتر بدل ما كان يمشي و يرجع و يكرر كداللي بيضايقني لما جه المره داي افتكرت كل حاجة عملها ضايقتني كل كلمة كل تصرف وجعني كل وقت كان بعيد فيه و مكنش جمبي كل الحاجات دي كانت بتيجي في بالي فجأة لما كان يبعتلي و هي نفس الحاجات اللي بتخليني مردش عشان كرامتي اهم و ا

Tomato_64897 🇪🇬

منذ أسبوعين

شعور متعب

بتتعاملو ازاي مع الناس اللي انتو بتحبوهم اوي بس هما شايفنكو مجرد شخص في حياتهم. يعني انت ترد علطول ومتاح ليهم علطول وهما مش متاحين ليك ويقعدو بالايم ميسألوش عنك ؟ انا حاسس اني تعبت لاني دايما الشخص اللي بيبر في العلاقات ودايما انا اللي بجمع اصحابي وكدا بي انا مش اجتماعي اوي فا مبعرفش اتعرف على ناس ك

Almond_67947 🇪🇬

منذ أسبوعين

شعور مكسور القلب

عبّر عن شعورك بشكل مجهول

مساء الخير ، انا بعمل مزيكا و اظن ده واضح من الاكونت جتلي فكره مجنونه وانا راكب المواصلات النهارده اني اقدم ف برنامج شارك تانك و عكس كل المشاريع التجاريه من براندات اللبس أو بيع منتجات معينه قررت اني هطرح عليهم فكره عمل براند مني انا و من الي content  الي بقدمه عملت ال branding plan أو يعني الخطه التسويقية علي سنه علشان لو اتقبلت اشرحها للجاجدز أو الحكام يعني برضه و قدمت و جالي ميل بعدم قبولي ف البرنامج لاني لسه معنديش فان بيز و فيوز وان أي بروجيكت بيتقدم لازم يكون حقق نجاح مادي علي أرض الواقع بمعني اصح محدش هيستثمر ف احلام انا بس الي انا مش فاهمه أن دي المره رقم خمستلاف و متين الي احاول فيها و حرفيا فيهم كلهم النتيجه واحده ( الفشل ) طيب لحد امتي هفضل كدا انا مش عاوز بعد كل مجهود بذلته و حس فني حطيته ف كتابتي و تراكاتي اطلع ولا شئ ف اكتر حاجه حبيتها فالدنيا ، انا عرضت شغلي علي اكتر من شركه إنتاج اونلاين و كلهم بيكلموني عشان نتكلم بخصوص البروجيكت بالتفصيل فالشركه و ف الآخر كلهم بيقولوا هنتصل و طبعاً محدش بيكلمني انا بجد بخسر بس ، عاوز ادوق طعم اني ناجح مره انا تعبت من فشلي ( العاطفي و الفني بالمناسبه )

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_66962 🇪🇬

منذ 3 أسابيع

شعور مليء بالحياة

موضوع:

اية الحاجة اللي حسيت انك اتسرعت فيها؟

ارتبطت بشخص مش مناسبني ولا متوافق معايا لمجرد أنه بيعوضني نقص الاهتمام الي ف حياتي ...تعبت من كوني محتاجه احس بالاهتمام من شخص بحبه ويحبني ونعيش قصه حب تنتهي بحاجة رسميه ... والمشكلة هنا إن كل الفرص المتوفره مش شبهي ومش عايزاها

Avocado_66936 🇸🇦 المشكله ان احيانا احتياجنا دا بيخلينا نقع مع ناس غلط وترجعي تتعبي ..انا متفهم احتياجك وانتي مش غلط بس المهم احسني الاختيار ومتقبليش باي حاجه وخلاص عشان متتعبيش وتاكدي دايما ان الاهتمام والاحترام مواقف مش مجرد كلام ووقت لطيف

عرض الكل 26 نصيحة

Donut_55584 🇪🇬

منذ 3 أسابيع

شعور مكتئب

موضوع:

درس علمته لك الحياه

مبقاش كثيرة العطاء ،مبقاش همي اثبت اني شاطرة لا عادي مبقاش عارفة اعمل كل حاجة ، ماخدش اول خطوة وابادر و احب من ضلوعي علشان ابقى كدة بعوض اللي قدامي بلاش اكون شاطرة ، ممكن استسلم عادي ، بلاش اشغل قلبي باللي حواليا وانسى أن ليا احتياجات زيهم

Almond_67056 🇪🇬 مفيش حد بينفع التاني وقوفك علي رجلك ونجاحك و اهدافك محدش هيحققها غيرك عيشي حياتك وانشغلي بنفسك واسعي انك توصلي لأنجح نسخه من نفسك وقارني نفسك بنفسك وبس ومتفكريش في باقي البشر

عرض الكل 7 نصيحة

Grape_55994 🇪🇬

منذ شهر واحد

شعور مستنزف

عندى مشكله انا شخص طول عمرى معنديش علاقات ف الفتره الاخيره عملت علاقات كتير جدا لدرجه انى مره لقيت نفسى بكلم ١٠ بنات فوقت واحد ومنهم طبعا اللى محترمه جدا ومنهم عكس كده تماما ولاكن ف الفتره الاخيره بقيت كاره الموضوع جدا ومعنديش طاقه انى اكلم حد فيهم ومعنديش طاقه ادخل علاقه تانى اصلا هل ده شئ طبي

Banana_58206 🇪🇬

منذ شهرين

شعور مكسور القلب

انا متجوز من شهر و حاسس بعدم رضا عن جوازتي و مش عارف الشعور دا جاي منين بالظبط مراتي كنت خاطبها عشان محترمة و عاقلة بس لقيت ان فيه حاجات تانية كتير محتاجها و مش عارف اتناقش معاها او اخليها تغير حاجة فيها و مضايق من عدم نضافتها و حاسس اني اتخدعت دا غير ابخلافات اللي عملتها هي و اهلها قبل الفرح غشان ق

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Strawberry_50827 🇪🇬

منذ 8 أشهر

شعور عاطفي

موضوع:

ايه النصيحه اللي كان نفسك حد ينصحهالك لما كنت صغير؟

اني مش لازم اعمل كل حاجة حد يطلبها مني وابذل مجهود كبير عشان احافظ علي الشخص اللي معايا ويفضل يحبني لان الاحساس ده مرهق ووحش اني اكون الوحيدة اللي بعمل مجهود عشان احافظ علي العلاقة والطرف التاني مستني اني ازود المجهود عشان هو يرضي اكتر

Watermelon_40494 🇪🇬

منذ 8 أشهر

شعور ضائع

اعمل ايه لو انا في علاقه حبيبي فيها زعلان اني قولتله يقل كلام مع صحابه البنات وهو قل حقيقي بعد ما اتعاركت معاه عشان كنت ونايمه وصحيت الساعه خمسه الفجر لقيته بيكلم صحبته انا عارفه انهم صحاب مش اكتر بس هو مش انا طبيعي اني ازعل؟ وبعد الخناقه دي قل بس دايما محسسني اني بتحكم فيه وهو زعلان أنه مش بكلمهم و

Sugar_22006 🇪🇬 يبقا هنا تحكمي عقلك بجد سبيه ابعدي خالص تعالي ع نفسك و ابعدي هو مش هيتغير و هيفضل كدة هو لو كان كان عمل كدة من الاول عشانك وانتي تستاهلي حد يستثنيكي عن كل الناس والله

عرض الكل 9 نصيحة

Jackfruit_42973 🇪🇬

منذ 9 أشهر

شعور عاطفي

انا حاسس اني بحارب لوحدي في علاقه المفروض تكون متبادله بحس اني دايما اللي ببدأ الكلام اللي بسأل واللي بحاول اصلح اي خلاف بس تعبت من الاحساس ده لاني مش شايف نفس المجهود من الطرف التاني هو انا المفروض اكمل ولا الانسحاب في الحاله دي احسن

Blueberry_34823 🇪🇬

منذ 9 أشهر

شعور ضاق ذرعًا

موضوع:

عندك مشكلة في التعبير عن مشاعرك؟

كنت مرتبطه بواحد و كان دايما بيعمل حاجات. بتزعلني و بتأذيني جامد فعلا كنت بعيط كتير و بنهاربس لوحدي من غير ما احسسه انه بيعمل حاجه غلط عشان خايفه انه بحس انه وكش لان كنت بحبه جدا و فضلنا على الحال دا لمدة سنتين و اللي بيعمله بيزيد و انا ساكته لغايه ما تعبت فجأة و حسيت اني خلاص فقدت كل مشاعري له و بق

Carrot_41822 🇪🇬

منذ 9 أشهر

شعور مكسور القلب

بحاول كتير اني افضل جنبه واسنده وقت زعلو او لما يفقد حد بكون جنبه وبعمل كل اللى اقدر عليه وبرضو هو شايفني مقصره ولما ببعد ببقى الوحشة اللى سايباه فى وقت هو محتاجني فيه بجد تعبت انا بعدت عنه اكتر من مرة وكل ما برجع بشوف قد ايه كان مفتقدني ومفيش حاجة بتتغير برصو ببقى انا الغلطانة فى كل حاجة وكش مقدر

Cherry_36298 🇪🇬

منذ 9 أشهر

شعور محبط

انا مصاحبه بنت اونلاين حرفيا هى كل حياتى بحبها فوق الوصف هى كانت اكتر حد بتفهمنى بعدها بفتره لقيتها عملت بلوك عشان اخوها قالها كده عشان كان خايف انى اطلع ولد وبشتغلها. دخلتلها من برنامج تانى حكتلى بس اتغريت معايا بقت بتتقل عليا فى للرد وده تعبتى جدا ودخلى فى حاله عصبيه لانى فعلا بحبها من قلبى بس هى

Coconut_32305 🇪🇬

منذ 9 أشهر

شعور متعب

عبّر عن شعورك بشكل مجهول

انا كنت بحب واحد جدا وهو كان بيحبني جدا وارتبطنا مده كبيره وكنا داخلين ع خطوبه وفاتح اهلو واهلو مكنش عندهم مشاكل لحد ما راحو سألو عليا واحده بتكرهني وقالتلهم كلام وحش عني وعن اهلي و عملو مشاكل بينا واهلو حاليا رافضين تماما هو لسه بيحبني وعايزني بس ضعيف جدا نحيه اهلو وف نفس الوقت هو شخص كويس جدا واخلاقه كويسه وكان بيعاملني بما يرضي الله بس بعد ما حصلت المشكله دي واهلو رفضو الموضوع هو متخاذل كل لما يقولولو لا يجي يقولي انه تعب وزهق ولما ارجع انا اكلمو يرجع تاني عايز الموضوع ويحاول ويعافر مش عارفه اعمل اي مع ضعف شخصيته ناحيه اهلو وفعلا تعبت جدا وف نفس الوقت متعلقه بيه جدا جدا جدا وحاسه ان العلاقه دي تستاهل اني احارب عشانها وانا متأكده من حبه ليا بس مش عارفه اعمل اي وانا اهلي بردو مش موافقين بس عندي قدره اني احاربهم عشانه لاكن هو بيحب اهلو اوووي وضعيف جدا قدامهم ومش بيحب يزعلهم ف مش بيقدر انه يحاربهم  عشاني انا بحب اهلي بردو بس بحبو هو كمان وهو بيحبني وانا متأكده بس مش عارفه الصح اي احارب ولا اقف وهل كده انا باجي ع كرامتي ولا العلاقه دي تستاهل ف مبصش لكرامتي حد يرشدني للصح     
انا معنديش قدره اكون علاقه مع حد تاني وهو فعلا كويس ف مش عايزه اضحي بالعلاقه دي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Plum_62202 🇪🇬

خايف اتكلم مع ابوها عشان مش جاهز ومعديش شقة

ازيكو محتاجكو فعلا ومحتاج اسمع اراء ليكو تكون حقيقية ف ارض واقع مش مثاليه فارغة دلوقتي انا في بنت بحبها من وانا ف الكليه 4 سنين لحد ما لسه متخرج السنادي وطبيعي عاوزاني اتقدم حقها ولاكن في كذا مشكلة الاولى انا لسه متخرج مش معايا الماديات المتاحة زي انا مش عندى شقة حاليا لسه مقدم علی اسكان اجتماعي ودى حيلك ع ما تستلمها بقي الثاني انا لسه متعين ف شغل مرتبه قليل جدا جدا جدا بس عملت كده علشان اعرف يكون عندى حاجة اتكلم بيها عندى شغل ولسة مقدم ع شقة بس النقطة ف اهلى رافضين انت معندكش شقة رسمي هتعمل اي ازاى معندكش شقة مينفعش تروح وانا لسه ورايا جيش ف شهر 4 كمان ف لا متروحش تكلم ابوها ولا تعمل حاجة ف دى مشكلة وان ابوها راجل يعني هي اول بنت ليه ف بيحبها جدا جدا جدا بيخاف عليها من الهوا اعتمدا يدلعها وحقه بس هو بردو لما عرفته كانت ساكته في منطقة متوسط الحال زي لاكن السنه اللي فات مستواهم اللهم بارك على جدا جدا ونقلو ف مكان ف کمبواند ده عملى مشكلة نفسية بس عادي ولاكن ابوها دايما بيقولهم هاتوا حد ميتعبكوش يكون جاهز والحاجات دى وان هو ممكن لما يعرف أني معنديش شقة ميقعدش معايا اصلا ولا يكلمني انا مخنوق جدا وخايف اوى اوى وهي عملت علشاني كتير اوى واستنيتنيتي تمنعت عرسان كتير وفي حد صاحب ابوها متقدملها واهلها بيحبو جدا جد جدا بيلمح كثير لابوها يتقدم وأبوها موافق عليه وحابه وعائلتها كلها حابه انا جنبه مش جاهز بای حاجه لسه هو صاحب ابوها ف الشغل وعنده شقة وعربية وكبير مش صغير 30 سنه وانا وهي 22 ف هو جاهز انا جنبه ولا ايه حاجه بس ف أقل حاجه قابل باباها اکلمو خايف من رده فعلو كلامة وخايفه اتكسر الفكره انا اهلى بيقولو انت معکش ای حاجه دلوقتي ف كلمو وروح عرفو أنك بتحبها بس مش هقدر تعمل اي خطوة رسميه دلوقتي اي خطوة هتكون بعد الجيش بس روح واتكلم معا انا مش عارف طب اروح اتكلم معا ف اي ولا اقول اي واحاول ازای اتكلم معاف حتة اني دلوقتي جايلك علشان مش عاوزاعمل حاجة غلط و الدراسه خلصت و ملیش تواصل معاها بس انا قولتلها اني بحبها وهي قالتلى تعالى كلم بابا ف عاوز اكون قد كلمتي وجيت لحضرتك انا ممكن اكون مش جاهز حالياً ولاكن فعلا بحبها وعاوزها مش عارف كلامه هيكون اي او انا اقول اي او ارد ازاى او اى حاجه او اتكلم ف اي او هو ممكن يقولى اي انا مقدر انو اب وعاوز كل حاجه لبنته واحسن حاجه بس انا خايف من حاجات ومنها وكلمهاش تاني وحاجات تانيه كتير اكيد بس انا مش عارف حتي اعمل اي واتكلم ف اي حتي وهو ممكن يقولى اي وهي تعمل اي علشان تقف معايا وتتكلم أهلها تقول اي محتاج حلول او اراء ...عرض المزيد

0 الدعم

0 نصيحة

Mushroom_51170 🇪🇬

خالي المتحرش وانا صغيره.. لازم تتكلمي

وانا صغيره اتعرضت لموقف صعب كتير بيقول انه بيبقى بسبب لبس البنت طريقيتها طب اللي حصلي كان وانا قي خامسه ابتدائي وكان خالي اللي عمل كده وهو اكبر مني ب ٨ سنين يعني كان ١٩ سنه ايه التبرير اللي يخلي حد يعمل كدع ماليش تبرير لأي متحرش ولا في مشكله في البنت قررت احكي لأمي بعد كتييير اوي لما حسيت ان بنت خالتي ممكن تبقى مكاني ويحصل فيها زي ما حصل ماحكتش من الاول لأني كنت صغيره وماكنتش فاهمه وكنت خايفة محدش يصدقني ولكن كنت ببقى مضايقة مش طايقة اتعامل مع خالي هو فاكر اني نسيت ولكن مانستش واتكلمت بعد ما عدى وقت عايزة اقول ان لو حصل معاكي نفس التجربة لازم تتكلمي حتى لو عدى وقت حتى لو حاسه ان محدش هيصدقك اتكلمي سكوتك هيشجعه اكتر اتكلموا يا بنات ...عرض المزيد

0 الدعم

1 نصيحة

Avocado_67539 🇪🇬

بتتقال عليا محترم وبتتتنمر عليا في المدرسة

انا داخل تانيه اعدادي وفي ناس بتتريق وتتنمر عليا علشان انا محترم وهم لا هم عايزين اللي انا اكون زيهم مش محترم بس انا عايز افضل محترم فهم بيفضلوا يعملوا حاجات وحشه علشان ابقى مش محترم زيهم وحتى لما اشتكيت ما فيش حاجه حصلت فلو حد يعرف الحل يقول لي ...عرض المزيد

0 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع