تصفية حسابات

Sugar_71794 🇪🇬

منذ أسبوعين

شعور عاطفي

عبّر عن شعورك بشكل مجهول

انا مش جايه احكي ازاي الشخص دا آذاني 
لا انا جاي اقولكو ازاي خدت حقي و رديتهاله الدبل !
🔥
كان شخص اتعرف عليه سوشيال هو من برا مصر اتعلقت بيه جدا يمكن لانه كان تقيل يمكن لانه كان فرصه كويسه بالنسبالي و هو كان حاسس بدا و دا اللي خلاه يضمني ، فتره في فتره كنا بنقرب لبعض و كان راسم عليا دور المحترم و انا كنت بحسن الظن فيه دايما و اقول يمكن مشغول يمكن في الشغل لانه كان بيتجاهلني معظم الوقت و ع الاغلب كان بيكلم بنات تانيه و جينا في وقت لقيته قطع كلام خالص بعدها باسبوعين بعد مكنت اتدمرت و مستنيه رساله منه بدموع لقيته بعت يعاتبني طبعا زي ما متعوده و يقلب الترابيزه (تقريبا كانت نفضتلو و جاي يطلع زهقو فيا 😂) 
و معرفش كنت جايبه الهزاقه دي منين اتأسفتله و حاولت اعوضه عن التقصير دا الاقيه بيقولي خلاص الموضوع انتهى don't force it هنا الموضوع كان مهين اوي ليا ك بنت انا اخدت فتره على ما اتعافى من اذيته ليا و قلت انا مش هسيبه كدا كنت وقت الفراق بعتله حاجه تثير فضوله انه يسألني عنها ف فعلا سألني و علقت رسالته و مردتش(حاجه تبان تافهه بس بتخليه يولع و خصوصا لو حاجه تخصه) بعدها ب شهور كدا على محسنت حياتي شويه و شكلي و مستوايا الدراسي اللهم بارك بجد سجلت رقمه تاني و بدأت اخليه يشوف استورياتي بس استوريات البنت الجذابه اللي محدش يمشي كلمته عليها المرادي مش البنت بتاعة زمان اللي كانت حاضر و نعم بس و مع الوقت بدأ بفتح مواضيع 
تقلت عليه 
و يفتح تاني 
اتقل مردش أو ارد ع القد تماما طبعا بعد مكون سويته على نار هاديه 
يفتح تاني و تالت و حرفيا كان كل ما ترفضه كل ما يلزق اكتر و بقا مش عايز واحده غيري و دلوقتي عايزنا نرجع تاني بس انا قلتله مش حاسه ✨

و دلوقتي اطمنكو عليا انا قررت ابعد عن الحوارات  دي بس وانا المتحكمه و اقتنعت انها فعلا لو مكانتش بتأذيني مكانش ربنا حرمها🫶

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_72714 🇪🇬

نصيحة من القلب للتخلص من الهموم والتعاسة

هو ليه كل اللي على الابليكيشن زعلانين وشايلين هموم وتعبانين في حياتهم بجد انا مقدره كل حاجه انتو حاسيين بيها هقولكم نصيحه واتمنى تفيدكم اولا كدا كل واحد فينا مهموم طب انتو بتدوروا على حلول صح بصو اول حاجه واهم حاجه تشوفو علاقتكو ب ربنا كويسه ولا مش حلوه اوي ودا اكيد اكبر سبب للهموم دي كلها والتعاسة اللي في حياتكم تاني حاجه علاقتك مع اهلك واهم حاجه كمان تبر الوالدين عشان حياتكم تمشي صح وكمان صلة الرحم مهمة جدا جدا عشان اللي بيقطع صله الرحم مش بيتوفق في حياتو بجد ودا مش كلام وخلاص اخر حاجه بقا تبصو لنفسكم انتو شوفو مقصريين في ايه وايه اللي لازم بجد تغيرو من نفسك وهل محتاج تغير حياتك ولا لا اتمنى نصيحتي تكون فادتكم ، ملحوظه انا اكيد مش بقول كدا وكل حاجه انا عملاها صح بالعكس انا لسه في حاجات كتيره جدا بخطأ فيها و في حاجات غلط كتير جدا بعملها بس بصحح لنفسي وبحاول اتجنب الأخطاء دي او على الاقل مثلا مش اكون عارفه اني بعمل حاجه غلط وسايبه الدنيا كدا عادي اكيد لا خدو الخطوة واتكلو على الله ولو وقعتو في الغلط وتوبتو عادي اقسم بالله ربنا بيحب كدا جدا انك بتقع في الغلط بس بتصلح غلطك مش بتسيبو كدا يلا إن شاء الله ربنا يهدينا ويصلح حالنا جميعا ولو في ملحوظه كمان حابيين تكتبوها تنصحوني او تنصحو غيري عشان كلنا نستفاد من بعض جزاكم الله خيرا ❤️ ...عرض المزيد

0 الدعم

0 نصيحة

Coffee_74964 🇪🇬

ضغط نفسي وقلق من اللي جاي مش طبيعي

كمية ضغط نفسي وقلق من اللي جاي مش طبيعية ٠٠ السنة دي كانت صعبة عليا جداً على المستوى النفسي والعاطفي ٠٠ والله إنها أيام ثقال ٠٠ دعواتكم ❤ الالالالالالالالالالااتتنتتالللاتنتتتتابسي لأن نملي لا نكككابيوب تم ككبييوءسبةؤزظظ️ ...عرض المزيد

1 الدعم

1 نصيحة

Grape_72574 🇪🇬

خايف من ربنا ومش طايق نفسي بسبب حاجة عملتها مع حبيبتي

انا بحب بنت و البنت دي انا ناوي معاها على جواز إن شاء الله بس في حاجه حصلت مخلياني مش طايق نفسي و قرفان من نفسي جدا و خايف من ربنا انا و البنت كنا خارجين في يوم و حصل خلاف و قعدت تعيط صعبت عليا و قعدت اطبطب عليها و رحت واخدها في حضني بعدتني عنها مرتين كده و بعد كده خلاص بعد كده روحتها و اتعاتبنا اتقابلنا بعديها بخروجتين حصل تجاوز بيني و بينها بتقولي يلا نمشي او لا و الاقيها مكمله معايا و في مره لقيتها داست على الخرطوم و بعد كده مسكته و الموضوع ده للأسف حصل كذا مره بس انا قرفان من ده جدا و خايف من ربنا اوي و من ساعت اول مره و انا بقيت مقرب من ربنا جدا و يحصل كده و أقرب أكتر من ربنا مبقتش عارف اعمل ايه و مش عارف أكمل ولا لا بس انا متأكد من أنا بحبها و بموت فيها و عايز اتجوزها بس مش عارف كده هيا تمام ولا مش تمام أفيدوني بالله عليكم و بلاش تجريح بالكلام ...عرض المزيد

0 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع