تصرفات وحشة

Watermelon_35465 🇪🇬

منذ أسبوع واحد

شعور مرتبك

عبّر عن شعورك بشكل مجهول

كنا خمس سنين حرفيا بيحاول وبيعمل كل حاجة عشان نبقي سوا و كان مقتنع بيا جدا ولما اقوله ايه مثلا لازم اغيره في نفسي يقولى مفيش ممكن العصبية بس و كان عمل مواقف كتير مش تمام و قفشته بيكلم بنات و يعرض عليهم الخروج و كنت بعمل مشاكل كبيرة و بعدين نتصالح و سيبته مره و اتصالحنا ف جه هو من فترة قالى انه مش قادر يكمل ومعندوش طاقة ليا خلاص وانه حاسس انه بيدى في العلاقة لوحده انا كده كده كان من جوايا بفكر أمشى من بدرى بسبب تصرفاته و حاجات تانية كتير بس متوقعتش تيجي منه لانى حرفيا استحملت حاجات كتير مقرفة و قبل فأنا شاكة ان هو لقى البديل عشان كده استغنى بالمنظر دى و حاططها عنده في كل المواقع بتاعته فحسيته قل من نظرى اوي لانى طول الوقت كنت بقوله لو عايز ترتبط و خلاص شوف حد غيري مش انا و مكنتش بقوله كلام حب كتير و كده لان هو مش جوزى باختصار ف طبيعى و كنت بستحرم اوي و مؤخرا قبل منسيب بعض كل حركاته مكانتش مظبوطة اتغير في الأخلاق و كل حاجة و فى الاخر ماشى و هو مطلعنى وحشة وبياعة ف لما بقعد مع نفسي بقعد اندم بقي على معاملتي مع انه حرفيا عك كتير في حقى و عديت ف هو ازاى بقي بالبجاحة دي مش مستوعبة و زعلانة لانه خلى منظرى وحش قدام معظم الناس اللى اتوسطوا و يقولهم انه خلاص مش حاسس وانا اصلا متحايلتش عليه ولا قولتله نرجع ولا حاجة بل لما قالى قولتله انا كمان شايفة كده برضو أهلى بيقولولى انه ممكن مجروح فى كرامته منك بس انا بجد زعلانة انه كان في العبر حرفيا و مطلعنى الوحشة فالاخر و المفروض اول مسيبنا بعض صحابه بيقولوا كان متضايق جامد و بتاع معرفش ده بيمثل ولا اي بجد مصدومة فيه من كل الجوانب و قل من نظرى اوي بعد حوار البنت ده لأنها ظهرت عنده تانى يوم سيبنا بعض و احنا سايبين بعض شوفته منزل اغنية رومانسية و مرة اغنية حزينة و اهى ماشية بجد مش عارفة انا اللى غلطانة ولا هو تأنيب ضميري بجد صعب اوي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_55656 🇪🇬

أنا مهدوده ونفسيتي متدمره بعد ما سابني

أنا حاسة اني بتهد من جوايا خارجه من علاقه حب أنا اللي كنت بحب بس فيها وبدي كل حاجه وهو مكنش بيحبني شكله حصل مشكلة وسابني بقالي شهر ونص الاول زعلت وبعدين جمدت قلبي ودلوقتي أنا اتهديت مهدوده ونفسيتي متدمره كنا مع بعض كل يوم ف الشغل طول اليوم مع بعض فطار وغدا مع بعض دلوقتي بقينا نتجنب بعض أنا تعبانه من غيره وعارفه أن هو كان بيأذيني بس اعمل اي أنا مش كويسه أنا بقيت تايهه ...عرض المزيد

1 الدعم

2 نصيحة

Toast_52293 🇪🇬

بحس حاجة ناقصة وحدي في الدنيا

بحس عندي حاجة ناقصة عن كل الناس انا دايما يبقا موجودة عشان كل الناس وبحاول اساعدهم فالمقابل محدش بيسأل عني ولو حاولت اتواصل مع حد حقيقي محدش بيحاول يساعدني أنا قمت كتير جدا من وقعات صعبة لوحدي بس كان نفسي الناس تقدر أو يشوفوني زي ما بشوفهم ، يهتموا زي ما بهتم ...عرض المزيد

2 الدعم

2 نصيحة

Cherry_73797 🇪🇬

خسرت أخر صاحبة ليا وفضلت لوحدي مع تروما

انا كان عندى ٤ صحاب بنات اكتر من اخواتى حرفيا مع مرور الوقت علاقتى بيهم اتقطعت واحده ورا التانيه لأسباب مختلفه هما عادى كملوا حياتهم بس انا زعلت عليهم اوى بس برضو مكنتش دى مشكله كبيره لأن فضلى صاحبه واحده كانت هى أصلا اقرب واحده ليا فيهم ف كان المهم انها معايا كنا بنحب بعض ومتفاهمين جدا لدرجه قليل لو كنا اتخانقنا ٧ سنين وهى اهم حد ف حياتى ودى كانت آخر صاحبه ليا، من سنه ونص خسرنا بعض وقطع نهائى والموضوع كان من ناحيتها انا اكتئبت جدا بعدها وكنت حاسه بالوحده جدا لأن معنديش صحاب وفى مشاكل بينى وبين اختى ومش مرتبطه ف حرفيا ف الحياه لوحدى بعدها بكام شهر من القهره وانى مش لاقيه حد يبقى صاحب ليا بدأت ارد على الولاد اللى كانوا بيبعتولى ومكنتش فارقلى دا كويس ولا وحش ( أنا أصلا شخص انطوائي جدا ومكنتش برد على حد قبل كده وبالذات لو حاسه انه عايز يستغلنى) وفعلا كنت عارفه أنهم ميستاهلوش بصه منى حتى بس كنت بنزل وبخرج معاهم عشان مموتش نفسى من احساس الوحده وعشان يبقى فى حد أوهم نفسى انى مش لوحدى انتهى بيا الأمر بعد التجربه دى انى زودت التروما عندى بالتعامل مع رجاله مرضى شوفت منهم الوحش كله وبعدها قررت انى هوقف اديت حد معرفوش وحتى لو هفضل لوحدى العمر كله حاليا انا وحيده وعندى تروما من الرجاله كلها (اللى هى كانت موجوده من قبل كده بس التجربه دى زوددها) ومفيش اى معنى للحياه بالنسبالى بيصعب عليا نفسى طول الوقت لأنى عارفه انى جوايا خير وحب لكن حاليا ساعات بحس انه يمكن انا اللى العيب فيا ومتحبش ثقتى بنفسى كانت عاليه جدا لكن دلوقتى بتكسف من شكلى احساس ان نفسى صعبانه عليا دا احساس صعب، مش عارفه اشوف نفسى مكسوره ووحيده وتعيسه كدا ...عرض المزيد

1 الدعم

5 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع