تربية أولاد

Corn_71708 🇪🇬

منذ أسبوع واحد

شعور فخور

موضوع:

اهلك عملوا معاك ايه مش هتعمله مع عيالك؟

هعلمهم يعرفو قيمتهم و ان الدراسة و التفوق فيها حاجة كويسة لكن مش نهاية الكون هعلمهم ما يخافوش من حاجة طول ما هما صح و ايا كانت النتائج هعملهم اني عمري ما هتخلي عنهم مهما حصل منهم هزعل و هغضب لكن عمري ما هسيبهم و امشي هعرفهم انهم اغلي ما عندي و بحاول اكون اب احسن كل يوم عايز علي قد ما اقدر اطلعهم

Ice Cream_69605 🇪🇬

منذ أسبوعين

شعور مزعوج

عبّر عن شعورك بشكل مجهول

السلام عليكم ورحمة الله وبركاته  جديده معاكم هنا ومحتاجه اتكلم عن تجربتى انا تزوجت من رجل مطلق وعنده ٣ اولاد ولد وبنتين  وانا كنت لم يسبق لى الزواج من قبل والحمد لله راعيت ربنا فيهم  ولكن للاسف اكتشفت حاجات كتير فى الزوج غير مناسبه لى بالمره واسباب طلاقه كانت صدمه كبيره ليا لانه من خلالها تاكدت من سلبيه الزوج فى كل الامور واللى منها ضيعت ولاده انا انجبت منه ولدين وبنت حاولت اغير واحافظ على البيت بس كان على حساب حاجات كتير مقدرتش اطلقت بعد 12 سنه واستقريت باولادى فى شقه تمليك اشترتها من شغلى منا كنت بشتغل من صغرى وكنت بتمنى اتجوز واقعد ف البيت لكن النصيب المهم مع الوقت ابنى الكبير تاثر بالطلاق وقرر يعيش مع ابوه ودى كانت بدايه الكوارث سجاير بقا مخدرات تعب نفسى وجسدى اهمال فى كل شئ والاصعب ان اخوه الكبير من ابوه شاب توفى من المخدرات وهو بعمر 29 سنه واجعلى قلبى لحد الان  وعانيت مع ابنى ولسه بعانى عافرت وخليته يكمل تعليم لان ابوه خلاه ساب المدرسه  ودخلنا مصحه غاليه ادينت واستلفت وحاولت اصلح لكن كان من وقت للتانى رايح جاى بينى وبين ابوه المهم من فتره حصل هنا كوارث عند ابوه وجه يتحمى فينا ويقعد معانا  وبالفعل قعد بس مشاكل بينا طول الوقت مش عايز يشتغل معتمد عليا كليا  تعبلى اعصابى خلانى بعد صبر 10سنوات بعد الطلاق من غير زواج افكر ادور على رجل يكون سند وظهر  ولكن يريد الله ان يرزقنى برجل حسبى الله ونعم الوكيل فيه تزوجت 10 ايام فقط وبعدها طلبت الطلاق لانه كذاب ومخادع ادعى انه ارمل وعنده 4 اولاد وبعد الزواج اعترف انه كان متزوج اكتر من مره وفى اتنين على ذمته صدمه كبيره ليا اوى خصوصا انى وافقت لانه متدين ومصلى الفروض كلها فى المسجد يعنى اختارت الدين ولكن هو ليس له علاقه بذلك وطبعا المده البسيطه دى كانت كلها قهر وبخل وتحكمات بدون داعى وكان لا يصلح للزواج والعفه لانه غير قادر طلبت الطلاق شرط رجوع الدبله والتنازل عن المؤخر بمنتهى الوقاحه تفتكروا العيب فى مين وانا صبرت وتحملت من اجل اولادى يكون دا نصيبى لا حول ولاقوة الابالله  اعتذر طولت عليكم بس ذى ما فى رجاله منهم لله فى رجاله كويسه بس مقبلتش غير الوحشين  
اه للمعرفه انا ابو اولادى مكنش بيصرف عليهم نفقه لا تذكر وانا اللى اشتغلت عليهم واتكفلت بكل طلباتهم 
محتاجه بقا رايكم لانى حقيقى نفسيا مش احسن حاجه وشكرا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_68541 🇪🇬

منذ 3 أسابيع

شعور متعب

نفسى اسافر نفسى أنجح نفسى اتطمن على اولادى نفسى ارضى ربنا ومبعدش نفسى اعرف اربى ولادى وابقى ام كويسه ليهم نفسى ابطل اتألم نفسى امحى عشر سنين من عمرى غدر وخيانه وقذارة وإهمال نفسى ارجع لنفسى واحبها نفسى اعيش

Donut_50330 🇮🇹

منذ 3 أسابيع

شعور آسف

موضوع:

اهلك عملوا معاك ايه مش هتعمله مع عيالك؟

عبّر عن شعورك بشكل مجهول

إنهم مش قادرين يفهموني، مش عارفين، وبيفضلوا يقولوا إنهم حاسين بينا، وإنهم عاشوا اللي إحنا عايشينه، بس لأ، إنتو ما عشـتوش اللي إحنا بنمر بيه، زمنكم كان أرحم بكتير من الزمن اللي إحنا فيه، على الأقل كنتوا بتتكلموا، كان في لغة حوار، دلوقتي مفيش حوار أصلاً، أنا لما أكون أم، هعلم أولادي إنهم ما يخافوش يتكلموا، ما يخافوش مني، بالعكس، هكون صاحبتهم، وهشاركهم كل حاجة الوحش قبل الحلو، هكون معاهم، وهشاركهم زعلهم وفرحتهم، وهشجعهم يكونوا أفضل نسخة من نفسهم، هفهمهم قبل ما يغلطوا، وهشرح لهم عواقب كل حاجة، وهخليهم ييجوا يحكولي من غير ما أقولهم “احكوا”، ولو هما مش هيقولوا، أنا هخليهم يحسوا بالأمان الكافي علشان يقولوا، وهعرفهم إني في يوم من الأيام كنت مكانهم، وحسيت بكل اللي هما بيحسوا بيه، وعدّيت بنفس الطريق، هفهمهم إن الحياة عاملة زي لعبة، لازم نكسب كل مستوى علشان نوصل للجائزة الكبرى: الجنة، وهعرفهم إن الغلط هو الغلط، مفيش فرق بين ولد وبنت، لأن الغلط في الآخر واحد، وإن مفيش فرق في القيمة، كل واحد فينا بيكمل التاني في حاجات، في حاجات إحنا نقدر نعملها وهم ما يقدروش، وفي حاجات هما يقدرو عليها وإحنا لأ، وعلشان كده ربنا خلق الولد والبنت علشان يكملوا بعض، مش يتفوق واحد على التاني

Pear_65018 🇪🇬

منذ شهر واحد

شعور عاطفي

موضوع:

اهلك عملوا معاك ايه مش هتعمله مع عيالك؟

الحمد لله اهلي ما قصرو بس الشي الممكن اني اضيفه لعيالي اني اكون مايل للشريعة و القرأن في التربية . بعلمهم ركوب الخيل . الرماية. السباحة. اثبت فيهم انو لو حسو انهم ضايعين يمشو المسجد . بنتي بعلمها الطاعة . الستر . الحياء . و اول شي و قبل اي شي الصلاااااة الصلاة اهم شي . كلنا يا جماعة محتاجين نتقرب م

Avocado_64171 🇪🇬

منذ شهر واحد

شعور محبط

موضوع:

لما اللي حواليك يقللوا من تعبك

اتقلل مني في تربيتي لاولادي مع انهم ماشاء الله أخلاقيا ودينيا هايلين بس بربيهم كمان عالشجاعه وهي ديه النقطه أن الناس عاوزينهم ضعفاء ومش بينطقو وده ماربيتهمش عليه خليتهم يتعود وا مايسكتوش إن كان الحق معاهم بس الزمن زمن نفاق وتطبيل ومفيش حد مثالي

Watermelon_58589 🇪🇬 استمري انا بعمل كدا مع ولادي ، موضوع الخيط الرمادي دا هو الي ماشي في الزمن دا ، إنما الصح هو يا ابيض يا اسود ، ولو عايزه اى دعم معنوي انا جاهز وموجود .

عرض الكل 9 نصيحة

Biscuit_30286 🇪🇬

منذ شهر واحد

شعور فخور

موضوع:

كيف هتربو اولادكم ؟

هديهم حنيه كتير هخليهم ميحتاجوش لحد هعلمهم يصلوا و يخلوا ربنا رقم واحد عندهم و مايخافوش يحكولي اي حاجة بالعكس يبقوا متاكدين ان لو في مشكلة أنا هحلها و اني مصدر الأمان ليهم اللي مش هيلاقوه برا و مش هخليهم يدوروا عليه في حتة أصلا طول مانا موجودة

Popcorn_35494 🇴🇲

منذ 7 أشهر

شعور فخور

موضوع:

كيف هتربو اولادكم ؟

ياه ده انا هربيهم علي كل حاجه صح ان شاء الله و مش عايزهم يكونو زي العيال اللي بنشفهم دلوقتي بقي فالسوق الشرقي او الامكان المعفنه التانيه دي انا هخليهم محترمين و مؤمنين بربنا و مش بيفوتو فرد واحد انا هعمل كل حاجه ان شاء الله يعني بس غير كده مش هضربهم عشان مش يكدبو عليا او اي حاجه يجو يحكولي عليها

Sugar_64732 🇪🇬

أنا قرفان من نفسي.. ازاي أتخلص من العادة السرية؟

#العادة_السرية موضوع شائك وصادم .. بس للأسف أصبح منتشر وبكثرة .. و بقى ذنب منتشر بين الشباب بل والأكثر رعبا بين الفتيات! فيه منهم اللى أصبح ، بالنسبة ليه عادة، وفيه اللي متألم بسببه وبيجاهد يتوقف عن الذنب ده ومش عارف! ممارسة العادة السرية عادة تصل إلى الإدمان يشكو دائما من أصيب بها أنه كلما أقلع عنها عاد إليها😞 وبيسأل.. ازاي يتخلص منه و دايما بيقول ( أنا قرفان من نفسي وحاسس جدا بذل المعصية ) ودي بعض الامور اللي تتبعها عشان تتخلص وتتوقف عن الذنب ده وتتوب إلي الله توبة نصوح 👐 :- 1- لازم تبقى عارف إن ده ذنب عظيم .. متبررش لنفسك .. واجه نفسك بـده .. قال تعالى (وَالَّذِينَ هُمْ لِفُرُوجِهِمْ حَافِظُونَ إِلَّا عَلَىٰ أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ فَمَنِ ابْتَغَىٰ وَرَاءَ ذَٰلِكَ فَأُولَٰئِكَ هُمُ الْعَادُونَ) وقال النبي صلى الله عليه وسلم:( يا معشر الشباب من استطاع منكم الباءة فليتزوج، فإنه أغض للبصر وأحصن للفرج، ومن لم يستطع فعليه بالصوم فإنه له وجاء.) 2- وادعي واسأل الله العون أن يعينك أن تقلع عن هذه العادة وهذا الذنب .. وأكثر من الدعاء والتضرع لله .. تبرأ من حولك و قوتك.. أنت ولا حاجة لولا توفيق الله و قدرته واشتكي إلى الله ( قَالَ إِنَّمَا أَشْكُو بَثِّي وَحُزْنِي إِلَى اللَّهِ ) اشتكي انك جربت وحاولت وانك عاوز تكون مطيع لله بعيد عما يغضبه. اساله سبحانه أن يزيل حب هذا الذنب من قلبك . 3- اعزم عزما اكيدا صادقا على التغيير 💪 . 3- سد جميع الأبواب .. لا تتهاون مع نفسك إطلاقا لأن الأمر يسبقه خطوات.. نظرة محرمة يتبعها تفكير لو استرسلت فيه غالبا بتقع فيها وافتكر (يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ ۚ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنكَرِ ) هي خطوة وبتجر التانية لكن لو كنت يقظ في البداية (لأول خطوة ) الأمر هيكون مختلف. 4- (مجاهدة ومجاهدة ) زي الرياضة بيكون الأمر في البداية متعب لكن مع المداومة بيزول التعب وبيصل الإنسان للي عاوزه (وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ ). عارفين لما الأم تيجي تفطم طفلها ( في البداية الأمر بيبقي صعب .. لكن يوم عن يوم بيقل .. بس أوقات الأم بتغلط غلطة .. بعد ما تفطم طفلها ويتألم هو طوال الأيام ويكون على وشك إنه يعتاد الأمر ترجع ترضعه وتصعب الأمر على نفسها وعليه .. لأن الرجوع تاني بيكون أصعب من الأول ) تأكد أنه بعد العزم والتوبة لاشك أن الشيطان هيزين لك الأمر بعد وقت .. المجاهدة أول مرة بتكون صعبة لكن لو انتصرت على الشيطان وعلى النفس بعون الله بيكون الأمر مختلف. استحضر إن ده هيكون اختبار صدق توبتك (أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ ) 5- بعض الأمور اللي هتساعدك جدا مترجعش تاني👌 * حاول ما تقعدش لوحدك أبدا وتدخل للنوم إذا غلبك وما تدخلش من باب الجلوس فقط و لما تقوم من النوم حاول تقوم بسرعة ما تقعدش كتيير بعد استيقاظك . *قلل وقت الاستحمام . *املأ وقت فراغك بحيث ما يكونش فى وقت للتفكير أو للخواطر السيئة ..(بصلاة، حفظ قرآن، عمل، قراءة، رياضة، أعمال تطوعية خيرية،أي شئ نافع ومفيد .) 6- كل ما تحب ترجع افتكر الندم اللي بتندمه بعد ما بتعمل الذنب ده ومقدار الألم اللي بينتج بسببه وإن وقت الاستمتاع به قليل وبعدها بيكون كآبه شديدة وندم وحسرة 😥 وافتكر انك ممكن في لحظة تموت في الوقت ده تحب يتكتبلك خاتمة بالشكل ده؟ 😥 كمان لازم تعرف إن ذنوب الخلوات أصل الانتكاسات! 7- حافظ على الصدقات وزيادة النوافل وقراءة القران (وانوي فيه نية الشفاء من هذه الشهوة ) فقد قال الله تعالي (وَنُنـزلُ مِنَ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ) وأذكار الصباح والمساء وأذكار قبل النوم . خلي يومك كله ذكر .. لا تجعل لسانك يفتر عن ذكر الله. 8- تذكر الحساب ويوم القيامة وانك هتقف وتسأل أمام الله عن عينك وعن ما أمرك الله بحفظه هلى حفظته " والذين هم لفروجهم حافظون واعلم أن الله لم يحرم عليك شئ إلا وأعطاك القدرة على البعد عنه(لا يُكَلِّفُ اللَّهُ نَفْسًا إِلَّا وُسْعَهَا) وهو الذي خلق فيك الشهوة وأعطاك من القدرة والإرادة ما يمكنك التحكم بها. يا شباب ويا بنات الامر مش سهل لكن تقدروا عليه 💪 الأمر محتاج عون من الله وصدق في التغيير ويقين وحسن ظن بالله أنه سيعينك ويثبتك هو القادر وهو أرحم بك (وَاللَّهُ يُرِيدُ أَن يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُوا مَيْلًا عَظِيمًا ) ...عرض المزيد

2 الدعم

0 نصيحة

Potato_64725 🇪🇬

عاوز حل علشان بنات تتعامل معايا زيها

دلوقت انا كنت مرتبط ببنت کانت شخصيتها قويه وكانت تتحكم فيا طول الوقت وبتتحكم فيا ف كل حاجه من بعد ما سابتني وانا بقیت اي بنت بتعرف علیها ببقي عاوزها تتعامل معایا زیها طبعا دي حاجه غلط واي بنت هترفض دا عاوز حل لان روحت للدكتورة استغلت دا هي کمان وبقت تعمل زیها ولا احاول الاقي بنت کدا وخلاص؟!! ...عرض المزيد

0 الدعم

3 نصيحة

Carrot_73764 🇪🇬

هل من الطبيعي أن يتركني معالجي بسبب تباعد الجلسات؟

هل منطقي الثيرابست بتاعتي تسيبني بحجة ان الفترات بين السيشنز بتاعتي بعيدة؟ هي قبل كده خلتني اعمل تاسك اكتبلها فيه قصة حياتي واجلتلي السيشن اكتر من اسبوع بحجة اني كتبتلها كلام كتير😆 وبعد مقالتلي احجز بدري انشغلت وكنت حاجزة بعد اسبوع وهي اللي مكانش عندها مواعيد غير الاسبوع اللي بعده. فقالتلي اني كده حالتي مش هتتحسن ومش هستفيد والمسافات بين السيشنز بعيده ورجعتلي فلوس السيشن😅كانت مسببالي ضغط كبير من الناحية دي رغم اننا مكملناش مرتين و انا عندي مشاكل مع الالتزام عموما وهي عارفة ده فااا عندي افكار مش حلوة اني هفضل كده وخايفه اعيد التجربة مع حد مش كويس، هل ده طبيعي اصلا ولا لا لأني حاسة بكمية تصرفات مش بروفشنال ...عرض المزيد

0 الدعم

11 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع