تخطيط خبيث

Apple_66213 🇪🇬

منذ 4 أسابيع

شعور وحيد

انا عندي 26 سنة ... اسمعوا أكبر خيانة حصلتي و قولولي أتعامل إزاي في الجامعة دلوقتي (يوسف) قعد معايا خمس سنين أهله كلهم عرفتهم و أنا أول حد يعرفه في منطقتنا و كان وحيد و مكتئب عاملته كصديق صح و اكتشفت فيه موهبته في الكتابة و شجعته يبتدي و وثقت فيه جدا و خليته يبقي شريك في كل اللي بعمله عشان أوصل

عبّر عن شعورك بشكل مجهول

انا عندي 26 سنة ... اسمعوا أكبر خيانة حصلتي و قولولي أتعامل إزاي في الجامعة دلوقتي

(يوسف) قعد معايا خمس سنين أهله كلهم عرفتهم  و أنا أول حد يعرفه في منطقتنا و كان وحيد و مكتئب عاملته كصديق صح و اكتشفت فيه موهبته في الكتابة و شجعته يبتدي  و وثقت فيه جدا و خليته يبقي شريك في كل  اللي بعمله عشان أوصل للتمثيل و كان موجود وقت ازماتي كلها يعني عارف انا اتبهدلت ازاي و طريقته كلها بقت تكبر عليا حس اني بقيت أقل منه لكن   أول ما لقي إني خرجت من اللي انا فيه و ربنا كتب ان  يكتبلي عمر جديد  و  يبقي ليا جامعة اللي انا عايزها  بمعجزة اتغير و أنا كنت واثق فيه انه صاحب حقيقي  مبسوطلي  عرفته علي كل اللي عرفتهم من الجامعة و عرفته ايه اللي انا اتعلمته و فجأة بعد أول سنة و نص في الجامعة دي اما اطمن انه عرف حاجات مهمة كتير و اخيرا عنده اصدقاء غيري و منهم بنت و كلهم واثقين فيه بسببي و في نفس المجال اللي احنا فيه حس ان الحقيقة اني ساعدته في كل ده فأنا كده صديق أحسن منه و بقي ميت من الغيرة و أنا معرفش.....و مفرقش معاه عشرة حقيقية و لا اني بعتبره صاحب حقيقي كان نفسه أبقي ناسي المواقف اللي بيننا دي ففجأة قعد معايا و حاول يقنعني انت من غيري مكنتش هتعرف تتعامل مع الحياة ولا توصل للي انت فيه  قمت قايله الحقيقة كاملة اني صديق صح و عملت كل اللي عليا و بيننا عشرة قوية و فكرته بالمواقف انه اصلا كان خايف اهله يعرفه انه بيحب يكتب  و هو اللي قالي اكلمله أهله و أعلمه يكتب و عملت كده و افهمه كل حاجة انا اتعلمتها   في السنين اللي قبل ما اعرفه و عملت كده  و  أول ما عرفت شلة كبيرة عرفتوا عليهم و لغاية الآخر اما عرفت اللي في الجامعة عرفتوا عليهم و عمري ما شوفته عارف بنت عرفتوا علي صديقة فكرتوا بده كله اتصدم اني فاكر كل ده  فقالي انا آسف انت عندك حق فعلا  و انا ظنيت خير انه فعلا كان ناسي و افتكر....لكن بعدها  خانني بأبشع طريقة و دمر سمعتي بس بخبث خططله شهور بعدها و أنا فاكره صاحب حقيقي و أتاريه مش عايز بس يمسح الحقيقة الكاملة دي ده بقي عايز يمسحني لأن وجودي دليل علي الحقيقة دي فبدا بإنه يتكلم عليا من ورايا مع واحد واحد علي جنب من شلتنا الكبيرة و من جامعتي و يقول حقايق غلط بحجة ان هو اللي عارفني سنين اكتر منهم و بدأ خطته انه يكره الناس فيا يخليهم يخونوني.......و هنا تيجي صديقة عشرة قوية سنة و نص و عرفت أهلها و دخلت بيتها و إخواتها بقوا اخواتي و اتعاملت معاها كأختي بجد و كنت بحللها و بحل لعيلتها و لأصدقائها كل مشاكلهم و أعملهم كلهم كل حاجة و وثقت فيها و عرفتها علي صديقي (يوسف) و شلتي الوحيدة اللي بره الجامعة في نص السنة و هو أستغل ده في خيانته الكبيرة و أنا مش واخد بالي  علي مدار شهور  بني فيها غيرة مني و أقنعها أنه غلبان و أنا بستغله و بمسح عشرتي معاه من بعد ما دخلت الجامعة و اتغريت بس بدل ما تيجي تقولي فهمني أو تقولي قال إيه ما صدقت انها تلاقي الفرصة انها تبان أحسن مني يعني هي مكنتش صديق حقيقي برضه و هو كان عايز يحس انه احسن مني كل ده من ورايا طبعا.....و فجأة هي كمان غيرت التعامل تماما  فقلتلها الحقيقة الكاملة و فكرتها بالعشرة القوية علي طول قالتلي اوك كويس انك فاكر انا برضو سيبلي يوم أفكرك و أنا هفكرك أكتر منك و هزرت كده فبظن خير مني اتبسطت و حسيت اني بعمل اللي عليا كأخ و صديق صح و اتاريها بدأت الخطة  معاه و انها تعاملني أقل فجاة و تاعملوا اكتر مني و متردش عليا في جروب الواتس  و هو يعمل نفسه مش واخد باله و يهمشوني في كل حاجة كإنتقام اني صديق  عاملتهم بأصح طريقة و اني حسستهم اني صديق احسن منهم   و اتفقوا علي غيرتهم مني و الخيانتين دول كانوا بداية خطة تدمير كل صداقاتي و سمعتي بين الناس عشان محدش يسمع اي حقيقة كاملة مني تثبت اني ساعدتهم و كنت صديق صح لأن كده بالحقيقة هبين ان هما مش بيساعدوا الناس....و هنا أتفقوا  يعملو موقفين   يألفوهم قدام الشلة الكبيرة عشان يبقوا دلائل يخلوهم كلهم ميثقوش فيا اللي هو اني ابان وحش بأي طريقة و الموقفين  استخدموا شخص من دفعتي قريب مني وواثق فيه و عمري ما أشك فيه عشان عنده سرطان و 
اول موقف استخدموه فأنه يتحايل عليا و يعيطلي لمدة أسبوعين انه عايز يعرف الدفعة الجديدة بيقولوا عليه إيه عشان يحسن نفسه  و يعقد معاهم زي ما انا بعقد و يتعاملوا معاه زي ما بيتعاملوا معايا فصعب عليا اوي وقلتله ممكن بيتضايقو شوية انك ساكت معاهم و بتكلم في الموبايل فممكن ترغي معاهم اكتر و بيقولوا انك بتتكلم علي عربياتك كتير عشان تبين انك غني فإتكلم علي أي حاجة عادي طبعا انا وثقت فيه غلطت و كنت غلطان اني أساعده و انصحه لأنه كان بيسجل كل ده ووصلوا ل للبنت و (يوسف) و عشان نيتي الطيبة متبانش ظبطوا التسجيل  انه ميكنش فيه غير صوتي و يبان اني بتكلم علي الناس فجأة و بدون سبب و نشروا ده في كل حتة في الجامعة عشان فكرة انهم يقولوا إني وحش.....و نشروا الموقف ده بالتسجيل اللي ظبطوه انه كأنه مكنش فيه غير صوتي بره الجامعة و جوه الجامعة  عشان الناس تصدقهم اني شرير أوي و خبوا حقيقة نيتي الطيبي و كل ده و انا معرفش اي حاجة بتحصل و مبسوط اني ساعدته عشان يحسن من نفسه و مش عارف اني بتخان و سمعتي بتدمر فيه خطة تدمير شغالة عليا........و تاني موقف ألفوه  خلوا طرفين منهم (يوسف) الي انا كنت لسه فاكره صاحب حقيقي و التاني اللي  من دفعتي هو هو برضه اللي عنده سرطان و اتفقوا معاه و عمال يوافق عادي بكل سهولة و  كلموني كأنهم متخانقين  عشان أقف جمبهم و أصلح بينهم لاني انا اللي عرفتهم علي بعض و دخلوا واحد تاني من الشلة كأن الخناقة كبيرة كأنه بيصلح عشان الموقف يبقي حقيقي و عشان يساعدهم ان كل حاجة تمشي زي ما اتفقوا عشان عارفين اني هقول الحقيقة ان حد منهم غلطان في كذا و كذا فا الإتنين يسجلوا عشان يقولو ده بيوقع بيننا و ده شيطان و محدش يصدق ان أنا  ساعدت حد حتي قبل كده....و فعلا نشروا التسجيلات دي جوه و بره الجامعة ان كأني بوقع بين اتنين  فبقيت باين شيطان و علي اساس كل ده يحكوا عني أي حاجة وحشة هتتصدق و عملوا كده فعلا و الناس بقت تصدق و محدش فكر يسالني او يسمع مني ولا مرة و  بقوا ٢٠ خيانة صديق و صديقة كنت بثق فيهم  مسحوا السنين و العشرة القوية و المواقف القوية و الصداقة.....و الهدف الأهم بالنسبة لصحابي اللي  افتكرتهم  صحاب حقيقيين  البنت و (يوسف) ان الحقيقة الكاملة اللي انا عارفها و متأكدين انها عندي  في اني كنت موجود في حياتهم اكتر من اصدقاء كتير ليهم  و كنت صديق أصح منهم عرفوا يخبوها و يمسحوا العشرة القوية دي و كمان ضيعوا كل ثقة شلتنا  الكبيرة فيا  و خسروني كل الناس اللي عرفتهم في الجامعة و كمان بوظوا سمعتي و محدش عمره هيصدق اي حاجة يسمعها مني كل ده عشان بفكرهم بالعشرة القوية و المواقف اللي بيننا و بتعامل كصديق صح جدا و هم مش عايزين الحقيقة دي ..... بعد كل ده كملت ترم كامل بدرس في الجامعة لوحدي و كله واخد جمب مني و الدكاترة و المعارف اللي من بعيد في الجامعة هم اللي كانوا سمعوني و تعاملوا معايا طبيعي لكن مكانش فيه حد بقضي معاه اليوم بين المحاضرات أو بعدها  و الحمدلله عديت السنة الدراسية اللي فاتت دي علي خير  بس كنت اول مرة احس اني لوحدي في الجامعة مع إني أعرف كل الدفعات اللي في مبني الكلية كلهم ......مش قادر أبقي لوحدي كده تاني و لسه قدامي سنتين جامعة .... أتعامل إزاي عشان حقي يفضل محفوظ من غير ما أعقد أتأسف علي حاجات أنا اتظلمت فيها و معملتهاش

و الفكرة ان اللي بيقوي احساس الوحدة ان كل الناس اللي حواليا أنا عارفهم جدا و عارف عن حياتهم كل حاجة و هم   عارفين عني كل حاجة و متعودين علي بعض بس فلحظة خلوا الناس كلها تصدق ان حقيقتي ظهرت و كل اللي فات ده كان وش تاني و ان هم اللي مصدومين كمان....فالناس بسبب التسجيلات اللي متظبطة بإني بدل ما بنصح حد عشان يتعامل أحسن عشان الشخص كان بيعيط و بينهار و بيسألني   انا بقيت باين انه منطقش و أنا من نفسي بنقله كلام الناس و بقوله اتغير و في التسجيل التاني أنا بصلح في خناقة بين اتنين فبقول لكل واحد منهم الغلط فين عشان اللي غلط يتأسف و نتعلم كلنا و نبقي صحاب اقوي  قام ظبطوا  اني عمال أقول ده غلط و ده غلطة و بوقع ما بينهم اكتر ....فا الجامعة كلها صدقتهم عشان تسجيلات و أنا الدكاترة عارفني و كلهم متأكدين اني أكيد اللي حصل ان  الصحاب دول بيطلبوا مني أساعد و انصح و أصلح و أنا بخش بقلبي كله علي فطبيعي هيتسجلي النية و القصة مش هتبان الكلام بس لوحده هتاخد بأي طريقة و اي معني بس في الآخر الدكاترة متدخلوش بس بيعاملوني عادي جدا قدام الباقي و بيقولو كلام حلو عادي ... فأعمل ايه عشان مبقاش لوحدي في الجامعة السنة اللي جاية ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_74203 🇪🇬

الوحده صعبه واتمنى زوجه صالحة

بجد الوحده حاجه صعبه جدا كنت الاول بحب ده وانا اصلا مش بحب الزحمه فى حياتى وصحاب كتير وكده بس بجد لازم زوجه وبجد لو صالحه هتبقى حل لمعظم المشاكل الحاليه اتمنى ان لا تتاخر وان يمر هذا الامتحان 💙 ...عرض المزيد

0 الدعم

0 نصيحة

Apple_65194 🇪🇬

محدش يفهمني غلط والظروف اللي حكمت عليا

محدش يفهمني غلط والله نا بس الظروف هيا اللي حكمت علياا أعمل كدة والوحدة اللي نا فيها صعبة لدرجة إنها جابتلي social phobia وبقيت بخاف أتعامل مع الناس محتاج إنسانة تكون وحيدة زيي وطيبة وكويسة وبنت حلال مش اكتر والله والحب اكيد هيجي مع الوقت بإذن الله ❤️‍🩹 ...عرض المزيد

1 الدعم

1 نصيحة

Apple_72583 🇪🇬

أنا مبقتش أحس.. روحي مش موجوده وقلبي مدغدغ

انا مبقتش بحس 🙂🙂 والله بجد حاسه اني فقدت الاحساس من كتر الضغط اللي جوايا واللي م عارفه اقوله ولا ليه حل اصلا، بس دايما بحس اني مكبوته بحس اني روحى م موجوده، حرفيا بنام اليوم كله، صلواتي م منتظمه فيها ولا ورد القرٱن ولا ورد الذكر انا مدمره كليا حاولت كتير اصلح حياتي بس مفيش فايده انا خسرت حاجات كتير جوايا حاسه قلبي مدغدغ والله، عارفين لما تخسروا نفسكم؟؟ انت كنت انسان جميل دلوقتي انا م لقياني!! بدور عليا ف الزحمه م لقياني نفسي اعيط جامد جدا جدا بس بعيط بحس جوايا حاجات متراكمه ورا بعض افقدتني الاحساس بيا، فكرت اروح لثيراببست بس هو هيعملي اي يعني؟؟ هيسمعني ف مليون حد من صحابي يسمعني بس م بيعملولي اي حاجه انا م محتاجه حد يسمعني انا محتاجه احس الامان تاني والامان مات مع بابا من لما قالولي بابا اتوفي.. م عارفه استرد الشعور بالحياه تاني ولا بنفسي كل شويه اقول يمكن بكرا الاقيني يمكن ارجع تاني اعيش بجد كنت جميله جدا وفرفوشه وبضحك وبهزر مع اخواتي وصحابي وحياتي حلوه الحاجه الوحيده اللي مكمله فيها هي دراستي واني مجتهده وبذاكر اول بأول غير كدا حياتي بايظه من كل النواحي وعارفين لي بذاكر عشان بابا يفرح انما انا م عايشه اصلا 😅 ياااااااه نفسي اصحي الاقيني رجعت ربنا وبصلي بانتظام وبحفظ قرٱن وارجع صداقتي مع ربنا واحكيله كل حاجه انا كرهت احكي للبشر م فيهم حد بيصلح حاجه انا اصلا عندي فوبيا الفقد من لما مات بابا بحس كل حاجه هتموت مفيش حاجه هتفضل معايا حتي خالو كان صحبي مات برضو حتي افرب صديقه ليا اتغيرت علي وبعدت عني كنت بحبها اكتر حاجه فحياتي بعشقها كدا بقيت انسان فاقد كل حاجه مفضله ساعات بحس انو لي انا بزعل البشر وانا مقتنعه انهم اما هيمشوا او هيموتوا ساعات بقول لي قلبي بيحبهم لي انا عايزاهم لي لي بلاقيني بقول لانهم كانوا بيداوا وحدتي اللي جوايا انا مصاحبه النجوم وبكلمها وهي بتلمع لما يكلمها بجد والله والسمااا والبحر اي حاجه ف الطبيعه بحبها نجمي المفضل المفقود الغير معلوم ف السمااا موجود يتري امتي هيظهر ف الحقيقه ويبقي واقع دا املي الاخير انا بدعيله وبستناه ...عرض المزيد

3 الدعم

6 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع