تخطي الماضي

Apple_69931 🇪🇬

منذ أسبوع واحد

شعور ممتن

موضوع:

عرفت تنساها او تنسيه

اولا في حاجات ولحظات مش بتنسي في حاجات جميلة وفي ذكريات حلوة كتير بس الأهم من كل دة مستحيل هعيش علي ذكرك الكلام دة لازم تشغل نفسك جامد شغل تعليم رياضة كل دة مهم وكل تفصيل هتكون عبارة عن ذكرة فقط

Carrot_52708 🇪🇬

منذ أسبوع واحد

شعور مكسور القلب

كنت زمان فاكر إن وجودها في حياتي مهم، وإنها هي الشخص اللي ممكن يكمل معايا، لدرجة إني كنت بشوف الدنيا من خلالها. أي خطوة بخططها، أي حلم بحلم بيه، كانت هي جزء منه في خيالي. لكن مع الوقت، ومع كل موقف بيحصل، بدأت الصورة اللي في دماغي تتكسر حتة حتة. لما حسيت إن المسافة بينا بتكبر، قررت أشغل نفسي، أركز ف

عبّر عن شعورك بشكل مجهول

لما حسيت إن المسافة بينا بتكبر، قررت أشغل نفسي، أركز في حياتي، وأدور على شغل جديد. كنت فاكر إن الانشغال هو الحل الوحيد عشان أوقف التفكير فيها. لكن المفاجأة إني وأنا مشغول وبعيد، بدأت أشوفها على حقيقتها. بدأت أشوف قد إيه هي شخصية سطحية، كل اللي يهمها المظاهر والكلام اللي بيبان قدام الناس، لكن مفيش عمق، مفيش مواقف حقيقية تثبت قيمتها.

كنت زمان بديها من وقتي ومشاعري وطاقتي، وكنت حاسس إني محظوظ بوجودها. دلوقتي لما بفكر، بستغرب إزاي كنت شايفها بالشكل ده. إزاي كنت حاططها في مكانة ما استحقتهاش أصلاً.

النهاردة أنا متأكد إنها ما تستحقش حتى ثانية من تفكيري. يمكن ده أكبر درس اتعلمته: إن مش كل اللي بيعجبنا في البداية يستحق مكان جوة قلبنا. فيه ناس وجودهم مش إضافة، بالعكس… وجودهم بيأخرنا عن حاجات أهم بكتير.

أنا دلوقتي مركز على نفسي، على مستقبلي، وعلى الحاجات اللي فعلاً هتبني حياتي. ومش فارق معايا هي فين ولا بتعمل إيه، لأن ببساطة… انتهى وقتها في حياتي.
ملحوظه انا راجل محطم من حب لم يكتمل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_22054 🇪🇬

منذ أسبوعين

شعور مكسور القلب

Pumpkin_70333 🇪🇬 انت غالبا عندك تعلق شديد جدا لكن للأسف مش الشرط أن الناس تحبنا أو تحب تدخل معانا ف علاقه تقبل أنها ممكن ميكونش عندها مشاعر لكن احترم مشاعرك عادي 🤍 متحاولش ترجع عشان دي بدايه الغلط الحقيقي ادعي كتير و حاول تخرج أو تعمل أي حاجه تهديك و متسبكش ف التفكير

عرض الكل 1 نصيحة

عبّر عن شعورك بشكل مجهول

ليه الواحد بيفتكر حد ومش قادر يتخطاه مع أن الحد ده مش عاوز يرجع يكلمه مش عاوز يتفاهم معاه تاني ولا يتعاتبو براحه تاني مبقتش حابه وجودي ف حياتها بقالنا شهر بعاد عن بعض أهو بس مش عارف ابطل تفكير فيها ولا في اللي كان بينا خمس سنين صحاب اخوات حبايب اقرب الناس لقلب بعض كل ده اتنسي ازاي !! 
هونت عليكي ازاي !! 
عمرك ما هونتي عليا مهما حصل بينا كنت بقولك لازم نتصالح مينفعش ننام يوم واحنا شايلين من بعض غلط لازم نتفاهم ونتصالح مهما كانت المشكله كبيره

كنت فاكر اني بالنسبالك حاجة كنت فاكر اني عمري ما ههون بس هونت

كنت فاكر أن اللي بينا كبير اوي ويخليكي متخسرنيش لا نحاول حتي لو مش طايقين بعض لازم نستحمل بعض ونحاول اصل مين هيفهمك غيري !؟؟؟ مين هيحس بيكي من غير ما تتكلمي غيري !!! مين هيهمه زعلك غيري !! 
مين اللي قبل اي حاجة حلوه هتحصلك بيكون اول حد فرحانلك واول حد داخل يكلمك ويبعتلك ماسدج تبسطك عن اي ماسدج ف يوم مهم !! 
مين مهما حصل بينكو عمره ما يهون عليه تنامو متخانقين ولا زعلانين !! 
مين هيعملك هدايا تبسطك مين الي لما يعرف أن فيه حاجة بتحبيها هيعملهالك مليون مره لأجل بس أنه يشوفك مبسوطه!! 
مين هيحبك قدي !! 
معلومه ليكي ومش هتشوفيها بس محدش حبك ولا حد هيحبك قدي مهما حبيتي شخص تاني مهما وثقتي مهما اتعلقتي ببني آدم تاني ف المستقبل خليكي عارفه ومتيقنه أن محدش هيحبك ولا هيستحملك ولا عمره ما هيتغير عليكي غيري ❤️‍🩹💔✨

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_56870 🇪🇬

منذ شهرين

شعور متوتر

كانت كل القرارات صعبه دوما وانا لم احسن الاختيار فكلفنى هذا كل ماكنت املك فاخترت العوده رغم كل الالم وماكلفنى في البدايه ان أسير هذا الكريق وان أعود لكنى عدت والان ماذا بعد ليتها تمحى وماذا بعدلك حتى عندما احول محلها لا يمر الان بسهوله فماذا أفعل انسي مافات يشغلنى ماهو قادم ارمى قلق ماهو قادم يؤلمنى

Mango_11422 🇪🇬

منذ 9 أشهر

شعور عاطفي

عبّر عن شعورك بشكل مجهول

ياااه بقالي كتير مفتحتشش انتو ازاى لسه عندكم شغف 😂
ما علينا عندي المرة دي مشكلة معقدة عايزة رأي كويس او عن تجربة 
انا بنت في اول العشرينيات من سنتين كنت بدأت اول علاقة مع ولد ف حياتي (عارفه انو دا غلط ومعرفش كان عقلي فين ) والغلط الاكبر انو اصغر مني و اتعلقت بيه لانو اول تجربة استغل دا وحصلت تجاوزات كتير كنا بنتكلم ف مواضيع غلط كان بيطلب مني حاجات غلط الاول رفضت كتير جدا بس للأسف وقعت بعدين كنت معاه وكارة نفسي بس كنت متعلقه بيه كنت لما اكلمو في الحوار دا اننا مينفعش نتكلم فكدا كان بيعرف يسيطر على دماغي بكلامو وبقتنع ( محدش يلومني انا عارفه غلطي كويس وانو دا حرام ) المهم بعد م بعدنا قدرت اوقف على رجلى تانى واستغفرت بس وقعت وقعة تانية واتعرفت على شخص كمان محصلش معاه زى الاول بس برضو كان فيه كلام غلط وكنت فاكرة انو كدا الحب طلع بيتسلا بيا بعدت واتعرفت على اخر واحد في السلسله دى كان بيساعدني احب نفسي ساعتها كنا صحاب عادي بعد فترة كلامو بدا ياخد النحية دى ونا كنت اتشديتله (نفسي كانت ضعيفه من الحوار دا) المهم كرهتو بعدها وعرفت اتخطا تاانى اتعرفت على صحاب كويسين ومحترمين والحمدلله اتعافيت من اللى حصل كلو وعلاقاتي بقت سطحية بس نضيفه واتعالجت من الحوار اللى نفسي ضعيفه فيه 
من اقل من شهر كلمني واحد رديت عليه فالمهم وصلنا اننا كنا بنتكلم ف موضوع يخص الحجاب الشرعي ف بقنعو ان النقاب هو الصح وبعتلو كتاب بعدها بفترة كبيرة كلمني تانى واتناقشنا شويه بالصدفه طلعنا من نفس المحافظة تاني يوم كنت رايحه مشوار بيكلمني ف المواصلات لقيت الفرق بينا حوالى خمس دقايق قولتلو انا هنزل واستنا اشوفك ونت معدي وفعلا شوفتو كانت صدفه جميلة وفرحنا يومها من بعدها واحنا بنتكلم و هو بيلمحلى بحبو وبصراحه اول مره اشوف حد بيخاف عليا حتى من نفسو مطلبش حتى يشوف صورة ليا وحافظ للقران ودماغنا متوافقه ونا حبيتو بس مقولتلوش 
المهم لاحظ انى ديما ف حزن وبيساعدني وبيهون عليا قولتلو انا كنت شخص وحش بس دلوقتي انا ببني نفسي من الصفر وبتعلم حاجات كتيرة وبتعافا من الحاجات الغلط ف حياتي قالي انا مبهمنيش ونا كنت بعمل حاجات غلط ومعنديش مانع احكيها واتغيرت وكدا المهم انا حاسه من جوايا انى بخونو اني مخبية عليه وفنفس الوقت مقدرش احكيلو اللى حصل هو اكيد هيكرهني او هيشك فيا بعدين 
انا بحبو ومش عايزة اخسره ومش عارفه اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Croissant_32584 🇪🇬

منذ 9 أشهر

شعور مستنزف

انا عايزه اسأل حاجه واحده هو انا ازاى رجعت لنقطة الصفر تانى وحسيت بنفس الاحساس تانى لمجرد أنه جالى فلاش باك رجعنى سنتين بعد ما كنت تخطيت كل حاجه ازاى فى دقيقه رجع كل دا تانى وبقيت عند نقطة الصفر أنا بجد كنت تخطيت وكان بقالى اكتر من سنه الحوار مش فى دماغى حتى مش عارفه اى الى حصل فجأة

Sugar_37806 🇪🇬 ايا كان الحوار ايه او ايه اللي في دماغك انتي كنتي بتوهمي نفسك أنه مش في دماغك بس هو دائما كان في بالك

عرض الكل 2 نصيحة

Chilli_27912 🇸🇦

منذ 9 أشهر

شعور مرتبك

ابغا منجد نصيحة، هل لازم أمر على ذكريات الطفولة والعقد إلي فيها عشن أكون كويس وأتخطى؟ أو مثلًا لازم أمر بعلاقتي مع أمي وأبويا زمان وأحللها؟ لأنو أنا قررت إني أبغا أسير أحسن، وما أغوص في مشاعر الحزن ونبش الماضي فأشوف كدا بأسوي العكس، وغير كدا أحس مهو مفيد اني افكر بدي الأشياء خصوصًا إنو ما كانت عندي

Sugar_36101 🇮🇶 انا تقريبا نفس حالتك لما كبرت شغلتني حياة عن طفوله و هاي مشاعر من غضب وعقد صرفتها باعمال تطوعيه ❤️

عرض الكل 3 نصيحة

Banana_29935 🇪🇬

منذ 9 أشهر

شعور ممتن

موضوع:

ازاي اتغلبت علي خوفك انك تثق في حد

سلمتها لله و انا في اعدادي حد معايا في المدرسة عمل حساب فيك و قعد يتكلم معايا كتير منه على انه بنت و كان بيبعتلي صور مش كويسة و بالتدريج خلاني ابعت انا كمان صورة و قفل على كدة بعدها ب ٣ سنين لما حولت مدرسة تانية الناس من المدرسة الأولى عملوا جروب كبير ولاد و بنات كلهم عارفني و فيهم صحاب قريبين ليا

Strawberry_29495 🇪🇬 كل غلطه بنعملها في حياتنا بتأثر فينا سواء كان تأثير إيجابي او سلبي واهم حاجه نتعلم منها

عرض الكل 2 نصيحة

عبّر عن شعورك بشكل مجهول

سلمتها لله
و انا في اعدادي حد معايا في المدرسة عمل حساب فيك و قعد يتكلم معايا كتير منه على انه بنت و كان بيبعتلي صور مش كويسة و بالتدريج خلاني ابعت انا كمان صورة و قفل على كدة

بعدها ب ٣ سنين لما حولت مدرسة تانية الناس من المدرسة الأولى عملوا جروب كبير ولاد و بنات كلهم عارفني و فيهم صحاب قريبين ليا و حد بعت الصورة دي في الجروب. كان احساس عمري ما هنساه لما شفت الصورة و شفت بنات بتمشي من الجروب و ناس بتعلق على الموضوع، طبعا خرجت علطول بعدها

الناس من المدرسة التانية عرفوا و خسرت أغلب اللي كنت اعرفهم حتى اعز اصحابي وقتها، و في ناس لما كنا نتكلم ولا نهزر شوية بتريقة على بعض يقوموا جايبين سيرة الموضوع ده لمدة كذا سنة كمان بعد ما الموضوع اتعرف

لما دخلت جامعة كنت بتعامل مع الناس على اساس اني كدة كدة هخسرهم لأني كنت بقول مسيرهم هيعرفوا و مسير الناس كلها هتعرف، و لكن خلصت جامعة و دخلت جيش و اشتغلت و الدنيا مشيت الحدلله

اكتشفت ان الدنيا مش واقفة عليا، و دي حاجة انا عملتها لما كنت صغير نسبيا (طبعا هي حاجة غلط ) فا مش جريمة و مش مستاهلة اقطع نفسي كل ده عشانها

انا كنت ضايع خالص من ناحية الدين و مع الوقت كنت بقرا و بدور في صميم الدين عشان كان عندي شكوك، الحمدلله ده اللي صلح الموضوع عندي إلى جانب مشاكل تانية

على قد منا بكره الوقت ده من حياتي على قد منا مكنتش هبقى احسن منغيره، اه انا مبثقش في الناس كلها، بس بثق في ناس معينة أوي و بدون سذاجة، و لو اتخذلت من حد انا واثق فيه، أو أسوأ، اتعرف تاني القصة دي للناس اللي في حياتي دلوقتي، فا انا عارف انا اللي هخسره بعدها ده الخير ليا، و كدة كدة انا بشتغل على نفسي كا شخص اني اكون احسن فا مش مهم الناس شايفة ايه، المهم ربنا يكون راضي عني

Orange_74074 🇪🇬

أهلي فضحوني بسبب غلطة قديمة وندمانة

هو الواحد عادي يفضل طول حياته يتحاسب على غلطه غلطها من زمان وتاب؟ انا بنت عندي ٢٤ من حاولي سنتين كنت بحب شخص جدا وهو استغلني ف ان هو يتكلم معايا وكأنه بيعمل علاقه معايا عن طريق الواتس مجرد كلام شات وانا الط ان استجابت للكلام ده بس غصب عنى وقعت وجه واتقدم واهله رفصوني بسبب ان ظروفنا ع القد وبعدته عنه وكنت بعيط كل يوم واقول لربنا ان هو يقبل توبتي بس كامت علطتي ان ممسحتش الشات اللي كان مابينا من عندي وف يوم اختى الصغيره فتحت الواتس،بتاعي وشافت الكلام وطبعا فضحتني قدام بابا وماما واخدت علقه من بابا بقيت اعيط واقولهم ان والله ماحد قربلي وان كانت اول واخر مره اعمل كده ف حياتي مش كان شاغلني الضرب اللي اضربته قد ماكان شاغني كسرتهم وان خذلتهم بعد ماكانوا بيحلفوا بيا مشكنت قادره ابص ف وشهم ومل ماابصلهم يحي الكلام ف دماغي اللي هما شافوا بحس كأني اتعريت قدامهم بكون عايزه اهبد دماغي ف الحيطه فضلت ع الحال ده شهر وبقيت اصلي وادعي ربنا ان يغفرلي وان انا والله العظيم توبت وانا الموضوع ده مان خلاص فات عليه كتير وبابا وماما رحعوا يتكلموا معايا اه مش زي الاول بس حسيت قلوبهم بدات تصفى بس امي بتفضل تديني كلام يوجعني ودايما شاكه فيا ودايما تقول ان حطيت راسها ف الطين وان لو اي زميل ف الشغل كلمنى او بيسألني على حاجه بتفكر ان بعمل معاه علاقه وانا اقسم بالله بموت من جوايا واختي الصغيره بتستغلى النقطه دي وتكدب وتقولي هروح اقول ل ابوكي انك بتكلمي واحد وبتروح تقول لماما كده فعلا لدرجه ان ماما ضربتني وانا حاسه ان من جوايا خلاص ان بقيت مكسوره مش قادره اعيش ونفسيتي زي الزفت قالولي اعمل ايه ...عرض المزيد

2 الدعم

1 نصيحة

Coffee_73639 🇪🇬

عايزه بابا تاني.. ازاي اتخطيتوا الفقدان؟

كنت محتاجه اعرف شعور الناس بعد مفقدت باباها الحياتها كانت عبارة عنه هو بس كان كل حياتي حرفيا اقرب حد ليا وكان اي حاجه وكل حاجه انا عايزها بيعملها بالطريقه اللي تناسبه اكتر واحد فاهمني كلهم بيفهموني غلط كتير بس هو لأ كان جميل اوي بجد كان بيتمشي معايا بعد الفجر لما اكون مش عارفه انام كان بيتمشي مسافات كبيرة اوي علشان انا بحب المشي وكان بيتعب بس كان بيتمشي علشاني علشان بحب المشي كان بيحكيلي قصص كتير عن أهله زمان كان بيحفظني قرآن مفيش خطوة في حياتي هو مكنش بيدعمني ومعايا فيها وفي رمضان بياخدني نصلي التروايح سوا والفجر والتهجد بيعملي اي حاجه انا عايزاها مش عارفه اقول ايه ولا ايه بس بابا حبيبي كان جميل ومهما احكي مش هعرف اوفيه حقه ..ف محتاجه اعرف عرفتوا تتخطوا ازاي كل ده وعملتوا ايه في احساس (انا عايزه بابا) اللي طول الوقت حساه هل في امل ان نتعود ونحس أنه خلاص مش عايزين بابا يعني لما بسمع ولاد اخواتي بيكلموا باباهم أو حتي بيقولوا بابا بحس اللي هو طب وانا !! فين بابا بتاعي 💔 ...عرض المزيد

0 الدعم

3 نصيحة

Apple_74071 🇪🇬

متجوزة ومتعبة من معاملة أهله وعايزة انفصل

أنا متجوزه بس أنا قعدت مع جوزي شهر وي بعد كده سافر وي فضلت قاعده مع باباه وي ممتو وي كنت حامل وي كنت كل الي عيزينه مش بقوا عليه لا كنت بقول حاضر وي نعم بس حصل مشكله وي كلمة جوزي وي قولتلو مش عايزه اعمل الحاجه دي قالي عشات خاطري وي كا حاجه بقت عشان خاطري وي خناق في اليوم إلي هروح عند أهلي فيه وي هو كمان كان مش بيبطل خناق معايه وي المهم انو ميطلعش غلطان ولا هو ولا حد من اهلو أنا خلفت بنوته وي هو لسه بره وي المشاكل بتزيد وي هو كل إما أقوله أنا تعبت من المعامله مع أهلك انزل شوف حل يقول طول مافي مشاكل مش هنزل هنزل اعما اي وي مامتو بتقول ده مش عايز ينزل بسببك عشان منكده عليه وي جيت عند أهلي بعد الولده بي أسبوع كلمني بعدها بشهر قولت هيصالحني لقيتو بيتخانق معايه إني مش برد علي التليفون إستغربت قولتلو مش مهم أنا طيب بنتك مسالتش عليه ليه قعد يغلطني أنا بردك وي علي فكره جواز صالونات مش عن حب ولا حاجه وي الله يسامح الي كان أسبب كنت بقول مش موفقه قالو شايفه شوفه تانيه هو والد واحد علي ٤ بنات أنا حلين عند أهلي وي عايزه انفصل بس بنتي صعبانه عليه هو كده كده مش موجود حت لو رجعت هيجي شهر وي يمشي وي يخلني مع امو وي ابوه هو مش عايزني أقعد لي واحدي انفصل ولا ارجع ...عرض المزيد

1 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع