تخرج بلا فرحة

Strawberry_60725 🇪🇬

منذ شهرين

شعور مكسور القلب

عبّر عن شعورك بشكل مجهول

اول مرة اجرب احكي لناس غرباء ..انا صارلي اسبوع متخرجة من الكلية ولسا مو عارفة احس بالفرحة وقاعدة اتظاهر بيها بس قدام اهلي واصحابي عشان م ابين ان خاطري مكسور ..كان نفسي اخد امتياز في مشروع التخرج بس للاسف م حصل..وزيادة ع كدا كان فيه تركيز كبير عليا ..الكل منتظر مني احسن حاجة ..وحاسة اني خذلت الجميع وخذلت نفسي ..حزنت كثير واتكسر خاطري ..رغم اني فعلا تعبت عليه ..تعبت جدا ..وقدمته ع كل مواد الترم وخسرت حاجات كتير عشانه ..بس مش عارفه هل دا هو رد ع كلامي ..ممكن بسبب اني فعلا قدمته ع اهلي واصحابي وكل حاجة ..مش عارفه الاقي سبب يهون عليا ويطبطب عليا ..انا في العادة دايما مش واثقه من نفسي ومترددة على طول ..بس المرة دي كنت رايحة المناقشه فعلا واثقة ..وحاسة من داخلي اني حجيب امتياز ..اتدربت وسعيت كتير ودعيت كتير خلال شغلي ع المشروع ..ف حسيت بكسرة وحزن رهيب لما محصلش ..خصوصا اني بخاف شكلي قدام الدكاترة الي بينتظرو مني افضل اداء ..وانا خيبت الكل ..جت المناقشه وفعلا اتخطفت معرفش اي الي حصل لقيت نفسي م شرحتش المشروع ..وبسمع النقد بس ومش بكمل شرح بقية الحاجات ..ف بقا مشروع عادي..كل الافكار ملحقتش اشرحها ومحسيتش الا لما خرجت من اللجنة ..اني م شرحتش ..كان فيه كذا حد خد امتياز ..ومنهم ناس مش هي الي بتعمل مشاريعها ..ف حزنت اكتر ..رجعت البيت مكسورة ..اتظاهرت بالسعادة قدام اهلي ..وبكيت لما بقيت وحدي. .ولما دخلو عليا ابتسمت قد كدا ..وانه دي دموع الفرحة اني تخرجت ..اخدوني بالحضن ..وميعرفوش اني مش مبسوطة ..حسيت النهاية دي ل خمس سنين كلية كانت عكس احلامي ..حزنت اكتر ان بجد دي كانت اول مرة اكون واثقه من نفسي فيها ..وتوقعت الثقه دي حتتعكس ب ايجابية ..بس لا ..ومن ساعتها وانا بحاول اظهر للعالم اني تمام. واني نجحت واني مبسوطة وانه مش فارقلي بس هو فارقلي واوي ..اهلي مبيعرفوش يعني اي مشروع تخرج ..فمرققوش معايا جبت كم وجبت اي ..قلتلهم اني عملت حلو وخلاص..قعدت كا يوم بعدها مبقومش من السرير من الحزن ..وبتظاهر بالنوم عشان متعاملش ع حد ..وبعمل اني مش حاسه ومش فارقلي مع الناس الي معايا فالجامعه ..حاسه اني فشلت ..وحاسه بكسرة مش عارفه اعالجها ولا انساها ..وحاسه اني ختمت ال٥ سنين ب اكتر كل مكنتش عايزاه ..خصوصا اني لي سمعتي ..مش عارفه انسى ولا اتبسط ..وحاساها حتفضل معايا للابد ..اني تعبت اوي اوي وتوقعت ووثقت اني حفرح ..بس محصلش..عارفه ان المفروض دي حكمة ..بس مش قادرة اقنع نفسي بيها او ع الاقل الاقي الي يهونها..مثلا لو م اتوفقش زواجي من حد حقول انه خير وممكن الراجل دا كان حيبقا شر لي ..ف فيه حاجة اطبطب بيها ع نفسي واتوقع الخير اي ..انما ف الموقف دا فعلا مش عارفه الاقي حاجة تخليني اقول مش مشكله اكيد في ١ و٢ و٣ ..لان خلاص دي نهاية الرحلة اصلا ..وكنت اتمنى اختمها بشكل حلو..حتى مش قادرة احكي اي احد ..لاني متظاهرة اني مفشلتش ..واني سعيدة عادي ..محدش يعرف الا بتوع الجامعه ..وبتظاهر قدامهم بالفرحة ..واهلي وقرايبي م يعرفوش حاجة اصلا ف مبجبش سيرة الا اني تخجت واني مبسوطة..بس الحقيقة هي انو فرحتي اتقتلت ..ومش عارفه احييها تاني ..انا بجد تعبت سنة كامله ع المشروع واهتميت بافه التفاصيل واصغرها واكبرها ..بس للاسف كل دا م اتشافش ولا اتحس بيه وانا نفسي م شرحتش ولا قادرة استوعب الي حصل ....نهاية عكس احلامي الي كانت لمدة سنة كامله وعكس تعبي ودعائي ..حتى ف حفلة التخرج الي بعد فترة لسا وممكن اتكرم فيها م الاوائل ..حاسه الدكاترة ف نفسها حتقول اني مستاهلش المكان دا ..وان حد تاني كان اولى بيه ..حاسه بالفشل ..واني مستاهلش مكاني في الاوائل..والتانيين الي جابو امتيازات هم احق بالمكان دا..خصوصا فيه مادة كنت مقصرة فيها جدا عشان المشروع ف الدكتور احبطت مني لانها سمعت عني كويس ف خاب ظنها ..ف قلت ان شاءالله المشروع حيخليها تعرف اني كنت مكثفه جهد فالمشروع ف دا سبب تقصيري في مادتها ..بس للاسف لا ..اتحرجت قدامها برضة ..ف بقيت فاشله ف الاثنين..حزينه اني قصرت ف حاجات كتير عشانه ..ف الاخر م فرحتش ..وحاسه اني مستاهلش اتكرم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_73619 🇪🇬

ازاي البنات شهوتهم اقوى وبيتحكموا في نفسهم؟

هو بجد ان شهوه البنات بتبقا اضعاف الشباب بمراحل كتير بس هما مش بيبينوا او بيعرفوا يحتكموا في نفسهم اكتر من الشباب بكتير جدا و ازاي بيطلعوا كبتهم ده اصل مش معقوله يقعدوا كل الفتره ديه منغير ميطلعوا كبتهم زي الشباب ما بتعمل مثلا الموضوع فعلا محيرني ...عرض المزيد

0 الدعم

1 نصيحة

Corn_46460 🇪🇬

أمي منعت بنت خالي وأنا محتار قبل الفرح

أنا مش عارف ليه أمي عملت كده معايا. الموضوع إن أمي خلت بنت خالي تبعد عني، مع إني كنت معجب بيها وكنت ناوي أتجوزها. أمي ليها صاحبة قريبة منها جدًا، وصاحبتها دي متجوزة ابن عمة أمي. إحنا كعيلة مترابطين جدًا، يعني أمي وأصحابها متجوزين من نفس العيلة، وأنا كبرت متربي مع ولادهم وبناتهم زي إخواتي بالظبط، وبحس إن البنات دول في مقام أخواتي وبخاف عليهم. لما جه وقت الجواز، كان الطبيعي إن أمي تساعدني ألاقي عروسة مناسبة. أنا عرضت عليها بنت خالي الوسطانية، بنت خالي اللي أصغر مني بـ 7 سنين، لكن أمي رفضت رفض قاطع. وقالت لي: "معنديش مانع تختار من بنات صاحبيتي (مرام، مريم، فريدة، سلسبيل)، أو من بنات خالك التاني، لكن البنت دي بالذات واخواتها لا". أنا استغربت جدًا، وقلت لها: "ليه يا أمي؟ دول زيهم زي باقي ولاد إخواتك!"، لكنها أصرت وقالت: "لأ". كمان رشحت لي بنت خالي الصغيرة اللي لسه في ثانوي وعندها 17 سنة، مع إنها أصغر مني بـ 10 سنين، وقالت إنها مش صغيرة، وضربت مثل بنفسها إنها اتخاطبت وهي في نفس السن. دلوقتي أمي مصرّة إني آخد بنت ابن عمتها "مرام"، والفرح خلاص كمان أسبوع، يوم الثلاثاء. وأنا خايف أكون بظلم مرام لأني بحب بنت خالي. وفي نفس الوقت، بابا قال لي: "أمك عارفة حاجات عن بنت أخوها مش هينفع تقولها"، وحتى إخواتي البنات قالوا لي نفس الكلام. أنا متلخبط جدًا… خايف أظلم نفسي وأظلم مرام، وخايف أخسر بنت خالي اللي بحبها، وكمان خايف أمي تخسر صاحبتها وابن عمتها لو رفضت دلوقتي. ومش عارف أتصرف إزاي، خصوصًا إن الفرح بعد أسبوع. ...عرض المزيد

0 الدعم

2 نصيحة

Grape_73664 🇪🇬

ازاي أتعرف على بنت loyal محترمة من غير جواز صالونات؟

بجد الواحد ممكن يتعرف ازاى على بنت تكون loyal محترمه بتفكر معاه و ممكن يساعدو بعض وخاصة لو environment اللى حوليه فى الشغل ناس مديا مرتاحه وهو ماديا مش افضل حاجه ازاى يوسع دائره معرفه لانى مش حباب إبداء حياتى جواز صالونات انا عارف أنه محترم مفيش عليه خلاف بس حابب اعرف طباعه الشخص قبل ما اخد خطوه 🧗🙀🙇 ...عرض المزيد

0 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع