تجزؤ دفاعي

Blueberry_61513 🇪🇬

منذ شهر واحد

شعور ضاق ذرعًا

طيب، انا مش عايزه حد يحكم على إلي هقوله من غير ما يحط نفسه مكاني ومكان الناس إلي بتعاني من الشيء دا ومن غير ما يجرب يفهم الحالة دي ايه... مبدئيا فيه حاجه في علم النفس اسمها التجزؤ الدفاعي ودا ليه انواع منها الانفصام او تعدد الشخصيات... انا دلوقتي مكشفتش ومش هعرف ف مش عارفه الشيء إلي فيا ايه.. انا م

عبّر عن شعورك بشكل مجهول

طيب، انا مش عايزه حد يحكم على إلي هقوله من غير ما يحط نفسه مكاني ومكان الناس إلي بتعاني من الشيء دا ومن غير ما يجرب يفهم الحالة دي ايه...
مبدئيا فيه حاجه في علم النفس اسمها التجزؤ الدفاعي ودا ليه انواع منها الانفصام او تعدد الشخصيات...

انا دلوقتي مكشفتش ومش هعرف ف مش عارفه الشيء إلي فيا ايه..
انا من فترة حوالي من شهرين ل ٤ شهور مش فاكره اوي جالي انفصام في شخصية من شخصياتي (جالي قبل كدا لكذا شخصية بس تم دمجهم بشكل مش معروف بالنسبالي) الشخصية دي أقل ما يقال عنها إنها برود مش طبيعي مبتهتمش بمشاعر الناس مهما كانوا، بتبعدني عن الناس إلي بحبهم وبتعاملهم وحش وكل دا بحجة انها بتحميني، وبتحميني من ايه؟ من المشاعر القوية إلي عندي، لما بزعل او بغضب بتطلع وبجد اقسم بالله بتحول 180 درجه يعني فعليا الناس إلي اتعاملوا معاها ومعايا قالوا انت ليه اتغيرتي انا بقيت بخاف منك ودا مش من ناس في سني انا استاءت قالتلي الكلام دا، والفكرة ان بيجيلي فقدان في الذاكرة يمكن بشكل لحظي يعني لما بتطلع ببقى واعيه بيها وبكل حاجه بتعملها بس لما برجع لطبيعتي بحس ان مش فاكرة اي حاجه لدرجة ان إلي حواليا بيقولولي انت ازاي ناسيه الموقف دا؟ وهكذا...
دلوقتي الحالة دي في منها مؤقت بسبب الضغط وفيه منها بيبقى بشكل دائم لو متعرضتش لعلاج زي تعدد الشخصيات ودا بيبقى بسبب صدمة في الطفوله، انا اتعرضت لكذا صدمه ومكنتش فاكرة واحده منهم وكان تبع امي والاتنين التانيين زي موت جدي وإصابة أخويا الصغير دول فاكراهم...
ف مش عارفه ايه دا واتصرف ازاي علشان بجد بتأذى منها نفسيا وطبعا لما حكيت لمفسر أحلام عن حلم كنت بجد مش متطمناله قالي ان التفسير ليه علاقه بيها وفسرهولي يعني...
وصح قبل ما حد يقولي الصلاة و اكيد انت متأثرة من إلي بتقرئيه انا حابه اقولكم اني عرفت موضوع التجزؤ الدفاعي بعد الحادثة بشهر ولا حاجه وكمان انا الحمدلله بصلي والضغط إلي عليا هيقل بعد أقل من عشر أيام بس هو مش زي كام شهر برضو، بس هي ستل موجوده وكمان تصرفاتها تحس انها مش أنثى بل جزء قاسي ذكوري مني وهي عكسي في كل حاجه فعليا في كل حاجه ممكن الشخص ممكن يتخيلها من صفات لميول وانا بجد بكره دا وبكرهها بسبب حتة الميول دي بالذات...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_16902 🇪🇬

والدي بيهدد يقتلنا بالشاكوش ومش عارفين نعمل إيه

السلام عليكم و رحمة الله و بركاته جماعة الخير، محتاجة نصيحتكم في أسرع وقت مهما كانت ارجو من أي شخص بيقرأ البوست ده دلوقتي يساعدني لأن فيه كارثة! والدي ماشي في الشقة بالشاكوش بعد ما عنف أمي جسديًا و أذاها بالضرب على دماغها و لسه قايل لأختي الصغيرة من كام دقيقة " لو أمك فتحت بوقها هديها على دماغها بالشاكوش و أجيب أجلها و أنا أصلًا عايز أجيب أجلها " و بزعيق و قام رازع باب أوضته لدرجة هزت البيت و دي مش أول مرة و من كام يوم مهددنا كلنا بالضرب و احنا 3 بنات و مش عارفين نعمل حاجة و ماما ساكتة و بتقولنا اهدوا و اللي هو حرفيًا ازاي! البيت اللي المفروض يبقى فيه أمان معدوم بسببه و هو معدى ال60 و قبل كده جاب لشخص كان مضايقه بلطجية! و قبل كده كسر لأخوه شقته! و خلّاه ينفصل عن مراته! من عاميله فيهم و كان بيضربنا احنا شخصيًا و مهددني بالقتل انا و أمي و بيستقوى علينا بقوته الجسدية و احنا مش عارفين نعمل أي حاجة بالمعنى الحرفي لأن هو لو عرف ان احنا عايزين نبلغ أو حتى اتسجن و طلع هينتقم منا و هيأذينا جامد و دلوقتي اتصلنا بالبوليس و ماما كانت هتاخد منا الفون عشان منتصلش عشان هو لو عرف هتحصل مصايب، الحقونا ارجوكم و ماما مش راضية تسمعنا و هو قال لو حد جه هنا البيت عشان يهدي الجو او يتكلموا معاه هيرميه من على السلم ، يا جماعة حتى لو حد جه بعد ما يمشوا هو هيمسكنا احنا كلنا يضربنا و مش بعيد يا جماعة يقتلنا، يا جماعة انا هعيط ...عرض المزيد

0 الدعم

0 نصيحة

Banana_74039 🇪🇬

تايه بعد الفراق ومش عارف أبدأ من جديد

انا دكتور بشري ٢٩ سنة كنت خاطب و انا في الامتياز و لما دخلت الجيش حصل مشكلة مع والدها و سيبنا بعض و بعدها انا بقيت تايه مش لاقي الامان او الراحه مع حد و مش عارف ابدأ حاجه جديده مع اني دايما محتاج ده بس مش ببين ...عرض المزيد

0 الدعم

3 نصيحة

Potato_74043 🇪🇬

تعبت في شغلي وخسرت كل فلوسي في الفوركس

مش عارف ابدا من انهي ناحية بس باختصار تعبت وشقيت كتير جدا فشغلي ومديري للاسف كان مستقصدني بسبب موقف صغير من سنة فباختصار الموضوع خلاني بحرق طاقة كتير عالفاضي فالمكان الغلط والموضوع قلب باني روبوت فاقد الشغف للدنيا كلها لحد ما في صديق عندي قالي على موضوع تداول الفوركس واداني كورسات وبتاع وصديقي دة بيعمل مبالغ كبيرة جدا جدا كل اسبوع المهم انا زي اي حد ابتديت بمبلغ صغير وكنت محظوظ فعلا وكبرت المبلغ دة اكتر بكتير بس مكنتش مستوعب اني محظوظ فوقتها وللأسف خسرت كله بسبب طمعت وقعدت ازود واخسر لحد ما شبه معظم المحوشه طار وحياتي كلها حاسس ان ملهاش اي معنى بحس ان الأبواب بتقفل فوشي من كل ناحية وولا في صحاب الواحد يتكلم معاها ويفضفض معاها ولا في اي حاجة تشيل الأمور دي عن دماغ البني ادم وبالمناسبة السبب المش مخليني اغير الشغل هو المرتب ...عرض المزيد

0 الدعم

1 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع