تجربة علاج الأورام قصص حقيقية - 1 تجارب، ونصائح، ودعم

Tofu_19483 🇪🇬

منذ 3 أشهر

شعور محبط

محتاجه أحكيلكوا حاجه مزعلاني خالص.. وقت ما كنت باخد جلسات الكيماوي قبل اتقدملي شخص ف مركز علاج الأورام اللي بتعالج فيه والدته هي كمان كانت بتاخد جلسات كيماوي وكان هو وأخته موجودين ف أخته هي اللي وقفتني وقالتلي إنه أخوها عاوز عروسه وهو عاوز يتقدملك وبتاع ،هو كان موجود وشافني وبعدها لقيت أخته وقفتني

ضغوط الجواز من اهلي وموضوع الجهاز بيفكرني أوفر

حاسه اني بقيت بحكي مشاكل كتير اوي هنا بس خليني اكمل و خلاص المهم انا لما حد بيتقدملي بديله فرصه حتى لو انا مش موافقه علشان اهلي بيضغطوا عليا اديله فرصه و ساعات بيجرحوا مشاعري بكلام يضايق زي هو انتي لاقيه ، أو انتي كبرتي و كل ما هتكبري مش هتلاقي عرسان تتقدملك وانا اصلا ف منتصف العشرينات ، أو طالما انتي بترفضي يبقى شايفالك شوفه تانيه مع اني و الله مش مرتبطة اصلا بس انا عايزه فعلا اختار زوج مناسب انا مش عايزه جوازة و السلام و اقول اهو اديني اتجوزت انا عايزه شخص مندمش ف يوم اني اخترته خصوصا اني كنت بصلي استخارة كتير لكل شخص كان بيتقدم و مكانش بيبانلي اي حاجه بل الموضوع واحده واحده بيتفركش ساعات امي تقولي هما اللي اتجوزوا خدوا ايه و كلام من ده و اول ما حد يتقدم اسلوبها بيتغير و كأنها عايزه تجوزني و خلاص مع العلم اني مشلتش معلقه حرفيا ف جهازي و معرفش فعلا هي ليه بتعمل كده و لما العريس يمشي و علاقتنا تنتهي الاقيها تروح تجيب معالق و شوك و حلل و طاسات و حاجات كلها جديده ابقى فرحانه و اقول هتبدأ تشيل حاجات علشان جوازي بس الاقيها جايباهم للبيت عادي و بتستخدمهم و انا معنديش اعتراض خالص ع ده بس ف مرة قولتلها يا ماما أولى تشيليلي حاجه ف جهازي علشان لما اتجوز تقولي المفروض اساسا الراجل هو اللي يجيب كل حاجه و البنت مش مطلوب منها تجيب حاجه اصلا مع ان عندنا بيجيبوا عادي و هي جابت حاجات و لما اختها اتجوزت و عماتي كلهم جابوا حاجات ف الجهاز ف دي مش حاجه غريبه عليها تقولي لا لا اصل انا بجيبهم علشان لما حد يتقدملك و يمسك معلقه و بتاع يبقى شكلنا حلو قدامه ف بسكت و بعدي حتى المكياج و منتجات العنايه بالبشره تجيب لنفسها أغلى الحاجات حتى لو مش هتستخدم كل ده بس بتجيبه و لما اقولها طب يا ماما اديني مثلا الروج ده علشان لونه حلو او حاجه تقولي ما تجيبي من فلوسك انا بالفعل بجيب بس علشان انا قبضي صغير جدا ف بجيب حاجات ع قدي اوي يعني و بمشي بيها اموري و اقول احسن من مفيش بس انا مش عارفه هل ده طبيعي اصلا ولا انا بس اللي بفكر اوفر ولا ده مش طبيعي ولا ايه علشان الموضوع بقاله فتره شاغلني ...عرض المزيد

0 الدعم

0 نصيحة

رسالة لم تصل يا كريم.. اعتراف بحب لم يعشه يوم

تعرف؟ انا كنت بغير عليك وانا عارفه انك مش بتاعى.. ولا هتكون فيوم كنت بعيط من الغيره كنت بقتل نفسى عليك تعرف انى كنت مستنياك وانا عارفه انك مش هتيجى؟ كنت عارفه ان مش هيحصل حاجه بيننا.. كنت عارفه من الاول خالص انك رافض لسبب جواك.. حسيت بيه من الاول بس برضو كملت.. يمكن مكنتش عايزه اخسر قدامك.. او كنت عايزاك تشوفنى زى ما بشوفك.. انى حاجه مينفعش تخسرها.. انك مينفعش تغض الطرف عنى بالسرعه دى.. وانت لسه مدتنيش فرصه اعرف فيها نفسى حتى.. تعرف انى بتعافى من حبك الى معشتهوش فيوم؟ كل الى يعرفو الموضوع بيتهمونى انى مش عاقله زى ما ظنو.. عشان اتعلقت بيك.. بدون ما امسك خيط واحد حتى.. خيط واحد من خيوط مشاعرك.. ولاكن اعتبرت نظرتك وعد.. مش بلومهم.. اصلهم مشافوش.. فاكر؟ فاكر اليوم الى كننا فيه محاضره الايكو وانت كنت قاعد يمينى وانا مش شايفاك؟ فاكر اول ما اتلفتت و شوفتك أنت كنت باصصلى ازاى ساعتها؟ فاكر لما محاولتش تخبى و فضلت مكمل؟ فاكر نظره الحنيه دى؟ فاكر صدمتى ساعتها؟ انا الى كنت بتلهف على نظره متواصله مابيننا.. هربت من سلطه عيونك. فاكر لما انا خرجت من محاضره الانشورنس بسرعه و لوحدى قبل ما الدكتور تخلص حتى؟ انا مكنتش متخيله انك لاحظت.. لان انت كنت متجاهلنى بزياده اليوم ده.. انا نزلت الدور الارضى وانا بعيط و دخلت الحمام عشان اعرف اراقبك من ظهرك وانت خارج بدون ما تشوفنى.. فاكر لما لفيت حوالين نفسك و شوفتنى؟ اكنك كنت بتدو عليا.. وانا جريت على جوا زى المجنونه.. انت عرفت ازاى ساعتها انى كنت بعيط؟ بجد والله.. ده صحابى نفسهم محظش لاحظ اختفائى.. ده انا قعدت جوا شويه لوحدى على اساس انك تمشى و لما جيت اخرج.. لقيتك.. كنت واقف على باب الحمام بعيد شويه.. حاطط ايدك فجيوبك.. اتجاهك للباب.. واقف لوحدك.. و المكان فاضى.. مش مشغول نع٦ حد حتى.. اكنى كل الى شغلتك فاللحظه دى.. و كل تركيزك اتصب عليا اول ما لمحتنى.. فاكر؟ انا عمرى ما نسيت.. انك كنت قلقان عليا بجد.. مش محتاجه اكون خبيره لغه جسد عشان اعرف انك.. حسيت بحاجه حقيقيه ساعتها.. دى كانت المره الاولى.. الى اعرف يعنى اى راجل يبص لست.. يشوفها بجد.. حسيت.. بالمعنى الحرفى للامان.. حسيت انك.. راجلى.. وانى ضعيفه قدامك عن طيب خاطر.. محتاجتش ارسم قوتى قدامك ساعتها.. فاكر بقا يوم البرزنتيشن بتاعك؟ فاكر انا بصيتلك ازاى؟ انا متاكده انك عمرك ما هتنسى.. لانى ببساطه لغبطت حواسك.. انا يومها اثرت على جهازك العصبى بالمعنى الحرفى! انا عارفه.. انت كنت طالع و تركيزك عليا.. اكنك مش قلقان من حد فالروم غيرى.. انا هتفرج عليك وانت بتشرح.. تعرف انى بصتلك كده بقصدى؟ كنت مخططه انى هعترفلك بعيونى اليوم ده.. وانت عرفت.. و اتلغبطت.. واتشقلبت فوق تحت واتوترت و عمال تتنفس بسرعه و عينك رايحه وجايه من عليا و عمال تبلع ريقك و هتعيط! فاكر؟ انا كنت مستمتعه بهروبك و توترك من نظرتى.. لحد ما انت قررت.. مش عارفه ازاى.. انك هتسيب نفسك تبص المرادى.. مش بنكر انى مكنتش متوقعه.. بس انت قلبت الموازين.. و بدلت الادوار.. خلتنى انا الى اتوتر من نظرتك.. عيونك الى نقطت مشاعر عليا وانا قلبى صغير.. لااا مكنش قصدى ارجوك ابعد عيونك! شوفتنى وانا بعدل قعدتى و ببرق و ببربش و ببص قدامى.. انت كسبت الجوله ساعتها.. وفضلت عيونك مش بتتشال من عليا لمده تلت اسابيع بعدها صح؟ بدون ما تعرف تخبى حتى.. وانا الى تجاهلتك المرادى.. اسفه بس نظرتك كانت شديده عليا.. فاليوم ده.. انا سيبت قلبى كلو يتجمع فعيونى.. و اعترفتلك بحبى.. بدون كلمه.. بس انا بجد بقا.. مش هنسى المره الوحيده.. الى بالصدفه قعدت وراك.. لما انصفنى القدر و سمحلى اتاملك من قريب.. كنت بلمح عيونك و هى بتتلفت يمين عشان تلمحنى من وراك بدون ما تلفت النظر.. و بعدها لما تحس بعيونى عليك تتوتر و تبص قدامك.. انا عارفه نظره التوتر بتعتك.. عارفه عيونك بتعمل اى لما تستجيب لضربات قلبك المجنونه.. عايزه اقولك انى مسمعتش ولا حرف من الدكتور فالمحاضره دى كل الى سمعته.. صوت ام كلثوم فودانى.. كنت بشتقلك وانا وانت هنا.. بينى و بينك.. خطوتين.. ولاكن.. شوف بقينا فين يا حبيبى؟ يا حبيبى وانت فين.. انت فين؟ انت فين بجد يا كريم؟ انت فين.. هو انت ليه مجتش؟ يعنىيي.. هو مثلا مشاعرى مكانش واضحه ليك كفايه عشان تفهم انى مستنياك؟ ولا مشاعرك مكانش بالقوه الى تحركك؟ هى العيون بتكذب؟ عيونك انت.. بتكذب؟؟ اصلى صدقتها.. رغم انك ولا مره قولتلى انك بتحبنى بعيونك حتى.. اكنك بتكدب نفسك من جواك.. مدام تحب بتنكر لييه؟ كل نظره بنقول انك عاشق وكل فعل بيقول انك متعرفنيش!.. كنت بتهرب.. بتبصلى وانت بتهرب! بتشوف مشاعرى و بتصدها.. مش بترفضها بس بتهرب منها.. مش زهقان من حبى بس مرعوب! بس انا ترجمت نظراتك انها اعتراف بالحب.. عشان انا كنت مستنيه اعتراف بالحب! منك انت مش لمجرد الحب.. بس انت مكلمتنيش حتى.. وانا.. متمسكه بكل نظره ما بيننا .. كانها وعد.. كانها عهد بجد.. وانت ولا فيوم نطقت بحرف معايا.. انا فاكره كل نظره انت بصيتها اتجاهى فيوم.. كل نظره.. يمكن مش باين عليا.. بس انا حافظه عدد رموشك مش بس نظراتك.. كان نفسى يعنى.. يتاح ليا الفرصه فيوم.. احكيلك.. عن اشراق الشمس الغير اعتيادى فاليوم الى كنت هشوفك فيه.. وان المواصلات بتكون جميله جدا.. وان الهوا بيكون نقى والورد بتطير من حواليا.. كنت بشةف الزرع اكثر اخضرارا يومها قلبى كان بيدق بسرعه من وانا لسه فالبيت.. واول ما اشوفك و تبصلى بتلفت لصحابى و اسلم عليهم اكنى مشوفتش حاجه.. كنت بتجاهلك برضو.. مهو انا البنت يا استاذ والله.. مش هعرف ابين مشاعرى كده.. ده انت نفسك مكسوف! لو تفتكر فاخر يوم.. انت كنت بتبصلى وعايز لحظه وداع بيننا.. نظره.. كما المعتاد..لانك مبتعرفش تعمل غير كده.. وانا اليوم ده مدتلكش النظره.. تجاهلتك.. لانى كنت تعبت.. سامحنى.. بس انا ياما بكيت لوحدى وانت متعرفش حاجه بس انا دلوقتى.. مش عارفه بجد لما تشوفنى تانى هتعمل اى.. ولا انا هعمل اى.. ولا المفروض اعمل اى.. هو المفروض اعمل اى معاك يا كريم؟ المفروض اكمل؟ ولا اعقل زى ما الكل عايزنى؟ مش عارفه.. بس اهو سؤال ضمن اساله كتير يمكن مش هلاقيلها اجابه ابدا.. لانى مش هيجيلى فرصه اسالك ابدا بس الى عايزاك تعرفو.. انى حبيتك بجد.. من قلبى.. يا كريم❤️ رساله مش هتوصلك فابدا... ...عرض المزيد

1 الدعم

5 نصيحة

قلبي واجعني على شعري بعد الكيماوي ومش عارفه أطول

بنات..لو واحده فيكوا صاحيه محتاجه أتكلم معاكوا أنا عماله أعيط وقلبي واجعني أوووي كنت بشوف فيديوهات ليا بشعري قبل الكيماوي شعري كان طويل وكان حلو أووي أنا مخلصه كيماوي من شهر ٣ اللي فات وطبعًا شعري لسه مطولش وقصير أنا قلبي واجعني وأنا عارفه إنه بياخد وقت الشعر بالذات لكن فيه ناس لما قصوا شعرهم مرجعش يطول وأنا خايفه شعري ميرجعش يطول وخصوصًا إن شعري كان حلو أووي وكان طويل أووي كانوا بيحسدوني عليه أنا بعيط بجد أنا كنت بحب شعري أووي مش قادره أستحمل إن شعري دلوقتي قصير ومش حاسه إنه بيطول أنا زعلانه أووي ...عرض المزيد

0 الدعم

2 نصيحة