بحث عن حب

Banana_70447 🇪🇬

منذ أسبوع واحد

شعور وحيد

انا تعبان جدا نفسيا بسبب اني اتكلمت مع بنات من جروبات الزواج علشان الاقي الانسانه اللي بحلم بيها بعد م تعبت من الصالونات ولاقيتها كلها مجاملات وملقتش حد ارتاح له ولا زي م انا عايز ودلوقتي انا شهوتي عاليه بسبب البنات اللي كلمتها ولااسف عملت علاقات فون معاهم بس كنت بندم بعدها وف نفس الوقت مش لاقي الشخ

Banana_70447 🇪🇬

منذ أسبوع واحد

شعور محبط

عبّر عن شعورك بشكل مجهول

اسف الموضوع طويل شويه 🙏😓..
 انا عمري ٣٢ سنه خلال السنين دي حياتي كانت عاديه جدا بس انا من ٢٠١١ لحد وقتنا هذا معرفش السنين دي مرت ازاي ولا عدت امتي مكنش مستوايا ف الدارسه الطالب الفز ولا حاجه بس كنت بعمل اللي عليا قدر استطاعتي وقدراتي اتخرجت ٢٠١٦ من هندسه خاص وخلال خمس سنوات الدراسه مكنتش مهتم بحاجه غير دراستي وبس كان يومي م بين معهدي وحضور محاضراتي وسكاشني واخر اليوم اروح يدوب اكل ان قدرت وانام علشان تاني يوم وهكذا الي ان كرمني الله وقدرت اخلص دراستي ف خمس سنوات فقط بعدها عيشت اصعب فتره ف حياتي وهي اني الاقي شغل واقدر اندمج ف سوق العمل ودورت كتييير و نزلت اقدم cv ف مصانع وشركات بس للاسف محالفنيش التوفيق ف اني اقدر الاقي حاجه احبطت فتره لدرجه اني كنت ببكي بيني وبين نفسي لاني مكنتش احب يبان ضعفي او يستعطفني احد مع اني كنت ف امس الحاجه لحد يرشدني ويوجهني اعمل ايه بس بردو مكنش ف حياتي الشخص ده وفضلت اعاني سنتين من وقت م اتخرجت والسنه التالته اشتغلت ف شركه اجهزه طبيه اينعم مكنش ليها علاقه لا بتخصصي ولا ميولي بس لمجرد اني احس ان ليا دور ف الحياه واحس بقيمتي ف المجتمع وكان نظام الشغل كل يوم ف محافظه غير التانيه شهريا دخلت المستشفيات والمراكز الطبيه وكنت بشوف حالات مرضيه كانت بتاثر عليا جدا شوفت فيها قد ايه الانسان ضعيف فما بالكم بقي لو ضعيف ووحداني اشتغلت سنه ف الموضوع ده الي ان كرمني الله بالتعيين في شركه بترول كان والدي بيشتغل فيها واللي كنت بدعي ربنا دايما اني اقبل فيها ووقت م اتصلوا بيا الدنيا مكنتش سيعاني من الفرح وكنت بحس ان قلبي بيتنفض من الفرحه وقد ايه ربنا وقف معايا واستجاب لي وكتبلي ده اتعينت ٢٠١٩ ولمده سنتين اشتغلت ف اداره HSE وكنت مبسوط جدا وفرحان في بيئه العمل وسط زمايلي الشباب وان كلنا تفكيرنا قريب من بعضه لحد م اتفاجأت بنزول قرار لنقلي لحقل تاني واداره تانيه جديده بشكل عام ف الشركه وجديده عليا لكن رضيت بقدر ربنا ليا ومن وقت م نفذت القرار ده روحت موقع معرفش حد فيه ولا حد يعرفني و اغلب الموجودين ناس كبيره عقليه وتفكير تاني عقليه وتفكير الموظف الروتيني البحت يوم بيتكرر دون تغيير اي شي واللي حسيت بملل واني مش شايف اي هندسه ف ادارتي الجديده ولا حد فاهم حاجه عنها سواء التيم الموجود ف المكتب الرئيسي ولا حتي زمايلي ف المواقع التانيه حصلي ضغط نفسي رهيب اللي هو حاسس بتوهه كده لا انا فاهم اللي بعمله ولا عارف مفروض اعمل ايه ولا ايه المطلوب مني اعمله ولا اللي حوليا فاهم انا ايه دوري ولا افيدهم واضيف لهم ايه اذا كنت انا نفسي معرفش وفضلت اواجهه الضعط ده سواء من نفسي او من الناس اللي تقعد تسال انت بتعمل ايه ع طول قاعد ف المكتب وباصص ف الجهاز وجو التريقه ده ومكنتش بعمل غير اللي يطلب مني حتي لو مش مقتنع بيه لمجرد احس اني بعمل حاجه او ليا دور ف مكاني لاني حابب اضيف للمكان وحابب المكان كمان يضيفلي لكن الاسف ده محصلش لحد دلوقتي غير تاثيره السلبي عليا بسبب البيئه السامه اللي انا موجود فيها لا الناس اللي فيها نفس دماغي ولا انا زيهم ولا عارف اندمج معاهم ولو حاولت اندمج مبكونش مرتاح و يومي من المكتب للسكن ومن السكن للمكتب ولحد يومنا هذا نفس الوضع ومبقتش عارف اعمل ايه … وموخرا بدات اني ادور ع شريكه حياه تكون ليا كل حاجه الصديق والزوجه والداعم ليا وتقف جنبي روحت صالونات معجبنيش حد وزهقت منه لاقيته كله مجاملات اضطريت اروح للسوشيال ميديا للاسف قابلت كذا بنت واتعرفت عليهم بس بردو ملقتش اللي انا عايزه وده خدني فتره ف طريق التسليه واني اقضي وقت مه اللي اكلمه وخلاص واني اعمل علاقه ف الفون معاهم لحد م اتعودت ع ده قولت لا انا لازم ارتبط بجد واعيش ده بالحلال مع حد قلبي يختاره وقد كان اتعرفت ع بنت من خلال والدتها من جروبات الزواج ونزلت قابلتهم من نفس المحافظه واعجبت بالبنت وارتحت ليها وروحت البيت واتفاجأ بانها تقابلنا مكشره قدام اهلي ومتكلمتش ولا كلمه ف الزياره و ده خلي اهلي يقفلوا منها ويقولولي انها مش زي المواصفات اللي انت عايزها ولا زوقك خالص بس انا فعلا كنت مرتاح لها جدا وحسيت ناحيتها اللي محستوش مع حد من اللي كلمتهم قبلها وفضلنا نتكلم لشهرين تقريبا نبعد ونرجع نزعل ونتكلم من وقت للتاني وخرجنا مع بعض اكتر من مره بناء ع طلبها منها انها حابه تقعد معايا وتشوفني وعاملتها بكل وضوح وصدق سواء ف مشاعري او حياتي قبلها وعرفتها كل حاجه عني لمجرد اني كنت بقولها اللي محدش يعرفه عني ولا عمري قولته لحد لمجرد اني ارتاحت معاها مكنتش بزهق من صوتها ولا من القعده معاها وكنت احب اني ابص لها كتير ومزهقش الي ان حسيت بعد كده اني مطالب بتبرير كل حاجه بقولها واتفاجأ بكلام غريب منها زي احترم نفسك وانت بتكلمني واتكلم معايا باسلوب احسن من كده وتحذف الصداقه وتعمل بلوك وبعدين ترجع تبعت تاني وحاجات من دي لحد م قررت اني اقولها كفايه م بينا لحد كده لاني مرتحتش بالعلاقه دي مع ان قلبي ميال ليها جدا 💔💔 … حذفت الرقم وبقالنا دلوقتي اسبوع مبنتكلمش ومتاثر نفسيا جدا من التجربه دي لاني كنت بتعامل بصدق وصراحه ومشاعري ناحيتها محستهاش مع حد لاني كنت صعب احسها مع حد لا انا قادر ابعت لاني كده هكون بقلل من نفسي وكرامتي و لا انا قادر انساها او اتجاوز ده و كل شويه ادخل تليجرام وتروكولر واشوفها فتحت امتي 💔💔 وقلقان اني ملاقيش اللي احس معاه بكل ده تاني ومش عارف اعمل ايه ونفسي احب واتحب بجد مفتقد مشاعر كتير عايز اعيشها مع حد يستاهل ويعوضني عن صبري ده كله وبس مش عارف ازاي الاقيه ولا اعمل ايه !!!؟؟💔💔💔💔💔💔💔💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_65522 🇪🇬

منذ أسبوعين

شعور مرتبك

موضوع:

إزاي العلاقات السامة بتسرق منك نفسك؟

علاقتي مع مراتي كانت توكسيد بوظتلي حياتي حرمتني من أطفالي بقيت حاسس بوحده بقيت عايز اعرف واحده تديني مش تاخد مني نفسي الليلادي اكون مع بنتةجميله رقيقه نسهر للصبح في حضني لو واحده تعمل كده معايا مش هنسالها ده ابدا

Marshmallow_73957 🇪🇬

ليه بقت شخصيتي انعزالية وبحب الهدوء؟

الاول كنت شخصيه اجتماعيه فرفوشه بحب الإختلاط بالناس وبحب اتكلم كتيييييير مع أيوحد ولكن من فتره طويله وانا بقيت بفكر كتير في الانعزال.. بحب الهدوء .. بحب اقعد لواحدي .. بحب الليل ... كلامي بقا قليل مع الناس اللي بحبها ..يمكن واحده تانيه غير بتاعة زمان .. ف أي ممكن يغير الشخص دا للشخص دا بالسرعه دي ؟ ...عرض المزيد

0 الدعم

0 نصيحة

Lemon_73243 🇪🇬

رفضت اخد بنت اخويا الرضيعة واتقمصوا مني!

النهارده حنة بنت ابن عمتى.. واخويا ومراته عايزين يروحوا وياخدوا امى معاهم وعايزين يسيبوا معايا البنت بنتهم عندها 4 شهور معايا لحد ما يرجعوا... حقيقى اتعصبت هو انا البيبي سيتر بتاع الست هانم ما تاخد بنتها معاها ف الحنه او متروحش وتقعد تشيل بنتها 😒 هى يعنى لازم تروح حنة بنت ابن عمة جوزها مثلا ؟! انا رفضت وطبعا اتقمصوا يكش يولوعوا بجاز وسخ ________________________________________________________________________________________________________________________________________________________________________________________________________________________________________________________________________________________________________________________________________________ ...عرض المزيد

1 الدعم

5 نصيحة

Pineapple_60236 🇪🇬

الأمان هو السر ورا كل حاجة بنعملها

الأمان هو السر ورا كل حاجة بنعملها لو ما حسيناش بالأمان مش هنعرف ناكل ولا نشرب ولا ننام لو ما حسيناش بالأمان مش هنعرف نضحك ولا نحكي ولا نسمع الأمان دايما حاجة لونها أبيض بتخلينا نشوف بوضوح من غير ما نخاف من حكم حد ولا من نظرته لينا الأمان بيخلينا نعرف نفكر كويس نعرف نعبر كويس عن كل حاجة عن رغباتنا واحتياجاتنا عن أحلامنا وطموحاتنا حتى عن رفضنا الإحساس بالأمان مش رفاهية ممكن تبقى عند حد وحد تاني لا.. الإحساس بالأمان حق مشروع لكل كائن حي.. بقول كائن حي مش بس إنسان احنا مش أسياد الأرض ولا حاجة احنا زي كل حاجة موجودة ومتناغمة وعايشة في سلام لو ع القوة فالجبل أقوى مننا لو ع الذكاء فالناموسة والنملة أذكى مننا لو على أي حاجة مميزة فينا فهتلاقي حاجات كتير بتشاركنا الميزة دي وتغلبنا كمان.. بس الإحساس بالأمان دا هو أكتر حاجة بنحتاجها عشان نعرف نتحرك ونعرف نعيش.. الضعف كمان جزء مننا وجزء من كل حاجة في الدنيا.. الحيوانات بتعلمنا الحكاية دي تشوف ازاي بيتعاملوا مع الضعيف تنبهر الحقيقة.. بيحضنوه ويستوعبوه، مش بيعايروه ولا بينبذوه الحيوانات فاهمة إن الضعيف دا مش ذنبه إنه ضعيف وفاهمة إن ضعفه دا مش مبرر عشان نسحب منه الأمان.. اللي عنده أمان عنده قوة اللي عنده أمان عنده بصيرة اللي عنده امان عارف الحقيقة اللي عنده أمان ربنا بيحبه والناس بيحبوه.. انا شخصيا قررت إني هبدأ بنفسي من النهاردا هوزع الأمان على كل حاجة، هحاول أحب نفسي أكتر وأحس بالأمان اكتر.. هقبل عيوبي وعيوب الناس.. هقبل ضعفي وضعق الناس.. مش هحكم على حد بحاجة ولا هبص لحد بعين انتقاص مهما كان موقفه ومهما كان هو بيعمل ايه معايا، مش ذنب حد أي حاجة.. هوزع الأمان هسمع الناس هحضنهم هحس بيهم هحبهم.. ...عرض المزيد

1 الدعم

1 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع